هيطلع نهاري وادمر بناري بحور الكلاب والسجون من طريقي

الشيخ امام

الشيخ إمام - إمسك يا بوليس

البتاع - الشيخ إمام - أحمد فؤاد نجم

يا عم ادريس
يا عم ادريس
يا بو المرجيحة و القواديس
ما جاش الدور
عشان يطلع قادوسى لفوق
وابوس النور
و اطفي للعلالي شوق
و أغني ف الهوا موال
على ورد الخدود و الخال
و أدوق الحب سحر حلال
و أشوف الدنيا و أبقى عريس
يا عم ادريس
يا عم ادريس
 
 
يا عم ادريس علي الدور
ادور و اطلع مع الطالعين
كفاية سنين يا عم ادريس
يا عم ادريس كفاية سنين
و انا و عيال كما العصافير
رفاقة كلنا و فرافير
يا دوب يعلا القادوس بينا
يعدينا الجناح و يطير
و ننزل تاني
لا فرحنا
و لا عرفنا الطريق من فين
و جينا زي ما رحنا
حيارى و محرومين لتنين
نداوي بالغنا جراحنا
ونغسلها بدمع العين
و جرح النفس له وجعين
يبكي القلب
قبل العين
و قاضي الحظ له شرعين
لأهل البخت
و المتـــاعيس
يا عم ادريس
يا عم ادريس
 
و آه لو بختنا يشوفنا
و نرمي الزهر يدينا
و قاضي الحظ ينصفنا
و يحكم بالأمل لينا
و نتمرجح على كيفنا
و ينساب القادوس بينا
ياخودنا بعيد و يحدفنا
و عند الشط يرمينا
على بحر النسيم نسبح
تلعلع فيه غناوينا
و نبدر ف الهوا حبه
تقول للهم يتجنى
وترسى هناك مراسينا
و يبقى الجو هليلة
تلعلع فيه غناوينا
و نبدر ف الهوا حبه
اغانى كلها محبة
تقول للهم يتخبى
و ترقص ف الفضا الفوانيس
يا عم ادريس
يا عم ادريس

الشيخ إمام | عم نجم - ياعم إدريس

تسجيل نادر يذاع لاول مرة الشيخ امام عيسى - نور الجلالة زى البشاير فارد ستايره فوق المقام
اشعار : احمد فؤاد نجم 
http://misrfone.net/
مداح وغاوى 
أقول غناوى
عل الليل وسهده والعاشقين
والغنوة دى نادرين على لاجل ام هاشم والندر دين
بنت الكرام ياسيدة
ياام المقام ياسيدة
انا على الدفوف 
انشد واطوف
بس القبول بس الرضا ياسيدة ياسيدة

تسجيل نادر يذاع لاول مرة الشيخ امام عيسى - نور الجلالة زى البشاير فارد ستايره فوق المقام

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام


في معتقل القناطر، في عام 1970، كان الشاعر أحمد فؤاد نجم والشيخ إمام عيسى، ومحمد قطب شقيق سيد قطب، زملاء في نفس العنبر، عندما ألهمه محمد قطب قصيدة الطنبورة التي لحنها الشيخ إمام .. فما هي حكاية "طنبور قطب ونجم".

ومحمد قطب مفكر إسلامي، تأثر بأفكار شقيقه سيد قطب الذي أعدم في أغسطس 1966، له عدة مؤلفات من بينها؛ كيف نكتب التاريخ الإسلامي.

يقول نجم عن حكاية قصيدة الطنبورة إنه "ذات صباح دخل عليّ الشيخ محمد قطب، في زنزانة 1 بسجن القناطر، قائلا: أنا حلمت حلم فني".

تساءل نجم عن الحلم، فأجابه قطب أنه "رأى نفسه يخرج من باب السجن، ليجد رجلا عجوزا ممسكا بطاحونة بن، وهو ينشد "طويلة قوي قوي حكاية الرسالة"، يقصد "رسالة الإسلام"، فرد نجم "الله يا مولانا..تسمحلي استخدم الجملة دي في قصايدي"، فأجابه قطب: "أمال أنا جاي أقولك الحلم ده ليه".
فكتب نجم، قصيدة "المقالة" بعد أن استبدل طاحونة البن، بـ"الطنبور" وهو آلة ري انتشرت في قرى مصر، ولحنها الشيخ إمام.

حكاية المقالة (الطنبور) الشيخ امام

قلوبنا معاكي يا سيناء

واه يا عبد الودود _ للشيخ امام 
كلمات :  احمد فؤاد نجم
الحان : الشيخ امام 
................
واه يا عبد الودود
 يا رابص عالحدود 
و محافظ ع النظام 
كيفك يا واد صحيح 
عسى الله تكون مليح 
وراقب للأمام 
أمك ع تدعي ليك 
وع تسلم عليك 
وتقول بعد السلام 
خليك ددع لابوك 
لا يقولوا منين دابوك 
ويمصِّخوا الكلام
 واه يا عبد الودود 
ع أقولك وانته خابر كل القضيَّة عاد 
ولسّه دم خـيّـك ما﻿ شِرباش التراب 
حسّك عينك تزحزح يدك عن الزناد 
خليك يا عبده راصد لساعة الحساب 
آن الأوان يا ولدي ما عاد الاّ المعاد 
تنفضّ الشركة واصل وينزاحوا الكلاب 
إن كنت وادّ أبوك
 تديب لي طار أخوك 
والأهل يبلّغوك دميعاً السلام 
واه يا عبد الودود 
كيفك وكيف زمايلك ؟ 
عسى الله طيبين 
خالك زناتي جايلك ضمن المطّوعين 
وأختك تطلع يوماتى ع المستشفى القديمة
حاكم ع يمرنوها فى العركه تكون حكيمه
ومحمدين أبو موافى
بيتعلم المطافى
ويقولك شد عزمك
ويقولك العوافى
ومن ههنا القرايب
والعيله والعيال
ع يبغوك سلامهم
لـ تمه الردال
واخر الكلام
ع نقولك فى الختام
الله يصون بلدنا 
ويحرس السلام
..
والدك حسن محارب
غفير بــُرد الحمام

واه يا عبد الودود _ للشيخ امام

الشيخ إمام-مرمر زماني

الشيخ امام .. يا مصر قومي وشدى الحيل

سألت قمر المسا 
قالي الطريق واعر
لايسكله اللي عشق
ولا يسكله شاعر
سألت قمر المسا 
قالي طريقك صعيب
لا يسلكه طير غريب
واللي انجرح في العشق
منين نجيبله طبيب


محمد حمام - قمر المسا

رثاء الشيخ إمام للزعيم الفيتنامى " هو تشى منه " .


يادى العجب يارجب
يامرتب الحكايات
اسمع وشوف واندهش
واكتبها فى الكتبات
عسى الكلام ينقرى
لو قلبوا الصفحات
خلى الشعوب والدول
تتعلم البطولات
****
الحزن طول عمرنا
له من حياتنا حياه
نقضيها فى النهنهه
ونضيع الأوقات
نبكى على اللى مضى
ونعيش مع اللى فات
شوف العجب يارجب
واعجب من الروايات
شعب الملاحم بكى
نزلت دموعه دانات
ع الظالم المفترى
حلفت عليه ما يبات
****
اول ما طار الخبر
بين الجنود اشاعات
دمع البارود انهمر
دفعات ورا دفعات
واحده تصيب العدا
تردى العدا عشرات
والتانيه من عفوها
زعق الفضا زعقات
والتالته تحمى السما
من فانتوم الخواجات
والرابعه من بعدها
الميه والألفات
فى الأرض والسموات
يغسل طريق البشر
ويموِّت الحشرات
****
ولما ذاع الخبر واتأكد الخبر
صاح السلاح فى الحرس
قال هوشى منه مات
الحاكم اللى زهد فى الملك واللذات
و الزاهد اللى حكم ضد الهوى واللذات
مات المسيح النبى
ويهوذا بالألوفات
مات الصديق الوفى
للخضره والغابات
مات ... 
بس فات للأمل
فوق الطريق علامات
لو سار عليها العمل
طول الطريق بثبات
تهدى الطريق سكته
وتقرب المسافات

الشيخ أمام أنا الشعب

Gamal Salem Al Zeer

Recent comments

♫ يوسف

Rafi Sabri

Related tracks