اقوال وافلام

el2abnody

عبد الرحمن الابنودى

hasnsa

الخال الابنودي

algakh

abnody

رسائل حراجي القط كامله

على ذكر آل النبي وقف الكلام معدول
نظرة يا سيدنا العلي سيفك جلي معدول
يا رب عبدك كواه عشقه لرسول الله 
لا طلبت مال ولا جاه بس أتحشر مع دول

هشام الجخ - على ذكر آل النبي

خلود الملحمة الشعرية للابنودي والمعنونة " جوابات حراجي القط العامل في السد العالي الى زوجته فاطمة احمد عبد الغفار في جبلاية الفار". يكمن بما تتضمنه من عمق انساني وقيم رائعة تمجد العمل. مشبعة بحكمة الغلابة وبآمالهم البسيطة الصعبة المنال... الحميمية البالغة والمشاعر النقية.

الرسائل المتبادلة بين حراجي القط (الجُط) وزوجته فاطمة أحمد عبد الغفار (فاطنة), ديالوج ومونولوج متناغم بينهما وداخلهما... مناجاة عشاق رقيقة مفعمة بالشوق العارم... ترجمة بليغة لحكمة البسطاء وغفلتهم بنفس الوقت.

جوابات الاسطى حراجي القط - الجزء الأول - عبد الرحمن الأبنودي

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

ذكرى مقادير

حبيبتى كل ما بنسى تفكرنى الحاجات بيكى

ائنك تدمعك عينى كأنى مش هغنيكى

دمايا متستهلش تكون كحلة ليله لعينيكى

و انا الدرويش ..

انا السابح بمسبحتى .. ومبخرتى .. و توب الخيش

اغنى لك .. و امول لك مواويلك .. ماتسمعنيش ولا تشوفينيش

ومش لازم مادام عايشة .. مادمت بعيش

وياما بيكى عقلى اتجن

وانتى الأنّ .. انتى الظن

و أنتى قلمى لحظة فن

يا غنيوتى .. انا احزن اغانيكى

و انت الحلم .. اااه من حلم .. لا نسينى ولا نسيكى ..

حبيبتي كل ما بنسى تفكرني الحاجات بيكي - عبدالرحمن الابنودي

وحّد إلهك ..

واترمي كنَفه وجنابه ..

واشكره ..

وامّا تيجي تشكره .. أشكره ..

إنه علّم حد فينا يعلّمك .. إزاي بقلبك تذكره .. وتشكره ..

وحّد إلهك ..

واترمي في كنفه وجنابه ..

ما تفارقش ف يوم عَتابه ..

واسعى سعيك .. احبي حبيك ..

وامشي مشيك .. واجري جريك ..

مهما تقلت المعاصي .. اوعى تيأس ..

ربنا مش زيّه زيّك .. ربنا بس اللي ما بيقفلش بابه ..

فاحتمي ف كنفه وجنابه ..

واحفظ السكة اللي ترجع منها ليه ..

إن عصيت .. وأكيد حتعصى .. استحي وارجع ناديه ..

اللي دخلوا الجنة يا ابني مش ملايكة .. اللي دخلوا الجنة كانوا زي ابوك .. شنقوا من كتر المعاصي .. بس تابوا ..

وانت حظك .. ان ربك رحمته سبقت عذابه ..

فاترمي ف كنفه وجنابه …..
عينك على امك ..

مهما كان حجم انشغالك ..

اوعى تكبر وانت مش واخد بالك ..

اوعى تعرج .. ولا تتقل ودنها ومتاخدش بالك ..

اوعى يلهيك عنها حالك ..

عايز امّا اموت ..

يفضل لي كف وعين وصوت ..

وكتف تتسند عليه متكلفتة ..

ونفس يدفي فرشها ف برد الشتا ..

وقلب مطمن بإني مشيت وسبتها لك ..

فاوعى يلهيك عنها حالك..

طول حياتها .. شيلها في عنيك وف وريدك ..

حج بيتها كل يوم .. بيتها ريدك ..

في المدافن وانتو جايين حابقى في العين اللي جنبك ..

حابقى شايفك ..

عايز اشوفك وانت بتنزلها بيدك ..

وانت صاين لحمها لحد الممات ..

سيبها تتباهى بآخر لمسة منك لما تنزل وسط باقي الأمهات ..

حتقول ده ولدي .. صلب ابوه ..

جبته للشيلة الأخيرة .. وسبته لاخواته البنات ..

أوعى تطلع واد جبان ..

اجري خلف الموت يخافك ..

موت فدا البلد اللي ربت لك كتافك ..

اوعى تنكر خيرها زي الخوانين ..

الطماعين اللحاسين الكدابين ..

اوعى لينسوك يا ولدي انت مين ..

وابن مين ..

اوعى ماتفرقش بين العفيانين والورمانين ..

اقرا من كتب الشمال ..

واقرا من كتب اليمين ..

اقرا لصحاب البلاط ..

واقرا أدب المسجونين ..

شوف حكومات السياط ..

واقرا سيرة الراشدين ..

أوعى لينسوك يا ولدي .. مصر مين ..

أوعى تركن للكلام اللي يوماتي بنسمعه م الرغايين ..

مصر خوفو .. مصر خفرع .. الحضارة .. السنين ..

لا يا ولدي .. مصر انت .. مصر شغل وناس بتعرق ..

مصر جيش من غيره نغرق ..

مصر حواليها العِدا متربصين ..

اوعى تنضم لعشيرة البياعين ..

حتى لو تهموك يا ولدي زي ابوك وقالوا كافر ..

قل لهم أنا ديني ربي .. وبعد منه .. مصر دين ..

آخر وصية ..

لما تكبر حتلاقينا في التاريخ ..

باب صغير .. حيداروه .. مكتوب عليه (شباب ثاير) ..

مش بعيدة يعلموكم في المدارس وقتها إن اسمها نكسة يناير ..

قل لجيلك .. إنها ماكانتش نكسة ..

واننا جيل البداية وانتو دوركم جاي لسة ..

وافرد كتافك واحكي عن جيلي بفتوة ..

عايز الناس لما تسمع نبرتك في الميكروفون يقولوا (هو) ..

اللي خلف لسة عايش ..

لسة صوته ونبرته فيها الوجع ..

لسة واقف ضد ظلم الجبارين .. وقفة جدع ..

آخر وصية ..

سبت لك ورثك براح .. تسقي كرمه يزيد ويكرم ..

سبت لك ستر وجناح .. عقل يفهم .. قلب يرحم ..

سبت لك حب الغلابة .. ناس كتيرة .. جيش عرمرم ..

وان جم يقايضوك بالفلوس .. ويقعدوك وسط الكبار .. ويسكتوك ..

قل لهم أنا زي ابويا ..

لا عمره كَلّ فضلة موايد .. ولا عمره رمرم ..

سبت لك حب الغلابة .. أغلى من كل الدهب .. واكتر .. وأعظم.

جديد : هشام الجخ - حمزة

على مشهد اللي افترَقْ

يِبكِي العَرَقْ وينُوحْ

إيَّاك تخافي الغَرَقْ

قلبي سفينة نوحْ

لا تغُرِّك المتاهات..

ولا صَهْد أيَّامِكْ

عُمْر اللي سقَّى ما ماتْ

وآهو زرْعُه قدامِكْ

شُوبش يا الْخَطَّافِينْ

خبِّيتوا الخِطَّة فين؟

وبيِبْنُوا قلوعِكْ من جوعِكْ

وبيرْمُولْنا الخُطَّافِينْ

يا ريتني كنت ملِك النَّحلْ..

أقول الحقّ مرّة.. وأموتْ

عينيكِ فدّانين من نَخْلْ

ومن مِيتَى النّخِل بيموتْ؟

والبت عروسة بكَارْ

زفُّوها بضرْب النَّارْ

حواليها خَدَمْ وِوْلادْ

فارْشين وَرْد وسِجَّادْ

واخْدينْهَا بالخِنَاقَة

والمَهْر أَلْف نَاقَة

والنِّيل اِعْوَجّ ولَفّ

ويا وِيل الزّرع إنْ جَفّ

صوتَكْ هَجَّة مهجَّة

والشَّاطِر يِتْهجَّى

فِيض يا نِيل في جنادِلْ

ما تصُبِّش في الجرادِلْ

ده البِتّ عروسة بكَارْ

خَطَفُوها بضرْب النَّارْ

هشام الجخ - ملك النحل

الصدفه خلتنا نحب  ♥    ذكرى

نسيمك عنبر و أرضك سكر
و قلبك أخضر 
و إني طفل هواك على حضنك الحلو أنمو و أكبر 
و إني أحبك أكثر ... 

تكبر تكبر .. محمود درويش

مختارات الأبنودي 1 -  قصيدة إشمعنا بكرا

مختارات الأبنودي 1 -  قصيدة الدخان

مختارات الأبنودي 1 -  قصيدة سوق العصر

مختارات الأبنودي 1 -  قصيدة لوحدي

مختارات الأبنودي 1 -  قصيدة يامنه

مختارات الأبنودي 2 - قصيدة الربابة الحزينة

مختارات الأبنودي 2 - قصيدة الليل والمنجل والمحراث

مختارات الأبنودي 2 - قصيدة الإيدين المتهومة

مختارات الأبنودي 2 - قصيدة الكلاب

مختارات الأبنودي 2 - قصيدة النمل

مختارات الأبنودي 2 - قصيدة صيادين النجوم

رباعيات صلاح جاهين -سيد مكاوي

احنا ولاد الكلب الشعب - عبد الرحمن الأبنودى

 قصيدة إبراهيم طوقان، كتبت في العام 1934

Mawtni - Hani Metwasi (ft. Pedro Eustache)  |  هاني متواسي - موطني

العمل الفني .. موطني ..
كلمات الأديب الفلسطيني إبراهيم طوقان
أداء المنشد حسين الأكرف

التمسك بالقضية الفلسطينية, استمرار الحراك العربي المطالب بالديمقراطية لكل الشعوب العربية.

مشاركة شخصيات من مختلف البلدان العربية..
جمال عيد مدير الشبكة العربية لمعلومات حقوق الإنسان ((مصر))
كمال أبو عيطة مؤذن الثورة المصرية و رئيس اتحاد النقابات المستقلة ((مصر))
هادي رسول شاعر وأديب ((السعودية))
وليد العماري ناشط شبابي في الثورة ((اليمن))
ناهض خلف ناشط اجتماعي ((فلسطين))
زهير مخلوف ناشط حقوقي واعلامي ((تونس))

جمعية الوفاق الوطني الاسلامية - البحرين
المركز الاعلامي

مختارات الأبنودي 1 - قصيدة يامنه

‫عبد الرحمن الأبنودي‬‎