الغدا اللي بلا نار يجيب لأهله الفضايح

انا قولت يا دنيا لازم اوضع بيني و بينك حد.. قالت انا الغرورة اللي مادمتش في يوم لحد وكل واحد ياخدله يومين و اهو ماشي

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

شبابيك الحلو - عدوية

جرحها الزمن وانا جرحتني العيون(MP3_160K).mp3

صحصح يا معلمة - أحمد عدوية - فيلم المتسول

منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا

من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع


ولفين ياخدنا الأنين
لليالي ما الهاش عينين
ولفين ياخدنا الحنين
لواحةالحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين

ليالي الحلمية - كلمات سيد حجاب .. أداء محمد الحلو

اتفضل قهوة  .. عمر الجيزاوي

ونبى يا غزال حوش طرف الشال يُطرُف عينى ... دا حرير ف حرير من النسمة يطير عينى يا عينى ... عينى يا عينى على طرف الشال ... أرحم يا غزال // من تراث السمسمية البورسعيدى ... فرقة الطنبورة

ونبى يا غزال - سمسمية بورسعيدى - فرقة الطنبورة

أه يا لالى  يالالى يا لالى ... يا بو العيون السود يا خلى .... أه يا لالى  يالالى يا لالى ... خليك على كيفك تملى // من تراث السمسمية البورسعيدى / فرقة الطنبورة  

يا بت جملك هبشنى - ابن عروس

Farouk Hassan

Recent comments

سيد حسين

عطية جمال احمد

Taha Teleb

Youssef Mahmoud

Related tracks