WWW;wYDADFOOT,MA 09 - AMIGO

هي الزحمة ، الهبلة والمحنة  
هي الورقة إلي قد ماتتعبى عمرها ما تفنى 
هي شمس قليبية كي تتفكرها في عز الصيف
هي مخطط مقدس سْلِمْ مالتحريف
هي الحوتة إلي تذِمْ في عوض ما تِتَاِكِلْ
هي إلي تخاف لا تهبل حتى كان مخها أصلا مش عاقل
هي مشهد هزلي مش كامل هي ساعد البناي وهمة العامل
 هي الخوف
خوف مالصاحب المرخوف من صاحب كلامو كلو حروف 
مطربتهاش به واو العاطف والمعطوف
خوف مالصاحب إلي معندوش صاحب 
إلي عمرو مايعاتب 

 
هي أول كلمة منطوقة عالخواء
هي بارودة صياد غفلت على حمامة في السما
 
هي الحال إلي مِتْبَّدِلْ
إلي كل ما يميل تستقوى عليه بش يِتْعَدِّل ْ
هي المحبة إلي على قد سِعَةْ القلب تِتْكَّيِلْ 
هي حزام الطفلة المزيانة إلي على إيقاع دنيتها تمَيِّلْ
هي زبد الموجة إلي تُحْضِنْ الشطوط
هي اخر النور قبل مايتسكر التابوت
الفرصة الأخرة قبل مايفوت الفوت
 
 
هي الحقيقة المُوجْعَة في وراق محمد شكري 
هي صوفية لفكرة في أبيات لحلاج
هي إلي تِتَّنْفَضْ كي تسمع شفايف تحكي عِِبْرِي 
هي الورقة الفاضلة بعد كل تِيرَاجْ
 هي الخير المخُبِّي 

شطر الكاس المعبي 
هي الكلمة الزايدة من فم المتربي 
هي النوم إلي في جفن الفايق يكَبِّي
 
هي مربع و ترفض نكون دايرة  
أربعة تراكن في كل تركينة فما مرا حايرة 
هي الساكنة في الطابق الثاني ...
ومع كل شمس متسرسبة الصباح تدعي من قلبها للفتاح " نَسِّينِي ليوم في عنواني
كي نجي مروحة منعرفش نرجع لحيط هالدار إلي كواني
ولا... نرجع.. ومانلقى حد ..
ويِِكْبِر عالنقبة المفتاح ونفرح ..نمشي ونقول بيني وبينو السماح 
خليني نسرح
نمشي في شوارع نستخايلها مسرح 
نرى قدامي كراسي و جمهور بوجودي أنا مبهور
هي إلي تنسى لكلام الدوني ومتنساش إلي قالوا
هي إلي تقول الناس يغيظوني أما لكلام حروف مع الريح يتشالو 
 وترجع تزرع في حلمتها في طريق سراب
تخُطْ حكايتها خرافة في كتاب 
هي كمالة لخرافة
لا يقدر علها زمان ولاعنين العرافة
تستحلى كي تمشي بين الناس وتحس روحها ورق شفاف
عمرو مايتقرب ولا يتشاف 
هي لون وجهها قمح وعينيها بلون الطين السبلة مستفصرة وحتى غشها اصلو حنين
هي إلي تِتْحَمِّل ..تِتْجَّمِل ..وتكمِل ...وإلي مش موجود في الدنيا في مخها يِحْفِل كي تِتْخَّيِل وعلى دنيتها تِتْحَّيل ..بش تعيش.. وتِنْبِت فوق ضهرها جوانح ريش ...اطير وتخزر للي حبوا يطَيْحُوهَا تقلهم "انا بيكم محشتيش" وتِتْلَّفِت لدنيا وتقلها "قتلك ألف مرة راك متنجمنيش أنا خاطرني نحبك ونحب ناسك نحب نعيش وكي نموت اكتبوا على قبري عشت و في هم الدنيا مهمنيش"

(الجرح يبرا يا جبرى  (  حكايات العروي

Entre Scènes et Terres

Idir - Tizi Ouzou

Idir -Avava Inouva

سعيدة فكري -  جبال الريف - Saida Fikri - gebal al ref

ALBUM IMNAYEN

IMNAYEN

Hareem Al Sultan - Night

موسيقى حزينة مسلسل أولاد مفيدة

Remake Soolking et Cheb Mami - ça fait des années

Soolking feat. Cheb Mami - Ça fait des années (Remake)

Arabic - Ragheb Alamah and Faudel - Albi Ihtar

Mc Khaled aka Fnair فناير   Tarikh التاريخ

موسيقى حزينة مسلسل أولاد مفيدة

Fathi Tunis

Recent comments

Bandar Mazrawi

Related tracks