I listen your voice for sleep . I love your voice . I try to learn your arabic language . Love you honey fazza all my life. 

I think your poem so loving so sweet so romantic.... because you are a great poetry my Prince.

I pursued you for over a year and a half, you know this. No other way but to communicate through photos :( I have been left waiting over here to hear from you beyond the pictures within these walls. :( Seeing the attention given to others caused me deep pain within my heart. I don't have anyone else, my heart has always been for you, if you only knew how I felt when I saw your love given to the other girls. I keep a pure life and I do not look at someone for their outward appearance or for their stardom and riches. I thought what we have is true love... but again I have been waiting for you to come to me.

كم عشقت الـمستحيل وكم ذخرت الإستحاله

لين صرت احجز مكاني في الصفوف الاوّليّـه

أعشق الخيل الأصيله ، لانّـها رمز الأصاله

فـي البلاد اليعـربيّـه ، والبلاد الأجنبيّـه

الهجن والطير والبحر وهل البر وْدلاله

والغلا والطيب والشعر بحروفه الابجديّه

والشعر حاله ، وانا شاعر أمر بألف حاله

من تواضع لى محبّه ، لا عدا لا عنجهـيّه

لا كـتبته .. أكتـبه من فكر ماهو من جهاله

شمس فكري ما تغيب وجمرة الإبداع حيّـه

للمحب احساسه الصادق ، وللشاعر خياله

يعزف احساسه على وتـر اللحون السامريّه

ذعذعت ريح الشمال وكن قلبي من شماله

لا جنوبه يشعر بريح الشمال الخارجيّـه

كلّه لعين الحبيب اللي ملك قلبي لحاله

واملكـه بعيونه السود وملامحه البريّـه

آتذكّر كل ما هب الشـمال وهز شـاله

والتوى من فوق عوده طيّةٍ من فوق طـيّه

وآتذكّر كل ما مال الغصن عوده لا ماله

فيه من ميل الغصن والغصن له منّه شـويّه

واتذكّر صبحه الضاحك ، وليله من خلاله

والجبين اللي مثل شمس الضحا عيد الضحيّه

واتذكّر .. لون خدّه كل ما ذكروا مجاله

وردتينٍ حمر فـي بستان ماهي مزهريّـه

واتـذكّـر بسـمـته ، دلـعـه ، رقَّـتـه وْدلالـه

وابتسامات الشفاه ونظرة العين الشـقيّـه

قبل ما يرحل ويتركني بلا علم ورساله

نرجسي وانا في حبّه ما عرفت النرجسيّـه

ويش اسوّي فـي حبيبٍ يحسبٍ قلبي حلاله

والـمصيبه قلبي مْوافق ونفسي له رضـيّـه

القضيّـه .. كيف احس بلهفته والاّ وصاله

يا قضاة الحب من يقدر على حل القضــيّه

دام اخذ قلبي من ضلوعي يدوّر لي بداله

وكان ما عنده بداله .. لازم يردّه علـيّـه

لا يخلّـيني بلا قلبٍ على العشّـاق عاله

إيعرفني ، نيّـتي وحده ماهي خمسين نـيّه

ان دله قلبه من الفرقا ، ترى ماني بداله

كيف ابا ادله من حبيبٍ بالغلا ما شفت زيّـه

لا يطوّل بالفراق ويعتبر وصله جماله

والجماله ردّها واجب على راع الحمـيّـه

نظرةٍ من عيـنه لعيني وانا واقف قباله

كافيه بانها تعوّض لـمسة يديه بيديّه

ان حصل منّي خطا ، مليون مرّه قلتها له

يخطي العبد ويتوب ويغفر الله الخطـيّه

كم مساحة كل بر وكم عدد حبّة رماله

وكم شجر غصون الارض اليابسه والاّ الطـريّه

وكم عدد من حج بيت الله وشد له الرحاله

وكم عدد من قال صلى الله على محمد نبيّه

بـعـــددها كـلّـها تـأسّــفـاتـي كـلّـها لـه

آسف آسف ، دام لي على التأسّف مقدريّه



Fazza Asef Asef-Fazza- آسف آسف - فزاع

لا تعـاتـبني على مزحـي معـاك

وتـعـتـبـر مـزحـي وسـيـله للـجـفا

لو خطاي وْمزحتي كانت خطاك

كـان قـلـبـي يا حـبـيـبــي قِـد عـفـا

لان قلبي مطـلبه يكـسب رضاك

وعاهـدك يا صاحـبي عهـد الـوفـا

عاهدك ما يعـشق انسانٍ سواك

وْعن جـميع الناس شايـم واكتفى

إكـتفى بك إنت بالـذات وْعـطاك

أصـدق الإحـساس والأعـظـم خفا

كيف تجـفي صاحبٍ ما قد جفاك

وْ في غيابك طرف عينه ما غفى

ينتظر وصلك يبي عَـلّ وْ عساك

تـسمـح الـزلـّه وْخـفــّاقـك صـفى

لـدّني بَـردك وانـا احـتـاج لدفاك

حاجـة الـقـطـب الـشـمالي للــدفا

إنت غالي وْ ماحدٍ ياصل غـلاك

لـو تـجافـيـني .. وتـعـطـيني قـفا

واللـيـالـي مالهـا معـنـى بـَــلاك

والـمـفارق جـرح .. واللقـيا شفا

ما هقيت ان ترمي الماضي وراك

بـس ذا الـمـرّه أفـا …  والله أفـا

Fazza Afa Walla Afa- أفـا والله أفـا - فزاع

الله خلق لي نفس تسـمو على البوح

ماهـيب لا ضاقـت من الهـم باحـت

على كثر ما شفت ضيقات وجروح

لا الوجه متغـيّر ولا العـين صاحت

أبـشـّرك .. بـشـارة الـروح للـروح

تـبي تطـيّحـني اللـيـالي و طـاحـت

هـذا أنـا والـوجـه باسـم ومـشـروح

وجهٍ بروقـه لمعـظم الناس لاحـت

كم محزم ٍ بنى على شـوفه صروح

وكم نفس من طارف عطاه استراحت

ألله وهـبـنا عـز و امجـاد و طمـوح

وذكـر ٍعـلى جـدران الايـّـام ناحِـت

هذي مراجل ماهي بضحك ومزوح

ماهي شموعي لا ضوا الصبح ساحت

الصـفح خصله والفخر ماله صـفوح

والحزن لا سيطر على الروح ناحت

بعض الجروح تجي لك شوي وتروح

وبعض الجروح ان جات ماعاد راحت

Fazza- Aljarooh- الجروح - فزاع

والله لخـلي السنين الـماضـيه تعـني

ووادع النـاس وارجـع وآخـذ الـمعنى

يمكن حـبيبي إذا غـنـّيت يسمعـني

قبـل البـحر ياقـلوب الشوق تبـلعـنا

اللي خـذانـي وعـيّـا ما يـرجّــعــني

والـدرب مجـهـول والتفـكير ضيّـعنا

يدفعـني الشوق لـمـواصله يدفـعـني

تـبادل العـشـق هو سـبّـة دوافـعـنا

تدرون قلبي على هجـره ما طـاوعني

الـنـاس تـعـذل وحـنـّا ما تسـمّـعـنا

لا قلت احبّه تراه الصاحب الـمعـني

واللي مع الـهـجر طبعاً ماهـو بْمعنا

لا قال دعـني وانا ما قـلت له دعـني

ياليـن سـالت من الفـرقـا مـدامعـنا

حتى في يـوم الـمـوادع يوم ودّعني

بكـت جمـيع اللـيالي مـن مـوادعنا

الله يـمتـّعـك بلـقـاي و يْـمتّـعـني

والقـاك والسحب تمـطر من تمتـّعـنا


Fazza- Assa7eb - الصاحب الـمعني - فزاع

على عيــوني غمــــامة حــــزن تــمطر هموم

ولا انبتت في خفوقـي غير عشــــب الزهر

والحــــــال هـذا لو يطـــول معاي و يدوم

أخـــــاف يـــــــزرع بســاتين ويكــون نهــر

يا سارقة من عيون المحب حـــمدان نــوم

الليــل رجَع علي النــوم .. ليه السهـــــــر 

ليه السهر دام قلبي من غــــــلاك مــحروم 

وأنــا في حبك أذوب وعاشــق ومنبهـــر

العـــام كــنت أســـتلذ الشــــوق في كل يوم

واليـــــوم ماغيــر مـرة واحــــدة في الشهــر

تــــروم تـــــزعل علي لكن أنــا ما أروم

لآيمكـــــن أزعــــلك فــي ســر و الا جهـــر

جمالك المحتـشم خــلاك شخص محشــوم

و عفــافكـ النادر يزيدك في عيني طهــر

مثل القمر نور وجـهك في الظلام الكتوم

واذا تبسمــت مثــــل الشمــس عند الظهــر

لـــو ان عمــري مُــــهر قربكـ أنا قبل أسوم

أنا اللـي بآســــوق العــمر لأجـــــلك مهــر

ولا تصير خصمي أنا ماني باهاب الخصوم

وشلون أهاب البشر  وأنا ما أهاب الـدهر

الله خلقني على الدنيا "حصـــــانٍ" عزوم

عسفني  محمـــــد المكتـــوم  وأنا مهر

لـــو الــنجوميـــة تــورَث عيــال النجــوم

من باب حب الظهور الشخص منهم ظهر

الشهـرة تغير العــــالم بوجـــه العمــــوم

لكن ما غيرت حمــــــــدان يوم اشتهـر


al shuhra - fazza- الشهرة - فزاع

الضـايق اللي سـاريٍ لـيله ولا حَصَّـل طريق

تلـعــب به الايّـام بيـن يْـميـنهـا وشْـمالـها

يا غَـارقٍ بالهَم لا تطـلب نجاتك من غريق

الصبر مفـتاح الـفرج ، والـناس هـذا حالها

وانا ترى مَتني يشيل مْن الحِمِل ما لا يطيق

مالي ومـال الـحِـمله اللي كل كـتفٍ شـالها

والدلّـه اللي ماتـقهوي ضيفها ، قِل للبريق

يرسل تعـازي ضـوّها لا فاحت بْفـنجـالها

أيّامنا بين الشهر واليوم ، والباقي سحيق

الايّام كم يبغى لها ، والناس كم يبغى لها

قمريّة الأحزان لا غَنَّت على الغصن الدقيق

ما تْعـاتب الـمحزون لو غَنَّت وَلا غَنَّى لها

يا ناس وش حَل الرفيق اللي يعاتب له رفيق

لا حَدِّتـه الايّـام ، والدنـيا عـلى منـوالها

لا تحسب ان اللي تحبَّه لا جَرَحته ما يضيق

لو يسـتر جْـروحه عـليك وعِـلِّـتـه ما قالــها

يضيق لكن مَبْسمه ضَحَّاك وِحْجَاجه طليق

لان الصَّداقه كنز ، والحَسْـنَه بِعَشْـر امثالـها

والحقد في قلوب الرجال اهْل الوفا ماهو يليق

قـلـوبـها تبقى نـظـيفه .. لـو تـغَـيَّـر حـالـها

وانا لو ابني للصداقه جسر لعيـون الصـديق

الـناس من كثر الزعل ، فال الله وْلا فالــها

العـذر مايكفي من التـقدير ، والصدَّه تعـيق

الوصـل من بيـن الـقـلـوب اللـي تـمـد حْـبالـها

والالماس سِعره فوق سِعرك يالذهب لو لك بريق

سِـعره لـحَاله .. والذهب تسـعـيرته بلْـحَالـها

واهْل الجواهر يفرقون الكـهرمان مْن العقـيق

لو تخـلـط الثـنتيـن بنـتٍ فـي طَـرَف سلسالها

نَصبر على قَرص النحَل حتى نوصِّل للرحيق

واهل الهـوى يمسـح خطـاياها لـذيذ وْصـالـها

والـناس لاجـل آمالـها تحـتاج للفـهم الدقـيق

واللي ما تمـلك فَـهـم تخسـر نفـسـها وآمـالـها

جْبال الارض الشامخه يا منكر الـمجد العريق

هـامـاتنا من كـبر هـيبتنا ، تطـول جْـبالـها

جديـدنا مستـقـبلٍ زاهـر ، وماضـينا عتـيق

مسـيرة الـتاريخ يـبقـى مـجـدنا فـي بـالـها

لو ان حَـضارتنا قصيدة شـاعرٍ فكـره عمـيق

ما كان غير محـمد الـمكـتــــوم صـاغ امثـالها

Jisr alsadaqah- Fazza- جسر الصداقة- فزاع

من يوم حصّـل صـورتي فالجـريده

وهو يـداعـبـني بـسـلك ( التـليفـون )

صـوره بلـيّا صـوت هــزّت وريـده

يالله عسى ما يشوفني في التلفزيون

كل يوم مرسـل لي رسـاله جـديـده

عـنـوانها قــلـبٍ من الحـب مـحـزون

المشكله ما اعرف وش اللي يريده

و في كـل لـيـلـه لـه نـظــامٍ وقـانـون

يا اهل العـقول الواعـيات الرشـيده

لو انـّـكم ( حـمدان ) وش باتسوّون

لا قـلت له سـولـف بجـمـله مـفـيده

سولف ولكن دون معـنى ومضمون

وقاطـعـتـه بلهـجـه شـديده شـديده

عفواً أنا ما افهم وش تقول وش لون

حـقـيقه .. هو روعـه وفـعلاً أكيده

إنـّه حبـيب ويـسلب الـروح ويـمون

ياللي عـيونـك عـامـلت بي مكـيده

خصرك مع سحرك ولاسحر هارون

ومـنحـرك يـخـتال بجـمـاله لجـيده

والردف كن ابلـيس وابليس ملعـون

والفـذ ( حمدان ) المكارم رصـيده

وانته بـدون اخـلاق عادي يامزيون

خـلـّيت لك ذكـرى الغـرام السعـيده

واللي بقى جرحٍ ورى القلب مكنون

وكسبت لي مليون شخص بقصيده

وخـسرت لي واحـد شـريته بمليـون

والـجـرح الاوّل لا تـحـاول تـعـيـده

من دون ما تشرح لي الوضع من دون

Fazza - Ebless Mal3on - فزاع - إبليس ملعون

وين أنت ياللي كل ما قلت وين أنت 
حتى السؤال يقول وين الأجابه 
عامين ضايق و أنت لليوم ما بنت
هي حالتي بين الحزن و الكابه 
ليش أنت بعيون المخاليق ما شنت
في عين من حبك سرابه سرابه 
لولا الغلا يا صاحبي ما تمكنت 
صدر من الهجران صاير خرابه 
عود علي أنا أترياك لاهنت 
الحال واحد والظروف أتشابه 
إذا سألت تحبني قلت لي كنت
وأنا ابتسم من باب حب الدعابه 
وأن خنتني أعلم ترى ما بعد خنت 
ألا معك لكن خونت ذرابه 
خنتك مع طيفك بعد ما تيقنت 
أنك علي بعد الثرى و السحابه 
وأكبر خطأ محبتك وأنت ما صنت
حبا يخلده المشيب لشبابه 
تدري وآيش يغيض الرجل في هوى البنت 
أنه يعيش في واقعا ما درابه 
لكننا وش أنا وش أنت 
هذا السؤال إللي يبيله إجابه


وين أنت – فزاع

شف للغلا شي قبل تطول غربتنا ..
اخاف كثر الغياب وتصعب الجيه ..
بالله في البعد قلي وش حاجتنا ..
مدام خذنا الزعل حاجه طفوليه ..

شف للغلا شي قبل تطول غربتنا - فزاع

فكّــر شـوّي
.
.
سَكّــر وكلّـم بَعَـد خَـمْـسة دقـايق

أنا مــزاجـي مــن زمـانـي تعكّـر

 

مـا ودّي آكـلِّـمِـك والـبـال ضايـق

والاّ تـرى مـا ودّي انّــك تـسـكّــر

 

وارجـوك لا تزعل يا سيد الخلايق

لا تــحـسـب انّي من غلاك آتنكّر

 

يالفايـق بـحسنك على كل فـايــق

يا مـجيّـرٍ بالـفكر وصـف المفكّــر

غـلاك يـجذبنـي بـكـل الطـرايــق

وصلك عسل ما خالطه أي سكّـر

 

حديثك الطف من نسيم الحدايق

يوم انبعث من بعد وسـمي مبـكّر

 

قال الله يسامـحـك ما فيه عايــق

بينــي وبيـنك فكر شــويّ ، فكّــر

 

صــوتي يخلّي ضايق البال رايق

نســيت ؟ والاّ ما تـريد إتــذكّر ؟

Fazza- Aljarooh- الجروح - فزاع

Fazza Forum

Recent comments

Bertha Piñón

Jaime Lyn Fischer

Monica Mugas

Monica Mugas

Related tracks