Lyrics ::
Verse 1
عشرين سنه من الفشل .. يا بلد العجايب
عشرين سنه وانا محبوس .. جوه حلم دايب
ضهري خلاص انحني .. من هم انا مش قده
ابنك اللي حبك مات .. ودموعه ساكنة خده
دايماً بسكت .. راضي بحال عـ الأد
اهرب من جرح ما الاقي فرح والاحلام تتهد
عايشها جد .. مش بشيل هم لحد
كل ما اعافر كل ما أسعي .. طرق نجاحي تتسد
طب فين الرد ؟ .. علي اسأله دايماً بسألها !؟
فين حقوقي فين حريتي !! .. والعيشه اللي استاهلها؟
ده انا اللي شارب من نيلها .. انا ديما بدعيلها 
كل ما ابعد اقول انا هانسي .. ارجع تاني احنلها ..
حبيتها .. لكني عايش في كبت
من ميلادي لحد ما شيلت .. اتعذبت
لكني صمدت .. بس عايش عيني في الارض
وزي الخمس صلوات .. شيل الهم علينا فرض
Chourse ::
يعني ايه احس في بلدي اني كما الضرير
محتوم مصير !
كل امل لي مفيــش
همومي .. مبتنتهيش
مش لاقي لقمة عيـش 
لكن برضو قااادر اعيــش

Verse 2
اتحدي فشلك اتحدي نفسك
استحمل عراقيل اللي بينافسك
عيش وشوف .. ظلم عـ المكشوف
لكن حقق اللي في نفسك
احمد ربك .. علي نفس انتا بتتنفسه
ركز في حلمك حدد هدفك وانتا هاتنفذه
مفيش اعذار .. حجة البليد مسح السبوره
ولو فضلت ساكن فشلك .. تختفي من الصورة
اعمل اللي عليك .. وتوكل مش تتواكل
قانون الدنيا غابه واللي بيسهي فيه بيتاكل

فاكر حلمك وانتا صغـــير
اللي عنه انــتا سهيــت
لو كـــان جواك عزيــــمه
ما كنـــت انـــتا نسيــت

Chourse 2 ::
احلم معايا ببكره احلي .. لينا رب اسمه الكريم
يللا ده بيك الدنيا تحلي .. اسعي بقي طول ما انتا سليــم
عيـــــــــش .. حلمك بأمل جوه الوريــد
حلمك يكتمل .. وهاتنجـــح اكيـــد

Verse 3 ::
يللا قوم ... انتا قضيت سنين في النوم
انسي فترة الاكتئاب .. واقلع توب الهموم
اضحك في وش الدنيا حتي لو مهزوم 
احقن نفسك مصل نجاح
قاوم فشل مشؤم
خلي اختلافك .. في وجه التشابه بينهم
مش هايحاولوا يلحقوك اللا وانتا سابقهم !

اول تراك من ألبوم ديوان راب ..

فشل و تحدي1 (ديوان راب) Ali Fighter Ft Ahmed Adham

بشاير ثوره من البوم (ديوان راب) Ali Fighter Ft Mohamed Shhab & Gigo

Lyrics :
Verse (1)
عن الطيبه في حارتنا
والغدا عند جارتنا
وقت مرض والدتنا !
عن الراجل الغلبان
اللي ياما اتهان
ويقول راضي بقسمتي
عن القعده فوق السطح
وام محمد شغاله ردح ! 
وانا بكتب غنوتي ..
عن حكاية قبل النوم من أمي
قبل ما باكل تقولي سمي
وانا لحياتي ببتدي
عشقنا للعب الكورة
بعد الفجر في شهر الصوم
فرحتنا في يوم الوقفه 
ونومنا في حضن الهدوم
عن أغرب كلام وعادات
انت صايم ؟ طب وريني لسانك! 
وعن كلام الأفلام
هاحرمك من الميراث .. خلي البقشيش علشانك
عن اغاني سبيس تون اللي كنا ليها حافظين 
وعن علو صوتنا في اخر سورة الفاتحه 
فقول آمين ..
ايام ديما ليها الشوق وليها الحنين 
كبرنا بس بقلوبنا لسه صغيرين
Chourse
الضحكه اللي بزياه والشاي وقت العصاري
والفرحه اللي ببقي فيها وقت نجاح صاحبي وجاري !
الحب الحقيقي .. مش الحب المصطنع
عن كلمة حاضر بجذ سنان 
وانت مش مقتنع ! 
Verse (2)
عن اختلافنا وخناقتنا واحترامنا للكبير
عن حبي لبنت الجيران اللي كنت عليها بغير
وعن الفتي اللي بنفتيه في موضوع التعبير
عن حبي زمان لسوبر مان عشان كان نفسي اطير !
عن الانتماء والجري ورا فريقنا في الاستاد
وعن حفلات منير وجنني طول البعاد
عن خفة دم سمير غانم قبل ما يلبس الباروكه
وعن لعبة ميدل ومفيش لعب بالبازكا >_<
عن جمال بنات حارتنا .. فعلا حلوين .. كداب
وبرضو فيها بنات نسخه من فولين .. اتعدل
انا فاكر لعبي قدام البيت
واكيد منساش اول مره فيها حبيت
فاكر عبود عـ الحدود لما قالوا حصري
فاكر 2002 لما خدنا الدوري المصري
والسامبا البرازيلي الداراويش
اسماعيليه بلدي ومن غيرها مقدرش اعيش  ..

تالت تراك من البوم ديوان راب ♥

حاره زمان 3 من البوم (ديوان راب)

رابع تراك من البوم ديوان راب

ليله سمر من البوم ديوان راب 4 .. Ali Fighter ft Ahmed Adham

so cute 5 من البوم ديوان راب Ali Fighter ft Ahmed Adham

lyrics & performance : Ali Fighter 
https://www.facebook.com/facFigHter
composser : Hussein Gamal 
https://www.facebook.com/hussen.gamal.92?fref=ts
mastering : M.C GiGo
https://www.facebook.com/Mohamed.Hagag.Mc.GiGo?fref=ts
photographer : Mahmoud Assi 
https://www.facebook.com/MAHMOUD.ASSII?fref=ts
intro :-
مرتاحه اكيد و انتي ف قبرك 
وسيباني محسش وحدي العيد 
سايبه الفرقه تطول صبرك
وبصبري تمدح و تشيد
كام سنه رافضه تزوري منامي 
و سايبه الحزن يخوض ايامي  
الا صحيح ؟؟ 
بيقولوا ان الموت راحه
انك في مكانك مرتاحه
لا عايشه طول وقتك قلقانه
ولا غاويه تشوفي جنان حلمي 
لو كنتي خالقه م الموت نظام 
ممكن اهتف بهتاف سلمي 
واقول عادي القلب يريد
حضن يقرب كل بعيد
حضن يساع دمعه ف جوفه 
حضن يهون جواه ظروفه 
يلحن لحن لكل آهاته  
ويطبب ف يصبر خوفه 
و يسكت كل كلام جراح
انا قلبي بجد مهوش مرتاح
ولا عارف يسمع كلمه تفرح
لا انا قاصد اعيب ولا اجرح
انا قاصد اني والله متشاق 
لحب .. ندهاه الايام بمسمي الداء
و ادامي حلين 
اما افارق دنيا الناس 
و ازهد بس لكونك انتي 
و اغرق ف بحر ملوش آخر
و اترك للناس سطح سفينتي 
و اغرق انا ..
verse 1 :-
يا روح بتروح لجروح صعب تتلم 
يا نوح سفينتك ليه مشالتش اللي شالت الهم
اكتر من أم .. اقسم اني حافظ كل ذكري صم
زمن أصم .. مبيسمعش حنيني للحضن اللي ضم
و روحي اللي راحت من شوقي للأحباب 
و عدم إستيعابي إنها تحت التراب
شايف ضباب مشوش ليه طريق رجوعك ؟
محتاجك جنبي و يلمسني إحساس خشوعك 
و إنك إختارتي جوعك عشان تأكليني 
و صوتك الدافي لما تفهميني ديني
و طلبك مني نضاره القرايه 
عشان معوداني تحكي قبل النوم حكايه
و أحط راسي علي كتفك و غصب عني أنام
كفايه إحساسي بقربك اللي ميوصفوش كلام
ف إزاي من غير ما تقولي تسيبيني و ترحلي
و إزاي بعد الرحيل متفكريش تسألي .. موحشتكيش ؟
chourse :-
سامع حيطان بتبكي 
و الورد اتحول شوك 
سامع مشاعري بتصرخ 
يا صبر بينادوك
مش مستوعب وجودي ف البيت و إنتي مش موجوده
و لحد الآن مش مصدق الشريطه السوده
verse 2 :-
بعد الرحيل صورتك بتزود فيا الحنين 
و همس صوتك ف خيالي خلاني كما الجنين
اللي محتاج لحضن أم يضم أمانه علي خوفي
و يبقي حبر قلم يضخ البهجه ف حروفي
إنتي بس اللي عارفه انا ليه مبزورش قبرك
عشان دموعي لما تنزل هتمحي صبرك
في فراقي .. أكيد مش شاكه ف وفائي
اتمنالك بدايه سعيده و متمناش إنك تشتاقي 
لدنيا فانيه .. تشوفني بموت ف تبص الناحيه التانيه
انا لسه بشوف كل الصور شبهك إنتي 
انا لسه بحس روحك الطاهره بتحاوط مدينتي
سؤال .. هو إنتي بجد مش هتعودي ؟؟
ده انا كل يوم بوضب البيت و بستناكي تعودي
و لما أحس إنك مش راجعه يزيد غليان ف برودي
بجد ده آخر إستدعاء ممكن أقدمهولك
انا هفضل ميت مش هحيا عير بخبر وصولك .. ف متسيبينيش 
Autro :-
يا اما اعيش باكي 
وافضل باصص فوق لسماكي و استني الموت 
ف بعدك لسه كلامي ساكت و الفرقه سكوت
شايفه ازاي ايامي بتمسخ
و لسه الفرقه بتحكم صبرك 
ولسه الحزن بصبري بيشيد 
حاسه حالي و انتي بعيده ؟؟
شايفاني حاسس ازاي العيد ؟؟ .
‪#‎Ali_Fighter

Ali Fighter

Popular tracks