Test

പ്ലാസ്റ്റിക് പൂക്കള്‍
------------------

നീപറയാറില്ലായിരുന്നോ നിന്റെചിരികാണാന്‍ എന്തുരസമാടാ എന്നു...നിന്നോട് സംസാരിച്ചിരിക്കുന്നത് തന്നെ മധു നുകരുന്നത് പോലെയാണെന്ന്... നിന്റെ കണ്ണുകളില്‍ പോലും ചുണ്ടിലെ ചിരി പടരുന്നുണ്ടെന്ന്....

അതോക്കെയോര്‍ക്കുമ്പോള്‍  എനിക്കിപ്പോള്‍ അത്ഭുതം തോന്നുന്നു...

എന്റെ നടത്തം ..ഇരുത്തം....കണ്ണുകള്‍....ചുണ്ടുകള്‍...

ഹോ... 

എന്റെ ശരീരത്തിലെ ഒരു കോശം പോലുമുണ്ടാവില്ല, നിന്‍റെ വര്‍ണ്ണനകള്‍ കൊണ്ടു കോരിത്തരിക്കാത്തത്...

നിനക്കറിയാമോ,   ചിലപ്പോള്‍ എനിക്കു തോന്നാറുണ്ട്, എന്നെക്കൊണ്ടു നീ വര്‍ണ്ണിക്കുന്നതു  കേള്‍ക്കാന്‍ വേണ്ടി  മാത്രമായിരുന്നോ  ഞാന്‍ നിന്റെയരികിലെത്താന്‍ കൊതിച്ചിരുന്നത്‌ എന്ന്.. 

ഛെ!! എന്നെത്തന്നെ കുറ്റം പറഞ്ഞാല്‍ മതിയല്ലോ... 

നീ പിരിഞ്ഞതില്‍ പിന്നെയാണല്ലോ എനിക്കിതൊക്കെ ആലോചിക്കാന്‍ തന്നെ നേരം കിട്ടുന്നത് ! 

കണ്ണുള്ളപ്പോള്‍ കണ്ണിന്റെ വിലയറിയാതെ പോയ ആ വിഡ്ഢിയുടെ വേഷം ഏറ്റവും നന്നായി ചേരുന്നത് ഇനി എനിക്ക് തന്നെയാവും അല്ലേ...

അതൊക്കെ പോട്ടെ.. 

നിന്നോടൊരു സങ്കടം പറയാനാണ് ഞാനിപ്പോള്‍ വന്നത്.....

നമ്മള്‍ അന്നു പോയിരിക്കാറുള്ള  ആ പൂന്തോപ്പില്ലേ...പതിവു പോലെ അതിക്കുറിയും പൂത്തു നില്‍പ്പുണ്ട്...നിറയെ പൂക്കളാണ്.. ചുവപ്പ്.. മഞ്ഞ....വെള്ള....റോസ്..

ആ പൂന്തോപ്പിലെ പൂക്കള്‍ക്കൊന്നും ഇപ്പോളാ പഴയ ഗന്ധമില്ല...പരിമളം ഒട്ടുമേയില്ല...

എനിക്കാകെ സങ്കടമായി.. 

ഞാനാ പൂന്തോട്ടകാരനോട് ഈര്‍ഷ്യയോടെ ചോദിച്ചു, എന്തു പറ്റി നിങ്ങളുടെ ചെടികള്‍ക്ക് എന്ന്.  ഈ പൂക്കള്‍ക്ക്, ഇതിന്‍റെ പരിമളത്തിന്,  എന്റെ ഹൃദയവുമായി വല്ലാത്ത അടുപ്പമുണ്ട് എന്ന കാര്യം നിങ്ങള്‍ക്കറിയാമോ എന്ന്.. 

നിനക്കറിയാമോ ആ ചെടിക്കാരന്‍ എന്താണു പറഞ്ഞതെന്നു ? ! 

ആദ്യം അയാളെന്നെയൊന്നു തുറിച്ചു നോക്കി...പിന്നെ ചോദിക്കുകയാ , തന്‍റെ മൂക്കിനു വല്ല അസുഖവും ബാധിച്ചിട്ടുണ്ടോയെന്നു ...

ആഹ്.. അല്‍മിത്ര...എനിക്ക് വല്ലാതെ സങ്കടമാവുന്നുണ്ടെടാ... 

എന്താ കാര്യം എന്നറിയാമോ ... 

നീ പോയതില്‍ പിന്നെ ആ പൂക്കളുടെ ഗന്ധമൊന്നും എനിക്കു അറിയാനാവുന്നില്ലെടാ... 

വേറൊന്നും കൂടി കേള്‍ക്കണോ നിനക്ക്!!! 

ഒരിക്കല്‍ ഞാനൊരു പൂ തൊട്ടു നോക്കി... ഞെട്ടിപ്പോയി...ഓടിപ്പോയി മറ്റൊരു പൂ തൊട്ടു നോക്കി...

എല്ലാം പ്ലാസ്റ്റിക് പൂക്കള്‍ പോലെ ...ഒന്നിനുമില്ല ആ പഴയ മാര്‍ദ്ദവം...

ഏഹ്...

പൂക്കള്‍ക്കു  മാത്രമല്ലല്ലോ അല്‍മിത്ര...എന്റെ ചിരിയും, മിണ്ടാട്ടവും, ഇരുത്തവും, നടത്തവും,കണ്ണുകളിലെ കുസൃതിയും , ചുണ്ടുകളുടെ മന്ത്രണവും എല്ലാം ഇപ്പോളോരു ആത്മാവില്ലാത്ത പോലെയാണ് ...

എന്തിനും ഏതിനും ഒരു പ്ലാസ്റ്റിക് ചുവയാണ്...

ജീവനില്ലാത്ത പ്ലാസ്റ്റിക് പൂക്കള്‍ പോലെ കാണാന്‍ കൊള്ളാം എന്നേയുള്ളൂ... ഒന്നിനും ഒരു ജീവനില്ല..

നീ ഇതൊക്കെ കേള്‍ക്കുന്നുണ്ടോ അല്‍മിത്ര... ...ഏയ്... അല്‍മിത്ര ...???
By : Fasil Shajahan https://www.facebook.com/fasilfasil

പ്ലാസ്റ്റിക് പൂക്കള്‍

We are living in a world where celebrations are separated based on religions and even people hesitate to greet each other during the occasion of festivals, nowadays.  In such a period, with an aim to bring the human minds in a single cord, Pattukkoottam of Doha is  released Onam Song in Mappila Verses, shortly. We are trying to reproduce an Art form of Hinduism in Muslim background, just like Mappila Ramayanam, through this song.

Marhaba Maveli Song

song available: https://soundcloud.com/fasil-shajahan/marhaba-maveli-song

Marhaba Maveli Karoake മര്‍ഹബ മാവേലി കരോക്കെ

പേപ്പട്ടി: തിരുവനന്തപുരം കലക്ടര്‍ ബിജു പറയുന്നത് കേള്‍ക്കൂ .