رجع الخي - سلام أبو آمنه

مع  السلامة وين رايح _ سناء موسى


يا يما (يا أمي) حس (صوت) الفرح في دار الأخوالِ…. يما رماني الهوى وغيّر لي أحوالي
ضلّيت (ما زلت) أدوّر (أبحث) على الأجواد (الكرماء) تا ألاقيهم (حتى أجدهم) …. يما رماني الهوى جوا (داخل) علاليهم (بيوتهم المرتفعة).  


01 Tulbah (Proposition) طلبة

ع الدّوم خيّا ع الدّوم
شو جاب مبيرح لليوم
ومبارح بكت شَرِد "يعني حر،حم،شوب"
واليوم مطر وغيوم
ع الدّوم دمني ودمك
يجمع شملي مع شملك
تمنيّت عمري وعمرك
قاصر علي دايم دوم
ع الدّوم يا ابو نايف
يا ابو خدود النظايف
والليلة عندك ظايف 
علل وأسايغ للنوم
..
خيّال وين مغرّب
ميّل وتريّح عنّا
لأفرشلك فرش الحرير 
وأتخضّبلك بالحنّة
خيّال وين مغرّب 
ميّل وتريّح عندي
لأعملك كاسة شراب
سكّر مع تمر هندي
..
خيّال وين مغرّب 
نزلت عليك الشوبة
ميّل تنصبلك فيّة
بين النهد والثوبة"ي"
ع الدّوم
..
يا ريتني طيّارة
وأهدم دار المتصرّف
وامي واختي ما كبلت
ومرت أخوي كالت صرّف
..
ع الدّوم خيّا ع الدّوم
شو جاب مبيرح لليوم


Track 2 - ع الدّوم خيّا ع الدّوم

في الرابع عشر من شهر آب، اجتمعت فلسطين، كل فلسطين، في مركب واحد، لتزف العروسين، عرفات وليلى، والباسل الحاضر دوماً، ليصبح حفل الزفاف مظاهرةً شعبية بامتياز!

غناء فاتن كبها، وهتافات مهنّد أبو غوش.

اهازيج فلسطينية | زفاف عرفات وليلى | دمك دليلي يا باسل الأعرج

من يومي راسي مرفوع
وعنواني حفروه ع جبين
شعب محمد ويسوع
حطّوه في أرضك جنين

أسمر لوني وأخضر قلبي
زي مرج العامر بصحابو
حتحب ليني وحتحب صعبي
مشرّعة بالسما بوابو

قُلّي وين حامل حالك .. ورايح على بلاد الله 
فلسطيني ما بينسى أصلو .. من حيفا لرام الله

وين ع رام الله .. وين ع رام الله
ولفي يا مسافر وين ع رام الله
ما تخاف من الله ما تخاف من الله
تاركني ورايح وين ع رام الله
وين ع جنين وين ع جنين قلّي ولفي يا مسافر وين ع جنين
شوقي وحنيني شوقي وحنيني باين بقليبي
......
لو طبعوا بالغربة جوازي
ما بنسى أهلي ولا ناسي
جنين تنادي لحتى
يضل بالسما معلّا راسي

يا ظريف النظرة .. يا ظريف القول
لما تطلع هالقمرة .. غنّيلي ظريف الطول

يا ظريف الطول قلبك شو حنون
الأرض وسماها بين الجيم والنون
يعني يا ظريف سافر كلّ الكون
بس أحمل جنين فيك و ودِّنا

جيم الجمرة الجلّت جابت
جيل بمجدو جلّ جبينو
نون الناس النبتت نجمه
إن نادا النايح انعينو
ياء اليحزن يوم ينادي
ييجو يواسو ييجو يعينوا

نون النبي الـ نام بنسمه
نحميها من ندّ نهينو

مهما بعدو ونسيونا .. ومهما غابو الـ حبونا
ونسيو حتى يغنونا .. يغنو عَلى دلعونه

على دلعونه وعلى دلعونه
من كمي يطلع ورد وحنّونا
ولما المخيم يتغير لونا
بيضلو أبيض بنضلنا عونا

______
فرقة إلى القدس

Jenin | يا ظريف الطول - وصلة تراثية - جنين

هنا زغاريد فلسطين، معجونة بتراب الأرض وكرامة أهلها.. تتعالى في زفة الشهيد  والعريس على سواء.. تلعن العدو ألف مرة وتصفق للفرح مرات

المزج من إعداد محمود أبو ندى

01 Tulbah (Proposition) طلبة

H. B.

Recent comments

Hiba Hosari

User 595740789

laila~

Related tracks