ويجز وليجسي / سراديب اتنين بليل  wegz ft legecy / sradeeb 2:00 (prod by younies)

RAVEN  x RYZEN - اخر جولة

ahmed mekky

2023

أغنية ولعانه أحمد مكي الكبير الجزء السابع Ahmed Mekky W

يمكن مش مسموح
مش زي ماعودوك
لو نويت اوصلك..

مزيج | يمكن مش مسموح

HARMONICA مَولاَنا

هنزل بالكف

أيها الأخوة المُستسلِمون ...
شالوم ..

وان كان حُدوث هذا الـ (شالوم) .. عِنوة ..

والنوم في بناطيل العُراة، عِروة ..
واللُّوم على قدوم الرُعاة، غِنوة ..

والمَن والسلوى 
أكلة مش حلوة ..

والمجد للدوم 
والبصل 
والتوم .. 
..
شالوم ..
..
علشان مفيش غير الـ ( شالوم ) حِجّة .. 
وعشان تدوم نار العرب 
فوق العَلَم، وَجّة ..
تِلفت نَظَر كل اللي نِفسه يدوق ..

هذا المكان المِستِوي المحروق ..
راشش زتون (بِلفور) على العِجّة ..

فــ ولّي وجهك شَطرَ (البنتاجون) 
ثم احتسبها عِندَهُم، حِجَّة ..
..

ريحة الدماء في المنطقة فَجَّة .. 

رِن الجرس ..
عَلّي الآدان ..
وَطّي الحَرس ..
هَوّي المكان ..

وافتح بيبان المشرحة والشيش ..
خَبّي الفيران في محاكم التفتيش ..

رُش السلام وسط الكلام بشويش .. 
رُش المعونة فوق عجين العيش ..
رُش الوطن فوق العيال في الجيش ..

وأما الحروب تبدأ تصير مبدأ ..
إما الهروب ..
أو م الأساس ماتجيش .. 
..

ريش الحمام جوة الشعار .. 
مش ريش !
دي مَراتب الخيش اللي تحت الغلابة ..

الغرب، محميات لحفظ البشر ..
والشرق، غابة ..

لو فاكر اللي حاميك حدودك، 
فَشَر ..

النسر جنب النجمة، 
ع الدبابة ..

السِّلْم عار 
والحلْم 
أسرع كلب ينقلَّك سُعار  ..

والتار شاريك ..

مش بس جُرأة قلبك اللي تطُخ نار ..
الخوف شِريك ..

إقطع إيديك لو ماسكة في معاهدة أبيك .. 

عاوز تولّع فيك، 
تمام، 
فين السولار ؟

فادَك بإيه سعر الدولار يا اللي انت مدفون في الركام ؟
..

ما أحقر الرمز أما يبقى ركيك !

زي اللي باع في الحرب كل الحَمَام ..
في السلْم جاع 
أكل "السلام" 
بالفِريك ..
..

-شالوم عليك، يا هجين ، يا متعرّب ..
-أهلا، يا عربي أصيل ، يا متغرّب ..

قرّب هنا 
خَلي سلامنا يدوم ..

خليك هنا
تحت الثرى 
مدفون ..

وسط الدرة لابِد لاخوك عابِد ..
 
وسط الدرة 
لابِد أنا ،  "شمعون"

شايل معايا التلج والمقلاية ..

بتغدَّى معْ مجلس إدارة الكون ..

ساكنين في أسفل أسفل الجبلاية .. 
بنعيّن الميمون، بدال ميمون ..
وبندفن القرد اللي جاي يعترض ..
..

بكرة ..
جايين بالدين وبالخمرة ..
فوق المؤامرة 
هنيجي بمؤامرة ..

بكرة المعابد 
تيجي وسط البلد ..
وهيلبسوا الحاخامات
عِمَم حمرا ..

.. 

آدوناي !
يا حارق موسى بالجمرة ..
امنح يهودك نخلة أو  تمرة ..
..

وختام
 بدون إمضاء ولا أختام ..
من إشعياء
 - ماعرفش كام أو كام -
ماعرفش ده التحريف أو التنزيل ..

لكنُّه قال :-

يا أهل إسرائيل ..

يا مُختارين 
الأرض دي مِلكُكُم ..
فـ ان تاه مابينكُم أي يوم أمْرُكُم ..

أمريكا
حلقة وصلُكُم  بالرب ..

فادعوها دايمًا 
تستجِبْ لكُم ..
..

"خطبة السبت"
#بشيكل_فول_وبنص_طعمية
مايو / ٢٠١٨

‎⁨خطبة السبت - حسام إبراهيم

$TRACT - ANTISOCIAL ILLUMINATI PT. 2 (CYBER$PYDER)

DESAPEGO CÓSMICO - YURI REDICOPA & ARI FALCÃO (DJ DWS)

الصخر لو ينفجر النبع إيه ذنبه؟؟
سباق في ساحة 
ما بين إنسان وبين قلبه
مادام لموت إحمل السيف اللي بتحبه
واذا اندفعت اندفع واذا ان وقعت تسد 
طول عمر وطنك بيحلم تبتدي حربه
وجي يا بلد الحرايق وإصرخي بجنون
وإحرقيها مدن وكروم وناس وسجون
ملعون أبوها الحمامة أم غصن زتون
معمولة لجل الضحايا يصدقوا الجلاد
أحبك العمر يا فلسطين واموت مديون
يا إيد يا متكتفة يا ظهر يا منجلد 
يا طفل مين ورثك الاحتمال والجلد
يا طفل بهموم رجال يا بنت قبل الولد
يا أرض تطرح حصى يا قلوب بتطرح عند
مين اللي قال الكلاب تسكن عرين الأسد
...............
لسه ما شبعتش طوافة ؟
ياللي بتطوف من سنين
يا قمر مولود في يافا
واتقتل في دير ياسين
لسه ما كرهت الليالي ؟
لسه ما شبعتش مشاهدة؟
يا قمر حالك في حالي
ضيعونا بالمعاهدة 
يا قمر هدوا قبورنا
واستباحوا اللي ف صدورنا
دمروا قلوبنا ودرورنا
حقنا أصبح خرافة
وضعت يا بلدي الأمين
...........................
يا قمر تصعد في يافا
تترمي في دير ياسين
.................
ع الزتون والبرتقانة
إرمي ضياتك أمانة
احنا يكرها اللي خاين
واحنا تكرهنا الخيانة
يا قمر وغيوم بتحجب
دمنا لما يسرسب 
دنيا تحترم اللي يغلب
حتى لو شيطان لعين
.....................
يا قمر بشر في يافا 
واتصَلَب في دير ياسين
...............
يا صبور الصبر واعر 
للدماغ وللمشاعر 
قلب ندل وحضنوه داعر
ليتني ما كنت شاعر
كنت أفلت م الكمين
..................
صرختي بتموت في همسي
ليتني ما غادرت أمسي 
ليتني ما صاحبت نفسي 
ليتني ضميت خوامسي
يوم ما أقسمت اليمين
................
يا قمر عاشني في يافا
واتقتلنا في جينين
.............................
يا قمر وانت المنارة 
ألف وجه لألف حارة
إنت أطفال الحجارة 
يا قمر وانا طفل مين
.........................
قلبي م الفرحة تأذى 
بحزن الأحزان بلذة
يا قمر عبر بعزة 
عن ميلاد النو في غزة
وف رام الله وف جينين
...........................
يا قمر إغضب بحدة 
إنتفاضة مالها ردة
زي ما في يافا واحدة
واحدة برضك دير ياسين 
.............................
يا قمر خدته ليافا 
واتردمنا في جينين

الموت علي الاسفلت

Ultras White Knights' second album in 2013, the tracks mainly focus on the group's core ideas, beliefs, and the causes it supports .. السي دي الثاني لمجموعة أولتراس وايت نايتس اللذي تم إصداره في 2013؛ الأغاني تركز بصفه أساسيه على أفكار المجموعه وقناعاتها والقضايا اللتي تدعمها

أغنية ولعانه أحمد مكي الكبير الجزء السابع Ahmed Mekky W

GTM_27

Related tracks