How have I not surrounded you with kindness, as long as I have known of you, all the photos of love, inspiration, life and meaning I have done on behalf of you! I asked of you to come to me so many times, I called out to your name daily and saying that I love you.  By you not coming to me I felt greatly abandoned. You pictures spoke love for me but how I have longed to hear your voice, do you not seek to hear mine? I want to show you kindness in person but I need you to create that opportunity for it to happen. Yes I want you, there is never a doubt in my mind. With love there comes forgiveness, love is the answer, love covers a multitude of pain.  I want so much more to give to you.  The times you may have felt abandoned I was still with you, I just either couldn't get to you when you needed me or that I struggled because of the hurt I felt of you not coming to me.  I need you and I want a life with you. Only by the pain that we have felt shows how much we care about one another that we mean so much to each other.  This is a feeling of being missed, you miss me as I miss you, and it is so easy to resolve this conflict of pain, the pain will end when we can finally hold each other in one another arms and see the beauty of love that is within our eyes. I want to hold you close and whisper in your ear and tell you everything will be okay, once you allow me to be within your grasp. I am reaching out to you waiting for you to grab hold of me.  I need you, I miss you, I love you. Love, Jaime <3

Show me that you love me, tell me that you love me, declare my name. Come to me my love.

انت فنان... تحياتي لك من مصر 

my fazza

كم عشقت الـمستحيل وكم ذخرت الإستحاله

لين صرت احجز مكاني في الصفوف الاوّليّـه

أعشق الخيل الأصيله ، لانّـها رمز الأصاله

فـي البلاد اليعـربيّـه ، والبلاد الأجنبيّـه

الهجن والطير والبحر وهل البر وْدلاله

والغلا والطيب والشعر بحروفه الابجديّه

والشعر حاله ، وانا شاعر أمر بألف حاله

من تواضع لى محبّه ، لا عدا لا عنجهـيّه

لا كـتبته .. أكتـبه من فكر ماهو من جهاله

شمس فكري ما تغيب وجمرة الإبداع حيّـه

للمحب احساسه الصادق ، وللشاعر خياله

يعزف احساسه على وتـر اللحون السامريّه

ذعذعت ريح الشمال وكن قلبي من شماله

لا جنوبه يشعر بريح الشمال الخارجيّـه

كلّه لعين الحبيب اللي ملك قلبي لحاله

واملكـه بعيونه السود وملامحه البريّـه

آتذكّر كل ما هب الشـمال وهز شـاله

والتوى من فوق عوده طيّةٍ من فوق طـيّه

وآتذكّر كل ما مال الغصن عوده لا ماله

فيه من ميل الغصن والغصن له منّه شـويّه

واتذكّر صبحه الضاحك ، وليله من خلاله

والجبين اللي مثل شمس الضحا عيد الضحيّه

واتذكّر .. لون خدّه كل ما ذكروا مجاله

وردتينٍ حمر فـي بستان ماهي مزهريّـه

واتـذكّـر بسـمـته ، دلـعـه ، رقَّـتـه وْدلالـه

وابتسامات الشفاه ونظرة العين الشـقيّـه

قبل ما يرحل ويتركني بلا علم ورساله

نرجسي وانا في حبّه ما عرفت النرجسيّـه

ويش اسوّي فـي حبيبٍ يحسبٍ قلبي حلاله

والـمصيبه قلبي مْوافق ونفسي له رضـيّـه

القضيّـه .. كيف احس بلهفته والاّ وصاله

يا قضاة الحب من يقدر على حل القضــيّه

دام اخذ قلبي من ضلوعي يدوّر لي بداله

وكان ما عنده بداله .. لازم يردّه علـيّـه

لا يخلّـيني بلا قلبٍ على العشّـاق عاله

إيعرفني ، نيّـتي وحده ماهي خمسين نـيّه

ان دله قلبه من الفرقا ، ترى ماني بداله

كيف ابا ادله من حبيبٍ بالغلا ما شفت زيّـه

لا يطوّل بالفراق ويعتبر وصله جماله

والجماله ردّها واجب على راع الحمـيّـه

نظرةٍ من عيـنه لعيني وانا واقف قباله

كافيه بانها تعوّض لـمسة يديه بيديّه

ان حصل منّي خطا ، مليون مرّه قلتها له

يخطي العبد ويتوب ويغفر الله الخطـيّه

كم مساحة كل بر وكم عدد حبّة رماله

وكم شجر غصون الارض اليابسه والاّ الطـريّه

وكم عدد من حج بيت الله وشد له الرحاله

وكم عدد من قال صلى الله على محمد نبيّه

بـعـــددها كـلّـها تـأسّــفـاتـي كـلّـها لـه

آسف آسف ، دام لي على التأسّف مقدريّه



Fazza Asef Asef-Fazza- آسف آسف - فزاع

الله خلق لي نفس تسـمو على البوح

ماهـيب لا ضاقـت من الهـم باحـت

على كثر ما شفت ضيقات وجروح

لا الوجه متغـيّر ولا العـين صاحت

أبـشـّرك .. بـشـارة الـروح للـروح

تـبي تطـيّحـني اللـيـالي و طـاحـت

هـذا أنـا والـوجـه باسـم ومـشـروح

وجهٍ بروقـه لمعـظم الناس لاحـت

كم محزم ٍ بنى على شـوفه صروح

وكم نفس من طارف عطاه استراحت

ألله وهـبـنا عـز و امجـاد و طمـوح

وذكـر ٍعـلى جـدران الايـّـام ناحِـت

هذي مراجل ماهي بضحك ومزوح

ماهي شموعي لا ضوا الصبح ساحت

الصـفح خصله والفخر ماله صـفوح

والحزن لا سيطر على الروح ناحت

بعض الجروح تجي لك شوي وتروح

وبعض الجروح ان جات ماعاد راحت

Fazza- Aljarooh- الجروح - فزاع

يتيـم فـاقد شـوفة امّـه من سـنين

وابوه مـات مْن القـهـر والتجـنّـي

ما شاف واحد منهم بْـنظرة العين

والحزن يهدم في الضلوع وْيبـنّـي

تـنزل دمـوعه من لحـون الـمغـنّـين

واهل اللحـون مْن السـعاده تغـنّـي

قالوا تمنّى ؟ قال ابا شوف الاثنين

كـانـه يفـيـد الـميّـتـيـــن التـمنّــي

يا كامل الأوصـاف ، يا نادر الزين

هذا شعـوري كل ما غبـت عنّـي

كيف آتقبّـل تعزية بُـعدك الشـين

وآشـوف عـذّالي تجـيـك وْتهـنّـي

دام الهجر والشـوق والحزن قاسيـن

لـيتـك علـينا يا حـبيـبي تـحـنّـي

يكفيك فـنّي عن فنون الـمحبّـين

كم مـرّه اسـتطربت والـفـن فـنّـي

كـنت آتـأنّى من فراقـك مـعي ليـن

طـوّلـت بفراقك ومـات الـتـأنّـي

وكان الخطا منّك ، مسامحك هالحين

وكان الخطا منّي ، وش تريد منّـي ؟

قصيدة "يتيم" - فزاع

حـبال صوتـك قامـت تقـطـّع حبال

لا طلّعـت نبرات صوتـك حزيني

والناس تشكي حالهم قبل الاحوال

تـشـكي مـن الايـّام واللـوم فـيـني

تعـال تبغي جـزال في ليـلك جـزال

آمـر ويدعـمـك الـولـه والحـنيـني

ما تدري انّي لا انثـنى فكري وقال

رفعـت سوق اهل القصيد الثميني

إلى نقـشـت حروفها نقـش تمـثـال

رسـمت فـيها من تجـارب سنـيني

وخلّـيتك الفكرة وفصـّلت الامـثال

على طريـق الوصل بيـنك وبيـني

أدلّـلـك بالشـعـر تـدلـيـل الاطـفـال

وآضـمّـك بقـلبي وعـقـلي وعـيني

بيني وبين مواصـلك عـدّة امـيـال

مـدري تبـي فـرقـاي والاّ تبـيـني

أقـول لـدروبـك لو دروبـك طـوال

بامـشـيك دام ان الـوفـا يحـتويـني

لكـن لا تــدوّر بـدالــي وتـحـتــال

ما دامـني شـاريـك يا مـشـتـريـني

ما كـل رجّـالٍ يـعـيـضـك بْرجّــال

هـذا مثــــل قـالـوه لـي الاوّلـيـنـي

Fazza - 7baal Sotik - حبـال صوتـك  -فزاع

على عيــوني غمــــامة حــــزن تــمطر هموم

ولا انبتت في خفوقـي غير عشــــب الزهر

والحــــــال هـذا لو يطـــول معاي و يدوم

أخـــــاف يـــــــزرع بســاتين ويكــون نهــر

يا سارقة من عيون المحب حـــمدان نــوم

الليــل رجَع علي النــوم .. ليه السهـــــــر 

ليه السهر دام قلبي من غــــــلاك مــحروم 

وأنــا في حبك أذوب وعاشــق ومنبهـــر

العـــام كــنت أســـتلذ الشــــوق في كل يوم

واليـــــوم ماغيــر مـرة واحــــدة في الشهــر

تــــروم تـــــزعل علي لكن أنــا ما أروم

لآيمكـــــن أزعــــلك فــي ســر و الا جهـــر

جمالك المحتـشم خــلاك شخص محشــوم

و عفــافكـ النادر يزيدك في عيني طهــر

مثل القمر نور وجـهك في الظلام الكتوم

واذا تبسمــت مثــــل الشمــس عند الظهــر

لـــو ان عمــري مُــــهر قربكـ أنا قبل أسوم

أنا اللـي بآســــوق العــمر لأجـــــلك مهــر

ولا تصير خصمي أنا ماني باهاب الخصوم

وشلون أهاب البشر  وأنا ما أهاب الـدهر

الله خلقني على الدنيا "حصـــــانٍ" عزوم

عسفني  محمـــــد المكتـــوم  وأنا مهر

لـــو الــنجوميـــة تــورَث عيــال النجــوم

من باب حب الظهور الشخص منهم ظهر

الشهـرة تغير العــــالم بوجـــه العمــــوم

لكن ما غيرت حمــــــــدان يوم اشتهـر


al shuhra - fazza- الشهرة - فزاع

لا تـغـرِّك ضـحْـكـتي .. والاّ اسْـلــوْبـي

أعْرف عْـزاز النفـوس مْن الـرديِّـه

كَمْ وفوا لي ناس وكَمْ ناس اغدروا بي

وْكَمْ كسَـبْت بْـطيب نـيَّه سـوء نـيَّـه

نـاس .. مِن كـثر المـخـَادَع ما تـْتـوْبي

وْنـَاس بـيْـضان وْصـدَاقـَتـْها نـديَّـه

وْناس ٍاغلتـني ، وناس اغـلت جيوْبي

وْنـاس ٍ تـْطـالـع ، ولـكـنـْها عـمـيَّـه

كل هـذا .. والـجــروح تـْزيـد صـوْبـي

والمـجَـامَـل والتـَّمَـلـُّـق والـخَـطـيَّـه

ما يغَـيـِّـر ضحْـكة الـوجْـه الشـحــوْبي

مَـد يـمـنى دوم ماهي مـوسـمـيَّـه

ودِّي انـِّي أعْـطـي الـمـحْـتــَاج ثــوْبـي

واعـطـي وَلا انـْتـظِــر رَدِّ العـطـيَّــه

ما اجْمَع العَـالَم وَلا اقـول اسْمَعـوا بي

نفـْسي مْن اطـْرَاء خـلق الله غـنيَّـه

في بـَعَـض الاشـيـاء أتـْقـَـدَّم وانـوْبـي

عَن بـني آدم جـمـيـع وْعـن بـنـيَّــه

سَـجْـــــدةٍ تـَغـْـفِـر بَـها كـلّ الـذنـوبـي

خـيـر مِن عـيْش الحـيَاه القـاحـليَّـه

وْيَا مْسولفْ بي على الطرْق الكذوْبي

عاقـَب الله من ظـلـَمْ نـَفـْس ٍ بريَّــه

وْيَا صحـيب الخيـر يامثـبِّـت طـنـوْبي

النصـيْـحَه روح الايـْمَـان الـقـويَّــه

الصَّحـيْح مْن العـيـوب اللي تـشــوْبي

قـوْلـَها في الـوَجْـه ، والنـيَّه مطيَّـه

بَـارك الله في مـن اهْــدَاني عـيــوْبـي

واشـْكرَه جـِداً على هـذي الهـَـــديَّه

Fazza - لا تغـرّك ضحـكتـي - فزاع

الضـايق اللي سـاريٍ لـيله ولا حَصَّـل طريق

تلـعــب به الايّـام بيـن يْـميـنهـا وشْـمالـها

يا غَـارقٍ بالهَم لا تطـلب نجاتك من غريق

الصبر مفـتاح الـفرج ، والـناس هـذا حالها

وانا ترى مَتني يشيل مْن الحِمِل ما لا يطيق

مالي ومـال الـحِـمله اللي كل كـتفٍ شـالها

والدلّـه اللي ماتـقهوي ضيفها ، قِل للبريق

يرسل تعـازي ضـوّها لا فاحت بْفـنجـالها

أيّامنا بين الشهر واليوم ، والباقي سحيق

الايّام كم يبغى لها ، والناس كم يبغى لها

قمريّة الأحزان لا غَنَّت على الغصن الدقيق

ما تْعـاتب الـمحزون لو غَنَّت وَلا غَنَّى لها

يا ناس وش حَل الرفيق اللي يعاتب له رفيق

لا حَدِّتـه الايّـام ، والدنـيا عـلى منـوالها

لا تحسب ان اللي تحبَّه لا جَرَحته ما يضيق

لو يسـتر جْـروحه عـليك وعِـلِّـتـه ما قالــها

يضيق لكن مَبْسمه ضَحَّاك وِحْجَاجه طليق

لان الصَّداقه كنز ، والحَسْـنَه بِعَشْـر امثالـها

والحقد في قلوب الرجال اهْل الوفا ماهو يليق

قـلـوبـها تبقى نـظـيفه .. لـو تـغَـيَّـر حـالـها

وانا لو ابني للصداقه جسر لعيـون الصـديق

الـناس من كثر الزعل ، فال الله وْلا فالــها

العـذر مايكفي من التـقدير ، والصدَّه تعـيق

الوصـل من بيـن الـقـلـوب اللـي تـمـد حْـبالـها

والالماس سِعره فوق سِعرك يالذهب لو لك بريق

سِـعره لـحَاله .. والذهب تسـعـيرته بلْـحَالـها

واهْل الجواهر يفرقون الكـهرمان مْن العقـيق

لو تخـلـط الثـنتيـن بنـتٍ فـي طَـرَف سلسالها

نَصبر على قَرص النحَل حتى نوصِّل للرحيق

واهل الهـوى يمسـح خطـاياها لـذيذ وْصـالـها

والـناس لاجـل آمالـها تحـتاج للفـهم الدقـيق

واللي ما تمـلك فَـهـم تخسـر نفـسـها وآمـالـها

جْبال الارض الشامخه يا منكر الـمجد العريق

هـامـاتنا من كـبر هـيبتنا ، تطـول جْـبالـها

جديـدنا مستـقـبلٍ زاهـر ، وماضـينا عتـيق

مسـيرة الـتاريخ يـبقـى مـجـدنا فـي بـالـها

لو ان حَـضارتنا قصيدة شـاعرٍ فكـره عمـيق

ما كان غير محـمد الـمكـتــــوم صـاغ امثـالها

Jisr alsadaqah- Fazza- جسر الصداقة- فزاع



سيداتي .. انساتي .. سادتي

انصفوني في تغطرس غادتي

واعذروني لاسكبت الدمع يا

سيداتي انساتـي سادتـي

حذروها من جنون اهل الهوى

واجبروها عن حكي نقادتـي

عن سعادة خافقي قولو لها

انها كانت سبـب سعادتـي

صارت الفرحة لها عادة وانا

الحزن والهم صارت عادتي

المدينه من بعد هجرانها

اضلمت , والشوق هز إرادتي

ذكريات الحزن في جدرانها

دمعه الحرمان فوق وسادتي

آه من ظلم المحبة وأهلها

سجلوا يا أهل الغرام إفادتي

وآه من حسادتي من بعدها

كيف عذري كيف عن حسادتي


Ansaty- Fazza - سيداتي .. انساتي .. سادتي - فزاع

من يوم حصّـل صـورتي فالجـريده

وهو يـداعـبـني بـسـلك ( التـليفـون )

صـوره بلـيّا صـوت هــزّت وريـده

يالله عسى ما يشوفني في التلفزيون

كل يوم مرسـل لي رسـاله جـديـده

عـنـوانها قــلـبٍ من الحـب مـحـزون

المشكله ما اعرف وش اللي يريده

و في كـل لـيـلـه لـه نـظــامٍ وقـانـون

يا اهل العـقول الواعـيات الرشـيده

لو انـّـكم ( حـمدان ) وش باتسوّون

لا قـلت له سـولـف بجـمـله مـفـيده

سولف ولكن دون معـنى ومضمون

وقاطـعـتـه بلهـجـه شـديده شـديده

عفواً أنا ما افهم وش تقول وش لون

حـقـيقه .. هو روعـه وفـعلاً أكيده

إنـّه حبـيب ويـسلب الـروح ويـمون

ياللي عـيونـك عـامـلت بي مكـيده

خصرك مع سحرك ولاسحر هارون

ومـنحـرك يـخـتال بجـمـاله لجـيده

والردف كن ابلـيس وابليس ملعـون

والفـذ ( حمدان ) المكارم رصـيده

وانته بـدون اخـلاق عادي يامزيون

خـلـّيت لك ذكـرى الغـرام السعـيده

واللي بقى جرحٍ ورى القلب مكنون

وكسبت لي مليون شخص بقصيده

وخـسرت لي واحـد شـريته بمليـون

والـجـرح الاوّل لا تـحـاول تـعـيـده

من دون ما تشرح لي الوضع من دون

Fazza - Ebless Mal3on - فزاع - إبليس ملعون

وين أنت ياللي كل ما قلت وين أنت 
حتى السؤال يقول وين الأجابه 
عامين ضايق و أنت لليوم ما بنت
هي حالتي بين الحزن و الكابه 
ليش أنت بعيون المخاليق ما شنت
في عين من حبك سرابه سرابه 
لولا الغلا يا صاحبي ما تمكنت 
صدر من الهجران صاير خرابه 
عود علي أنا أترياك لاهنت 
الحال واحد والظروف أتشابه 
إذا سألت تحبني قلت لي كنت
وأنا ابتسم من باب حب الدعابه 
وأن خنتني أعلم ترى ما بعد خنت 
ألا معك لكن خونت ذرابه 
خنتك مع طيفك بعد ما تيقنت 
أنك علي بعد الثرى و السحابه 
وأكبر خطأ محبتك وأنت ما صنت
حبا يخلده المشيب لشبابه 
تدري وآيش يغيض الرجل في هوى البنت 
أنه يعيش في واقعا ما درابه 
لكننا وش أنا وش أنت 
هذا السؤال إللي يبيله إجابه


وين أنت – فزاع

لاحـت نجوم السـما بعـيون ساهرها
عاشق يحب السكون ويعشق الظلمه
ياللي بحسـنك عـيون الـناس باهرها
سلّـم على خافـقـك ويكون فـي عِـلمه
الإنكــســـارات .. بـاذن الله قاهـرها
لا تعـتـذر ما أبي أسـمـع ولا كـلـمـه
ودّعـتـك الله .. كـلـمـة حـق جـاهـرها
أغضبت قلب الحليم اللي نـفذ حلمه
وفـاء الأحـبـاب بيـن الناس شاهرها
هذي سـلوم الهـوى للي جَـهل سلمه
يكـشف لنا باطـن العـشّاق ظـاهرها
يا الظالم اللي على قلبي طغى ظلمه
عن وصلك النفـس من عامين ناهرها
لا عاد طيـفك يجي للقـلب فـي حلمه
ويـعـيد فـلـم الـطـهاره عـند طـاهرها
حتى تـذوّبــه و اللى ذاب تـسـتـلـمـه
أهل الـمظاهـر ما تنـفعها مظـاهرها
خلاص طيفك من الهجر احترق فلمه

Film AlTaharah

فكّــر شـوّي
.
.
سَكّــر وكلّـم بَعَـد خَـمْـسة دقـايق

أنا مــزاجـي مــن زمـانـي تعكّـر

 

مـا ودّي آكـلِّـمِـك والـبـال ضايـق

والاّ تـرى مـا ودّي انّــك تـسـكّــر

 

وارجـوك لا تزعل يا سيد الخلايق

لا تــحـسـب انّي من غلاك آتنكّر

 

يالفايـق بـحسنك على كل فـايــق

يا مـجيّـرٍ بالـفكر وصـف المفكّــر

غـلاك يـجذبنـي بـكـل الطـرايــق

وصلك عسل ما خالطه أي سكّـر

 

حديثك الطف من نسيم الحدايق

يوم انبعث من بعد وسـمي مبـكّر

 

قال الله يسامـحـك ما فيه عايــق

بينــي وبيـنك فكر شــويّ ، فكّــر

 

صــوتي يخلّي ضايق البال رايق

نســيت ؟ والاّ ما تـريد إتــذكّر ؟

قصيدة "يتيم" - فزاع

Fazza Forum

Recent comments

Khaled Mohammed

Raymond Rabee

Anne Gonsalves

Ibrahim Altamimi

Related tracks