مصطفي

"نتلاقى فى الزمن المريح
ميعادنا فى وش الفجر
يا مشرع الحلم الفسيح" 
- أزهرى محمد على

مشرع الحلم الفسيح - مصطفى سيد أحمد

مصطفى سيد احمد _ الجالوص عود

شهيق - مصطفى سيد أحمد

أجراس العودة للشاعر نزار قباني

بكيت حتى انتهت الدموع
صليت حتى انطفأت الشموع
ركعت حتى ملني الركوع
سألت فيكِ عن محمدٍ
***
طلع البدر علينا من ثنيات الوداع
وجب الشكر علينا ما دعا لله داع
أيها المبعوث فينا جئت بالأمر المطاع
جئت شرفت المدينة مرحباً يا خير داع
***
سألت فيكِ عن محمدٍ وعن يسوع...

مهما هم تأخروا, فإنهم يأتون
من درب رام الله, أو من جبل الزيتون X4
يأتون في الرياح والأشجار والغصون
....
يأتون في كلامنا, يأتون في أصواتنا
يأتون من دموع أمهاتنا
في أعين الغالين من أمواتنا

لكنهم يأتون...
مهما هم تأخروا, فإنهم يأتون
من درب رام الله, أو من جبل الزيتون

يأتون مثل المن والسلوى من السماء
ومن دمى الأطفال, من أساور النساء

يسكنون الصخر والأشجار والأشياء
من حزننا الكبير ينبتون
ومن شقوق الصخر يولدون
باقة أنبياء
ليست لهم هوية, ليست لهم أسماء...
لكنهم يأتون..

مهما هم تأخروا, فإنهم يأتون
من درب رام الله, أو من جبل الزيتون

مصطفى سيد أحمد - أجراس العودة (عود)

في طريق الليل
ضاع الحادث الثاني
وضاعت زهرة الصبار
لا تسل عني لماذا
جنتي في النار
فالهوي اسرار
والذي يقضي على
جمر القضى اسرار
والذي يخفي
الهوى بالصبر
يا بالله كيف النار
تخفي النار
يا غريب الدار
انها اقدار
كل ما في الكون مقدار
وأيام له
إلا الهوى
ما يومه يوم
ولا مقداره مقدار
لم نجد فيما قطار العمر
يدنومن بقايا الدرب
من ضوءٍ علي شيء
وقد ضج الاسى اسرار
كنت تدعونا فاسرعنا
وجدنا هذه الدنيا
محطات بلا ركاب
ثم سافرنا على
أيامنا أغراب
لم يودِّعنا بها
إلا الصدى
أونخلة تبكي
علي الأحباب
يا غريبا يطرق الابواب
نحن من باب الشجى
والزخرف الرمزي
والألغاز والمغزي
وما غنى على أزمانه زرياب
كلما في الكون أصحاب
وأيام له إلا الهوى
مايومه يوم
ولا اصحابه اصحاب
كم طرقنا بابك السري
في وجد وفي خوف 
لم تجبنا فابتعدنا
فرسخا هجرا
فالفيناك سكرانا جوابات
فلم تغفر ولم نغفر
كلانا مدَّعٍ كذاب
كل غيٍ تاب إنما غي
وغي فيك قد غاب
وراء النرجس
المكتوب للغياب
لا تسل من عادة
ان تكثر الاقوال
في من ذاق
خمر الخمر في المحراب
لم يقع في الشك
إلا أنه من لسعة الأوساخ
تنموخمرة الأعناب
نبه العشاق مدنف
أودى بلا هجر
ولا وصل بباب الطاق
مرهق من خرقة الدنيا
على أكتافه لم تستر
الأشجان والإشراق والأشواق
موغل في السر مندس
بنار الوجد في الاعماق
لم يفق يوما ولم يأبه
بمن قد فاق
مشفق مشتاق كله اطراق
اثملته الخمر صحوا
فانبرى يبكي واطفال الزمان
الغر لجوا حوله
سخرية في عالم الاسواق
قل لاهل الحي هل 
في الدور من عشق لهذا
المبتلى ترياق
نأمة في العشق تكفي
فلا تكثر عليك الحبر والاوراق
كل ما في الكون تنقيط له
الا الهوى
فاحذر فبالتنقيط نهوى 
واسأل العشاق

زهرة الصبَّار (الحادث الثاني) - مصطفى سيد أحمد / مظفر النواب

مصطفى سيد أحمد والخالدي وسيف الجامعة - قلبي مالو اليوم - عود وإيقاع


الشاعر محمد الحسن حميد
الضو وجهجهة التساب


وداها فوق قوز الرماد
كان ظنّ يوم .. يومين .. تلاتة
الموية تنزل والبحر يشرد شراد
يفضل ترا
يبراهو بالسلوكة من ورا
والعيوش والخير يعم .. يرقد رقاد
والناس تخم خم السرور .. وماهو البرا
ناساً كتار .. فاكرين كدي
يومين .. تلاتة .. الحالة ترجع حالتا
ويبنوا البيوت هو وشفعوا .. وأم العيال
وينجمعوا .. ويسترجعوا الذكرى وشتاتات السواد في صالتا
شيتاً ضحك .. شيتاً بكي
ويبقى الخراب ده رهاب .. رهاب
عبرة وحكاوي بتنحكي
بلدك متل كمين بلاد .. بدت الدقون فيها الختا
نجّس ثراها المسرفين .. كترت مواعين الفساد .. وكان كلمة الإسلام غُتا
جات اللّت الله .. وشالتا
كان ظن يوم .. يومين .. تلاتة .. مشى السبوع .. والتاني جا
والموية كل ما ليل تزيد .. بيقل رجا
وقوز الرماد الكان قريب .. فات بعيد .. بقى ما بتخوج
قوز الرماد يا الضو فضل .. جزيري ضارب فيها موج
حصار .. حصار .. كيف النجا
عاين البلد دي دمار .. دمار .. فيها إيش فضل
لعبة قصب في إيدين طفل
الحيطة وكتينا التقع .. تقع ألف وجعة على الضلع
دخانا يمرق في السما .. آهاتو تنزف في الأرض
بحر الصبر والإحتمال بيناتن إنقطع ترع
لا يلقى يربط لا يحل
لا حولة يا الكتب .. الكراريس المكرنة في الشتل
التختة .. أقلام الرصاص .. كنب المدارس كور يلوج
باب الفصل كاسحبو موج
لا قوة يا ورق الجرايد .. يا المصاحف
والصحيحات المطفحي في الزبل
ورافعين دواليبن بعيد .. طابلين خوازيقن طبل
لا حولة حال .. ما بتنقبل
يا مسلمين .. وين لي تساب عشرة .. وتساب كم واربعين
ده يمين خراب كمين سنة
يا الضو منو الفي الكون بصدق كان هنا
ليلة ذكر .. حلقة مديح .. دارة غنا
هيصة ورقيص
القرمصيص
سيرة عريس .. وحلاة عروسو محننة
يا الضو منو الفي الكون بصدق كان هنا
شفّع بيلعبو جنب بعض .. ديك لِفّتُن في الدشي غبشي مشكنة
واللا الشتل خايف لها .. فارد جرايدو وحاضنا
فيق ... لا تضيق
بات الفريق بهجي ومتمسحة بألمي .. وين يا الضو نقاقير الهنا
وينن مشاوير الفرح .. غزل البنات .. الهودنة
حش البراسيم العصر .. الليل ونستو الشيطنة
وعند الفجر .. كم ميضنة
وهذر التلاميذ الصباح .. بي جنب رواكيب الحلب
يا الضو بيوت الناس .. حياتا مبشتنة
الحلِّي كلها في البحر
كسر البحر .. ؟
واللا انتحر ؟
قلب المياه إنكبّ قبلك وحدك
ضاداك في بلدك .. شردك
نفدت قوافل الأغنياء .. جملك على الحصحاص برك
مرتاح حمامن في البروج
وإنت اب حماماً طاش يلوج
لا سوى عش .. لا ركّ ركْ
يا الدنيي كيف متقلبنة
تصحى العصافير الوديعة مع الصباح متخلقنة
شر الكلاب متمسكنة
وين (جنرتا) وهوهيوا وين ؟ الليلي غابْ
كلب الجناين زيو زي كل الكلابْ
كلب الغلابة المستغلين العبيد .. الليلي سيد ريس مهاب
كلب أب زهانة تهينو هانة .. من المهانة تقول له تكْ
حكم إنقلابات التساب .. دوارة دنيا فرندقس
ننجارى فيها صبق صبق .. نخسر بعض في هين تراب
نتلاوى عِنْ فتح اللبق .. فاكرين برانا أهل العقاب
تاري البحر عوافي عندو معانا حق
يا الدنيي زي سكرة وتفك .. من راسو فك
بعض المسافات إتلغت
الفارغي طمبجا .. والملاني إتفرغت
الدندهوبات زي بعض .. شكل العديدي ورصّها
نفس العناقريب نفسها
عفشك ده .. حق غيرك تشك
يدخل في بالك ألف شك
ما الحالة أصلاً من بعض
كل إنقلابات التساب .. الدنيي كلها حلتك
تنضم مع الفي آخر البلد .. من غير تفوتا محلتك
تحكيلو قصة تقصها
إن نفسو فيها تحسها
إن ماها فيها تحسها
حتى الأحاسيس نفسها
ما الحالة كلها من بعض
إلا المساخيت الدقون .. ختوها بين أهلك قرض
بالدين وبالطين بالنسب
بالمايكرفونات بالخطب
بالبنطلونات بالرتب
(فرق تسد)
تاخد قناديلك تفوت .. وإنكتلو في حزمة قصب
ويوم التصد .. تلقى البيوت في أزيارها باني العنكبوت
والحزمة شاهد في الترب
حرسك يظمبر منها
وفرسك يكد..لا أسيدها تسأل عنها.. ولازول يرد
أرخيلى أضانك يابلد
مرة أسمعينى من البعيد وإنطارشينى وللابد
فى حبلى ماتت شتلتى .. مات بيتى ماتت حلتى
لكنى يوم مات إتولد جواى الف إنسان جديد
وانا ذاتى من ذاتى إتولد
ورتنى ملتى ملتى
والمويه بدلت الوجوه
يابلدى من بيتك تتوه
تضهب ضهب
لو بابو مافى أو العتب
تحسبلو من قوز الرماد
أو بيت أمير المؤمنين اللسة حيطو تسوى رب رب در.. درب
والدندهوب إندك دك
هرس القزاز .. الموية جاز .. والجاز ودك
بينو الدقيق إتلك لك
ضلف الدواليب الكبار .. عايمات خشب
المكحل .. الكتشنة .. ميزان الدهب
ضوق الغضب
ضوق المذلة الدستبا الناس العزاز
سدك دخرنالو المطر .. اما إنت يكفيك الرذاذ
ويجى الجراد ... ويجى الجراد
خدرت تاني يجي الجراد
أقوى الحقيقة من المجاز .. وهنا المحك
يا أرزقي .. يا نسل حمالة الحطب
يا مستفيد من بزة أطفال السواد الما نزل فوقن ملك
بالسكر .. العيش .. السماد
الموية أولى من العباد ؟؟
في يات كتاب دين .. يات حديث
يا فاجر الله بيسألك
يا حسرة الإنغشى فيك .. كبر وراك .. جاهد جهاد لامن هلك
يا حسرة الصدق صلاتك وموعظاتك في الفساد .. بان الشرك
ايواتا لك .. ايوة ايوة يا بحر التساب .. ما أعدلك
شكراً جزيلاً يا بحر .. رغم الكساد
بحت لنا العفن المكرن في الزمن من عهد عاد
والضو وليداً ما قرا .. خرجتو منك باقتصاد .. قانون .. فلك
جف المداد .. ما أعدلك .. ما أعدلك .. ما أعدلك
بالسكر.. العيش .. والسماد
الموية أولى من العباد ؟؟
يا شارع الثورة القصاد أهلي المسالمين البعاد
يا بندقيتو .. هنا المحك
قبل على القبلة ونده
قبال يمد إيدي إنتبه
حس المطر بين الشدر
والضو مع الفيها إنشده
برة المطر .. في الدندهوب برضو المطر
خت البرش فوق راسو .. لكن المطر أوووو والهوا
راس تمرة فوق عفش المسيكيني الجريد
رمى دندهوبا العدي فاتت بالبحر
برش الصلاة اللافحو الهوا
إبريق يترتر بين كرر
يا الله .. ستها في السفر
والضو ينط من دندهوبو يجيبو صاد صوت المطر
في إيدو كوز .. سبحي .. وككر
حلة ملاح .. كراس غنا .. إعلان قضية .. علم طلب
برواز قديم ..
حاضن عروس وعريس وسيم .. بين كم نفر
السبحة والكوز مو اللتا .. تشبه أمير المؤمنين
باكر يقولو سرقتها .. فننن .. يفنها في البحر
أقوى البحر ؟؟ واللا المطر ؟؟ أو الرياح
بتصحي في الجو الجراح
بتحت من الجوف الفكر
يشفي الوعر
عش قمري بي فرخينو كان من حظ ورر
يا رازق الحيوان أخو ..
الينجا من كيد البحر .. ما ينجي من إيد المطر
والينجا من إيد المطر .. ما ينجى من كيد الرياح
والينجا من كيد الرياح .. ما ينجي من كيد الفقر
يي دي القدر.. يي ده القدر
ما أعتى حربك يا بشر
إنت الغريب .. والموج يشيل غادي ويجيب
وينكربش النيمة الدبيب
والضو مو جايب لك خبر
طق .. دندهوب ناس ستي نور .. عودو انكسر
وفات بالبحر
تحت السموات مافي إرض
في الموية .. في الريح .. في المطر
في الدابي .. في التمر الختر
إنسان يطق قبل السنة .. عراقي والوشي .. والشعر
غير وقفتو .. الدندهوب زالف هبر
يا غيمة هووووي .. ده وكت مطر
وارتج جوف الجو رعد .. يا الضو كفر؟؟
يا الضو كفر ؟؟
من بعد ما نفد الصبر .. والإحتمال في الجوف دشر
صن المطر .. والجو صفا
بنقر حجر بت الرسول .. لكن بعد ما الضو كفر
ضربت شعاعات الشمس .. في دوشة فوق قوز الرماد
كلبة مديني .. نعيجتا
ديك العجوز .. وكديس عماد
وطيرة بقر .. ودحيش غريب
شوف الظروف .. دحشك .. حمارتك والضيوف
قلعن .. يحفتن في الرماد
بالسكر العيش السماد
الموية أولى من العباد ؟؟
وبالفيتريتي العيش حكم
الموية أولى من البكم ؟؟
وملص العريريقي ولباسو .. ومصرن
ما غيرن
خمخم عقاب الكسرة واللابري القديم
من دندهوبو المنتكل .. في النيمة شال باقي الأكل
خم الدبيب في القفة مو جايب خبر
خم الرياح .. خم المطر .. خم الجراح
لفالو فرعين منقة بالمنجل هبر
حشحش صبايتاً هن صفر

الضوء وجهجهة التساب - مصطفى سيد احمد

مصطفى السلاح يا هو السلاح

أبو السيد الندامة

رغم ريح الصد عتية at #mustafa sid ahmed

مساماتك مصطفى سيد أحمد عود

اطيب من الالم وارتاح     ...       وليلى الحالك يبقى صباح   
   بدر الحسن هل ولاح            

مصطفى سيد احمد - بدر الحسن

الهدهد:
--------
   مخدوش الفضا

   طويل الحزن .. مفتول الحنين

   مصاب بالديانات والشرود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
   نوح:
--------
    يبلغ من الطول مسافة يشتهى الغرقان .. شهيق

   لونو زى سرك .. تكلمبو الصديق

   أمو تتوحـّم على طين البحر

   قبال تقابل والدو .. صدفة على الطريق

   عمرو ستة شهور حِلِم

   إنو الأرض مسجونة فى موية .. وكل الناس مراكبية   

   اليابسة …  فِركة .. مدخورة لى يوم فيهو ساير النيل

   قطـّاع رحط كل الجزاير

   والبنات البفتحوا الباب للمطر
_____________________________________

   وأنا جدولك شارف على كل الجداول الصاحية فيك

   والغباش فى دمى منك

   لو كسر ضلعين عذرتو

   لكن نهر كل العصافير البتلعب فى الوريد

   وفنـّاكى جواى زى حجر

   والبينـّا ما فات الدوائر

 ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

   الليل خِمار القمرة .. مجدوع فى الفراغ

   والرقصة لى البت فينا ..

   فوق كل المسامير الندقها فى البساط 

   والرياح حكـّامة بى دلوكة مرّقت الشياطين .. منها

   إتجنن فقير الحلة دقيناهو بى نفس السياط

   كل المجرات .. النيازك والشُهُب

   ودع راميهو الله على السما

   والدنيا زار

 ________________________________________

   ويا هدهد هنا مرت مراكب نوح

   محملة بالبخور

   مين اللى شال من طاقة الطين البعيدة

   قنديل حبيبتى وطيـّب الجرح المثير

   مين السرق من بابا مفتاحو الملون .. والصرير

   منهوبة مقبرة الفواكه فيكى

   قولى معاى يا شرف القبايل .. جر

   الشاف تباريح الطلح فى النار

   شافنى مرقت من عندك ضرير

   أنا ليه تجينى الموية حفيانة ..

   وأدنقر ألبِّسا شبط أخضر

   وأبيت مبلول .. وأصلِّح فى الرباط

   أنا ليه شبابيك البيوت الواجمة .. والناس البُساط

   وليه يرجانى النخل

   فى السكة يفتح قلبى خمارة .. وخلاوى ..

   وبيت بكا
_____________________________________________
 

   تعبت من المساسقة والهتاف .. ياغيمة

   أتبنى جبهة القمرة

   السهر والحمى طول الليل تهضرب

   ويا هدهد لقيت أمك

   ترشرش فى السعف من عينها

   وتجبر خاطرا المكسور عليك

   ينكسر خاطر السعف فى إيدا

   يا هدهد قيام

   من السما الأول قيام

   من السما السابع قيام

   وأنزل مسافة تهبشك غنوة .. وأناولك كاس
_______________________________________________________
 
   ومرت مراكب نوح محملة بالملوك

   ركعت على الموج الجنود

   من كل جندى تفوح ضحية

   ودم مشتت فى الأبد

   دسيت جبهتى من السجود

   بكى فى مخاض الخوف .. ولد

   إشتبهوا فينى ورا الجبل

   شافونى دسيت الهداهد بالزبد

   صفا !

   إنتباه !

   وقعت من الهدهد بلد

   نهبوها .. وإتقسموا الحدود
____________________________________________________
 
   ومرت مراكب نوح محملة بالطيور

   واقف مع نوح الغراب

   ينضم ويأشر فى إتجاه

   باقى الطيور يتوسوسوا

   إلاّ الحمام .. إتوضا مارق للصلاة

   القانقرد فى حزنو يغزل شاله من صوف

   الطواويس شارّة قمصانا المزركشة فى الضحى

   الزرازير بى عراريقا المغبشة .. جات على

   أرجينى يا صالحة !

   ومشيت فى الموج

   يا النبى نوح أصل سالم

   يا النبى نوح أصل ………

   حجر الدُّغُش فى الموية يقلع ضُفرى

   يادم !

   ده ما وكت الرسم واللون

   وجات المغارب حننت إيدا .. ومشت

   سبحانك الأديتنا من حزنك فوانيس

   ــ الغراب يا نوح طفش

   واليابسة وين …؟

   يا الله ما يابس سوى حلقى المجرح بالدعا

   طير يا حمام !

   ـ الحمام يا نوح يجامل فى السما

   وبيّاع مناديل خضرا فى كل العصور

 _____________________________________________________

   أنا ما خلقتك يا ظنون

   شان تبيتى الليل معاى

   وتجرى من فوقى الغُطا

   ما تشُرّى فى حبلى الوساوس

   والمعانى الداكنة .. والليل والشتا
_______________________________________________________
 

   الهدهد تميمة الموت

   معلّق فى بيوت الناس .. نعش

   من خرافاتن تعال

   من دياناتن تعال

   نفّض نعاسك من كل بيت

   من كل حجوة حكوها عنك

   فى الليالى الباردة والأطفال نيام

 ___________________________________________________________

   مين يشترينى من الملوك الخايدة فى الدم القديم

   مين يوصف بيتنا لى هدهد يتيم

   مين النبى القادم؟

   من مكة !

   أو من دكة !

   فى شارع حميم

   مين اليوصف للنحل ريق الحبيبة

   وحبة القمح التقوم فوق محفضة حبوبة

   فى الزمن اللئيم

   مزيداً من الطين يا إله

   أبنى خوفى عليك .. ومنك

   أبنى آخر بيت  .. حرام

 
__________________________________________________________
   ومرت مراكب نوح محملة بالحجيج

   ــ وين ولدك ؟

   ــ تركتو على الجبل .

   ــ وين بلدك ؟

   ــ ضربتها فى مثل .

   ــ وين نحن ؟

   ــ مرقت على عجل .

   ــ يا نوح تخلينا

   زيتونك مخلل بالشمس

   نار الله والرِجل الغريبة

   نحن البلاد الشاكية جرحها للصديد

   جاتنا القوافل بالضجيج

   جرتنا من حلبة رقيص

   ورتنا كيف صلبوا المسيح

   ورتنا كيف كتلوا الحسين

   وبكينا أكتر منها

   ساقتنا فى الآخر .. عبيد

   مين يشترينى من الملوك

   الخايدة فى الدم القديم

   مين البوصِّف بيتنا لى هدهد يتيم

 
_____________________________________________________________
   يا هدهدى المهدود

   مين هدهدك .. نمت

   كل الطيور غنت .. منك يجينى سكوت

   مين الهداك للناس

   أو هدّ فيك الموت؟

   يا أوسم الجايين .. أنا قلبى حِلّة حنين

   والشوق فتحنى بيوت

   يا صالحة

   لا جنبك .. لا فتّ منك فوت

   دايماً معلق بين ..

   بين الحياة والموت

   أدخل ضلام الناس

   نورك يجينى خيوط

   وقبّال أقع فى الضو

   جوّاك سندنى خِفوت

   أنا برضى حلة شوق

   لكنى فى التابوت

   ومرت مراكب نوح محملة بالعبيد

   الجنة .. زى هدهد معلقة فى الكتاب

   ونحن العبيد

   باب الحياة السرِّى

   حرير فى فكرة الدودة الموجعة .. بالنسيج

   وصيوان عزا نوح

   .. المكفّن بالوعود

 ____________________________________________________________________

   هدهد يرك فوق دفــّة المركب .. يدندن

   الريح سكن خيمة حريمو الأربعة

   النيل رجع فى اللوحة

   للوادى القديم

   البحار مكتوفة الأيدى

   .. الشموس فاقت

   ونوح بعاين فى مفاتن اليابسة

   تغسل فى حصا .. ومتبرجة

   سبحانك الأديتنا من ملكك سلاطين .. وإختفيت

   هاك أنبياءك سالمين

   وأنزل مسافة توجعك .. غابة

   رقيصنا الحى

   طبولنا…

   وليك شبال

   من اليابسة الممشّطة بالملح

   … وهدهد

سيناريو اليابسة - مصطفى سيد أحمد

كلمات - محمد صالح بركية
غناء بهاءالدين عبد الرحمن (أبوشلة) - أداء مصطفى سيد أحمد
______________________
مهما أمري يهون عليك
لوشقاي في الدنيا بيك
برضي ديمة أحن إليك
قدر إيه شوف حبي ليك

مصطفي

Gazy Bdr