Heya Fekra | هي فكرة
---
Verse1: Memo Ayman
Verse2: Thug Of Rap
Vocals By: MemoAyman & ThugOfRap
Recorded @GhostsBand Home Studio
https://www.youtube.com/watch?v=AuXeqVkcKsA
---
Chours :

هي فكرة هي ذكرى هي بس كانت انتي
في وشي اكتئبتي بس في وش الدنيا ضحكتي

Verse1 ( MemoAyman ) :

خلي الحياة تمطر طوب .. بردك بيجمد الصواعق ..
اعصار مشاعر غير مكانك .. و هم ثبت العوائق
سمّي شفايفك و قربيلي .. اغريني ب احتيال .. رغبتي تزود اللي بيننا ، رغبتك هدفها اغتيال
مين اللي بيسعى للتجديد .. مين اللي اتمنى الكمال 
بين ظواهر الطبيعة .. اتسألت ميت سؤال
لما بحرك ثار بموجه .. يعلى مده ويا جزره 
لما خفت منك انتي .. كل مشاعر قلبي هاجروا
كنت هم كنت قهر كنت بيت قديم و فقر
كنت غلاف كتاب الحزن نقطة دم ف كل سطر
مش هقولك اني بضعف .. ولا هقول خلاص تعبت .. كل كلامي مجرد ورقة مكتوب فيها زهقت ..
بحس همك و احس المك .. بس بقى البرود ف دمك .. 
نفس السم اللي سمتهولي .. اتقلب عليكي و برضو سمك ..
انتهت الحكاية الوقت عدى بينا و فات .. انتهى الكلام و بقى الحل لينا سكات

Verse2 ( ThugOfRap )

بعدد كلمات العشق كنت ببني و هي تهد
 بنحت في صخور و اصلح طريق مكسور و هي تسد
مقولتش ارجعيلي لأ بقول مش عايز اشوفها ولا حتى صدفه مش همشي خلاص تاني في طريقها 

كنت بتمناكي تبقي ام بنتي و ابني بس 
قلبك الخاين بطبعه عمره ما حتى بيا حس 
قلت اشرب يمكن انسى ان في يوم ناديت عليكي
اتاري كل ما اشرب الشرب يفكرني بيكي

مين حبك زيي .. مين خاف عليكي قدي 
مين اللما حس بالخطر رفض التحدي 
الوقت يعدي .. و استنى لوحدي 
مكانتش جمبي .. في وقت ضيقتي 

كنت  بموت 
علي صوت السكوت 
نام جوه تابوت 
مش هيفرف وقت الموت كلنا هنموت 
راجع الوعود شم في الورود 
كنت بحر عشق كنتي حوت
كان قلبك ساكن فيا بس قلبك بقى مطرود
 
لو فعلا  رايده .. او حتى كنتي عايزه 
يبقى اسمي بعد اسمك . مكنتيش تبقي خاينه
كانت الايام تمر .. كان مقابل الحلو مر 
بعد هروبي من سجن حبك قلبي اصبح قلب حر
يا ورده شوكها اقوى من قلب الكان حاببها 
يا اتعس وقت ذكرى مريت بيها ولا ناسيه 
حتى لو انتي ناسيه .. انا مش هعرف انسى
قلبي كان حرارته عاليه .. وانتي مشاعرك بردوا بارده
----
Enjoy <3 .. Ghosts Band 
©2014

هي فكرة

Vocals : Mohammed Mostafa and Lord
Written by : Mohammed Mostafa and Lord 
Poster : ahmed hamdy atris 
Length : 2:42 

الكلمـــات : 

#VerseI Mohammed Mostafa 

ايماننا كان اول طريقنا فا مش هنقدر نبعد 
و الحب مش اختييارنا ولا اختبارنا اننا نسعد 
مليون فكره و كتاب و قلم حبره جف معاند 
الكفر مش الهام و الايمان لصاحبه مساند

اقلكم ايمانا فـ يا ملايكة ابعدوا عنى 
انا السئ فكل شى فمش هفضل مستنى 
سخرية القدر منى اكدتلى ذنب حوا 
تسيبوا طن فرحة و بتاخدوا من الحزن نوى

انا شبه فلسفى ما سطورى كاتبها افلاطون 
خرافه العقل بتثبت انى صح و مش مجنون 
ستين سنة قدرت تحجب وجة اليزابيث 
بتبنى بيت للطائر و بتعمل من الملكة احلى عش 

عالم مصطنع ما خيالى ساكت  و حقيقتى شبه السطر 
هتشد تانى لا اكتفيت مش هلحق للتوبة قطر 
نفسى بتجمل نفس قدام نفسى لكونى معقد 
من بعد اول طلعه شمسى بتكره تتطلع اكتر 

#Cousre

مش عايز مساعدة منكوا مش عايزكوا تبقوا جنبي .. خلاص بانت لعبتكوا 
ماللي كان ساتركوا قلبي ..  هنام خسران عيونك و عقلى اقنع حروفى كامله ..  ان اللى ببنا مكانش حب كان مشاكل شاملة

#VerseII Lord 

الديب في زماننا الكاتب .. البطل بقلم يحارب .. مع الخير في الباب الأول .. في الباب التاني مع الغالب .. ف حاسب .. ده مش انفصام .. انا ألف شخص في بعض .. انا كل شخص فيا كاره الحياة ع الأرض .. 
انتوا حافظين مش فاهمين مخ فاضي و الدليل واحد يطلع يتهمني اني بجهر بالمعاصي .. اعرفك بنفسي انا تاجر سبح و قاضي .. مش لاقي شخص عايز مصلحتي يتشال فوق راسي .. منا خلاص .. بقيت يا ملايكة اقلكم إيماناً .. ليه مش عارف ترد لأ انا مستهيف كلامك .. مش تحت امر جنابك .. مالك ؟ لأ انت اللي مالك !! .. مش عايز اسمع نفاقك فاتفضل خليك في حالك .. انت كنت وانت كنت وانا مكانش ليا عذر ف الغلط مني معلش بس مش هصنعلك عذر .. فاعذرني سيبني في حالي .. معايا اللي يونسني .. واهو لما اموت يورثني واحد يبقى بنفس فكري

#Cousre 

مش عايز مساعدة منكوا مش عايزكوا تبقوا جنبي .. خلاص بانت لعبتكوا ماللي كان ساتركوا قلبي ..  هنام خسران عيونك و عقلى اقنع حروفى الكامله ..  ان اللى ببنا مكانش.. حب كان مشاكل شاملة


• معقد • | Mohammed Mostafa ft. Lord

الكلمات 
_________ 
والليل عياط 
والعزله ليل وعياط 
والاكتئاب .. اصعب طريقه للانتحار وللاحباط
مفضلش حد .. كل اللى فاضل منهم مفصلش 
متغبش .. 
كل اللى لسا موجودين بروحهم هنا غابوا وانت اللى روحك ف السما متغبش
مشيت .. وسايبلى ذكريات هشه ووحده وبيت 
صبح مهجوز .. معشش خوف 
معتش ظروف هتمنعنى ب انى اكتبلك 
وافضفضلك .. 
ف من فضلك انزلى  تانى شوف مشاكلى ووحدتى او خدنى فوق  
كملت اهو عشرين سنه 
وعشرين وجع .. 
عيط .. اه عيط كتير ولا شيئ رجع

لا انت رجعت ولا حتى خالى
وبقيت بعانى من القلق والاكتئاب
وبقيت ببرد م الفراق شتا اوصيف 
عارف يارب انى ضعيف عارف <
"وعارف انك" لا تحمل نفسنا الا وسعها
بس انا وسعى ضاق بيا
غبى انا غبى يارب عارف 
بحضن ف شوك مستنى يطرح ليا ورد ! 
وامسك ف ناس غاويه تشوفنى كئيب
بس انا والله مش كده 
اسأل عبده عليا 
هيقول انى كنت لعبى 
واسأله فين لعبى يارب 
فين الطساسيس 
او بنك الحظ 
والربع حنيه بتاعى معاه .. خلي يجيبو انا مخاصمه 
وقوله انة معتش بلعب حتى .. هلعب مين غيره يعنى 
من بعده حاجات رافضه تفرح .. وكتير اوى قاصد يوجعنى 
وقوله ان انا  حبيت جديد .. وسابتنى عادى ف وحدتى
وانت السبب عشمتنى بالاهتمام وبالسند  وسبتنى وطلعت انت للسما 
وبقيت بدور ع السند فيهم  واسند انا ويكسرو ويزود الوحده بهم .. مش ده المهم 
المهم انى من زمان حتى مصلتش .. انا عارف ان ربنا جمبك دلوقتى 
اتأسفله .. قولو محمود اسف جدا والله يارب .. وبيحبك .. وملوش غيرك
واهو بكره يارب يعقل ويكون ماشى  ف خطوط سيرك 
قوله يطمنى عشان خايف 
قوله محتاجه واهو شايف 
الحال ازاى ... 
حبوب الاكتيئاب رافضه تجيب نتيجه 
والمهدئ بقى بيعصبنى
. والمنوم بيسهرنى كتير 
والقهوه المره .. طعمها بقى سكر مش لاقى أمر
وبقيت بتوه  ومش لاقى ممر 
ولا لاقى دليل .. الليل لا مبحبوش ..  الضلمه بتوجع وتطيب 
والنور بيطيب وبيوجع .. 
لا انا عارف  ارجع ولا افضل 
ولا عارف اخاف ولا اطمن 
الحمد لله  انا راضى بس انت واحشنى  ف قولت اكتبلك .. علشان مش عارف احكى لمين .. متغبش كتير .. انا هستناك .. ولا اقولك استنانى 

محمود مصطفى علام _ رسايل مبتوصلش

__
لأول مرة / أكون حاسس 
بروحي بتبتدي تشقق 
بقالها كتير بتتنشق لبوق حياه 
لأول مرة / أكون لامس 
روحي لجل ما أتحقق 
_إذا كانت_ 
بتنبض فيها لسه حياه 
ودي المعاناه ..
عشان شايف .. بعيني روحي بترفّص / وفيها الروح 
بتتخبط يمين وشمال / كما المدبوح 
وشايف نفسي في دِماها /غريق سابح 
بتطلب منّي ألحقها ! / فبتعجب !
مافيش مدبوح /بيطلب نجدة مـ الدابح
انا شخص برضاه قرر 
يدبّح روحه بالوحده 
انا الشخص الي مبيحتجش 
لحد ف ساعة الشده 
انا الوقت الي بتقضى 
بدون ولا طعم ولا معنى
ولا ألوان 
يا أهل الفرقة والاحزان 
صحيح الحب دا إدمان ؟ 
يا أهل العشق والاحساس 
سامعكوا كتير ..
بتشكوا الشُح فـ الاخلاص 
ومنكم قال ..
زمان الحب ولّى خلاص 
سمعت كتير في أحاديثكم 
وعيشت كتير/ فـ احداثكم 
ولكن من بعيد .. بـ مقاس 
وعامل نفسي قال مبسوط مع الوحدة 
وإيد الوحدة كاتمة الصوت
مع الانفاس 
يا أحسن ناس 
عرفتوا تعيشوا وتحبّوا 
آمانة عليكوا لتخبّوا 
مالوش لازمة سؤال مالكوا 
عشان ديمًا إجابته مافيش
بلاش تدعولنا "عقبالكوا" 
أكيد نقدر / بدونها نعيش
بلاش كلمة ..
"كده أحسن ".. 
و"مالك يعني من غير حب ؟ "
بلاش تفتكروا ضحكتنا .. 
منابع فرحة جوا القلب 
أيا عشاق 
بلاش يعني تدوسوا فـ حد/ محسّش عمره رعشة حب 
بذِكر محاسن الأشواق 
ونبض القرب بعد فراق 
ونبض القلب بين عشاق
عشان فعلاً / يعد غباء 
تروح لضرير وتوصفله 
جمال النظرة للأشياء 
فـ لو شوفتوا إن دا تهوين .. بلاش منه 
بلاش تهوينكوا دا لإنه 
ما بيزديشي فـ روبة طين سوى البلّة
بلاش تهوينكوا دا لإنه ... أكيد الوحدة مش علّة

#معاذباسم 
موسيقى مروان انور
اهداء لكل من اختار الوحٍدة _

سينجل_single

All rights reserved to Eslam Ezeldin
حيالله كسرتي قلبي

حيالله كسرتي قلبي
عكس قلبي كان قلبك. قلبي كان بيحب حبك، و بسهوله كسره الزمان
بس عادي
لسه عايش، لسه بضحك، في نفس المكان
نفسي اهم انتي ليه كارهه وجودي؟ انا خلاص عارف حدودي، عارف اني عندك ذكري
طب و بكره؟
اعمل ايه ؟
انساكي عادي و اعيش و اكمل
ولا احزن ولا اعيط ولا اقول لا مش متحمل؟
القرار ديما في لحظه و الندم باقي الحياه
قررتي انك تبعدي و انتي قلبك يا حول الله
لو ندمتي و جيتي يوم تتاسفي فأنا اللي اسف
اسف ده مش مقبول
انا حر مانيش قابل انا عاقل و مش مخبول
ولما بليل تسهري و تفكري انك كنتي في قلبي بتجرحي وتفرحي
ويبقا نفسك تكوني جمبي و تنادي اجي ألبي
اتاسفي
انتي يعني كسرتي ايدي ده انتي حيالله كسرتي قلبي
وان كان في يوم في احتمال يبقا لينا في بعض امل
انا بوعدك من انهارده كل باب ليكي في حياتي اتقفل

#حيالله_كسرتي_قلبي
#اسلام_عز_الدين

Eslam ezz eldin إسلام عز الدين

انتي حيالله كسرتي قلبي - Kasarty alby

ساعة النصيب || Sa3et elnaseb Ahmed Fokas

Title=اعتراف بالاختلاف
Writer & Voical = El-Maistro & Rabea
Beat=free
Ric & Mix & Master = El-KhowaGa

V1 = El-Maistro 
كان خساره فيكي من البدايه أن قلمي كتبلك
كان شاعر بس ضرير ف مكنش شايف لوحت كدبك
معجزش عن التفسير مكنش أعمى وصل لفكرك
قدامك أعمى لأجل في النهايه بدماغي قتلتك

مفكراني مش هأذيكي لاني ماضيكي دي غلطه
ماضيكي قايم عليه كل مستقبلك ف ايدي السلطه 
قلمي لام نفسه فخد حقه ف الـ 16 بار 
عقلي شاور نفسه وسامح دا لسة حق ناس كتار

طالعه بتكدبي لأجل ماتحللي كل حرامك 
منافقه رايحه الكعبه تغريهم بقلع توب احرامك
انت عارفه انت مين انت سمحتك وكنتي لوون
بسببك غيرت نبره صوت ودي كانت سبب هلاك الكون

ربي وقف جنبي قلبي معايا عقلي رسملي 
ف طلعت اللوحه غامقه مستخرج فيها سمي
ودخلت عليكي اذبح و برضه كنت بسمي
احب اقولك انت اوسخ من اني انزف ليكي حبري

Hook 
Rabea
مهما حصلي من ظروف هستناكي ترجعي
انتي اللي بتمحي الخوف مش انتي اللي بتوجعي
El-Maistro 
لو دخولي الجنه واقف على رجوعك رافض ترجعي
لو انت الدجال دموعك مش هتاثر فيا انت بتوجعي
Rabea
انا اتقتلت في بعدك الكام يوم دول افهمي
اتعودت انك سفينه بتحتوينا للدنيا بترسمي
El-Maistro 
عمري ماتقتلت فـ بعدك القتل وياكي افهمي
كنتي قرصان سفينه ف للشر ... ديما ترسمي

V2 = Rabea

ان سمعت صوتكي يتغني بين طيات الغمام
وعزفت لمحبوبتي عزفا ينير لها الظلام
فـ لماذا تتركين وتبتعدين رغم كل الظروف
عيناكي في ذاكرتي تزيل اي خوف
انظر للفضاء واتذكرك نفسي تصبح هائمه
لالم تبتعدين للحظه ف انتي في مخيلتي دائما 
لايوجد شئ في حياه يذكر احلامنا 
نعزف فيها كالحان موسيقي يذكر اوهامنا
.....


انا احساسي مبيكدبش لو مليون شخص كدب 
بعد تعب سنين وشغف الصوره تتقلب 
مكنتش مهدي منتظر ولا صالح اهدم ناقه
ولاكان هدفي من البدايه اني اهدم العلاقه 


صبرت وارتديت توب ايوب من حين لحين
اتخذت حكمه لقمان لو بتهين بكون امين
عارف يا مايسترو يا مايسترو انا تعبت ولوحدي 
اوي كل الظروف واقفه ضدي اريد ان اكون سوي
Hook 
El-Maistro 
ناس كتير ملهمش ذنب وانت فيهم بتعدمي
صدقيني دا دين و رده جاي مني... هتندمي
Rabea
لو ناويه تغيبي تاني اعدمي فيا اعدمي
هعيش لمين بعدك هموت بعد موتي هتندمي
El-Maistro 
وقتها هكون دفنتك مفيش مجال تتكلمي
ربك يقول كن فيكون فقال انك تنهدمي
Rabea
هتيجي تقفي ع القبر ب ورد وتتكلمي
فراقي صعب بس فراقك اصعب بعدي هتهدمي
El-Maistro 
مكنش صعب بعدك دا انا دفنتك فـ اوراقي
هفني كل الزيك لأنهم شيء شيطاني 
دفنت فكره اني بحبك ومن تاني برجع حقي
حقيقتي معاكي دجال وانت كافره؛ ف نظرك انا المهدي
Rabea
كتبت فيكي اشعار ودعوه للبقاء انكري
مش عاوز غير وجودك جمبي لازم تفضلي
رسالتي موجهه ليكي اياكي لكلماتي تهملي 
عملت عشانك كل حاجه انتي علشاني ايه هتعملي

_________________________________________________
Facebook.. El-Maistro = https://www.facebook.com/el.maistro.9026
Facebook.. Rabea = https://www.facebook.com/rabea.ahmed.273
Soundcloud El-Maistro = www.soundcloud.com/elmister-rap

اعتراف بالاختلاف || E3traf B El-e5tlaf || Rabea FT. El-Maistro

Links :
https://www.facebook.com/mohamedortijaaa (Oskar)

https://www.facebook.com/profile.php?id=100007892113180 
Mc(Hesham) 

V. R :1                           هيبدأ نص الليل ويظهر للعيون تشويش..
بتسأل نفسك مالك بترد الحيطان مفيش..
 عاجز وسيبت كل حاجة في بلاد العشاق..
 لفيت في رحلة طويلة رجعت ملقتنيش هناك.. 
احكيلك ايه ولا ايه ده انا شوفت حاجات كتير.. 
اللي ارتحت في قربه.. سابني اموت عليه..
 منسيتهاش.. 
اصل اللي كان ده مش ببلاش..
 ننكر اي حاجة الا حلو يوم اتعاش..
 عادي فاهم.. اصل اللي يعشق دوة لازم..
 يشرب كتير وكتير ميفوقش غير علي المشاكل..
 عميان وبحكي لناس سكاري مش فايقين لروحهم..
  صاحبي لما جت هيمشي والمصالح تحكم..
عايش بكتب أغاني وانتي رخيصة جدا.
. مليش غير الحيطان اشكيلها غلبي وهي تسمع.. 
حلمت ياما وقولت هكون واحلامي ضايعة.. 
مكدبتش ع اللي ساب احلف بشرف بنت البايعة.. 

Couras :
صوت مغلوش.. مين في حياتك لأ محدش.. لفيت بلاد الظلم وابص في الوشوش واتأمل.. حسبت حسبة غلط ورجعت الحياة مدروش.. لأ ثواني.. ازاي بتفتكرها تاني.. 

V.R:2
عيشت بقلبين وبضحك قلت خلاص هتكون حلالي.. 
وغابت بنت الليل وازاي اتشقلبت حياتي.. جريت لنفس لبلاد الظلم ادور ع اللي يهون..
رجعت مكسور نفسي بعد لما سمعت يحنن.. هلف اكتر.. لساني واصل مش هتأخر.. 
كبرت من الحياة وعارف دي احلام مش أكتر..
حالك مش يوصل اصعب من اللي ضاعت كل أحلامه.. 
يضحك مهما يضحك لسة اللون اسود قدامه.. نيمتك جوة حضني غمض جفني وقال مشتاق.. 
سبقت في بيت الحلم وانتي ملقتكيش هناك..  فارجع تاني عادي والف نفس الدايرة لوحدي.. ولما تيجي سيرتي قولي ناسية لو سمحتي.. وانت يا صاحبي.. وخداك حياتك مني.. 
خلاص مفيش مصالح يبقي عايز تبعد عني.. آآآآآآآه.. جواك كلام وما بتنساه.. 
وشهقة الدموع بتغلب ضايع من جواه.. 

Couras:

صوت مغلوش.. مين في حياتك لأ محدش.. لفيت بلاد الظلم وابص في الوشوش واتأمل.. حسبت حسبة غلط ورجعت الحياة مدروش.. لأ ثواني.. ازاي بتفتكرها تاني..

Mabnnsash\\F.t Mc(Hesham) مبننساش

Lycris:


حياه بقت مملة ايام شبه بعضها 
الاوقات الحلوه من قلتها بجد نسيت شكلها 
الفرح بيجي يوم والحزن طول السنه 
وابص في المراية واحد تاني لا مش انا


بقيت مش عارف عاوز ايه تايه وسط عتمه 
حاسس روحي خلاص بتطلع من كتر الكتمه
كل ما الاقي نور اقرب منه بسرعه يطفي 
ومع مرور الوقت فيها عقلي بقي بيهزي 


عمال بصرخ وانادي كله عامل مش سامعني 
غرقان في بحر عذاب بياكل كل حته مني 
بحاول فيه اعافر نفسي بجد منه اخلص 
والعمر بيجري مني اوكسجيني قرب يخلص


اكتئاب بقي ملازمني بعد ماكان فتره معايشه 
بقعد لوحدي اهلوس افعالي بقت طايشه 
كل حاجه زهقت منها مش مستحمل اي بشر 
مش باقي عليكو صدقوني قلبي اتحول حجر


قاطعت كل الناس مبقتش قادر اشوف وشهم 
حتي انتي ياللي مني اتغيرتي بقيتي زيهم 
كنتي زمان بتسمعيني احكي ع اللي واجع قلبي 
سبتيني بقيت لوحدي وبتلوميني تقولي ذنبي


بس عندك حق ما انتي قولتي ليا اخلي بالي 
وان العزف ع الاوتار لما يخلص هبقي لحالي 
خلصت كل الاغاني وانا بقيت وحيد سابوني 
ورغم اني نسيت وشوشهم برده لسه بيغتابوني



اللمه دي كدابه وانت عارف بس ساكت 
لما تقع يوم في شده هتلاقيها عامله ماتت 
واللي سبته انت زمان لقيته ف ظهرك لما ضاقت 
هي دنيا تحب العوج كل حاجه فيها مالت


هتلاقوني معاكو بضحك عادي بعمل كل البدع 
ولو دخلتو جوه مني هتلاقو الف وجع 
بتظاهر اني كويس رغم اني شايل هم 
خايف اطلب منكم العلاج تدوني بداله سم


بعدت عن ربنا خلاص ضميري بقي يميل 
بس برده قاعد خايف اني اقابل عزرائيل 
وف نفس الوقت عاوزه يجي عشان خلاص زهقت 
م الدنيا وم اللي فيها كل حياتي بقت زفت


بقعد لوحدي كتير افتكر ف اللي عدا وفات 
لو يرجع بيا الزمن كنت هغير فيه حاجات 
ولما افوق م الوهم ابص الاقي الجاي اسوأ 
الخير والشر اختلطو مش عارف بينهم افرق


ضميري اتبري مني لما لقاني بقيت فرعون 
قلبي جحد علي الكل جحوده يكفي كل الكون 
كان حواليا ظيطه وطبل كانو عزوة بالنسبالي 
ولما وقعت كله باع سابوني فيها لحالي 


مبسوطه مني قولي ولا لسه هتلوميني 
حاولت انقذ نفسي بس جيتي وغرقتيني 
بقيت شيطان في هيئة بشر ايوة علمتيني 
اخر زفير بيطلع موت خلص اوكسجيني

FeRo - Akher Zapheer | فيرو - اخر زفير

سابني_وراح_"راب"_أحمد_ناجح_sabny_wer3h__

دايما بتخيل نفسى لوحدى - شعر رومانسى حزين

ThugOfRap ( محمد حسام ) 
17سنه 
بدأت كتابه حوالي من 4 سنين
من صغري و انا بحب المزيكا .. بدأت الراب ...
كنت بكتب شعر و حسيت ان الكلام هيبقى احلى لو بطريقه تانيه على مزيكا .. و حصل و سجلت اول 
اغنيه ليا من سنتين 
( Nada ) لسه عايزك 
و كملت المشوار و ناس كتير ساعدوني و ساندوني و ناس اكتر احبطوني 
و ناس لحد دلوقتي بساعدني و بتقف جنبي 
و انا مؤمن جدا اننا هنبقى حاجه عشان بنحب الراب جدا
..........................................................

Mohamed Ayman , 16 Sana
بدأت الكتابة من 3 سنين .. و فكرت في الطريقة المناسبة اللي اوصل بيها كلامي .. اخترت اوصله عن طريق الراب .. حبي لي شجعني .. و ناس سمعتني و شجعتني استمر 
بتمنى الناس تقدر الكلام و تاخد منه المضمون .. احترام و تقدير لكل الناس اللي بتغني .. اللي معظمهم اتعلمت منه حاجات ساعدتني 
--
ممكن يكون التسجيل مش حلو , بس الامكانيات على قدها .. 
--
المضمون انك لو بتحب حاجة بجد متخليش حد يبعدك عنها او يحاول يحبطك .. حتى لو مستواك فيها مش عالي للدرجة , مع الوقت مستواك هيتحسن و هتبقى افضل :)

Band-Ghosts ♥ Much Respect ♥ 


هي فكرة

BandGhosts

Recent comments

Tayara

Related tracks