Name: مختارات الأبنودي 2 - قصيدة الأرض والعيال by ‫عبد الرحمن الأبنودي‬‎
Duration: 3 min 8 s
Description: مختارات الأبنودي 2 - قصيدة الأرض والعيال

قصيدة احمد سماعين (كاملة) عبد الرحمن الأبنودى(MP3_128K).mp3

قصيدة: الموت على الأسفلت (1988 - 1995) - الجزء الأول
شعر وإلقاء: عبد الرحمن الأبنودي
كُـتبت في رثاء الفنان الفلسطيني ناجي العلي

Abdulrahman El-Abnoudi عبد الرحمن الأبنودي_الموت على الأسفلت_الجزء الأول

شعر وإلقاء عم نجم
---
الغرام فى الدم سارح 
والهوى 
طارح معزه 
والحنين للقرب بارح 
والنوي جارح
يا عزه 
يا إبتسامه فجر هلت 
بددت ليلي الحزين 
يا ندى الصبح اللى سأسأ
فوق خدودي الدبلانين
بلّ شوقهم 
صحى لون الورد فوقهم 
كل خد
وشم ورده
مين يدوقهم 
غيرك إنتي
ومين سواكي 
يا حياتي
يا ملاكي 
يا نسيم الحب لما هب 
هز القلب هزه 
يا هوى الأحلام يا عزه 
الليلادي جـُم خدونى يا ملاكي
جوز تنابله 
ونـُص دسته 
من التيران 
كنت بأحلم يا حبيبتي
كنت بأحلم 
بيكي انتي 
كنا قال 
أنا وإنتي قال 
ف جنينه خضرا 
ومحاوطها البرتقان 
والسيسبان 
وإنتي جوا قرنفلايه 
بالعبير بتستحمي 
أجري يمك يا هوايا 
تسبقينى وتجري يمي
أحضنك 
وأشرب عبيرك 
من شفايفك 
والغصون 
واقفه وشايفه 
بتراعينا 
بس خايفه م العيون 
والعيون بتقول كلام 
والكلام 
طاير حمام 
بينادينا بالأغاني
ويهادينا بالسلام
كنت بأحلم يا حبيببتي
كنت بأحلم
بيكي إنتي
أيوه انتي
ومين سواكي
يا حياتي 
يا ملاكي
يا نسيم الحب لما هب
هز القلب هزه 
يا هوى الأحلام يا عزه 
وأنطلق فى الجو فجأه 
يا حبيبتي
صوت مفاجأه
صوت يخلي الدم يجمد 
إصحى يا أحمد 
إصحى يا أحمد
وانتهى الحلم الجميل 
وابتدا الهم التقيل 
فين إمام 

إنتوا مين 
إحنا ناس مكلفين 
تيجي سالك مش ح تتعب 
وإحنا طبعاً معذورين 
إنتوا دود الأرض 
والآفه المخيفه 
إنتوا ذره رمل
فى عيون الخليفه 
إنتوا كرباج المظالم
والماسي
إنتوا عله ف جسم بلدي
إنتوا جيفه 
سكتوه ابن الكلاب 
سففوه من التراب 
فتشوا كل الأماكن 
طلعوا رفوف الدولاب
كمموني يا حبيبتي
كتفوني يا حبيبتي
قومونى .. قعدوني
كل شعرة فى جسمي 
بالعين فتشوها 
المخده من جنانهم
شرحوها 
وإنتهى التفتيش
ما فيش
صدقيني 
ما تخافيش
هو فيه يا عزه عندي ممنوعات 
غير بأحب الناس 
وبأكره السكات؟
بص واحد م التنابله 
جوا عيني 
وإنتي عارفه 
عنيه صافيه وطيبين 
زي كل عيون بلدنا يا حبيبتي 
شباكين 
ع القلب دوغري موصلين 
كان مُـناه يلمح علامة خوف بسيطة
طب حييجي الخوف منين ابن العبيطة 
هو مين فينا الجبان 
ولا مين فينا اللي خان
اللى قلبه بالمحبة وبالأماني
وبالربيع الأخضر مزهر 
والأغاني
ولا كلب الصيد 
وأسياده الأباطرة 
أكالين لحم البشر 
فوق الصواني؟
هو مين فينا الجبان 
ولا مين فينا إللى خان 
هو بص فى عيني بصة
إرتجف وف حلقه غصة
واتعوج ومال وقال
جملتين مش مفهومين 
أصله شاف صورتين جـُمال 
فى العيون الطيبين
مصر فى العين الشمال 
وإنتي فى العين اليمي
-- 
1972 من سجن القلعة

بلدى و حبيبتى - احمد فؤاد نجم

ليه أنا شيخ !

- ليه انت شنو ؟

ليه أنا أنت يحبه وعاوز أنا يجي هنا علي طول

- كده من غير سبب .

لا .. لازم في سبب

- ليه القمر ينظر للأرض بنوره ؟ .. و ليه الموج يمشي للشاطئ ؟ .. و ليه الثمرة تنزل لتحت عايزة اللي يقطفها يا خواجة ؟ .

ليه شيخ ؟

- حكم المحبة .. المحبة تحكم .. المحبة تستر .. المحبة سر .

شنو سر في محية ؟

- سر عجيب .. كل حب يتعلق بسبب يزول بزوال السبب .

يعني شنو ؟

_ يعني الحب ما ينفع بسبب .. لأنه هو نفسه سبب الوجود .. ولو في سبب يوم من الأيام هيزول .. الحبيب حبيب .. ما عشان كريم ولا جميل ولا لطيف .. حبيب وبس حتي لو منع أو بعد أو غاب .
- صح انا افهم كلام دي
و بعدين انا لي عشرين سنة كل ما نوم ياجوا لي و يجولولي الحق الخواجة داير يموت اجول ليهم كيف يموت ده من حبايبي و ما اتجابلنا و استناك لحد ما اتجابلنا عشان اجول ليك لسه ياما تشوف و يا ما تحب 



اجمل مقطع في مسلسل الخواجة عبد القادر

مختارات الأبنودي 1 -  قصيدة صمت الجرس

مختارات الأبنودي 2 - قصيدة الدايرة المقطوعة

مختارات الأبنودي 2 - قصيدة الأرض والعيال

مختارات الأبنودي 2 - قصيدة النمل

مختارات الأبنودي 2 - قصيدة صيادين النجوم

مختارات الأبنودي 2 - قصيدة الأرض والعيال

‫عبد الرحمن الأبنودي‬‎

Recent comments

آية

Related tracks