Andere versie van "Tradisje", e tikkelke rapper. Kwestie van bezig te bluvn....

Gilve Meuzje - Tradisje  v1.0 (demo 2013)

Nog een andere versie van "Tradisje"
Deze keer  op ne beat van Snoop...kwestie van bezig te bluv'n...

binnenkort 2 nieuwe nummers : "Benachte" & "Moderne ridders" ;)

GILVE MEUZJE- Tradisje (instrumental  Hennesey N Buddah)

GILVE MEUZJE- ZWARTE KEUN
beat: ZakKloot producties
---------------------------
K'goa mie moet'n néreleggen, k'è min hèrsems verrekt
T'woa nie vo niet'n , vesjke teksten zin verwekt
En ge vroag joen oaf oe da'k t'hè angepakt
Moa moatje toch, woa da je gie joe zorgn om makt
Wacht, kweetn't da je't nie verwacht, 
moa kgoa eerlijk zin! Beloof mie daj lustert en der nie meelacht..
(ik è vannacht en ke nie te lange gewacht)
(3 grote flosjn blauwe chimay gekrakt)

We zin oal slecht bezig en we kun't nie verhelpn
t'zit in oes nature, vastgebakn in oezelvn
T'is t'hopen dat de dag komt da we zoender keun'n
Of m'goan oal tope meugn in ne paddestoel gan weunen

Kvergete soms etwoa moa da gebeur minder zelden
kweet nog olles van oek joeng woa, kzoe euren keun' verteln
we moetn us  nie  bewiezn of uz gezag doen gelden
Twoar'n zotte tiedn vroeger, we waren nie erkende helden
Oa'je meer geleefd é't dan' tied da joe gegeven is
 meer geld verkakt e't dan da'je ooit ng goa verdien'
 is't tijd om in e kalmere vitesse te gan rie'en
geweunweg e splinternieuw leven te verdienen

 moa dat is vo morgn, m'èn't were lange vulhoudn
wuvn,dope  en drank ge moe joe zeker nie inhoudn
je leven goat nie zo lang deurn of daje't pezt
en n'helft e je me werkn en relatsjes verkwest
dus pak  ontslag en smijt joen wuf an de deure 
krupt in joene auto en rie 200 ter eure
poept noch e kè goed, droai joe spoarrekeninge derdeure
Doe e ke e twoa zots, deurbreek  de sleure

We zin oal slecht bezig en we kun't nie verhelpn
t'zit in oes nature, vastgebakn in oezelvn
T'is t'hopen dat de dag komt da we zoender keun'n
Of m'goan oal tope meugn in ne paddestoel gan weunen

Ge zijt vree slecht bezig en ge keun't wel verhelpn
Tzit in joen nature, ge moe geloovn in joenzelvn
Tgoa niemand joe veranderen aj't zelve nie wilt
ze meugn oal zoagn en doodvaln, ge stoa ng veel te wild
Moa n' dag goa komn da j'up iemand goat wiln leunen
t'is thopen dat ne mens goa zin en gine zwarte keun
want toen is't te loate vo te trekn an de belle
toen goa'j zonder freingn rechtndeure na d'helle!


Gilve Meuzje - Zwarte Keun

 Wervik, 
1ste opname thuis

 FL studio 10 / Audacity//Behringer BCD2000 + virtual dj 5(vo live & scratchkes/Schneider monitoren 4ohm vd joaren '70 &
de bechetendste micro van de streke :)