Elga5

24شارع الحجاز هشام الجخ

(نكسة 67)
انسحبوا كان اللاسيلكي بعيد والعسكري مسمعش
انسحبوا
شوفو العجب يا ولاد العسكري مرجعش
انسحبوا
اطرش ده ولا صنم .. ارجع يا جندي بياده
دخل العدو العريش .. ارجع خلاص بزيادة
العسكري سامع لكنه واد مجدع
شال آر بي جيه ( rpg ) وضحك اشمعنى انا اللى ارجع
وقف الزمن مذهول ساعتين وبيشاهد
الجندي قام كبر , والمدفع اتشاهد
الدبابات ظهرت .. ارجع يا جندي نظام
ده كان كلام القياده وده برضه وقت كلام ؟؟
وقف الولد ددبان يا سادة يا سامعين
صادهم كما الدبن .. محروس يا واد م العين
الدبابات صفين .. اتفاجأو وافترقوا
على كتفه كان مدفع .. وعلى الجبين عرقة
غطى العفار النار ولا حد عاد شايف
والدبابات بتهل وده برضه مش خايف
الضحكه على وشه .. ما تقولش بيصيف ؟؟!
ولسه الزمن واقف مبسوط ومتكيف
الدبابات كترت والكتره غلابه
والقلب لو مؤمن ولا ألف دبابه
حتقولو مات الولد انا اقولكم لأ عاش
ما الجنه ولا فيها موت .. ولا تتدخل ببلاش

هشام الجخ - انسحبوا

هذا الحلم الاحد الصمد الساكن فيا
مازالت رغم الثور تحمكنى حكما ملكياأ
نالت منى الدوشه الزيطه
المغرب تنزل بالاستاد 
انا من دلوقتى صغير لسه
بسرح شعري من الضهريه 
وشايف شعرها نازل يدلع علي خدها
والمكوه البايظه 
كانها عارفه معادي معاها اشتغلت وحدها
فرحت بيا سلالم البيت وانا نازل بتنطط فرحه
جلعه عنها حجاب الطرحه وجعدت تدعي
شم المدخل ريحتي عرفنيى 
فمل بعينه عرفته كشفني
كسفني ضربته ف عرٍه وقرش
زعق فيا وقال هتفضل برده صغير مهما كبرت
مدخل بيتنا اللى مربيني
كان ديما عايش وياي
كان يسهر في الامتحانات
ويوصلنا لغايه اللجنه ويستنانا
المره دي جالي امانه امانه 
امانه يا راجل
لتسلم علي نانا
نانا
اصحابي عاوزني اوصفها
انا مش لاقي فى وصفها زي
شعرها اسود لا مش اسود
شعرها ناعم لا مش ناعم
شعرها زي اللى ملوش زي
اسمها نانا وساكنه وريدي 
مشيها زي غريد المي
ريمشها زي جذايل الضي
خدها من النوع الوحدانى اللى ملوش خي
نانا 
كانت لما بتضحك 
يحلى ف عيني العمر اللى جاي
كانت لما بتجرح قلبي
تحلى القلب جول الحي
قالو اصحابي يقولو اوصفها
طب واللهى لا اوصفها
بس هاتولى ف وصفها 

هشام الجخ - نانا

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

للقصيدة كاملة والفيديو 
http://www.algakh.com/albums/%D8%B7%D8%A8%D8%B9%D8%A7-%D9%85%D8%A7%D8%B5%D9%84%D9%8A%D8%AA%D8%B4-%D8%A7%D9%84%D8%B9%D8%B4%D8%A7/

جديد : هشام الجخ - طبعا ماصليتش العشا

قصيدة هشام الجخ الجديدة , حمزة , حفلة مكتبة الاسكندرية 3/3/2015

قصيدة هشام الجخ مكتبة الاسكندرية 3-3-2015

جديد: هشام الجخ - حمزة

غفير القصر...القصيدة الجديدة لهشام الجخ.m4a

قصيدة الطناش لهشام الجخ (القصيدة الجديدة) حفل الإسكندرية 2017

نعناع الجنينة - تراث - فبراير 2017 مع حنان عصام

دخلة هشام الجخ في حفل ساقية الصاوي-

ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك.. بساطك
ماكنتش فى وقت اندفاعك.. دفاعك
و لما عرفت السهاد و السهر
و أول ليله تناجى القمر
وغامت عليك السما و الليالى
سامحنى يا غالى.. ماكنتش سماك
فى اول بحبك.. ماكنتش معاك
و اول واحشني.. ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عاجز افسر بكاك
يمكن لانى.. ماكنتش هناك

قصيدة مكنتش هناك لهشام الجخ ساقيه الصاوى


 
يا حبيبي هذه البدايةُ تختلف
هذا البريقُ الساكن الجفنين
مابين البدايةِ و البدايةِ يختلف
هذه الوجيعةُ حين يُذكر اسمُها
او حين يعلو في الدماء ندائها
هذه السطورُ تألفتو تجمعت كلماتُها
كي تستحيل قصيدة
هذه القصيدةُ تختلف
 
و ادى اللى صار
من يومي مطلوق تحت فوق
عايش حياتى بالإختيار
من غير حصار
 
لا أنا ناوى احب ولا غاوى احب و لا فاضى احب
ولا لاقى سمره ترُجّنى و تخُضَنى
و تصحى فيا الحبر يكتب على الورق
قلبى اتسرق
 
و أنا باعترف
هذه الغلامه تختلف
 
(يا - تيبيارو - بِلو)
أَنَّنِى أَحْبَبْتُك رَغْم زِحَام الغَيَدَاوات
وبِرغم الْسَّفَر و رغْم الْضَجَر و رغْم الَوَجَع
و رغْم الْقَسَم بِأَن أَتَحَجَّر فَوْق سُعَال الْسَّهْو
 
نَانَا تَتَشَبَّث فِى جِلْبَابَك
فَلبَابِك رِيْح يُزْعِجُهَا
يُخْرِجُهَا مِن هَذَا الْحَيِّز يَسْخَر مِنْهَا
إنّى أَحْبَبْتُك رُغْما عَنْهَا
 
و كل ليله كنت باحكي للقمر و باشهّده
واما تِشتي كنت باحكي للمطر و باعهِّده
لما ينزل فوق إزاز شباكك المقفول يقول
هذه القصائد تختلف
هزي سكونى قد مللت الأن أن لا اعترف
 
(هَا – رِي – سَا)
إنّى احْبَبَتُك فِى زَمَن مَا قَبْل زَمَان الْأَرْوَاح
مَاقَبْل النَّهَر و قَبْل الْبَحْر و قَبْل السُّكّر
و قَبْل الْفَجّر و قَبْل الْرَّاح
انّى احْبَبَتُك فِي زَمَن لَا يَعْرِف كَيْف تُسَافِر فِي الْأَوْرِدَة جِرَاح
 
و شايفك عاتترعشي
و شفايفك
بدها تقولي
(اي-كا-دوللى)
 
بحبك قد مانا مشتاقه لبلادى
و قد الوادى من النوبه لحد البحر
بحبك قد يوم العيد و لبس العيد
و رعشة جسمى وانا واقفه بشوف النحر
 
هَذَا الْحُزْن الْسَّاكِن جَوْفَى يَعْرِفُ خَوْفِى
يَحْلُم يَوْمَا أَن يَتَقَيَّأ صَدْرُكَ هَذَا الْجَسَد الْمُتْعَبَ
إِنِّى أَلْهَمَتْك أَشْعَارِى.. فَحَذَارِى
 
بحبك حب صعيدي جوانى
بحبك كيف ما سكن الليل في صوت فيروز
و سكن الصوت في ليل قلبي و جوانى
بحبك حب حّيانى
 
و زود شوقى للحرقه وللقيا و للفرقه
وللدمعه اللى تنزل تحرق الجوابات
و كلمه ماما مش راضيه
و عندي مذاكره مش فاضيه
 
و زود شوقى للمواعيد و للعربيد
و مشتاقلك و واحشانى و محتاجلك بحبك
 
بحبك حب كان مكسوف يبين نفسه قدامى
و كان يطلعلي في منامى
في صورة جوز عيون صافيه
و بنت جمالها كله سمار
و انا شايلك عروس الدار
و ضرب النار في كف عمامي مامبطلش
غريب الحلم لما يواعد النعسان و مايطولش
 

هشام الجخ - اختلاف Hisham Al Gakh - E5tlaf


 
انطردي الآنَ من الجدولْ
 
 
موتي فالكلُّ هنا ماتوا
وأنا اعتدتُ حياتي أَرْمَلْ
 
واعتدتَ الهَجرَ بلا سببٍ
وبرغمِ الحيرةِ لم أسألْ
 
وظلَلْتُ أسجِّلُ أسماءً
وأسطِّرُ خاناتِ الجدولْ
 
ضُنِّي إحساسَكِ ما شئتِ
فأنا مَلِكٌ لا أتوسَّلْ
 
لا أبكي لفراقِ حبيبٍ
أو أترجَّى أو أتذلَّلْ
 
رقةُ شِعري قَوْلٌ إفكٌ
فَفُؤادي مِن صَخْرٍ جَنْدَلْ
 
علَّقتُ نساءً في سَقْفِي
وجلسْتُ فخورا أتأمَّلْ
 
وغزوتُ عُيوناً لا تُغْزَى
غافلتُ رموشاً لا تَغْفَلْ
 
و زَرَعْتُ النُّسوةَ في أرضٍ
لا آخرَ فيها أَوْ أَوَّلْ
 
ديكتاتوريا إن أُعْطِي
ديكتاتوريا إن أَبْـخَلْ
 
 
فانطردي الآن من الجدول
 
 
غِيبِي فَلَكَمْ قَبْلَكِ غابوا
لا شيءَ يَـجِيءُ وَ لا يَرْحَلْ
 
ما الوردُ إذنْ لَوْ لَمْ يَذْبُلْ ؟؟
ما الشمسُ إذنْ لو لم تَأْفُلْ ؟؟
 
لا تَنْتَظِرِينِي نَسْنَاساً
أَقْبَلُ يَوْمَاً أن أتَسَلْسَلْ
 
وَ يَـجِيءَ الناسُ إلى قَفَصِي
لِيَـرَوْا عُشَّاقاً تَتَـحَوَّلْ
 
تتقافزُ كالقِرَدةِ عِشْقَاً
وَ تَـمُوتُ هَيَاماً وَ تُوَلْوِلْ
 
لُمِّي أشياءَكِ و ارتَـحِلِي
بَحثاً عن آخرَ قَدْ يَقْبَلْ
 
أمَّـــايَا .. فلا ثَمَنٌ عِنْدَكِ
تَقْبَلُهُ يدايَ لِتَتَكَبَّلْ
 
إن كان غرامُكِ لِي نَبْعَاً
فَنِسَاءُ الدنيا لي مَنْهَلْ
 
وَ الجدولُ مُكْتَظٌّ جِدَّاً
بِكَثِيرٍ مِثْلِكِ بَلْ أجمَلْ
 
 
فانطردي الآن من الجدول
 
 
غِيبِي وَ تَمَادَيْ في جَهْلٍ
فأنا لا أعشقُ مَنْ يَجْهَلْ
 
إني بَحَّارٌ تَرْفُضُنِي
كُلُّ الشُطْآنِ فَأَتَنَقَّلْ
 
اِعتدتُ السفرَ على مَضَضٍ
وَ قَضَيْتُ حياتي أَتَجَوَّلْ
 
أرتشفُ بلاداً ونساءً
فَهُنـا عَسَلٌ وهُنا حَنْظَلْ
 
وهنا عشت كلص نذل
وَ هُنَا كُنْتُ نَبِيَّاً يُرْسَلْ
 
و هنا ذَبَحُوا شِعري عَمْدا
وهنا شعري صارَ يُرَتَّلْ
 
وأنا والغُربةُ ما زِلْنَا
نبحثُ عن وطنٍ لِنُظَلَّلْ
 
صادقتُ الغُربةَ في الغربةِ
وقضيتُ سنيناً أَتَعَلَّلْ
 
بَرَّرْتُ جميعَ حماقاتي
وَ ظَنَنْتُ بأني أتَجَمَّلْ
 
اليومَ أُزِيلُ عباءاتي
وَ أُكَشِّفُ عن وجهي الأَوْحَلْ
 
مَلِّي عينيكِ بِلاَ خَجَلٍ
فأنا الـمَوحولُ ولا أخجلْ
 
أَغْرَتْنِي أحلامُ الصِّبْيَةِ
فَعَدَوْتُ إلى حُلْمِي الأمْثَلْ
 
وَ بدأتُ السفرَ بلا زادٍ
وظننتُ بأني أتعجَّلْ
 
وَ نسيتُ اللهَ.. فأَهْمَلَنِي
مَنْ ينسَى اللهَ وَ لا يُهْمَلْ ؟
 
حُمِّلْتُ بأثقالِ الدُّنيا
أهربُ مِنْ ثِقْلٍ للأثقَلْ
 
و التفَّتْ طُرُقِي مِنْ حَوْلِي
واختلطَ الأَقْصَرُ بالأَطْوَلْ
 
واخْتَلَطَتْ أحْرُفُ لافِتَتِي
فَوَقَفْتُ مَكَاني كالأخْطَلْ
 
لَمْ أُسْطِعْ أن أُكْمِلَ سَيْرِي
فجلستُ وحيداً أَتَسَوَّلْ
 
وَ بَنَيْتُ مَزَاراً وَ مَبِيتاً
لا يَصْلُحُ إلاَّ لَلثُّمَّلْ
 
وَ قضيتُ حياةً واهِنَةً
لا تَسْوَى في نَظَرِي خَرْدَلْ
 
فَعَلامَ تُرِيدِينَ بُكَائِي ؟
وَ أنا ذو قلبٍ مُسْتَعْمَلْ
 
أَبْلاَهُ الماضي لم يَتْرُكْ
شيئاً لِبَلاءِ الـمُستقبَلْ
 
لا تَتَّهِمِينِي في عِشقِي
فأنا أعشقُ حتَّى أُنْحَلْ
 
والجملُ وإن يعطشْ يصبِرْ
وَ كَفِعْلِ الجَّمَلِ أنا أفعَلْ
 
أَهْلِكْتُ شَبابي وسنيني
فَرَمَتْ بِي في صفِّ الكُهَّلْ
 
وَ وقفتُ بعيداً لأشاهدَ
قصةَ عُمرِي وهِيَ تُمَثَّلْ
 
رفعوا خنجرَهم ودموعي
لم تجعلْ أحداً يَتَمَهَّلْ
 
والتهبَ المسرحُ تصفيقاً
وأنا أُطْعَنُ وأنا أُقْتَلْ
 
فَعَلامَ تظنينَ بِأنِّي
آتٍ مِحْرابَكِ أتَبَتَّلْ ؟؟
 
دَوْرُكِ في الـمَشْهَدِ فَرْعِيٌّ
بِوُجُودِكِ أو دُونَكِ يَكْمَلْ
 
وَكِلانا مكتوفُ الأيدي
وَ سِتارُ المسرحِ لا يُسْدَلْ
 
والـحُكْمُ الصادِرُ في أمرِي
حُكْمٌ فَصْلٌ لا يَتَأَجَّلْ
 
فدعيني في موتي وَحْدِي
فأنا والغُربةُ لا نُفْصَلْ
 
ما دامَ الوطنُ بلا شيءٍ
فالموتُ على شيءٍ أفضلْ
 
 
فانطردي الآن من الجدول


هشام الجخ - إنطردي الآن من الجدول

شاعر ينعش شعره القلب ويلون بكلماته الواقع

24شارع الحجاز هشام الجخ

Gamil Yossif

Related tracks