وهج الحرية
كلمات: حسين محمد عوض
الحان واداء : ابوعركي البخيت


يا شمس انتي لازم لازم تشرقي
الشعب متضايق الحقي
كيف حيصبر اكتر من كدي
يا حريتو هسه .. يا كمان اصليهو أحرقي
يا شمس لازم .. الظرف حاسم 
الجوه قاتم . والشعب كاتم
حريتو عندو أهم شي
*********
يا شمس انتي لازم لازم تشرقي
الشعب متضايق الحقي
كيف حيصبر اكتر من كدي
يا حريتو هسه .. يا كمان اصليهو أحرقي
*********
الشعب صامد وما انحني
جواهو ثورتو كامنه
السودان مكانتو اعز من الجنــــا
حريتو حقتو .. لازم انحن نأمنها
******
يا شمس انتي لازم لازم تشرقي
الشعب متضايق الحقي
******
وحدتنا مين المزقها ..
عطل تفاصيل الحياه وكل المنافذ اغلقها
البلد مشدوده من اركانها الاربعه
 والوسط فيهو ضجه وزعزعه
والشعب غضبان وروحو ديمه محرقها
******
يا شمس انتي لازم لازم تشرقي
الشعب متضايق الحقي
******
يا شمس لازم .. الظرف حاسم
 الشعب قادم .. حيظل مصادم
حريتو يوم تتوهجي
******
 يا شمس انتي لازم لازم تشرقي
الشعب متضايق الحقي
كيف حيصبر اكتر من كدي
يا حريتو هسه .. يا كمان اصليهو أحرقي

Yassir Ali

Popular tracks