sound

لا مؤاخذة مالها غزة   فرقة عمدان النور Gazaga

تصاعد أنفاسي إليك عتابُ وكل إشاراتي إليك خطابُ
وإن لاحت الأسرار فهي رسائل فهل لرسالات المحبّ جوابُ
فليتك تحلو والحياة مريرة وليتك ترضى والأنام غضابُ
وليت الذي بيني وبينك عامرٌ وبيني وبين العالمين خرابُ
إذا صحّ منك الودّ فالكلّ هيّنٌ وكل الذي فوق التراب ترابُ

تصاعد أنفاسي إليك عِتَابُ Good Quality

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا

https://soundcloud.com/gazagaband 
https://www.facebook.com/GazagaBand


نص الكلام - عمدان النور جزجا
كلمات أحمد النجار 
الحان يحيى نديم 
توزيع موسيقى لعمدان النور
بقيادة فنية لحماده نبيل

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

نص و نص عمدان النور

منة حسين انا الغجرية بنت الوادى والصحرة mena hussein

  حُسن المعاملة 
حسّن ثوابك وربّيي كل الخصال السامية
قول ده الطريق نحو ربي خطوة ابتدت لسه ميّه

اتقل مايوزن ميزانك يوم الحساب والمفاضلة
الخلق في الدنيا زانك حُسن المعاملة اللي فاضلة

سبح بحمدك وجودي وأتمنى ترضى عليا
يا نفس بالطاعة جودي لجل الجزاء العليا

الجنة تختم حسابنا لو كنا أهل التسامي
مافيهاش من الدنيا نبنا إلا الشبه في الأسامي


دينا الوديدي & علي الهلباوي 
كلمات : محمود مرسى 
الحان : صلاح الشرنوبي
توزيع : محمد صلاح الشرنوبي

حسن المعاملة - علي الهلباوي & دينا الوديدي

اغنية / احمر يا شال
للفنان / إسلام فهمي

كلمات / احمد شبكة
الحان / عادل العش

كمانجه / يحيي عمر
bass guitar / زيزو سراج
توزيع وماستر /مصطفى ابو ريا

facebook : Eslam Fahmy
https://www.facebook.com/eslam.sima1
Shabaka
https://www.facebook.com/ashabaka
Adel el3esh
https://www.facebook.com/Adel.El3esh
Abo raia
https://www.facebook.com/profile.php?id=674116901

القناه الرسميه لإسلام فهمي علي يوتيوب 👇
https://www.youtube.com/channel/UCNOSCaMS0Bb9ze5E_9NUAOQ

أحمر يا شال | Eslam Fahmy

عمدان النور - مربعات ابن عروس

إسمع كلامى يا عمى
يابو العميمة النظيفة 
قبل اما هابدأ هاسمى 
بالله تعاشر عفيفة 
ليلى ليل ياعينى يا ليلى 
...........................
للندل لما تظلمت 
السبع طاطى بعينه 
واجب عالحر يتبع الصمت
لما الهلف ياخد يومينه 
...........................
زمانك زمان الكلوبات 
اللمض الصفيح بطلوها
دى الحرمة اللى بلا ابات 
جه اليوم بتحلف بابوها 
ليلى ليل يا عينى ياليلى 
...........................
ولا حد خالى من الهم 
حتى قلوع المراكب 
متقولش للندل يا عم
لو كان علي السرج راكب
...........................
تاريها الدراهم بتنفع 
تجيب للى وياه غنيمة 
والصاحب اللى ماينفع 
البعد عنه غنيمة 
ليلى ليل يا عينى يا ليلى 
...........................
دنيا علينا تربت 
أنظر بعينك راعيها 
العنزة لما تربت 
ما نطحت الا راعيها 
...........................
دنيا علينا تجارب 
وتتوه فيها البصارى 
العنزة تجرى ورا الديب
والسبع تاكله الحمارة 
ليلى ليل ياعينى ياليلى 
دى العنزة جريت ورا الديب 
والسبع كلته الحمارة

ألحان : يحيي نديم
توزيع موسيقي : حاتم النمر

تابعونا : FB.com/GazagaBand

Gazaga-el Sira

عمدان النور - مربعات ابن عروس

Lyrics by Mohamed Kheir, Composed & Arranged by Tamer Abu Ghazaleh
Vocals by Donia Massoud

Mesh Mohem - Donia Massoud مش مهم - دنيا مسعود

على الحجار - أنا كنت عيدك

عمر خيرت و علي الحجار-أغنية ملعون

هنا القاهرة الساحرة الآسِرة الهادرة الساهرة الساترة السافرة
هنا القاهرة الزاهرة العاطرة الشاعرة النيّرة الخيّرة الطاهرة
هنا القاهرة الساخرة القادرة الصابرة المنذرة الثائرة الظافرة
صدى الهمس في الزحمة و الشوشرة
أسى الوحدة في اللمة و النتورة
هنا الحب و الكدب و المنظرة
نشا الغش في الوش و الإفتراهنا القرش و الرش و القش و السمسرة
هنا الحب و الحق و الرحمة و المغفرة
و انا ف قلب دوامتك الدايرة بينا
بصرّخ بحبّك يا أجمل مدينة
يا ضحكة حزينة .. يا طايشة و رزينة
بحبّك و اعفّر جبيني في ترابك
و اعيش في رحابِك و أقف جنب بابك
جنايني أروي بالدم وردة شبابك
يا زينة جنينة حياتنا اللعينة
بحبّك يا بنت اللذين
بحبّك

هنا القاهرة .. على الحجار

مصر يامّه يا مغارة
واللصوص على كل حارة
كنت جايلِك بس آسف
ثَـبِّـتـوني في الإشارة

نفس أصحاب المصالح
واللي جاي زاي اللي رايح
واتنسى الدم اللي سايح
يا ألف رحمة و100 خسارة 

نفس أصحاب الزريبة
ركبوا دقن وزبيبة
ضيعوا ورق القضية 
طرمخوها ولاد لاعيبة
مصر ياما يا بهية
كفروني وقتلوا فيا 
وع الحقوق الانساينة 
يا 300 مليون خسارة

كلمات مروة مأمون 
 ألحان يحيى نديم 
 غناء يحيى نديم \ تامر نديم \ مصطفى نديم
توزيع موسيقى . بيرم 
كمان عماد عزمى \\\ ليد جيتار حسين جمال
هندسة صوتية لؤى فايد
تم التسجيل والميكساج باستوديو وصلة إف إم .. بريش\\\\ شكر خاص لموقع وصلة إف إم .. بريش ومحمود يوسف

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Masr yamma مصر يا امّا يا مغارة

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


Friends of bambouty - Semsemia - السمسمية  - سيدى اه يا عينى على اه



شيد قصورك ع المزارع ... من كدنا وعمل إدينا

والخمارات جنب المصانع ... والسجن مطرح الجنينه

واطلق كلابك في الشوارع ... واقفل زنازينك علينا

و يقل نومنا في المضاجع ... ادي احنا نمنا ما اشتهينا

واتقل علينا بالمواجع ... احنا اتوجعنا واكتفينا

وعرفنا مين سبب جراحنا ... وعرفنا روحنا والتقينا

عمال وفلاحين وطلبه ... دقت ساعتنا وابتداينا

نسلك طريق ما لهش راجع ... والنصر قرب من عنينا


الشيخ امام - اطلق كلابك في الشوارع  - HD

We bring you music inspired from Egyptian Heritage with a taste of the 21st century

ابداعات غنائية حديثة مبنية على موروثاتنا المصرية القديمة بطعم موسيقى القرن ال 21

فرقة غنائية مستقلة تأسست فى أغسطس 2011 بدعوة من الفنان (يحى نديم ) لأعضاء ومؤسسى أكثر من خمس فرق مستقلة حيث قرروا جميعا الاتحاد فى فرقة واحدة تجمع فنونهم المختلفة الأفكار والأذواق لينتج عنها فن مختلف وجديد تحت مظلة فرقة واحدة تجمعهم , وقدمت عمدان النور أولى حفلاتها على المسرح المكشوف بدار الأوبرا المصرية فى 29 سبتمبر 2011

Masr yamma مصر يا امّا يا مغارة

Gazaga - عمدان النور

Recent comments

Khalod Mohamed

Ahmed Gika 1

abu wa3d

Mohamed Saad Abo Mira

Related tracks