block sei il migliore !!!! solo la tua musica riesce a darmi emozione ;) complimenti

Storia di un antico tradimento 
(Storia di Carlo Gesualdo da Venosa e Maria D’Avalos)

Che scuorno m’ hê tirato ‘n faccia, ammore!
M’hê azzeccato quatt’ pacchere pesante e nunn’ hê fatto ‘nu rummore.
Che scuorno! M’aggio ‘ntiso ‘nu creaturo!
E stanotte pe’ rregalo m’hê purtato a faccia nera d’ ‘a paura.
Che scuorno! M’hê cugliuto a tradimento!
‘Mbraccio a te cresceva ‘ll’evera e mò invece è ‘na cajola cu’ ‘e serpiente.

‘O nonno, nonno mio, vieneme ‘n suonno!
Viene e puorteme ‘o curagge e cu’ ‘o curagge ‘nu curtiell’ pe’ ffà ‘ll’ommo! ‘O nonno, nonno mio, vieneme ‘n suonno!
Viene e puorteme ‘o curagge e cu’ ‘o curagge ‘nu curtiell’ pe’ ffà ‘ll’ommo!

Che scuorno m’hê tirato ‘n faccia ajere!
M’hê regnuto ‘a panza cu ‘na curtellata e nun t’ha fatto dispiacere.
Che scuorno, m’hê cugliuto a tradimento!
E stanotte ‘a luna chiagne pe’ ‘nu rrè ca è addiventato ‘nu pezzente.

‘O nonno, nonno mio, vieneme ‘n suonno!
Viene e puorteme ‘o curagge e cu’ ‘o curagge ‘nu curtiell’ pe’ ffà ‘ll’ommo!
‘O nonno, nonno mio, vieneme ‘n suonno!
Viene e puorteme ‘o curagge e cu’ ‘o curagge ‘nu curtiell’ pe’ ffà ‘ll’ommo!
‘O nonno, nonno mio, vieneme ‘n suonno!
Viene e puorteme ‘o curagge e cu’ ‘o curagge ‘nu curtiell’ pe’ ffà ‘ll’ommo!
‘O nonno, nonno mio, vieneme ‘n suonno!
Viene e puorteme ‘o curagge e cu’ ‘o curagge ‘nu curtiell’ pe’ ffà ‘ll’ommo! ‘Ll’ommo.

Voce Giovanni Block
Basso Dario Maiello
Chitarra Classica Giovanni Block
Chitarra Acustica Enzo Foniciello/Ettore Sciarra 
Chitarra Elettrica Marcello Giannini
Flauto Soprano Giovanni Block
Flauto Contralto Giovanni Block
Grancassa Augusto Bortoloni
Tammorra Giovanni Block
Nacchere e Castagnette Giovanni Block 
Claps Giuseppe Visaggio/Augusto Bortoloni/ Giovanni Block
Tromba Fabio Renzullo
Cori Giovanni Block/Ninni Pascale 
Testo/Musica/Arrangiamento Giovanni Block

Storia Di Un Antico Tradimento (Storia di Carlo Gesualdo da Venosa e Maria D’Avalos)

Senza Dicere Niente 
(feat. Francesco Di Bella)

Tu m’hê lassato senza dicere niente,
e m’hê lassato primm’ancora ‘e me lassà.
Pe’ quacche juorno t’hê creduto ca nunn’era niente, 
ma m’hê lassato quanno hê visto a chillo là.
E nun m’hê visto cchiù pe’ chillo ca songo,
dint’ ‘a ‘nu juorno, c’hê saputo cunsignà.
M’hê regnut’ ‘o core cu’ ’o vveleno e cu’ ‘o scuorno, 
‘stu giro nun me l’hê voluto sparagnà!

E va bbuon’ accussì, 
ma nun tengo ll’uocchie pe’ chiagnere, 
manco ‘na lira pe’ vevere
e ‘na speranza pe’ credere
... ca può tturnà.
E va bbuon’accussì,
nun tengo ‘o genio pe’ ridere,
nun teng’ ’o tiempo pe’ crescere
si poi pe’ crescere i’ m’aggia sempe ‘ntussecà...

Tu m’hê lassato senza dicere niente,
dicive “Sì, te voglio bene, ma nun me scuccià!” 
E nun t’hê magnat’ ‘na risata fetente
pe’ tutto ‘o tiempo ca m’hê fatto spantecà.

E va bbuon’ accussì,
ma nun teng’ ll’uocchie pe’ chiagnere, 
manco ‘na lira pe’ vevere
e ‘na speranza pe’ credere
ca’ può tturnà.
E va bbuon’ accussì,
nun tengo ‘o genio pe’ ridere,
nun tengo ‘o tiempo pe’ crescere
si poi pe’ crescere i’ m’aggia sempe ‘ntussecà.

E nun m’hê dato manco ‘o canzo ‘e n’accordo, 
ca ‘sta canzone manco me l’hê fatta accumincià.
‘Na vota te piaceva ‘e sta cu’ mme sempe
e mò nun tiene manc’ ‘o genio ‘e me guardà.

Voce Giovanni Block/Francesco Di Bella
Basso Dario Maiello
Chitarra Classica Giovanni Block
Chitarra Acustica Ettore Sciarra
Chitarre Elettriche Marcello Giannini/Luigi Scialdone
Tromba Fabio Renzullo
Batteria Augusto Bortoloni
Cori Ninni Pascale 
Testo/Musica/Arrangiamento Giovanni Block

Senza Dicere Niente (Ft Francesco Di Bella)

Dint' all'underground

Oh oh oh oh oh oh oh oh oh oh oh oh oh 
Oh oh oh oh oh oh oh oh oh oh oh oh oh

So’ trent’anne dint’ ‘e tarantelle ‘e ll’underground,
chi me vene appriesso mor’ ‘e famme ‘ncopp’ o sound.
Già hê refuso e manco hê accummenciat’ ‘o primmo round! È ll’underground! Già hê refuso e manco hê accummenciat’ ‘o primmo round! È ll’underground ! 

Quante muort’ ‘e famm’ a se fà ‘a guerra pe’ ddoje pounds.
Gira e avota, avota e gira, è ‘o stesso “turnaround”.
Già hê refuso e manco hê accummenciat’ ‘o primmo round! È ll’underground!

“Comme s’adda fà chello ca vulesseme fà si nun ce l’hanno fatto fà manco na vota pe’ pazzià”

E sto’ pur’i’ dint’all’underground!
“Comme s’adda fà chello ca vulesseme fà si nun ce l’hanno fatto fà manco na vota pe’ pazzià”
E sto’ pur’i’ dint’all’underground!
Dint’all’underground! Dint’all’underground! Dint’all’underground! (Oh oh oh oh) 
Dint’all’underground! Dint’all’underground! Dint’all’underground! (Oh oh oh oh)

Oh oh oh oh oh oh oh oh oh oh oh oh oh 
Oh oh oh oh oh oh oh oh oh oh oh oh oh

I’ m’ ‘a faccio cu chi è peggio ‘e me e sta sempe down.
Tutt’ ‘e vvote ca me so’ cercato e nun me found.
Già hê refuso e manco hê accummenciat’ ‘o primmo round! È ll’underground! “Comme s’adda fà chello ca vulesseme fà si nun ce l’hanno fatto fà manco na vota pe’ pazzià”
E sto’ pur’i’ dint’all’underground!
“Comme s’adda fà chello ca vulesseme fà si nun ce l’hanno fatto fà manco na vota pe’ pazzià”
E sto’ pur’i’ dint’all’underground! Oh oh oh oh
Dint’all’underground! Dint’all’underground! Dint’all’underground! (Oh oh oh oh) Dint’all’underground! Dint’all’underground! Dint’all’underground! (Oh oh oh oh)
‘O pere, ‘o musso, ‘o viecchio ca ‘ntosta.
Ce stanno pure ‘e pullece ca tenen’ ‘a tosse.
‘O sicco ,‘o chiatto e fràtem’ ‘o russo.
Ce sta chi ha perz’ ‘o tren’ e se pigl’ ‘o filobus. ‘O luong’, ‘o curto, ce sta pur’ ‘o stuorto
e chello ca nun ven’ è sulament’ ‘a ciorta.
“E comm’ so’ brav’ i’! Comm’ sì bravo tu!”
Ccà c‘amm chius’ a dint’‘e nunn’ ascimm’ cchiù! E sto’ pur’i’ dint’all’underground!

Voce Giovanni Block
Rap (Voce Bassa) Giovanni Block
Basso Dario Maiello
Chitarra Classica Giovanni Block
Chitarra Elettrica Ciro Tuzzi
Chitarra Baritona Ciro Tuzzi
Chitarra Acustica Enzo Foniciello
Tromba Fabio Renzullo 
Batteria Augusto Bortoloni
Percussioni Pasquale Benincasa
Cori Giovanni Block/Salvatore Lampitelli/Alfredo D’Ecclesiis/Dario Guarino
Clap Giuseppe Visaggio/Andrea Calaprice/Danilo Marraffino/Stefano Formato
Testo/Musica/Arrangiamento Giovanni Block 
(AtuttiimieifratellidelBeQuiet)

Dint' All'underground

E va a fernì semp’ accussì

E va a fernì sempe accussì,
ca stong’ i’ sulo ‘ncopp’ ‘o lietto, 
ca nun me fid’ ‘e sentì niente, niente si nun m’ ‘o ddice tu.
Ma tu t’adduorme e truove pace, t’adduorme quase pe’ dispietto
e i’ tengo ‘nu dulore ‘mpietto
ca sbatte comm’ ‘a ‘na fenesta ca nun se po’ cchiù accuncià.

E stong’ i’ sulo ‘ncopp’ ‘o lietto,
e nun me veco maje capace
‘e te fa ridere felice,
‘e te fa stà comme vuo’ stà.
I’ songo sulo ‘na parola,
e tu sì ‘o mare e tu sì ‘o viento,
e tu sì ‘o cielo e tu sì ‘o tiempo,
o’ tiempo ca me faje aspettà, senza guardà, senza parlà,
senza turnà.

E va a fernì sempe accussì,
ca llà me piglie, addò me miette,
ca tu te stute e i’ piglie pede;
e tutto resta comm’ ajere.


Voce Giovanni Block
Basso Dario Maiello
Chitarra Elettrica Ciro Tuzzi
Pianoforte Mariano Bellopede 
Batteria Augusto Bortoloni
Violoncello Arcangelo Michele Caso
Cori Giovanni Block/Salvatore Lampitelli 
Testo/Musica/Arrangiamento Giovanni Block

E Va A Fernì Semp Accussì

Adda venì Baffone
(feat. Moda Loda Broda)

Famme capì, ma qual è ‘o problema, che gguard’ a ffà?
Nun tengo genio, levat’ ‘a nanze, famme passà.
Me so’ scetato cu’ ’e palle girate, n’ata jurnata pe’ n’ata cacata; scinnem’ ‘a cuollo (‘o frate) e vide e nunn’abbuscà.
Nun tengo genio ‘e fa’ tarantelle pe’ mmiez’ ‘a via, me voglio stennere ‘ncopp’a ‘nu lietto, voglio murì. Tre quart’ ‘e cazze m’aggio cacato!
Sul’omm’ ‘e mmerda, sulo magnate!
Ma chist’è ‘o juorno ca canto comme dic’ i’.

Ma adda venì baffone!
E quanno vene nuje o’ facimm’ ‘a festa int’ ‘o rione. 
Ma adda venì baffone!
E quanno vene nuje’o pisciamme ‘n capa d’ ‘o balcone.

Siente baffone, famme capì, ma ca vvien’ a ffà?
Ccà ce sta ‘a perdere sul’ ‘o tiempo, va’ a ffaticà.
S’hanno magnato pur’ ‘o mare, e mò s’ ’o teneno caro caro; ha ditt’ ‘o Sindaco, ohì, ca l’adda liberà.
Niente è cagnato, niente po’ esistere accussì.
Mò me ne vac’ “affammocca” ‘nzieme’e muorte mije.
E po’ ve lasso chesta canzone, e v’ ‘a cantate si vene baffone, ma quanno vene, dicitencello ca l’aggio scritt’ i’.

Ma adda venì baffone!
E quanno vene nuje ‘o faccimm’ ‘a festa int’ ‘o rione. 
Ma adda venì baffone!
E quanno vene, nuje ‘o pisciammo ‘n capa d’ ‘o balcone!

“O’ baffo’ quann’ arrive t’aspettan’ ‘e schiaff!
‘E smerz’ ‘e diritt’ pe te e tutto ‘o staff!
Perfin’ add’ ‘o KAF, ca guard’ ‘a muglier’ ‘e Costanz’ 
e s’accatt’ ‘a cammisa co’ ‘e baffi.
Ccà zero surrise cu’ ‘e diente perfett’....
....’e baffon’ ‘e ppisciaveme ‘mpiett’!
O’ baffo’, tu addò stive quann’ in maniera istintiva 
‘e baffon’ ‘e pisciaveme ‘mpiett’!

Più che a piedi cammino a carponi
fra furbi papponi buffoni e marpioni.
Si vendono come campioni ‘sti cloni
di cloni di cloni di clo...(OH!) altri quattro bagoni.
Tra queste mie ruote fin troppi bastoni, 
qua non si riscuote malloppi, no money. 
Ne ho mandati a cagare milioni e milioni, 
i migliori, compreso ‘u Baffone!”

Ma adda venì baffone!
E quanno vene nuje ‘o facimm’ ‘a festa int’ ‘o rione. 
Ma adda venì baffone!
E quanno vene nuje’o pisciammo ‘n capa d’ ‘o balcone! 
Nuje’o pisciammo ‘n capa d’ ‘o balcone!
E ’o pisciammo ‘n capa d’ ‘o balcone!
’O pisciammo ‘n capa d’ ‘o balcone.

Voce Giovanni Block
Rap Moda Loda Broda (BoomBuzz/Ramtzu) 
Contrabbasso Antonio Gomez
Chitarra Classica Giovanni Block
Chitarra Elettrica Enzo Foniciello
Chitarra Acustica Enzo Foniciello
Tromba Fabio Renzullo
Sax Contralto/Tenore Pietro Santangelo
Sax Baritono Luciano Nini
Batteria Augusto Bortoloni
Cori Giovanni Block/Salvatore Lampitelli 
Beat Box Cosmico (Cosimo Amato) 
Testo/Musica/Arrangiamento Giovanni Block 
Strofe Rap Francesco Ausiello/Mirco Scavino 
Orchestrazione Fiati Giovanni Block

Adda Venì Baffone (ft MODA LODA BRODA)

Sule 

Nuje parlammo cu’ ‘a gente, 
annascus’ int’o scuro; 
si ‘e guardasseme ‘n faccia 
rimanessem’ annure. 

Ce ’nventamme ‘na storia, 
ogni sera ‘na nova,
ca ce simme cuntate 
p’ ‘a paura ‘e campà.

Sule, cchiù sule, cu ‘na maschera ‘n cuorpo 
e ‘a paura ‘e parlà; 
sule, cchiù sule, cu ‘na maschera ‘n faccia 
e ‘a paura ‘e...

Ogni sera è ‘nu posto, 
ata gente, ata storia
e accussì passa’ ‘o tiempo, 
poi dimane chissà.

E po’ passan’ ‘e journ’ e po’ ‘e mise e po’ ll’anne 
e po' 'e mmane ca strigne; 
e t'accuorge ca è ttard' 
pure pe’ saluta’.

Sule, cchiù sule, 
cu ‘na maschera ‘n cuorpo e ‘a paura ‘e parlà; 
sule tra sule, cu ‘na maschera ‘n faccia 
e ‘a paura ‘e campà.

“Simme angeli senza scelle
simme scart’ ‘e paraviso
soli tra soli cu ‘a maschera ‘n faccia cu ‘a maschera ‘n faccia”


Voce Giovanni Block
Basso Dario Maiello
Chitarra Classica Duilio Meucci
Chitarra Elettrica Marcello Giannini 
Chitarre Acustiche Ettore Sciarra/Enzo Foniciello
Chitarra 12 Corde Enzo Foniciello
Pianoforte Mariano Bellopede 
Violoncello Orchestra Giovanni Sanarico
Viola e Violino Orchestra Caterina Bianco
Testo Gianfelice Imparato 
Musica/Arrangiamento Giovanni Block
Orchestrazione D’Archi Giovanni Block
Voce Recitante Gianfelice Imparato

Sule

Tiempo ‘e viento (feat. Alessio Arena & Batà)

Quante vvote aggio guardato, addo’ ‘o viento nun ce sta,
e chi nasce pe’ mmurì e chi nasce pe campà.
Chesta guerra nunn’ è fernuta, chesta guerra s’adda fà.
Quante vvote m’hê futtuto comm’ a chi primma ce steva e mò nun ce sta. 

Viento me traiga lo bueno y se lleve lo malo.
Oya Yanza a mi madre aquì te entrego mi mano.

Vient’, a te nun te ne fott’ ‘e niente ‘e passaà pe cuoll’ ‘a ggente, gente ca si chied’ aiuto nun te vede e nun te sente.
Tu sì tale e quale ‘o tiempo, ca si fuje nun vai niente
ma si resta, resta pe’ se fà prià.

Viento me traiga lo bueno y se lleve lo malo
Y nos seguimos juntos siempre siendo hermanos.

Piglia ‘a mano ‘e ‘sti perzone, piglia a chi se po’ salvà
Vide ‘o cielo e faje ‘o buffone, passe senza salutà.
Ccà, a chest’ora è cchiusa ‘a cchiesa, e ‘a Madonna nunn’ ‘o ssape. 
Cerca scusa a ‘stu paese quanno nun tene cchiù terra ‘a cammenà. 

Viento me traiga lo bueno y se lleve lo malo
A este orichas mayor se lo dedicamos.

Vient’, ‘a te nun te ne fott’ ‘e niente ‘e passà pe’ cuoll’ ‘a ggente, 
gente ca si chied’ aiuto nun te vede e nun te sente.
Tu sì tale e quale ‘o tiempo, ca si fuje nun vai niente
ma si resta, resta pe’ se fa’ prià.

Viento me traiga lo bueno y se lleve lo malo
Y nos seguimos juntos siempre siendo hermanos. 
Oya Yanza a mi madre y esto tu lo sabe,
tu llegas en el profundo a donde nadie cabe
Y tu conoces mi intención, mi motivación,
Por esto mismo te dedico esta canción de corazón.

Vient’, ‘a te nun te ne fott’ ‘e niente ‘e passà pe’ cuoll’ ‘a gente, 
gente ca si chied’ aiuto nun te vede e nun te sente.
Tu sì tale e quale ‘o tiempo ca si fuje, nun vai niente
ma sì resta, resta pe' se fà prià.

Viento me traiga lo bueno y se lleve lo malo,
Y lo que vamos buscando al final lo encontramos. 
Viento me habla, linda palabra,
cuando la lluvia está alumbrada no pienso en nada, 
Sólo busco tu mirada, madre sagrada
Arena del viento cubano no te ponga brava.
Viento me traiga lo bueno y se lleve lo malo,
Oya Yanza a mi madre aqui te entrego mi mano, 
Viento me traiga lo bueno y se lleve lo malo

Voce Giovanni Block /Alessio Arena / Batà
Basso Dario Maiello
Chitarra Classica Giovanni Block
Chitarra Elettrica Ciro Tuzzi
Ukulele Luigi Scialdone
Tromba Fabio Renzullo
Batteria Augusto Bortoloni
Percussioni Pasquale Benincasa
Clarinetto Basso Luciano Nini
Cori Fabiana Martone
Testo/Musica/Arrangiamento Giovanni Block
Strofe in lingua Spagnola Paolo Batà Bianconcini

Tempo 'e Viento (ft Alessio Arena)

Sule (feat. EPO)

Nuje parlammo cu’ a ggente, annascus’ ’int’ ‘o scuro; si ‘e guardasseme ‘n faccia rimanessem’ annure.
Ce ’nventamme ‘na storia, ogni sera ‘na nova,
ca ce simme cuntate p’ ‘a paura ‘e campà.

Sule, cchiù sule, cu ‘na maschera ‘n cuorpo e ‘a paura ‘e parlà. Sule, cchiù sule, cu ‘na maschera ‘n faccia e ‘a paura ‘e campà.

Ogni sera ‘nu posto, ata gente, ata storia,
e accussì passa ‘o tiempo, poi dimane chissà.
E po’ passano ‘e juorn’ e po’ ‘e mise e po’ ll’anne e po’ ‘e mmane ca strigne, e t’accuorge ca è ttard‘ pure pe’ salutà.

Sule, cchiù sule, cu ‘na maschera ‘n cuorpo e ‘a paura ‘e parlà.
Sule, cchiù sule, cu ‘na maschera ‘n faccia e ‘a paura ‘e campà.

Sule, cchiù sule, (Nuje parlammo cu’ ‘a gente)
cu ‘na maschera ‘n cuorpo e ‘a paura ‘e parlà. (annascus' 'int' 'o scuro) Sule, cchiù sule, (ca ce simme cuntate)
cu ‘na maschera ‘n faccia.

Voce Giovanni Block/Ciro Tuzzi
Basso Dario Maiello
Chitarre Elettriche Michele De Finis/Ciro Tuzzi 
Batteria Jonathan Maurano
Piano Rhodes Giovanni Block
Cori Michele De Finis
Testo Gianfelice Imparato 
Musica Giovanni Block
Arrangiamento EPO (Ciro Tuzzi/Michele De Finis/Jonathan Maurano)
(Al lungo inverno di Sabrina, perché non possa mai più tornare.)

Sule (EPO)

Tiene mente 'sta palomma, 
comme ggira e comm'avota, 
comme torna 'n'ata vota 
'Sta ceroggena a tentà! 
Palummè, chist'è 'nu lume,
 nun è rosa o giesummino,
E tu a fforza ccà vvicino Te vuò mettere a vulà! 

Vattenn' 'a lloco! 
Vattenne, pazzarella! 
Va', palummella, e torna, 
e torna a 'st'aria accussì fresca e bella!
‘O bbì ca i' pure mm'abbaglio, 
ma ‘a luntano e ca mm'abbrucio
 'a mano pe' te ne vulè...

Carulì, pe' 'nu capriccio, 
tu vuò fà scuntento a 'n'ato 
e po', quanno ll'hê lassato,
tu addu 'n'ato vuò vulà. 
Troppe core staje strignenno 
cu 'sti mmane piccerelle;
ma fernisce ca 'sti scelle primm’ o poi te l’hê abbrucià.

Vattenn' 'a lloco
vattenne, pazzarella
va', palummella, e torna,
e torna a 'st'aria
accussì fresca e bella!
'O bbì ca i' pure
mm'abbaglio ma a luntano,
e ca mm'abbrucio 'a mano
pe' te ne vulè caccià.
La la la la la la la li la la la ... 'O bbì ca i' pure
mm'abbaglio ma a luntano,
e ca mm'abbrucio 'a mano
pe' te ne vulè caccià.

Voce Giovanni Block
Basso Dario Maiello
Chitarra Elettrica Marcello Giannini
Pianoforte Mariano Bellopede 
Ukulele Luigi Scialdone
Mandolino Luigi Scialdone
Tromba Fabio Renzullo
Musica Francesco Buongiovanni 
Testo Salvatore Di Giacomo
Arrangiamento Giovanni Block (Le due piccole modifiche del testo sono una scelta interpretativa di Giovanni Block.) 
(A Pasquale Cardone. Mio Nonno.)

Palomma 'e Notte

Core mio (feat. FLO)

Core, core mio, ma c’hê passato?
Hê fatt’ ‘a faccia cchiù janca d’ ‘o cielo ca’ porta ‘a vernata. Core, core mio, lass’ ‘a paura,
m’arap’ ‘mpietto, accussì guard’ ‘o mare ca s’è fatto scuro. Core, core mio, damme ‘na voce,
mò vene ‘o tiempo ca te faccio scennere a‘ copp’ ‘a sta croce.

Core, core mio, cu ‘e mmane aizate,
hê fatt’ ‘a guerra a chi guerra t’ha fatto o a chi c’ha pruvato.
Core, core mio, uocchie ‘e criature,
miettete ‘e scarpe e accummuogliate bbuono; nun stà semp’ annure. Core, core mio, damme ‘na voce,
mò vene o’ tiempo ca te faccio scennere ‘a copp’ ‘a sta croce.


Voce Giovanni Block/Flo
Basso Dario Maiello
Pianoforte Giovanni Block
Chitarre Elettriche Marcello Giannini /Ciro Tuzzi
Percussioni Augusto Bortoloni
Violoncello Orchestra Giovanni Sanarico
Viola Orchestra Antonio Ruocco
Violino Orchestra Valerio Starace
Testo/Musica/Arrangiamento Giovanni Block
Orchestrazione D’Archi Giovanni Block
(Et ventis adversis A S.)

Core Mio (ft FLO)

VIOLETTE E GERANI

È Camilla che cucina mette a posto e s’addormenta, 
mentre intanto in questi vicoli la gente si lamenta. 
Ma lei sogna il suo pancione, sogna i calli sulle mani, 
sogna i ﬁ ori sul balcone, le violette ed i gerani. 
Mette in frigo la verdura, guarda stelle tra i palazzi, 
meravigliosa creatura, fa la spesa, scruta i prezzi. 
Stira presto le camicie, lui ripartirà domani, 
la vedrà mentre saluta tra violette ed i gerani. 
Oh Camilla! 
Il silenzio dei tuoi giorni mentre tutto intorno strilla. 
Oh Camilla! 
Portaci tutti con te. 
Il caffè del pomeriggio, sopra un’altra sigaretta, 
e poi apre le persiane, prende luce e non dà retta 
ad un mondo che cammina, 
impone il costo e ti violenta, 
ma lei chiude sempre a chiave, 
mette a posto e s’addormenta. 
Oh Camilla! 
Il silenzio dei tuoi giorni mentre tutto intorno strilla. 
Oh Camilla! 
Portaci tutti con te. 
E Camilla s’addormenta in piedi in un monolocale, 
s’addormenta stancamente, 
al caldo che non le fa male, 
perché aspetta l’avvenire come s’aspetta la festa, 
perché ride mentre porta la sua casa sulla testa. 
Oh Camilla! 
Il silenzio dei tuoi giorni mentre tutto intorno strilla. 
Oh Camilla! 
Portaci tutti con te, 
portaci tutti con te, 
portaci tutti con te. 
Fammi sognare con te. 

Giovanni Block - Un posto Ideale - Violette e gerani

Giovanni Block

Recent comments

R. D. C

Related tracks