Your 2020 Playback

بينى وبينك حرف جر
عاكس مدارات الراحايا
بينى وبينك مسأله
تأول الى مالا نهايه 
و شط نيل وبنت سمرا
و أصل فصل المدرسه
بيني وبينك كل قرش حشيش
وحبه هلوسه 
بيني وبينك فعل امر
تليه علامه التعجب
وكل شده مع سكون
وقطع رقبه مع ترقب
وبحر ناس ومدونات
وماضي كتفنى بظروفه﻿
بيني وبينك بكره جاى
ولسه مش عايز اشوفه 


المغنى خانه حرف جر

كلمات : مصطفي ابراهيم

الحان : نور ناجح


قالولي زمان وانا صغير، مفيش انسان بيتغير
وقالوا الوش والماسكات تملي عمرها قصير
مدام الطبع كالعادة تملي بيغلب التطبيع 
هتفرق تربية زيادة في واحد فيه جينات هيصيع؟
انا صايع على الفطرة
ولا بكيفي ولا بيدي
وكل ما اقول اكيد فترة بلاقي العمر بيعدي
ولسة السنكحة كيفي
ولسة الصرمحة في دمي
ولسة ببوسها ف السيما
وتضحك اقولها اتلمي
ولسة بلف ف الشارع وانا معرفش رايح فين
ومن الفجرية ع كوبري
مفيش غيري مع الاسدين
بدندن لحني اغنية
فتيجي انتي على بالي
ف الاقي صوتي بيقطع ودمعة في عيني بتنادي واطلع نوتة الاشعار واقطع كل اوراقها وابعزقها وتيجي الريح تفرقها
على الاسفلت ف الشارع يا ست الكل انا واقع
في عرضك لجلي تقريهم وبعد ما تقري ترميهم
بحكم الطبع والعادة ، فتلاقي قصايدي متعادة مدام قاري الكلام كاري
مفيش غيرك ف افكاري
هتفضل كل اشعاري ، مفيش غيرك بنات فيهم

ليل و عين - انا صايع

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا

https://soundcloud.com/gazagaband 
https://www.facebook.com/GazagaBand


نص الكلام - عمدان النور جزجا
كلمات أحمد النجار 
الحان يحيى نديم 
توزيع موسيقى لعمدان النور
بقيادة فنية لحماده نبيل

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

نص و نص عمدان النور

نص الكلام - عمدان نور

مسارح وسيما - عمدان نور

بقيت قادر
اطلّع من ضلوع الفقر
لُقمة عيش !

Massar egbsri - بقيت حاوي

 جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

كلمات : خالد عبد القادر
 الحان: يحى نديم
غناء: فرقة عمدان النور

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Seeret El Aragoz - سيرة الاراجوز

Mike Massy Ft. Hany Adel - Roubama 
مايك ماسي - هاني عادل _ربما

Mike Massy Ft. Hany Adel - Roubama|مايك ماسي - هاني عادل _ربما

التسجيل الرسمى .. جودة عالية 

العرس - دينا الوديدى و مريم صالح (HQ-Official)

WEGZ - El Zar

ويجز - الزار

PROD BY DJ TOTTI

WEGZ - El Zar | ويجز - الزار

نص الكلام - عمدان النور - حصريا ماستر 2020

عندك مثلاً| Gazaga - عمدان النور

We bring you music inspired from Egyptian Heritage with a taste of the 21st century

ابداعات غنائية حديثة مبنية على موروثاتنا المصرية القديمة بطعم موسيقى القرن ال 21

فرقة غنائية مستقلة تأسست فى أغسطس 2011 بدعوة من الفنان (يحى نديم ) لأعضاء ومؤسسى أكثر من خمس فرق مستقلة حيث قرروا جميعا الاتحاد فى فرقة واحدة تجمع فنونهم المختلفة الأفكار والأذواق لينتج عنها فن مختلف وجديد تحت مظلة فرقة واحدة تجمعهم , وقدمت عمدان النور أولى حفلاتها على المسرح المكشوف بدار الأوبرا المصرية فى 29 سبتمبر 2011

عندك مثلاً| Gazaga - عمدان النور

Gazaga - عمدان النور

Recent comments

mai

hamada

Omar

Rehab Mohmmed

Related tracks