كنت واقع في المكان الذليل حاش بإيده الشومة عن راسي

السنين فاتت وأنا بناديك ..كنت من صغري بحايل فيك ،أما دلوقتي فؤادي انفجر :(

اتوهمت الخوف داسني الخطر ..

كان جميل الطبع والغيه..كان حبيبي وكان ارق حبيب

في اثر للعشرة مهما تهون

نام في حضن الارض واحلم لي..كلنا في حلم وسفر وخياال

كان صريح يضحكلي من قلبه

فؤاد حداد 🌵❤️🌵🌵

إذاعة الجمهوررية  العربية المتحدة  من القاهرة  
~~~~

أول كلامي سلام
وتزققيني الكلام
أيام في حضنك أنام
يا مصر يا أمنا

وأطلع في نور الأدان
إذا دعا الوالدان
المدرسة.. والميدان
الأنسانية هنا

~~~~~~~~

من نور الخيال وصنع الأجيال نقدم هذا البرنامج عن تاريخ القاهرة

أشعار :  فؤاد حداد
ألحان وغناء : سيد مكاوي
 
يا سامعين  أبناء بلد واحده
تحت السما الواحده وجيل بعد جيل
القاهرة  قالت  وقولها  الحق
أشهد بأنك يا ابن آدم جميل
بانى البيوت  على بعضها  بتميل
فى الجو ريق الإنسانيه يسيل
شفتك  بتمشى ونظرتك على فوق
ودايرها  زغروطه وحطب وغسيل
شفتك يا سقا مالى  ماء النيل
شفتك منادى وشفت خطافك
من سوق لتانى لألف ليله يشيل
شفتك  بطبله وناى وزماره
حتى بأماره زادت الشخاليل
شفتك تقلد   ضحكة  الهتما
أيام تبيع  العطر والمناديل
شفتك يا جندى بسن رمح طويل
شفتك يا شيخ الفضل يا عبد ربه
فرحان بالاخضر والنسيم العليل
شفتك يا حاج وانت راكب جمل
زى الهلالى وحَبّه  طلت النخيل
شفتك يا فارس يا غنى يا أصيل
شفتك يا سهار النهار بالليالى
يا منحنى وماسك دولاب الفنون
بقانون تقسمنى
والبسط ترسمنى
واكبر تسمسمنى
وأتوه تجيب لى دليل
ولمّا عرب الصحارى عمروا الحاره
وأصبحوا فى الغرام ع السطح بحاره
شفتك يا شاعر تنشد المواويل

**
شفتك وانا طاله من المشربيه
تشبه فى رايحاتك وجايّاتك
إلف الحمام له غيه فى التهليل
يضرب بمنقاره على  الجؤجؤ
خفيف وتقيل
شفتك وجاتنى من العيون مراسيل
سَمّعنى سجع هديل
وتعالى قول لى إن جفنى كحيل
ولا يستحيل
من ألف عام أرجع على نياتى
من مشربياتى إذا طليت

***
طليتِ بشعور البنات الحور
يا فجر متكحل بليل مسحور
انتِ اللى حنّت لك جبال وبحور
الوعد وبياتك
فى مشربياتك
ريحة ماورد وجنّه يا قاهره
غاوى القمر  واللى غوى يشفيه
صوتِك يلاغى والغوايش فيه
طَمّنّى قلبك انى عايش فيه
وشكرت  آياتك
فى مشربياتك
ريحة ماورد وجنّه يا قاهره
شباك فى بيت مؤمن وقلبه دليل
نوّر لى بالسهريه والقنديل
أمشى القيراط اللى سقاه النيل
واسمع حكاياتك
فى مشربياتك
ريحة ماورد وجنه يا قاهره
غمضت عينى وعشت ألف ميعاد
وفتحت عينى وزاد معاى الزاد
كنت الولد وصبحت ابو الأولاد
ما دريتش وحياتك
فى  مشربياتك
ريحة ماورد وجنه يا قاهره

***
حبيتك الحب اللى عمره سنين
متّعت عينى  وما انتهيتش حنين
كل اللى عاشوا فى حضرتك حلوين
والأحلى جاياتك
فى  مشربياتك
ريحة ماورد وجنه يا قاهره

**********
يارب تشفى الصدور

يارب توفى الأمهات الندور

يارب تمنع عن ولادنا الويل

زاحفين على السواحل سلاسل نور

والبحر من دمياط يحيي السيل

واترتبت ع الخطوة رجلين الشهور

والصبر أملك من عنان الخيل

حتما على قدام وحتما ندور

والحصن فى عكة عظيم الليل

يلقى الآذان بيشق فوق السور

الحق ياولاد العرب منصور

فى كل أرض اتكلمت عربى
.
**********
الأرض بتتكلم عربى وقول الله

ان الفجر لمن صلاه

ماتطولش معاك الآه

الأرض ..الأرض .. الأرض

الأرض بتتكلم عربى
الأرض بتتكلم عربى ومن حطين

بترد على قدس فلسطين

أصللك ميه وأصلك طين

الأرض ..الأرض .. الأرض

الأرض بتتكلم عربى

الأرض بتتكلم عربى سبل وكروم

تجرى اللقمه على المحروم

ما تثبتش حصون الروم

الأرض ..الأرض .. الأرض

الأرض بتتكلم عربى

الأرض بتتكلم عربى ياخيال

بيعد سيفك أم عيال

ظهرك ياما من الأجيال

الأرض ..الأرض .. الأرض

الأرض بتتكلم عربى

الأرض بتتكلم عربى ولا ترتاح

واصل كالسيل المجتاح

فتحك ياعبد الفتاح

الأرض ..الأرض .. الأرض

الأرض بتتكلم عربى
يا سامعين أبناء بلد واحده
تحت السما الواحده عرب بيقول:
أيام تسعتاشر بتحيى الحى
و تخلى فنان البلد مسئول
يا سامعين يا اهل الزمان الجاى
ليلكم منور فى العزب والقرى
كان ياما كان من مبدأ الذاكره
الشمس طالعه وصوتى مش سامعاه
حرمت أغنى لها وانا فى الدرا
فتحت شباكى وقلبى معاه
وجبت ريح البحر للقاهره
وطلقت حنجرة الفتاه والشاب
ورفعت فنى الى مقام الشعب
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
والخبازين قايدين معاى الفرن
أخبز لكل الناس عشا وفطور
والفلاحين ماليين معاى الجرن
داقين فى قلبى السبع والعصفور
منورين المونه والمعجنه
كاتبين لى أيام الزمن والسنه
نسمه بنفسهم جايه متلحنه
وسؤال فى ودنى زى نبض النور
يا مصرى يا سيد وابوك درويش
النيل بيجرى والا ما بيجريش
النيل بيجرى والعجل بيدور
والفجر طالع بالصنايعيه
ومصر لازم تبقى مصريه
وكل كلمه تقولها أغنيه
وكل أمنيه وأمل دستور





 

من نور الخيال وصنع الأجيال في تاريخ القاهرة | سيد مكاوي وفؤاد حداد | من تسجيلات الإذاعة

ياللي جيت من شط تاني 
حبتين ورجعت تاني 
جيت منين .. ورحت فين .. 
حاجة يابا محيراني 
رحت فين يابا وفين راحوا اللي قبلك 
بدي أقول لك كلمتين بدي أقابلك 
واسألك عن سر يابا.. سر حير ناس كتير 
الصغير والكبير.. والغني قبل الفقير 
انت يوم ما جدي جابك من هناك جيت منين؟ 
واما سبت الناس ودنيا الناس وراك رحت فين؟ 
واحنا جينا ازاي وليه؟ 
حكمة المشوار ده ايه؟ 
عم عباس الغفير 
وسليمان ساعي المدير 
والمحافظ والوزير 
كل دول ماشيين طابور والقدر داير يدور 
بالكاسات بين المواكب ع اللي ماشي واللي راكب 
واللي يجي الدور عليه يلقى كاسه بين إيديه 
واللي يشرب كاسه يطلع م الطابور 
واللي يطلع بيتاويه جوف القبور 
والقبور سعرانه لم قالت كفاية 
والقدر .. والقدر يسقي القلم دم الدواية 
والقلم .. والقلم يكتب ويشطب 
واللي يشطب اسمه يشرب .. سخن بارد كله وارد 
مستحيل .. مخلوق حيهرب 
رحت فين يا با وفين راحوا اللي قبلك 
بعد مشوار العذاب إيه إنكتبلك 
اللي راح قبلك ماجاش من يوم ما راح 
والليالى هيا هيا تروح و ترجع
واللي جه بعدك بينده ع اللي راح 
بس فين هوه اللي راح يشوف ويسمع 
اللي راح مجبش سيره 
واللي جاي غرقان في حيرة 
والطابور ماشي وجاهل ايه حكايته 
القدر هو اللي شايف ايه بدايته 
والقدر هو اللي عارف فين نهايته 
وإحنا ماشيين في المواكب 
زي قلعان المراكب 
قد ما يميل الهوا بنميل معاه 
لا قلنا لأه يا هوا ولا قلنا أه 
واللي يقدر بالعمل يترك أثر في الطابور 
يبقى اسمه في الخلود رغم القدر والقدور 
هي دي من غير كلام 
حكمة المشوار تمام 
واسأل الناس الكتير 
الصغير والكبير والغني زي الفقير

1988

الشيخ إمام | عم نجم - حكمة المشوار

أغنية سلمى تأليف فؤاد حداد ألحان وغناء أحمد منيب

سلمى   ..... فؤاد حداد وأحمد منيب

فؤاد حدّاد يلقى موّال الشيخ سعيد

موّال الشيخ سعيد - فؤاد حدّاد

مسافر - كلمات: أحمد فؤاد نجم

ممنوع من السفر لحن وآداء سعيد صالح كلمات  أحمد فؤاد نجم

آدى أيّـــــــام العجـــــــب والمـــــــوت
جـــات بســـرعه زى غمضـــة عـــين
ليــــه ماقلــــتش زىّ لمْـــــح البَصَــــر
كنـــــت باتقلّـــــب علـــــى الجنبــــــين
والكــــابوس مـــن كـــل جنــب يجيبنى
زىّ أعمـــــى يحـــــسّ لمـــــّا يجــــسّ
ألقـــــى نفســــــى والاّ اشوف نفســـى
بالتفـــــــت مـــــــن آخـــــــر الــــــدنيا
الحميـــــــر بتجرجـــــــر العَربَـــــــات
الســـما اللــــى تحـــت منهـــا حابــات
عنــــد كـــوبرى أبـــو العـــلا بتشـــتى
أنكمــــش فــــى جتّتــــى مـــن البـــرد
لسّــــه حــارجع طفـــل تحـــت المطــر
وأنحنـــى ع الأرض وافضــل عجـــوز
اتوهمـــت الخـــوف دهســـنى الخطــر
كـــــل شـــــئ إلا الخيانــــــه يجـــــوز
ألـــبس التـــوب اللـــى مــــش تـــوبى
أعمـــل الممكـــــن مــــع المســــتحيل
أمشـــــى زى الخنفســـــه و البــــــــد
جنــب حيطــــه فـــى ركـــن ع الســـلّم
الحجـــــــــر الاصـــــــــفر بيتــــــــــألّم
فيـــه أثـــر للعشـــره مهمــــا تهــــون
أقبـــل الظلـــم اللـــى فــــى الأشــــياء
والليـــــــالى بخـــــــدّها المـــــــدهون
والحيــاه والنــاس وحتــى فى نفســى
واقـــرا فـــى الجرنـــال كـــلام تــــانى
وانتقـــل فـــى الماضــــى واســـتغرب
وابكــــــى ع المســــــتقبل الفـــــــانى
واحمــــل الضلمــــه علــــى عينـــــىَّ
وانتبـــه مــن نـــومى واســـمع نعــى
الزميـــــل جـــــوده ســــعيد الـــــديب
إســـمه بالكامـــل يـــا فجـــر الطيـــب
اللــــــى ضــــــاعت مَّنــــــى أيّامـــــه
وآدى أيّـــــــام العجــــــب والمــــــوت

أيام العجب و الموت (جودة سعيد الديب)- بصوت فؤاد حداد

أغنية المسألة  - هندسة صوتية : هيثم الغيتاوي  
https://www.facebook.com/haitham.alghetawy/

هـى ديه المســألـة
والمـأســـاة والمهــــزلـة
مشكلـــة مــش مشكلـــة
معضلـــة مــــش معضلـــة
إنمـــــــا ولكنمـــــــا
هـى ديـه المســـألة

الأصـيل مالهوش فى الدنيا دى حـظ
والسعــادة لكـل قـاسى قلبـه فـظ
يا تـرى نركع له واللا نقول له طـظ
حتى لو دماغنـا تحت المقصلــة 
هـى ديـه المســـألة

إمتى يبقى الخيــر طالع له خرابيش
تيجى هابشـة المفتـرى ما يفتــريش
أيوه أصـل الدنيــا عركة ما تنتهيش
واللى راحـوا سـابوها زى المزبلة. .
هـى ديـه المســـألة

واللـــه لولا الحـب كانت تبقى غم
والشـوارع تتملـى مجـاريــح ودم
أيوه أصـل الحــب يمحى كل هـم
والحبيــب يتبع حبيبـه للعلا
هـى ديـه المســـألة

والله لولا الحب كانت تبقى غَمْ - صلاح جاهين - لحن وغناء إبراهيم رجب

 هذه القصيدة لمولانا فؤاد حداد او كما لقبه الخال الابنودي"الإمام الكبير" غناء سعيد صالح في برنامج القاهرة اليوم 

بلبل ع الشجر .. وقع انكسر
مش قادر أقول .. ولا عيني تطول
كانت عيني طفله و كل الدنيا غول
في ضي القمر

مش قادر أنام .. ولا أرد السلام
الطيف اللي جالي كان حبة عظام
فوق حبة حجر

في الليل المليح يحكي للمسيح
الأعمي اللي شايل فوق ضهره الكسيح
شحات النظر
شحات العيون .. مدري مين يكون
هنا اللي قلبه قاسي او قلبه حنون
قلبي اللي انفطر

بلبل ع الشجر "كلمات فؤاد حداد غناء سعيد صالح"

في الذكرى السابعة والعشرين لوفاة الشاعر فؤاد حداد ننشر ثلاثة تسجيلات نادرة بصوته لثلاث من قصائده

بكيت في الأول بكيت في الثاني - فؤاد حداد

من كلمات أحمد فؤاد نجم .

أنا اصلي حاســــب موعدك  
وعارف اللي بيبعدك
وأنا اللي خابر تبقي مين 
وأنا اللي صابر من سنين
وباعدّ لك مطرح ف بســــتان الامل 
وبامدّ لك وف كل خطوة 
أمدّ لك ايدي اللي شققها العمل

بستنظرك - الشيخ إمام

الشيخ امام - غابة كلابها ديابة

وإذا سألتُك أن أراك حقيقةً فاسمح.. ولا تجعل جوابي: لن ترى

الشيخ إمام - زِدْنِي بِفَرْطِ الحُبِّ فِيْكَ تَحَيُّرًا

---
من تسجيلات عصمت النمر

الشيخ امام عيسى : مجوهرات بكش - عم السيد - ملاح يااسمرانى - الف باء

من أشعار زين العابدين فؤاد
..

الفلاحين بيغيروا الكتاني بالكاكي
ويغيروا الكاكي بتوب الدم
وبيزرعوك يا قطن ويا السناكي
وبيزرعوك يا قمح سارية علم
وبيدخلوكي يا حرب فحم الحريقة
وبيزروعكي يا مصر شمس الحقيقة
***
وانتي ميدان الحرب.. سينا البداية
وانتي جنينة الصلب.. والنصر غاية
وانتي البكا والغلب.. انتي الرحاية
وانتي البارود والحب.. والحرب جاية
***
غنوا التلامذة الصبح للحرية
الفلاحين ضموا غيطان القمح
رفعوا الرايات في الفجر متندية
رفعوا السنابل بنادق
عبوا البنادق بارود
الرمل قادت حرايق
والنار في دم الجنود
***
والحرب زي جناين الحرية
مهرة ومالهاش حدود
والحرب لسة ف أول السكة
اتفجري يا مصر
اتفجري بالحرب ينطلق النهار
اتفجري بالحرب ضد الجوع ضد القهر ضد التتار
اتسلحي للحرب بالحرية
واتفتحي وردة بدم ونار
واتجمعي من ألف صرخة وضحكة
والحرب لسة ف أول السكة

الشيخ إمام - الفلاحين

الوهم يبدأ من الدقيقة 7:47  

▶ الشيخ امام عيسى - سايس حصانك

انا والد الشعراء ..فؤاد حداد
أيوه...
انا الوالد ...
و ياما ولاد.. !!

كصبار ، اعتاد أن يلام علي طبيعته. 

أيام العجب و الموت (جودة سعيد الديب)- بصوت فؤاد حداد

Foad Haddad

Recent comments

Nhla Mohamedd

Nhla Mohamedd

Nhla Mohamedd

Nhla Mohamedd

Related tracks