هحب تاني - زينة الشاذلي

الصورة واضحة

احلا سلام عليكوا وبنرمي احلا التماسي 
بحب اعيش لراحتي مكدبش يوم احساسي فاكر
  ولا انت ناسي اني كنت ماشية براسي
حتي يوم ما جيت اراب مكنش يوم اختصاصي
عايشه لنفسي بس مش عامله حساب للناس
اصل زمان ستي قالتلي انه كلامهم في المداس
محتاس كلام هساس شاغل نفسه بأفتكاس 
ولما يجي ف وشك يقولك انت الاساس 
نفاق فراق او لحظه من اشتياء 
كبر مخك عيش لمزاجك افرح ان قلبك قاء
ده داء او مش داء احسب كل حاجه صح 
اتعلم ف الابتلاء اوعا في يوم تعرف تجرح
 سابتك او سابك اهو جالك ف يوم محتاجك
فتكدب احساسك اللي ف يوم باعك وخانك
المهم امشي بفكر من باعك ف لحظه بيعه
لأنك كنت غلطه في مكاسب مشاريعه

ماشيه براحتي عايشه بمزاجي 
بشوف مصلحتي اقضي احتياجي
بروح وباجي بعمل اللي يكون ف دماغي وقتي
بسافر اي وقت برجع بليل براحتي 

كلامي للبنات اهلا بالمعلمين 
اي بنت دماغها غيري تبقي عادية م العاميين
مش هقدر نتجوز مش هقدر نقتقدر 
اصل بابي عارضني سلعه بس للي هيدفع اكتر 
طب والحب طز فيه والقلب طز فيه 
طب نتقابل لا ميصحش الناس هتقولك ايه 
طب روحي للجاهز الي يخليكي ف بيته  فازه 
في البيت خدامه عادي وافرحيلي  بالجوازه
فين كيانك راح لمين كان احساسك مش صميم 
نفعوكي الناس بأيه لما خوفتي من النميم
كل واحد حر اه بس كل بنت حره 
تعيش حياتها ف بتها او تخرج بره المجره
تلبس او تقلع او تخرج مش تسمع 
لأي حد عاوز عن حلمها تبعد وترجع 
وتعرف فيوم انها كانت غلطانه 
فتندم وتقول طلعت انا اللي الخسرانه

Mashia Bra7ti

SOSKA Mashya BR7TY

من البوم "النهارده صحيت من النوم" 

Follow Arabish on
http://www.facebook.com/arabishofficial
http://www.youtube.com/waelnasrofficial
http://www.instagram.com/arabishofficial
http://www.twitter.com/arabishofficial

كلمات الأغنية 

الصوره واضحه ومش عايزه تفكير
أنا كنت ساكته عليك كتير
خلاص اتعلمت خلاص أنا فهمت
عشان مهما اتكلمت صعب في يوم إنك تتغير

زي ما كنت تكلمني تقفش تعمل حركات
بتوقعني في صحابي وبـتعمل لي حوارات
و الزن علي التليفون عشان تسألني إنتي فين؟
لبسك.. شكلك.. تسريحتك.. بتتكلمي مع مين

يمكن أنا الغلطانة إني وافقت ابقي معاك
كنت فاكراه اهتمام... طلع حب امتلاك ..
عدم ثقتك في نفسك هي اللي مخوفاك
وقدام كل صحابي فجأة بتبقي ملاك

خانك غرورك وأنا استحملت
فاكر مش هسيبك عشان سكت
لا... اسمعني هقولك إيه

فوق لنفسك
إعرف حجمك
الكلام ده مينفعنيش
حد قالك
من اللي قبلك
من غيرك مش هعرف أعيش

أنا هحب تاني مش هقف مكاني
وإنت هتندم في يوم أكيد
هتلاقي غيري الله يكون في عونها
و يمكن تعيش وحيد

و أنا من نحيتي
أنا همشي في سكتي
مش هفتكرك بأي شيء
إبعد عني
سيبك مني
إنت في طريق وأنا في طريق

مغرور وعايش الدور و الدنيا عليك بتدور
وانا كنت عايشة في ضلمة دلوقتي شفت النور
و شكوك وخناق علي طول وتقولي عادي
ماتغور وتسبني في حالي أما إنك فاضي 

مش صعبان عليا سنين كنت معاك
و إستحالة أكمل يوم استني فيه إنك تتغير
كل مرة بنسي ليه إنك كداب
كل مرة الكلام فيك ليه مش بيأثر !

لا لا لا.. لا لا لا.. لا لا.. لا لا
فاكر يمكن نرجع تاني... إستحالة
او حتي أصدق كل كلمة فيها بتحور
او أندم لما هتفضل تزعل... مش هتأثر

وفي يوم لما إفتكرت إني مجنونة
حسيت إني مسجونة  وفي يوم فكرت أقولك إيه
إسمعني هقولك إيه

فوق لنفسك
إعرف حجمك
الكلام ده مينفعنيش
حد قالك
من اللي قبلك
من غيرك مش هعرف أعيش

اسمعوا مني أنا قضيت معاه 
أنا كام سنة كنت اتمناله الرضا يرضاه
 واقول بكرة يمكن يفهمني 
بس غيرتي شافها غرور
 خوفي عليه حب امتلاك
 دلوقتي جاي يقولي غوري
 لأرمي نفسي من الشباك 
اخرت حبي ليك علقة
طول عمري معاك صادقة
حياتي معاك كانت أكلة 
بس الاكلة طلعت حادقة
فاكر كل وعودك ليا 
عمري في يوم ماصدقتها 
وكل ظنوني وشكوكي 
دلوقتي لقيتها في محلها  
 
أنا هحب تاني مش هقف مكاني
وإنت هتندم في يوم أكيد
هتلاقي غيري الله يكون في عونها
و يمكن تعيش وحيد

و أنا من نحيتي
أنا همشي في سكتي
مش هفتكرك بأي شيء
إبعد عني
سيبك مني
 إنت في طريق وأنا في طريق

إبعد عني
سيبك مني
مش هقف مكاني
هحب تاني
هحب تاني
هحب تاني

فكرة:  وائل نصر
كلمات: أحمد غيث وجرمين نصر 
الحان: Eminem - Berzerk

El Naharda Seheet Men El Noom

Haheb Tani - هحب تاني

من البوم "النهارده صحيت من النوم" 

Follow Arabish on
http://www.facebook.com/arabishofficial
http://www.youtube.com/waelnasrofficial
http://www.instagram.com/arabishofficial
http://www.twitter.com/arabishofficial

كلمات الأغنية 

النهاردة صحيت من النوم
علي صوت ماما بتزعقلي
قومي البسي يلا اجهزي
عشان جايلنا ضيوف

صحيت من النوم علي صوت ماما عاملة قلبان في الشقة
سيبوني أنام شوية ده أنا نايمة الساعة واحدة
ولقيت ماما بتجري في كل حتة
عايزين مني إيه قلت ميت مرة لأ

قالتلي عشان خاطري
ده ابن أنكل يسري
الناس هتاكل وشي
البسي قومي معلشي
طب إيه يعني متشوفيه
عاجباكي القاعدة معايا ليه
مش خسرانة  حاجة في حد تاني ولا إيه ؟

و بنات كتير
يتمنوا يجلهم واحد زيه
وظيفة وشكل ومنصب وده غير مركز اهله
احترام اهتمام معرفش بنات
و لغات ومعيد في الجامعة
وتقولي عنده شقة
وأكيد هيجبلك شبكة
مش قادرين يفهموا
إن أنا مش موافقة
ليه فاكرين كدة بيحبوني
بصراحة حاسة كدة عايزين يبيعوني

قلت اكمل دراستي
فتقول يا حبيبتي كبرتي
كل اصحابك بقوا مخطوبين
ده حتي بنت اختي
قلتلها اتجوز كدة استحالة
حتي لو عنده شقة وهيجبلي غسالة

مشيت وسابتني
وبعدها رجعت قالتلي
الناس جايين يشوفوكي
البسي لأقول لأبوكي

النهاردة صحيت مالنوم
علي صوت ماما بتزعقلي
قومي البسي يلا اجهزي
عشان جايلنا ضيوف

النهاردة صحيت مالنوم
علي صوت ماما بتزعقلي
قومي البسي يلا اجهزي
عشان جايلنا ضيوف

قلت اقوم البس بسرعة علشان مش ناقصة
اتخانق مع بابا وفجأة يقولي مش نازلة
وكلمت كل اصحابي و قولتلهم علي بيحصل
قالولي كبري مخك هي ساعة مش أكتر
فتحت دولابي طلعت البنطلون
فبابا شافني بلبس قاللي بجد أنا مصدوم
راح نده علي ماما  قالها شوفي بنتك
قالتلي البسي فستان أو حاجة من سنك
شوفيلك حاجة احلي
وخدي بالك وانتي داخلة
و أنتي بتديله الحاجة الساقعة
تقومي واقعة
همم ..وأنت قاعدة افضلي ساكتة
ها .. مش عايزة ولا غلطة

و ساعتها الباب خبط فجأة
و كله بيجري في الشقة
لما بابا فتح الباب
طلعوا الناس مع البواب
و الجيران من الشباك يتفرجوا وبقينا فرجة

و العريس كان شكله لبخة
عمال يقولي في نكت بايخة
وماما تضحك .. و أنا ساكتة
وكل شوية ابص لبابا اقوله مش موافقة
قاللي ..لأ مفيش شغل بعد دراستك
و أكيد وقتك لبيتك ...مامته اعدة بتتنك
طب علي إيه!
عاوزيني اتجوز ليه؟

النهاردة صحيت مالنوم
علي صوت ماما بتزعقلي
قومي البسي يلا اجهزي
عشان جايلنا ضيوف

النهاردة صحيت مالنوم
علي صوت ماما بتزعقلي
قومي البسي يلا اجهزي
عشان جايلنا ضيوف

ليه البنت تعيش في كابوس
و تدور على الفلوس
ما كفاية زن عليهم
ليه تكرروا في كلام محفوظ

الموضوع محتاج تفكير
وكتير هايلين في التمثيل
لوهيشوفوا كل العرسان
برضه مفيش حاجة بتبان

مش عايزة أصحى من النوم
علي صوت ماما بتزعقلي
و تقولي انجزي ماتتجوزي
البسي اعملي معروف

مش عايزة أصحى من النوم
علي صوت ماما بتزعقلي
أنا هلبس بس لوحدي
وهتجوز براحتي

فكرة: وائل نصر
كلمات: وائل نصر وجرمين نصر 
الحان: MACKLEMORE & RYAN LEWIS - THRIFT SHOP FEAT. WANZ

اغنية النهارده صحيت من النوم - ارابيش Mp3[via Torchbrowser.com]

Asmaa Mahmoud

Recent comments

Marmar Mahmoud

Nada Mohamed

ASSILE HANI

menna

Related tracks