ფეხზე ფეხი

ჩვენს ქვეყანაში ბნელი ფონია
კომუნიზმის და რწმენის სინთეზი
და ძირითადად ტელეფონია
ამ ყველაფერი ცუდის მიზეზი
თუმცა ფრაზები უკვე ყურს მტკენენ
მაგრამ სიახლე მიჭირს გავწირო
თან აქ ტელეფონს სხვები უსმენენ
და არა ის ვინც არის საჭირო
რაინდული გვაქვს რადგან მისია
ფეხზე ფეხი გვაქვს გადადებული
და ჩვენთვის ისიც საკმარისია
ამ ქვეყნად რომ ვართ დაბადებული
და გასაჭირიც როცა დროულობს
თუმც კომფორტული მოსახმარია
ტელეფონითაც ისევ გპოულობს 
ვისი დანახვაც არ გიხარია
თუმც არ გახლავართ უწმინდურები
მაგრამ რომ ითქვას მთელი სიმართლე
ჩვენ ხომ ვართ ასე უწიგნურები
და არ გვაღელვებს აზრის სინათლე
ჩვენი კი არა თითქოს სხვისია
ფეხზე ფეხი რომ დაგვიკიდია
ნუთუ ქვეყანა იმის ღირსია
ფეხების ქვეშ რომ ასე გვიგდია
ნუთუ გვკიდია?
სხვისი კი არა ის ხომ ჩვენია
და ის ხომ თვითონ მშვენიერია
შევმატოთ რამე ნუთუ ძნელია
არც უნდა ამას იყო გენია
რაინდული გვაქვს თითქოს მისია
და ეს ქვეყანაც მეტის ღირსია
ფეხებზეც ის ხომ არა გვკიდია
ზღაპრულ სამაყროდ ხომ არ გვექცია

გეომეტრიკა - ფეხი ფეხზე

აქ ისევ ისეა
მზე დილით ამოდის
მთვარე ჩემს ფანჯარას ძილის წინ ეწვევა
ტყუილად ვწვალობ და არც რამე გამომდის,
ნუთუ აქ სიყალბეს ვერავინ ელევა.
ისევ ძველებურად ფრაზები ნავარდობს
აქ ჩემმა თავმა რაღაცა ეძება
ნუთუ არ იცვლება ცხოვრება არასდროს
ვიღაცა მიწას ხნავს
ვიღაცა დროს ვერ კლავს
ვიღაცა ვერ ქაჩავს 
ვიღაცა თავს იკლავს..
აქ ცრუობს ყველა და კაცი ვერ გაიგებს 
ვინ სად რას აკეთებს, ვინ სად რას გაიღებს
და ასე უცვლელად, და ასე ყოველდღე 
მეორეს არ ჰყოფნის რაც პირველს ებევრა
მოდიხარ კაცი და მოგყვება ეპოქა
დრო მოვა აღმართში ქვა წამოგეწევა
ნელნელა ვხვდები მე აქ როგორ ყოფილა
ვიღაცას ეწევა ვიღაცას ვერ წვდება
ვიღაცას აცდება ვიღაცას წინ ხვდება
აქ ისევ ისეა
მზე ღრუბლებს აცდება
მთვარე ჩემს ფიქრებს სიზმარშიც ეწევა
შენ აღარ იწვალო არც შენ არ აგცდება
არც უნდა ინანო სიყალბე გავცდება
ირევა დღეები ირევა თვეები
ირევა ამინდი, მარტი ცვლის თებერვალს
აქ ისევ ისეა ისევ ის ხედები
ვიღაცას ეძლევა, ვიღაცას ერხევა
ვიღაცას ეხსნება, ვიღაცას ბეზრდება
ვიღაცა გაბედავს, ვიღაცა ვერც ხვდება
ვიღაცა შეცდება ვიღაცას შეხვდება
აქ ისევ ისეა....

გეომეტრიკა - აქ ისევ ისეა

გეომეტრიკა - მოვიპოვოთ თავი ჩვენი

გეომეტრიკა - ისევ და ისევ ( Live In Radio)

გეომეტრიკა - აზროვნება მასხრული (live in Divani club, Tbilisi)

  გეომეტრიკა (ინგლ. GeoMetrika) --- ქართული როკ ჯგუფი, რომელიც დაარსდა ქალაქ გორში 2014 წელს.
  
  2014 წლის თებერვალში, ყოფილი ბენდის, "Global Express"-ის წევრებს დაუკავშირდა პროდუსერი, რომელმაც შესთავაზა ახალი ბენდის შექმნა, ახალი იდეებით და მიზნებით. ბენდის წევრები ამ წინადადებას დათანხმდნენ.
  
   მალევე ბენდიდან წავიდა ბასისტი - ლუკა ლაშხი და მის ნაცვლად მოვიდა ოთო ილურიძე (რომელიც მანამდე ბასზე უკრავდა ბენდ - "Sweet Emotion"-ში), ასევე ბენდში წამყვანი ვოკალისტის პოზიციაზე აიყვანეს ნათია ასკილაშვილი, მანამდე ამ ფუნქციას ასრულებდა ბენდის ერთ ერთი დამფუძნებელი (ამჟამად ბენდის კლავიშნიკი) სოფიო ყაყიტაშვილი. ბენდმა შემადგენლობის  შეცვლასთან ერთად,  შეიცვალა სახელიც და დაირქვა "გეომეტრიკა", რაც ნიშნავს "ქართულ განზომილებას" (როგორც ამას ბენდის წევრები ხსნიან --- "გეო" - ქართული, "მეტრიკა' - განზომილება). რაც შეეხება ბენდის გერბს, მასზე გამოსახულია 5 გეომეტრიული ფიგურა და თითოეული მათგანი სიმბოლურად უკავშირდება ბენდის თითოეულ წევრს.

  ამავე წლის მაისში "გეომეტრიკამ" (ახალი სახელით და შემადგენლობით) დაიწყო მუშაობა საავტორო სიმღერებზე, რომელთა ლირიკაც აუცილებლად უნდა ყოფილიყო ქართულენოვანი, ხოლო მუსიკა ნამდვილი ბრიტანული, პროგრესიულ/კლასიკური ჰარდ როკი. უკვე, აგვისტოს ბოლოსთვის "გეომეტრიკამ" გამოსცა სინგლი, სადაც შევიდა სამი კომპოზიცია - "აქ ისევ ისეა", "მოვიპოვოთ თავი ჩვენი" და "ფეხზე ფეხი" ( აქედან ორი ჩაიწერა "სანო სტუდიაში", ხოლო ერთი - "ბრავო რექორდსში"), და სექტემბრის დასაწყისში გამართა ბენდის საპრეზენტაციო,პირველი სოლო კონცერტი ქალაქ გორში, გ. ერისთავის სახელობის დრამატულ თეატრში, რომელმაც საკმაო პოპულარობა და წარმატება მოუტანა ბენდის წევრებს საკუთარ ქალაქში.
 მას შემდეგ "გეომეტრიკამ" ჩაატარა რამდენიმე სოლო კონცერტი თბილისში,რუსთავში და ქუთაისში ასევე მონაწილე იყო "raven rock festival"-ის. 
 
  ამჟამად ბენდი "გეომეტრიკა" აგრძელებს მუშაობას და მართავს სოლო კონცერტებს საქართველოს სხვადასხვა დიდ ქალაქში. ასევე იგეგმება სადებიუტო ალბომის გამოშვება.

 ბენდის წევრები და მათი ამსახველი გეომეტრიული ფიგურები ბენდის გერბის მიხედვით:

   წამყვანი ვოკალი - ნათია ასკილაშვილი ("ტეხილი")
   სოლო გიტარა - იოსებ ტვერდოხლებოვი ("მართკუთხედი")
   ბას გიტარა, ბექ ვოკალი - ოთარ ილურიძე ("კვადრატი")
   კლავიში, ბექ ვოკალი - სოფიო ყაყიტაშვილი ("სამკუთხედი")
   დასარტყამი ინსტრუმენტები, პერკუსია - მიხეილ ჯინისიანი ("წრე")

GeoMetrika/გეომეტრიკა

Popular tracks