مولانا الشيخ إمام ..

حلاويلا يا حلاويلا  _  الشيخ إمام

كلمات : احمد فؤاد نجم

اتجمعوا العشاق في سجن القلعة … اتجمعوا العشاق في باب الخلق
و الشمس غنوة من الزنازن طالعة .. ومصر غنوة مفرعة في الحلق
تجمعوا العشاق بالزنزانة …. مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
اتجمعوا والعشق نار في الدم ….. نار تحرق الجوع والدموع و الهم
نار تشتعل لما القدم ينضم …. لما الايادي تفور في لم اللحم
قدم العدو غارسة في لحم ترابي … و الكدب عشش مخبرين على بابي
و المخبرين خارجين كلاب سعرانة … بيجمعوا العشاق في الزنزانة
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر

الشيخ امام - اتجمعوا العشاق ف سجن القلعه (جوده عاليه | Sheikh Emam - Etgama'ao El Oshak

و قلوبنا معاكي يا سيناء يا رما الله يا دير ياسين
يا بولانيا يا بلدنا يا شابة يا جناير يا فلسطين
يا بو ودن تقيلة ما تسمع على جيلنا قالو اللعنات
ومرارة دبح خواتنا على سيناء تقول حكايات
اللعنة اللعنة يابلدنا سبع مرات ملعنون الحل السلمى
او نندب ع اللى مات او نسكت او نتكلم بالشروة نبيع روايات
او نرضى بكلمة تمانع لغناوي الرشاشات
¤ ¤ ¤ ¤ ¤
يا اصيلة يا ارض بلدنا حبوكي المحتاجين
زرعوا القمحات على صدرك خطفوها الدجالين مدينا القبضه نجيبهم كانو فوق ومتبتين والسلم فين ياصحابى وشاهين نجار وأمين وبناتو التسعه يلالو ياولاد الشوم جعانين عاوزين مسمار لذراعه عند الحداد ياسين وياسين واقع من طوله والفرحه تجيلوا منين محتاجه الفرخه لقمحه من ضمن المحرومين والقمحه في بيت القادر والقادر بيته بعيد على سوره دخول وحراسه وبيبانه حديد فى حديد يسحبله الخطوه بخطوه شايلين النور والنار والخطوه تنقص خطوه والليل يطلعله نهار تخبطنا الظلمه نهابر ونزيح فى جدار وجدار للقدس مطاف مشوارنا بالحرب هنمحى العاااااار

الشيخ امام - بالحرب هنمحى العار

رائعة الشيخ امام عيسى بوتيكات 
غناء و الحان شيخ الموسيقيين الراحل 
امام عيسى 
كلمات الشاعر
احمد فؤاد نجم 

كلمات الاغنية 

بوتيكات النات كوانَّات

وشقق مفروشه وعمولات

يا حلاوه الناوه كوانّاوه

يا بلدنا يا آخر فتاكات

بوتيكات النات كوانَّات

**

شبيك لبيك فتح مخك

لبيك شبيك غمض عينك

حتقفّل مخك ح نطخك

ونلوشك لو تفتح عينك

ركب قرنين تركب مازدا

وتعيش سلطان في البرواز دا

مش عاجبك فالجبنه الفاسدة

والعيش والفول والكرَّات

يا حلاوه الناوه كوانّاوه

يا بلدنا يا آخر فتاكات

بوتيكات النات كوانَّات



مين فيكوا ما يعرفش عليوه

شيّال المينا الكحيان

في ثواني اتمول واتحول

بقي مسيو عليوه عليَّان

إزاي؟

ما هي بوظه ومفتوحه

على حس ولاد المفضوحه

وأرانب صاحيه ومدبوحه

تتأستك تبع البنوكات

يا حلاوه الناوه كوانّاوه

يا بلدنا يا آخر فتكات

بوتيكات النات كوانَّات



حتقول الفقرا ومشاكلهم

دي مسائل عايزه التفانين

وأنا رأيي نحلها طوالي

ونموّت كل الجعانين

وبهذا ما حدش حيجوع

لو نعلن هذا المشروع

وح نقفل هذا الموضوع

نهائياً

ونعيش في تبات

يا حلاوه الناوه كوانّاوه

يا بلدنا يا آخر فتكات

بوتيكات النات كوانَّات

الشيخ امام - بوتيكات - جودة عالية - HD

اوعى تفكــّر- الشيخ امام -.mp3

الشيخ إمام - تصقيف تصقيف

الكوبليه الأخير من أغنية باسهر وبنام
كلمات أحمد فؤاد نجم
وألحان الشيخ إمام

يا سلام ولو إن لقاك أحلام

" ع اللي حاصل " 
كلمات أحمد فؤاد نجم
1975
--
ع اللي حاصل في الحواصل
يا سلاملم
يا سلام
الكلام عايز إذاعة
والوطن عايز كلام
والإذاعة مُستباعه
للمياعه في الغرام
والوطن آخر مجاعه
والجماعة في إنتخام
واللي يخشى إنه يمشي
جيم وريه ودال ولام
ينقح الكلمة رصاصة
ع القصيدة وع المقام
تدوي زي الرعد
تدوش
تهتكـ الليل واللتام
وينكشف جسم الحقيقة
تظهر اللقمة الحرام
***
يا سلاملم يا سلام
والوطن عايز كلام
و الإذاعة مستباعه
قول يا عم الشيخ إمام
***
ما حنا قلنا م البداية
وإنتو شايفين الختام
حيث وإن الصالة بوظه
والحضور نيام نيام
والمجال فيه ألف قاضي
كل قاضي وله مَرام
والشهود نسيوا الشهادة
والقضية والنضال
والقفص مليان ضحايا
والهلالي لما قام
قلَّعوه روب المحامي
لبسوه توب لإتهام
والنيابه ع الغلابه
طبقت بند اللجام
***
يا سلاملم يا سلام
والوطن عايش آلام
والإذاعة مستباعه
قول يا عم الشيخ إمام
***
بينما والحالة نيلة
والبلد بالعه الفتيله
والخواجه بألف حيله
جاي يلغوص في البرام
يحكوا عن أسطى الفلاسفه
إنه أفتى
ولا أفسى
في القضية الهيكليه
وإن دي
ما هوش منافسه
***
وأنت مالك يا أسطى فِلّسْ
جاي تحسس أو تملس
الخواجه لما فلَّس
جاب دفاترينه القدام
دشدش الباترينه تبعه
شد شعره
عض صابعه
إنت إيه شأنكـ تتابعه
أمَّا مخك مش تمام
شالوا هايكل
جابوا علْوَه
كلهم في الهم بلوى
إنت شوف لكـ سهره حلوه
بكام إزازه وجوز حمام
واحنا كاشفين الخواجه
واللي جايبين الخواجه
إحنا عارفين كل حاجه
وأنت تتنيَّل تنام
***
ع الهيافه في الكلام
شوف يا عم الشيخ إمام
خلق فاضيه
وعامله قاضيه
وهي موضع لإتهام
***
بينما شهدانا لسه
دمهم أخضر .. ولسه
جرحهم في القلب لسه
بيواجعنا
لو ننام
وإن صحينا
نلقي غابه
ضبعت فيها الديابه
والغلا كاوي الغلابه
يا سلاملم يا سلام
يحكوا عن واحد صاحبنا
كان أمين دايرة صاحبنا
والدواير
قرع داير
ع الجميع قَرَّن صاحبنا
نَزِّل العداد وهاتكـ
وإعلا
وإنزل بجنيهاتكـ
خد مراتي
وهات مراتكـ
كل ماشي يا عب سلام
وأما ريحة القرع فاحت
ع اللي باني
وع اللي فاحت
والإشاعة
جت وراحت
جابوا تفسير المنام
عابوا فنانه في زمانها
بعد ما الكبر غبنها
رحنا مصر وجينا بنها
و إحنا سارحين في الكلام
***
ع اللي حاصل في الحواصل
يا سلاملم يا سلام
منين نجيب الراحة واصل
و الوطن عايش آلام
يا سلاملم يا سلام
و الوطن عايش آلام
و الإذاعة مستباعه
قول
يا عم الشيخ إمام

ع اللي حاصل | الشيخ إمام

أنت النعيمُ لقلبي و العذابُ له فما أمرَّك في قلبي و أحلاك 
عندي رسائل شوقٍ لست أذكرها  لولا الرقيب لقد بلَّغتُها فاك 

أنت النعيم لقلبي - الشيخ إمام عيسى

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

رافعين جباه حرة شريفة
باسطين أيادى تأدي الفرض

ناقصين مؤذن وخليفة
ونور ما بين السما والأرض

يا مصر عودى زى زمان 
ندهة من الجامعة وحلوان 

يا مصر عودى زى زمان تعصى العدوين وتعاندى
آمان آمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



الدم يجرى فى ماء النيل
والنيل بيفتح على سجنى

والسجن يطرح غلة وتيل
نجوع ونتعرى ونبنى

يا مصر لسه عددنا كتير لا تجزعى من بأس الغير
يا مصر ملو قلوبنا الخير وحلمنا ورد مندى
أمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



يسعد صباحك يا جنينة
يسعد صباح اللى رواكى

يا خضرا من زرع إدينا
شربت من بحر هواكي

شربت من كاس محبوبى وعشقت نيل أسمر نوبى
وغسلت فيه بدنى وتوبى وكتبت إسمه على زندي
آمان آمان بيرم أفندى

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

يامصر قومى .. الشيخ أمام

طلع الصباح _ الشيخ إمام

إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا ابو المفهومية
مفيش لك دليل
غير عيون الكلام


مر الكـــــلام زي الحـســـام يقطع مكان ما يـــمر
أما المديـــح سهل و مريــح يخدع لـكن بيــضـــر
والكلمة دين من غيـر اديــن بس الوفاء عالحـــــر



بسيطه جاوي جاوى
روايه المجاله
مليحه جاوى جاوى
للى ما نايمشى
طويله جاوى جاوى 
حكايه الرساله 
جريبه جاوى جاوى
وانت ماعالمشى
مد الخطوة وامشى 
تلجى الصعب فات
غير الله ما دامشى 
وكل حى مات
وان كنت ناصح وفهمت المجاله
فهمها يابنى للى ما فاهمشى
بسيطه 
كيف الدنيا لف ودور
ياطنبور 
هم شويه 
خلى الميه تغطى البور
معدودة الخطاوي
رايحه ولا جايه
ما يلمكش خوفك
ع الدنيا الدينه 
جول الكلمه عالي 
بالصوت البلالى
جول ان العداله
دين الانسانيه
كامش ليه وخايف
فرج الشفايف
هو العمر واحد
ولا العمر ميه ؟
وان كنت ناصح
وفهمت المجاله
فهمها يا بنيى للى ما فاهمشي
بسيطه 
كيف الدنيا لف ودور
يا طنبور 
هم شويه
خلى الميه تغطى البور
المولى خالجنا بالعدل وناشينا
طل ف خلجه
تلجاة
بالعجل مساوينا
ومنور طريجنا من فضله وهادينا
بالنور اللى طالل 
من غرة نبينا 
جن الليل غوانا
ومشينا فى عمانا 
ونسينا شارعنا
وتهنا فى المدينة 
وان كنت ناصح 
وفهمت المجاله 
فهمها يا بنى للى ما فاهمشى 
بسيطه 
كيف الدنيا لف ودور
ياطنبور
هم شويه خلى الميه
تغطى البور
يا مودر شبابك
بسنين العذاب
بين وهم الامانى 
والصبر اللى شاب
صبرك ع المساوي
بيزيد البلاوي
وتبجى انت المصيبه
وتبجى انت المصاب
يا ويلك بصبرك
ع الظالم وظلمه 
فى الدنيا وياويلك
من يوم الحساب
وان كنت ناصح وفهمت المجاله 
فهمها يا بنى للى ما فا همشي
بسيطه 
كيف الدنيا لف ودور
ياطنبور
هم شويه
خلى الميه تغطى البور


الشيخ إمام - إذا الشمس غرقت ، مُر الكلام ، الطنبور

واه يا عبد الودود
يا رابص ع الحدود
و محافظ ع اللظام
كيفك يا واد صحيح
عسى الله تكون مليح
و راجب للامام
أمك ع تدعي ليك
و ع تسلم عليك
و تجول بعد السلام
خليك ددع لابوك
ليجوا مين دابوك
و يمصخوا الكلام
واه يا عبد الودود
ع أجولّك و انت خابر
كل الجضية عاد
ولسة دم خيك
ما شرباش التراب
حسك عينك تزحزح
يدك عن الزناد
خليك يا عبده راصد
لساعة الحساب
أن الأوان يا ولدي
ما عاد الا المعاد
تنفض الشركة واصل

وينزاحوا الكلاب
عايزني أكون أبوك
بتديب لي ثار اخوك
و الأهل يبلغوك
دميعا السلام
واه يا عبد الودود
كيفك و كيف زمايلك
عسى الله طيبين
خالك زناتي داي لك
ضمن المطوعين
و اختك تطلع يوماتي
ع المستشفى الجديمة
حاكم ع يمرنوها ف العركة
تكون حكيمة
و محمدين موافي
يتعلم المطافي
ويجولك شد عزمك
ويجولك العوافي
ومن هنا الجرايب و العيلة و العيال
ع يبلغوك سلامهم و لتمتة الردال
و آخر الكلام نجولك في الختام
الله يصون بلدنا
و يحرص السلام
والدك حسن محارب
غفير برد الحمام

الشيخ إمام    واه يا عبد الودود



أبـجد هــوز حطي كــلمن إفتح صفحة إمســـــك قلمن
إكتب زي الناس ما بتنطق سقطت سايجون رفعوا العلمن

طلعت شــــمس اليوم ده أغاني كل ما نسمع نعشق تاني
طلعت شمس اليوم ده حريقه تكوي الجرح وتبري القلمن 
ســــايجون عادت للثوار فـــوق الدم وتحت النار
جدوا فوجدوا زرعوا فحصدوا وإحنا إيدينا للسمسار
واللي قالوه السمسارجية واللي حكاه السمساردار
لما قروه القروانجية بالمستعدل والمندار
هتش ونتش بعزم الصوت  عن أمريكا وهول أمريكا 
زعموا الفانتوم شايل موت  سقط الموت بعلم أمريكا
جاتكو فضيحه يا طبقه سطيحة وعاملة فصيحة وجايبة العار
وكتبنجية وفصحنجية وسمسارجية وسمساردار

سايجون درة يا ثوار عادت حره للأحرار
ده احنا حنشبع بكرا أغاني إسمع وحفظ يا كتباني

واثبت عندك فى الأوراق مصر بتنضح بالأشواق 
مصر عروسة وبكرا عريس والعشاق  إحنا العشاق

فينا وبينا ولينا الثورة إحنا الثورة وهي الناس 
فينا الماضي وبينا الحاضر والمستقبل هو الناس


(Mansey) _ الشيخ إمام عيسي  ( أبجد هوز) _ سقطت  سايجون

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

الشيخ إمام  _ عطشان يا صبايا

كلمات : احمد فؤاد نجم
الحان : الشيخ إمام
---------------
قيدوا شمعة يا أحبة و نورولي
رمشتين من رمش عين
و بيندهولي
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي

قيدوا شمعه - الشيخ إمام

سيد عشاق الأغنية العربية.

حلاويلا يا حلاويلا _ الشيخ إمام

GEZAWY

Recent comments

mo.naser

فرحة صلاح

Yones AbdElrahman

Adham Hassan

Related tracks