Is Karam ka karun shuker kay say ada

اس کرم کا کروں شکر کیسےادا
جو کرم مجھے پہ میرے نبی نے کیا 
میں سجاتا تھا سرکار کی محفلیں
مجھ کو ہر غم سے رب نے بری کر دیا
لمحہ لمحہ ہے مجھ پہ نبی کی عطا
دوستوں اور مانگوں میں مولا سے کیا
کیا یہ کم ہے کہ میرے خدا نے مجھے
اپنے محبوب کا امتی کر دیا
جو بھی آیا ہے محفل میں سرکار کی
حاضری مل گئی جس کو دربار کی
کوئ صدیق ،فاروق ،عثمان ہوۓ
اور کسی کو نبی نے علی کر دیا
ذکر سرکار کی ہے بڑی برکتیں
مل گئیں راحتیں ،عظمتیں ،رفعتیں
میں گناہگار تھا ،بے عمل تھا مگر
مصطفیٰ نے مجھے جننتی کر دیا
میرے شاہ مدینہ کی کیا بات ہے
ان کے در سے ملی سب کو خیرات ہے
صدقے جاؤں نیازی میں لجپال کے
ہر گدا کو سخی نے سخی کر دیا
صلی اللہ علیہ وآلہ وسلم 

Is Karam ka karun shuker kay say ada

Farhan Younus Khan