Pasensya na mahal, kung ako’y ngayon lang
Kayrami lamang na kailangang gampanan.
Hindi ko maiwan tungkulin kong pasan
May tawag ang bayang dapat kong tugunan.

Nais mang tumabi sa ‘yo ngayong gabi
Daraanin na lang sa awit ang aking dasal.

KORO:
Tulog na, o bunso ko 
Kumot mo’y pag-ibig ko


Bakit gano'n, nanay maghapon kang hintay
Pagdating sa bahay imbes halik, isang kaway?
Halik mo’y namimiss, yakap mo ay nais
Hindi mapipilit baka ako’y magkasakit

Gustong tumabi sa ‘yo ngayong gabi
Daraanin na lang sa awit ang aking dasal.

KORO:
Tulog na, o nanay ko
Kumot mo'y pag-ibig ko

Kumot Mo (Ferdie & Jairene Eusebio)

Kasama Mo (Sa Pagtanda)

Words & Music by Faust Ferdinand Eusebio

'Pag mata mo ay malabo na
at 'di mo 'ko makilala
Niluluto mo'y matabang na
dahil wala kang panlasa
'Wag na 'wag kang mag-alala
sa 'ki'y 'di 'yon mahalaga
Dahil ikaw o sinta
Sa pagtanda'y kasama ka

'Pag ang tenga mo'y 'di marinig
lambing ng aking tinig
At laging inuulit
Binibigkas ng 'yong bibig
'Wag na 'wag kang maiinis
Sa'yo ako ay lalapit
Isenyas mo o iguhit
ang gusto mo't iniisip

(At 'pag 'di ka makagalaw)
Sa t'wing ikaw ay kailangan
(Maghapon kang sasamahan)
Magdamag kang kuk'wentuhan
At kung 'di mo matandaan
ang mukha ko at pangalan
Kamay mo'y hahawakan
at tatawagin kang "mahal".

Kung ang uban mo'y litaw na
mga ngipin ay ubos na
Nanlalamig ang 'yong paa
at lagi kang may rayuma
'Wag kang mabahala
sa akin ka magtiwala
Dahil ako, o sinta
Kasama mo sa pagtanda


Kasama Mo (Sa Pagtanda) Mix

Uyayi: Himig ng Haraya

Music and Lyrics by Faust Ferdinand Eusebio

Tulog na bunso kong mahal
ipahinga ang munti mong katawan
Tulog na bunsong marikit
mga mata ay iyong ipikit

Marami tayong gagawin
sa iyong paggising
Maglalaro, magtatawanan
at mag-aaliw

Tulog na bunso kong mahal...

Uyayi: Himig Ng Haraya

Jaymee's wedding march. March 15, 2015, Kota Keluraga, San Juan, Batangas. 

faustus07