فرفور -حسن شرف الدين-رمية غصن الرياض

المنفى .. أبو عركي البخيت

دفر الغيم و خريفها مبدِّر
وادي الخير الشتلو مخدِّر
بت غرقانة تعوم في الصندل
عطبرة سيل في الدم متحدِّر
يا عطبرة ..أنا عاشقك ..
ناسِك .. و لطفك ,, و طيب اعراقك
مشدوه بيك و هايم فيك و بخافو فراقك
و أنا بتخيّل أي مدينه
نورها الشالع من إشراقك ..
يا عطبرة ..
تصبحي عافية و تمسي جميلة
و سحراً فيك أنا كم محنّي
يا ضامانا بحنان الأم
و رامية تياب السترة علينا
نحن الشِلنا الهم و مشينا
حسيناك في الغربة بكينا
يا الأديتينا القدرة نقاوم
في الأحزان و ظروفنا الشينة
و أصلو جمالك مهما ندّي
ما بنحلْ لي عطبرة دينها
..
- مدني النخلي
* من أعمال خوجلي هاشم الجديدة

يا عطبره .. كلمات مدني النخلي.. خوجلي هاشم

نصيبك أبا
كلمات و ألحان : حاتم حسن الدابي
...
محمد نصيبك أبا
قسمتها شالها غيرك
و الإله كتبها
***
كتير المعجبين بي دلها و أدبها
تاجوج في القرير فازت هي بي لقبها
قبلك قيس وراء ليلي الدموع سكبها
أرض الريد سقاها حوشها و زربها
ما دام النصيب وداها لي غربه
برضو هي بتنا و ما بندور كعبها
جاها الفي النصيب العجبتو و عجبها
إختارت براها ومافي زول غصبها
لو كان القسم باﻹيد هي مكتسبه
كنا نحقق الآمال زمن طلبه
وكنا نحقق الآمال زمن طلبه
****


نصيبك أبا.. خوجلي هاشم .. كلمات و ألحان حاتم حسن الدابي

بتدوري وين ..
كلمات : المرحوم تاج السر عبد القادر
ألحان : عاكف حسن عدﻻن
...

بتدوري وين تاخدي الغنا
بتدوري لي وين منتهاك
خايف علي من الضنا
حتي الشمس ترحل معاك

مكتومه في أعماقي أنا
مشايه زي طعم النعاس
تاتايه شايله الروح سنا
زي الصدي الصحي الحواس
***
كايس عليك هناك، هنا
في شرفة الشاطي الوديع
في زحمة الخوف و العنا
في رعشة الأمل الوديع
***

نصيبك أبا.. خوجلي هاشم .. كلمات و ألحان حاتم حسن الدابي

Fayrouz Omer