😭💔 طب لي بيعلقني بيه وهو عارف نفسه ع اي 

الله يرحمك ويغفر لك ويسكنك فسيح جناته ي اغلا الغالين 

نفسي أنام فينك؟

يا ام الرموش عنقريب

(العنقريب سرير يصنعه اهل النوبة من الجريد)

ماتدمّعيش عينك

الفرح جاي عن قريب

إزاي بتتحمّل؟؟

أنساها .. وتجيني

أسقي بنات الدنيا إلاّها

ولما العطش يكويني ألقاها

هي اللي تسقيني

تهديني يوم وردة

أدِّيها لفلانة

تجري على حضني

احكيلها عن نانا

إزاي بتتحمّل؟

غمز البنات

واوعر من غمزهم ردِّي

جاياني ملهوفة ما تلاقي غير صدِّي

أحزن في أحضانها وافرح هناك وحدي

يا ام القليب اتخلق معرفش غير يِدِّي

يا ام الفؤاد ولاّد معرفش غير يعشق

الصبر عدّى وزاد يا قلبها المتقاد

ما عرِفت يوم تزهق

كانت بتلبس لي اجمل فساتينها

ترمي ف صحاريا أفتن بساتينها

تِدْمع رياحينها

ولا قلبي يوم يشفق

وإزاي بتتحمل ؟؟

كُتر الكلام عني بحكاوي وانا غايب

الليلة كان سهران

الليلة كان سكران

الليلة كان عاشق والليلة كان دايب

يا ام الرموش طايشة

وام العيون لامّة

حضنك ما حيسعنيش

انا بَلْوِتي طامّة

أربع سنين يا هوا مِلْكِيّتي عامّة

كل البنات اتلبنوا بيا وتفُّوني

ورسموني خروف معلوف

وسمعوا قصايدى وابتسموا

وصحيم بدري يوم العيد ودبحوني

بقالي ييجي اربع سنين مسمار في غيط شواكيش

دَقُّوا على راسي لكن مثبتونيش

يوم التقي مرسى وسنين ياخدني الطيش

كل الالم فيّا ولا قادر اتألم

وبتصعبي عليا ومش بقدر اتكلم

انا نفسي بس افهم

كل البلاوي ديا ازاي مابعّدوكيش

سامحيني لما اغلط

وانا تاني رايح اغلط لجلٍ تسامحيني

احلى ما في التوهان اول ما باجي اوصل

واحلى ما في الاحزان انك تضميني

يا مسكناني ضلوع

جواكي راح وبراح

ما بينلهاشي رجوع

شكلي حاموت سواح

كان نفسي فيكي زمان أياميها كان لي قلب

كانت الحياة خضرا النخلة والبقرة

والقلب طين ابيض بينام على القرآن

وبيصحى وقت الحَلْب

أياميها كان لي قلب

ايه اللي قلب النور ضلمة وليل راسي؟

واشمعنى فوق راسي يحلا العذاب والقلب؟

واشمعنى سابوا الناس بقلوب خضار وعمار ؟

وف قلبي نِزْلوا سَلْب؟

انا اول اللي اتصلب بس التاريخ كداب

مفهمش معنى الصلب

ركعوا البنات ليا واتّنوا قدامي

وفي حفل اعدامي ضحكوا وقالوا كلب

انتي اللي دمّعتي

جمّعتي جسماني من مملكة ايزوريس

ويا ريت ما جمّعتي

طب كنتي سبتيني ادخل هنا غزوة

واعمل هنا هُدْنة

وما دمت انا ميت ايه تِفْرِق الدفنة؟

ما البحر راح يسبق لو مهما جدّفنا

انتي اللي بتعاندي

عشمانة في الجنة والجنة مش ليا

إزاي بتتحمل لوم الصحاب فيا؟؟

على ايه غرامك بيه؟

ده التبن من تحتيه باقي الماعون ميه

تضحك على قولهم وتبص في الساعة

وتقول زمانه صِحِي

زيدي كمان نورك يا ام الجبين الضَّحِي

جَنّنِي صوت حزنك إياكي يوم تفرحي

لا الفرحة تسرقنا

لا انا حِمل مهرك ودهبك

ولا جاي معاي عاجِك

ولا حمل توب من حريرك

ولا ماسة من تاجك

ده انا بالكتير حاجج

من وسط حجاجك

جيت لك في شهر حرام فمتهدريش دمي

ماتقربيش مني مانتيش كِفَا همي

وَلِّي لحجاجك يا ام الجبين عرفات

حبك كما الصلوات والقِبلة مش يَمِّي

يا معلماني الهوا ومسَكِّنة التباريح

حبك نخيل طارح ميهزهوش الريح

أرمي الحجر جارح تنزِل رطب مجاريح

إزاي بتتكسر اشواكي جواكي

ابكي على صدرك القى البكا تفاريح

إزاي بتتغير دنيايا جوايا

اول ما اكون جنبك

وإزاي يجيلك صبر تنشفي بكايا

والذنب مش ذنبك

انا الاعمى

جفاني الحب ونسيته على ايدين اللي تتسمى ما تتسمى

قطع راسي على خوانة ولا كَبَّر ولا سمّى

ولا سابني اموت مستور

ولمّ عليا ميت لمّة

وذنبك ايه بقية السكة تقضيها بعجوز اعمى؟

انا اللي الناس بتخشاني هوا ومنظر

هموم الدنيا خاشاني وبتمنظر

وعايش عيشة خشّاني وبتغندر

وبتلكلك في حضن الليل سُكّيتي

عواصفي فوق حدود وصفي

وبابك صعب يتحمل عواصف مهما سَكّيتي

انا المدبوح

ولما تقولي حبيتك بحس دماغي واكلاني

اردّ بايه على بنيّة في كل كيانها شايلاني

انا المجرم وانا القاسي

وانا اللي نسيتها ميت مرة ما نسيتني

ومشيتها في دروب مرة ما ملّتني

وداست ع الطريق حافية وسلّتني

وصحيت بدري وقت الفجر صلّتني

ارد بايه؟

وقلبها سابها في متاهة

قليل الاصل غَيَّاها

وقلبي التاني قسّاني

وقلّ باصله ويّاها

غرامك يا ام طيف مخمل بيتجمّل

ويفرش صدري بالعنبر وبالمحمل

انا المعشوق يا كل العاشقين غيروا

تحبوا شيء جميل طبعا

لكن تتحبوا ده الاجمل

حبيبتي احلى من شعري واحلى م الحروف كُمَّل

ولا بتهجر ولا بتغدر ولا بظلمها تتململ

لكني في حيرتي بستغرب

انا ازاي مش بغني لها ؟

وهي ازاي بتتحمل؟؟

. هشام الجخ إيزيس

ضى النور           
ـــــــــــــــــــــ
كلمات: عمرو الأديب
غناء: شريف أبوشامية
عمـر أبو حشيش
خــالـــد جمال
راب: أحـمد بدير
توزيع ومكساج: ميدو راشد
صولو الكمان: ديفيد هانى
ليد جيتار: كــريم شريــــف
ــــــــــــــــــــــــــــــ
ممكـــــن نغير المقـــــدور
نطلع من عتمة لضى النـور
أنا شاب عجز ألف عــــــام
أنا بين جراحى ميت زحـــام
من ألمى ساكت بس خلاص
هنطق كـــــــــــــــلام
ناس ساكنة فى القصــور
ناس تنحت فى الصخــــور
وإللى تايه فى الحيــــــاه
يتمنى يوم تلعب معــــــاه
وإللى بيكافح يعيـــــــش
إن كان فيها أو مفيـــــش
وإللى مرمى على الرصيـف
نفسه فى لقمة أو رغيـــف
عايز عدالة إجتماعيــــــــة
نفسه فى رحمة إنسانيــــة
جواه جزء من الضمــــــــير
جزء كان فاكره أسيــــــــر
جزء ما عنده فى السبــــاق
إنت نمت هو فــــــــــــاق
قول مواويــــــــــــــــل 
هات للفرحة 100 دليــــــــل
إكسر عين المستحيـــــــل
إرسم ضحكة على الوشوش
حلم بكره متسيبـــــــــوش
زى ما الصوم نهايته فطـــار
أكيد طالع عليكى نهــــــار
زى ما الليل بيعدى يــــــروح
هنمحى الخوف  نداوى جروح

 Folow 4G Band on Facebook :
https://www.facebook.com/pages/Sodfa-Band/1519502864954910
Follow Amr El adeeb on Facebook:
https://www.facebook.com/AmrElAdeeeb


ضى النور | Dai Elnoor - 4G BanD

أنا لسه يا رب بنام ع الأرض .. فِ عز البرد 
و بعيط لو أحس إن أنا مشتاق .. 
أنا لسه بخاف م الضلمة 
و أخاف م الكلمَّة .. لو فيها فُراق !

أنا لسه بصدق أي وعود
 و بدمَّع على صوت العود 
و أستنَّي الفجر يأذن و أدعي 
إن أنسي حاجات وجعاني .. 
أنا لسه بعاني من الموت و الفُرقة
و بحوِّش أوقات الضحك 
أنا عاين ليها 200 ذكري 
و شايلهم فِ مكان فِ الدرج 
أنا باعت من آخر مرة جواب يمكن ما نفِعش أقراه 
لكن محفوظ
 أنا كل محاولة ف إني أشوفها تملِّي تبوظ 
ف عموماً
 أنا فعلا آسف إني بكيت 
علشان ضاعت روحي ف روحها 
أنا غصبن عني لضمت جروحها فِ شوقي و تهت 
أنا سيبت بيبان روحي مواربة على ضحكتها 
فَ خدتني و مُتْ

أنا شُفت ليالي كانت بتفوت .. تستني خيالها من الشباك
 أنا روحت هناك استنيتها 
بصيت على آخر رُكن فـِ روحي
 فـَ لاقيتها بـرغم البُعد .. ما فارقتنيش

أنا تُهت و تاهت مني الدُنيا 
فـَ حضنت الذكري فـِ ضمتهَا 
لو كنت أعرف بس إنهـا مش جاية
 ماكنتش مـِ الأول حبتها

كلمات و القاء : شيماء عبدالله
مونتاج : ضياء صبري


Shimaa-Abduallah Makontesh 7abetaha

هشام الجخ - آخر قصيدة أكتبهالك

زجزاج - تضيق بنا الدنيا

قصيده مكتبهاش نزار

Lyrice : bilal ismail

prod by : RaKan Sherif Mohamed

https://www.facebook.com/Bilal.3056/

https://www.facebook.com/bilal.ismail305

https://www.instagram.com/bilal.ismail305/

https://www.youtube.com/channel/UCf1eqbIfFHRxcUeDk_c1wdA?view_as=subscriber

النهاية الحزينة

- نص " الطوفان "

إيدي إتملت تشريح
قلبي مُبتلي وجريح
مفيش مكان قابل
ومفيش حنان في الريح ..
خفف إيديك عني
أنا قولي ماشي صريح..
مابخافش مِ الضلمة
وبقول عليها ضلام
ماتجملوش تعبيركوا أكتر من كدة
مش كل حاجة صادقة في الأحلام
سيبوا الجبل يتحامي فيه واد نوح
أنا قلبي شي شفاف مابيحتملش شروح

يافطة طبيب نفسي
ومُبتلي
وقاسي
الخلق دايما مش علي مقاسي
قلبي الجميل عشمان يلين القاسي
أوضة فاضية
وعشر كراسي مليانين
بدموع قلوب كانت هنا
رحلت وسابت جنب منها حنين -
قلبي يساع المحتاجين
لكين مابيسعانيش ..
عيني بتشوف الجميع وماتشوفنيش
الطوفان بيغرق الأوضة
وأنا عايز اعيش ..
مفيش غير برواز بتحامي فيه
فين السفينة والموكب..؟
"مش هو دة اللي اتفقنا عليه"
الكرسي دة بيغرق ..
مع إنه ماشاركش المهزلة
الوردة دي جميلة وآمنة
مش لايقه روحها ع الغرق
ولا عودها قادر وسط هذا الكون / يجدف بالورق..
سورة "يس" وقعت من علي الحيطة
والحيطة خايفة بتحتمي بحيطة
هذا العامود ماعملش حاجة -والله-
ساند قلوب مسكينة مكبوتة
الطفل دة بيموت
مع إن الموت لابد يموت
ودة أولي..
خُسارتي ؟ حاجة مُتداولة

الأوضة فاضية
والطوفان عالي
عيني سرقها الغرق
والموت بيحلالي
رفرف جناح طير من هنا
ولا الحيطان بتتنفس
- أنا خايفة بتأسف -
شكي في نفسي.. مشككني
أحب أقول عنك وأخاف أقول عني

الأوضة غرقت ولا ؟
الدمعة
لسة
في
النني.

النهاية الحزينة

bilalismail_official

Recent comments

Bn

Esraa

Esraa

Esraa

Related tracks