المسحراتي

عن عمر بن الخطاب يتحدث

اصحى يا نايم .. وحد الدايم 
 وقول نويت بكره إن حييت 
 الشهر صايم .. والفجر قايم
اصحى يا نايم .. وحِّد الرزاق
 رمضان كريم
***
مسحراتي .. منقراتي .. تحت القمر
قريت مسائل ..و من الاوائل جاني الخبر
اصحى يا نايم .. وحِّد الرزاق
 رمضان كريم
***
 ومن المدينة والراشدينا .. فيما غبر
أصل الحكاية سمع شكاية .. مد البصر
 شاف الخليفة أجسام ضعيفة .. زي الصور
 لو لسّه حية عيونها حافية .. من النظر 
في نار تغلب وإيدين تقلب .. ميه بحجر 
قالت باسلي ولادي يا اللي .. تعرف عمر 
ومهما نشهق لا بد نزهق .. من السهر 
يمكن يغيتهم نعاس يميتهم .. قبل السحر 
 سالت دموعه وبين ضلوعه .. قلبه انفطر 
 قال كل مسلم جناحه مؤلم .. إذا انكسر 
 شوف جسمه مايل تحت الحمايل .. مد وصبر
 قالت شلت ذنبي يغفر لي ربي .. لو يغتفر 
قامت قيامة من اليتامى .. لما ظهر 
أبو المواجع كأنه راجع .. من السفر 
 جاب المؤونة بإيدين حنونة .. وقال يا مضر 
 أنا علىَّ تخدم أيدي .. بدو وحضر
 ع الأرض تنه ينفخ ودقنه .. بين الشرر 
 الإنسانية كلمة غنية .. دم وعبر 
 أسلافنا هما شقوا مداها .. فطرة وبداهة 
وخير أمة نمشي بهداها
 نمشي بهداها على الأثر 
المشي طاب لي والدق على طبلي 
 ناس كانوا قبلي .. قالوا في الأمثال
"الرجل تدب مطرح ما تحب" .. وأنا صنعتى مسحراتي في البلد جوال
حبيت ودبيت كما العاشق ليالي طوال .. وكل شبر وحتة من بلدي
حتة من كبدي .. حتة من موَّال
يهديني طول المدى رؤيا الندى والطيف 
وقلبي ينزل على كل القبايل ضيف
يطلع من الحي رحلات الشتا والصيف
ويشرب الطهر من زمزم براحاته
طابت جراحاته يا ساكن منى والخيف
***
اصحى يا نايم .. وحد الدايم .. السعي للصوم
خير من النوم .. دي ليالي سمحة .. نجومها سبحة
اصحى يا نايم .. يا نايم اصحى .. وحد الرزاق

2 المسحراتى - الانسانيه

اصحي يا نايم 
وحد الدايم 
وقول نويت 
بكره ان حييت
الشهر صايم 
والفجر قايم
اصحى يا نايم 
وحد الرزاق
رمضان كريم 
*
مسحراتي منقراتي
ع الطبله ايدي 
ريشه ف دوايتي
اسمع ياسيدي 
اسمع حكايتي
مع استماره
راكبه حماره 
اول ماراحت
راحت لحسني 
قالت ياحوستي
هو انت فاطر 
قال كنت فاكر 
مش حانسى تاني 
خليك مكاني
الاستماره راكبه الحماره
راحت لفكري قال تيجي باكر 
وتروح لزكري 
قال روح لشاكر 
ولا لشكري
شكري في اجازه 
راحت لبهجت
لا حط ماذا 
ولا سألها 
اشر نقلها
راحت لهاني 
خليك مكاني 
هاني الطاطوري
قال فيما يبدو 
حتروح لعبده 
لازم ضروري 
ضروري لازم 

راحت لحازم
منه لتيفه
شاغلاه لطيفه 
منه لمكتب 
راجل مؤدب
ببدله بني
قال لي اظني
في تاني اوده 
عند الموظف 
ابو بدله سودا
بدله رصاصي 
قال لا مؤاخذه 
مش اختصاصي
ياسيدي لاظوغلي 
خلص لي شغلي 
في تاني طرقه 
على شمالي
لبدله زرقا 
شرحت حالي 
قال ثانيه واحده 
والاستيماره 
من يومها قاعده 
راكبه الحماره
لو كنت راكب
ماكنتش اوصل 
ولا أؤدي واجب
ولا احصل واطلع بلاشي 
احسن لي افضل 
على مهلي ماشي
*
المشي طاب لي والدق على طبلي 
ناس كانوا قبلي قالوا في الامثال 
الرجل تدب مطرح ماتحب
وانا صنعتي مسحراتي في البلد جوال 
حبيت ودبيت كما العاشق ليالي طوال 
وكل شبر وحته من بلدي حته من كبدي حته من موال 
*
انا صايم الشهر طول الشهر ودا فاطـــــر 
وانا ماشي في الشغل قلبي سخن ودا فاتر
ما يـنـتـقـل شـبـر الا بـحــبـر ودفــــاتـــــر
*
اصحى يانايم وحد الدايم 
السعي للصوم خير من النوم 
دي ليالي سمحه نجومها سبحه 
اصحى يانايم يانايم اصحى 
وحد الرزاق

3 المسحراتى - الاستمارة

0
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
حوّد ومال
مـنـقـراتى
على القنال
مالى آمالى
عبر خيالى
بحر الليالى
وحط الرحال
مينا أمينه
أعلام وزينه
تاج المدينه
أبو زيد هلال
نقول وصلنا
ما احلى الوصال
يقول مثلنا
صبر ونال
أيوب لناعسه
فارس لمايسه
حنة سوايسه
يا ابن الحلال
ع السمسميه
وشد الحبال
فى الميه ميه
من الرجال
وفى المقاومه
وفى المداومه
وفى الاحتمال
يا سويس جريئه
يا ام النضال
كنتِ الطريقه
وكنت المثال
وكنتِ مَرْبط
كل الآمال
وكنتِ أثبت
من الجبال
يا بحر مالح
وريح زلال
و برّ  طارح
حُسن وجمال
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
بالخير سلامك وزين فى الدنيا أعلامك
رمضان يحب السهر والنور فى أحلامك
رمضان يحب القمر من بدر أيامك
يا بدر سينا وبدر الأوّله يا سويس
ويكتب الحمد للرحمن بأقلامك
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

المسحراتي - سيد مكاوي - فؤاد حداد - تاج المدينه أبو زيد هلال

سلسلة من الأغاني الإذاعية كتبها فؤاد حداد في الستينات والسبعينات وغناها سيد مكاوي

المسرحاتي - سيد مكاوي - يا رب

المسحراتي - سيد مكاوي - يا أهل البلد

الأرض بتتكلم عربي - سيد مكاوي

حلقة من حلقات المسحراتي عرضت في 23 أغسطس 2009 على الراديو المصري
كلمات فؤاد حداد
تقديم سيد مكاوي
صفحة فؤاد حداد على الفيسبوك
<a href="http://www.facebook.com/Haddad.ElTo7fageyya" rel="nofollow" target="_blank">http://www.facebook.com/Haddad.ElTo7fageyya</a>

هذه التسجيلات تنشر تحت مظلة مشروع التحفجية

www.elto7fageyya.com
www.facebook.com/el.to7fageyya.home

المسحراتي - فؤاد حداد و سيد مكاوي - 1

حلقة من حلقات المسحراتي عرضت في 26 أغسطس 2009 على الراديو المصري
كلمات فؤاد حداد
تقديم سيد مكاوي
صفحة فؤاد حداد على الفيسبوك
<a href="http://www.facebook.com/Haddad.ElTo7fageyya" rel="nofollow" target="_blank">http://www.facebook.com/Haddad.ElTo7fageyya</a>
هذه التسجيلات تنشر تحت مظلة مشروع التحفجية
<a href="http://www.elto7fageyya.com" rel="nofollow" target="_blank">www.elto7fageyya.com</a>
<a href="http://www.facebook.com/el.to7fageyya.home" rel="nofollow" target="_blank">www.facebook.com/el.to7fageyya.home</a>


المسحراتي - فؤاد حداد و سيد مكاوي - 2

حلقة من حلقات المسحراتي عرضت في 28 أغسطس 2009 على الراديو المصري
كلمات فؤاد حداد
تقديم سيد مكاوي
صفحة فؤاد حداد على الفيسبوك
<a href="http://www.facebook.com/Haddad.ElTo7fageyya" rel="nofollow" target="_blank">http://www.facebook.com/Haddad.ElTo7fageyya</a>
هذه التسجيلات تنشر تحت مظلة مشروع التحفجية
<a href="http://www.elto7fageyya.com" rel="nofollow" target="_blank">www.elto7fageyya.com</a>
<a href="http://www.facebook.com/el.to7fageyya.home" rel="nofollow" target="_blank">www.facebook.com/el.to7fageyya.home</a>


المسحراتي - فؤاد حداد و سيد مكاوي - 4

حلقة من حلقات المسحراتي عرضت في 29 أغسطس 2009 على الراديو المصري 
كلمات فؤاد حداد 
تقديم سيد مكاوي 
صفحة فؤاد حداد على الفيسبوك 
http://www.facebook.com/Haddad.ElTo7fageyya

هذه التسجيلات تنشر تحت مظلة مشروع التحفجية

www.elto7fageyya.com 
www.facebook.com/el.to7fageyya.home

المسحراتي - فؤاد حداد و سيد مكاوي - 5

حلقة من حلقات المسحراتي عرضت في 31 أغسطس 2009 على الراديو المصري 
كلمات فؤاد حداد 
تقديم سيد مكاوي 
صفحة فؤاد حداد على الفيسبوك 
http://www.facebook.com/Haddad.ElTo7fageyya

هذه التسجيلات تنشر تحت مظلة مشروع التحفجية

www.elto7fageyya.com 
www.facebook.com/el.to7fageyya.home

المسحراتي - فؤاد حداد و سيد مكاوي - 7

حلقة من حلقات المسحراتي عرضت في 1 سبتمبر 2009 على الراديو المصري 
كلمات فؤاد حداد 
تقديم سيد مكاوي 
صفحة فؤاد حداد على الفيسبوك 
http://www.facebook.com/Haddad.ElTo7fageyya

هذه التسجيلات تنشر تحت مظلة مشروع التحفجية

www.elto7fageyya.com 
www.facebook.com/el.to7fageyya.home

المسحراتي - فؤاد حداد و سيد مكاوي - 8

دخلت مرة لسقف من حي الازهر
في ليلة و احنا صغيرين يا زمان
صوته لقاني قبل ما اقعد قصاده
زان المنصة و ف يمينه عصاته
قصاص بيروي سيرة الفرسان
و السامعين حواليه لمّه قليله
من دنيا فيما سلف أصحاب ليالي قديمه
و ما ينعسوش بالسهم .. لابسين من الجلاليب ما يشبه القفطان
على الكراسي بيشربوا الكلمة و بيستذكروا الحكمة و بيلتفتوا باستحسان
قولنا : في يمينه عصاته يا اهل النظر و اتوسطنت بميزان
إلا و قامت على بركه و عجب و ما بين صوابعه توجهت للميدان
توجهت لرحيل .. لحرب .. لحيله .. تتبادل .. تمانع .. ترمي الخديعه .. تتقي الخوان
و تلف لفات الرماح الطويله أو تنكسر كما تدبل الأغصان
أو ترتفع أبصر من السلطان على ما تراها العين ترى الإمكان
قصاص .. و ريث ألف بين مشرق و من مغرب و مدونات العجم و سجية العربان
الله يبارك سقف من حي الازهر في ليلة و احنا صغيرين يا زمان

حي الأزهر-فؤاد حداد-سيد مكاوي

واللي بيعلا بيعلي
وقولة القلوب عند بعضها 
واصلة السما بأرضها 

وبني آدم سلاح نفسه وصاحب رأي
وقبل الناس ماتكبر السنين كانت كتيرة 
افرش حصيرة وخلي البساط أحمدي
الليل بساط يا مصادفني من آخر السكة 
قرب من الناحية دي

ماليش خيال إلا ان رميتني بنور هادي
ورميت عليا السلام

في مرة طالع من حسن الأكبر 
على باب الخلق بين مغربية وعشا
لاقيت القمر في وشي كبير وقريب 
تطلع عيونك سلم سطوح بيت
على حدف الدراع من هنا القلعة ومن هنا العتبة
والقمر لون الحنان الصيفي
والماضي الصغير 
زي اللي خجلان شوية 
من بهجته وحسنه

وعلى مذهب شارع محمد علي
الترامايات قاطعة الخليج بجرس يجري
والقمر ميال لكل الدنيا مالي الدنيا
فوق العباسية ولبعد الزيتون على نخل
لبلاد تقول نجع
وبلاد تقول كوم
في نفس اليوم
على مزلقان الجيزة ومقبل، سارح غيطان

واقف على كل محطات السكة الحديد
واسكندرية
في باب الخلق
اتملى القرطاس 
بفول أخضر 
رمت عليا السلام
نورت يا ولدي
نورت يا ولدي

موال باب الخلق - فؤاد حداد - سيد مكاوي




        اصحي يا نايم 

        وحد الدايم

        وقول نويت

        بكره إن حييت

        الشهر صايم 

        والفجر قايم 

        اصحى يا نايم 

        وحد الرزاق

        رمضان كريم

        مسحراتي 

        منقراتي

        أنا باسحّر

        المبعوثين

        أولاد يا رب

        في ألمانيا غرب

        وألمانيا شين

        لاجل ان يعودوا

        متأسّسين

        يسلم لي عوده

        الواد أمين

        بدأ الرسالة بـ”نستعين”

        وثم قالَ: 

        حبلي متين

        أخباري سارّه

        أنا خدت ذرّه 

        ونظام مجرّة

        ومهندسين

        وأنا بذاكر

        طول عمري فاكر

        وطن ودين

        في المغربية 

        تمد بيه 

        ايدي اليمين

        على طبقنا 

        لولا فراقنا 

        أنا مش حزين

        بافطر معاكم

        واسمع دعاكم

        آمين آمين

        ما اشربش إلا 

        الماء.. وإلا

        في قزاز ياسين

        وختام كلامي

        ببعت سلامي 

        للأجمعين

        نحن نُلقّن 

        العلم حقاً

        وكويسين

        المشي طاب لي 

        والدق على طبلي

        ناس كانوا قبلي قالوا في الأمثال

        الرجل تدبّ مطرح ما تحبّ

        ***

        وأنا صنعتي مسحراتي في البلد جوال

        حبّيت ودبّيت كما العاشق ليالي طوال

        وكل شبر وحتة من بلدي

        حتة من كبدي

        حتة من موال:

        من بحر يوسف سلام يوصل لبحر السين

        لولاد رفاعة محمد والسعيد وحسين

        ولكل مبعوث مناضل بالصلا ع الزين

        سيب اللي قاعد يفاضل بين الأدب والعلم

        درس الوطن يا مهم أفضل من الدرسين

        اصحي يا نايم    وحد الدايم

        السعي للصوم      خير من النوم

        دي ليالة سمحة      نجومها سبحة

        اصحي يا نايم   يا نايم اصحى   وحد الرزاق



المسحّراتي (المبعوثين) _ فؤاد حدّاد_ سيد مكّاوي

سيد مكاوي - وزة بركات
 (غناء المجموعة)

سيد مكاوي - وزة بركات

قناة أولى في سلسلة قنوات لفؤاد حداد مخصصة لنشر الأعمال الإذاعية و التسجيلات الخاصة و النادرة له من أشعار و أغاني و حلقات راديو
هذه القناة لنشر حلقات المسحراتي
كلمات فؤاد حداد، أداء سيد مكاوي

قناة أغاني حداد
http://soundcloud.com/foaadhaddad2
هذه القناة جزء من مشروع التحفجية لإثراء الثقافة و زيادة الحس الجمالي و التوعية الثقافية و الفنية

صفحة فؤاد حداد على الفيسبوك
http://www.facebook.com/Haddad.ElTo7fageyya

مشروع التحفجية

www.elto7fageyya.com
www.facebook.com/el.to7fageyya.home


المسحراتي - فؤاد حداد و سيد مكاوي - 4

FoaadHaddad1

Recent comments

احمد حماد

Related tracks