A Sufi like song on Sai Baba. Lyrics written and Music composed by R Giridharan - Sung By Karthikeya Murthy.

IndhaMannodu

திருநாவுக்கரசர் – தேவாரம்

விண்ணுற அடுக்கிய விறகின் வெவ்வழல்
உண்ணிய புகில-அவை ஒன்று மில்லையாம்
பண்ணிய உலகினிற் பயின்ற பாவத்தை
நண்ணிநின்று அறுப்பது நமச்சி வாயவே.

வானளாவ அடுக்கிய விறகிலே நெருப்பு உள்ளே புகுந்தால் 
விறகுகள் ஒன்றும் மீதியிராது எல்லாம் சாம்பலாகும். 
உலகில் மக்கள் பலகாலும் பழகிச் செய்த பாவத்தை 
நெருங்கி நின்று போக்குவது நமசிவாய எனும் திருவைந்தெழுத்தேயாகும்.

இல்லக விளக்கது இருள் கெடுப்பது
சொல்லக விளக்கது சோதியுள்ளது
பல்லக விளக்கது பலருங் காண்பது
நல்லக விளக்கது நமச்சிவாயவே.

வீட்டில் உள்ள விளக்கு அங்குள்ள இருளைப் போக்குவதாம். 
சொல்லின் அகத்து நின்று விளக்குவதாய், ஒளியுடையதாய், 
பல இடங்களையும் விளக்குவதாய்ப் பலரும் காண்பது ஞானம் நிறைந்த உள்ளத்திற்கு ஒளியை நல்குவது நமசிவாய எனும் திருவைந்தெழுத்து மந்திரமே.

சொற்றுணை வேதியன் சோதி வானவன்
பொற்றுணைத் திருந்தடி பொருந்தக் கைதொழக்
கற்றுணைப் பூட்டியோர் கடலிற் பாய்ச்சினும்
நற்றுணை யாவது நமச்சி வாயவே.

வேத நிகரான வாக்கியப் பொருளானவன், பரஞ்சோதியானவன், 
பொலிவுடைய, தமக்குத்தாமே இணையான சேவடிகளை 
உள்ளம் பொருந்தக் கைதொழுதலால் 
கல்லைத் துணையாகச் சேர்த்து இணைத்துக் கடலில் தள்ளிவிட்டாலும் எம்பெருமானுடைய நமசிவாய எனும் திருவைந்தெழுத்தே 
நமக்குப் பெரிய துணையாகும்

 
தாயுமானவர் 
திருவருள் விலாசப் பரசிவ வணக்கம்

பெருவெளியாய் ஐம்பூதம் பிறப்பிடமாய்ப் 
பேசாத பெரிய மோனம்
வருமிடமாய் மனமாதிக் கெட்டாத 
பேரின்ப மயமாய் 
ஞானக் குருவருளாற் காட்டிடவும் அன்பரைக்கோத் 
தறவிழுங்கிக்  கொண்டப் பாலுந்
தெரிவரிதாய்க் கலந்தெந்தப் பொருள் அந்தப் 
பொருளினையாஞ் சிந்தை செய்வாம் 

அருட்பெருவெளியாய், 
ஐம்பெரும் பூதமும் தோன்றுதற்கு முதற் காரணமாய்,  
பேசாத மோன நிலையில் வெளிப்படும் நிலைக்களமாய், 
மாற்ற மனங்களுக்கு எட்டாத பேரின்பமயமாக; 
திருவடி உணர்வு கைவரச் செய்யும் சிவகுருவின் அருளால் காட்டியருளவும், மெய்யன்பர்களுடன் கலந்து, உணர்வு நீங்க விழுங்கிக்கொண்டு 
அதன் மேலும், அறிய முடியாது நின்றருள்வது எந்தப் பொருளோ 
அந்தப் பொருளை நாம் நினைப்போம்.

திருஞானசம்பந்தர் - தேவாரம்

காதலாகி கசிந்து கண்ணீர் மல்கி 
ஓதுவார் தமை நன்னெறிக் குய்ப்பது
வேத நான்கினும் மெய்ப்பொருளாவது
நாதன் நாமம் நமசிவாயவே''

திருநாவுக்கரசர் – தேவாரம்

வீடினார் உலகினில் விழுமிய தொண்டர்கள் 
கூடினார் அந்நெறி கூடிச் சென்றலும் 
ஓடினேன் ஓடிச்சென்று உருவங் காண்டலும் 
நாடினேன் நாடிற்று நமச்சிவாயவே.

மேம்பட்ட தொண்டர்கள் உலகப்பற்றுக்களை நீக்கிவிட்டனர். அவர்கள் மேம்பட்ட வீட்டு நெறியையே அடைந்தனர். அடியவர்கள் கூட அடியேனும் ஓடிச் சென்று எம்பெருமான் திருவுருவத்தை அகக்கண்ணால் கண்டேன். அங்ஙனம் கண்டவுடன் நமசிவாய எனும் திருவைந்தெழுத்தை நாடினேன். நாடிய என்னை அத்திருவைந்தெழுத்தும் நாடியது.
 
மாசில் வீணையும் மாலை மதியமும்
வீசு தென்றலும் வீங்கிள வேனிலும்
மூசு வண்டறை பொய்கையும் போன்றதே
ஈச னெந்தை யிணையடி நீழலே.

குற்றமற்ற வீணையின் நாதமும், மாலையிலே தோன்றிய நிலவின் தண்மையும், வீசுகின்ற தென்றலின் சாயலும், செறிந்த இளவேனிலின் மாட்சியும், ஒலிக்கும் வண்டுகள் மொய்க்கும் பொய்கையின் குளிர்ச்சியும் போன்று இன்பம் பயப்பதாகும் இறைவனாகிய எந்தையின் திருவடி நீழல்


திருஞானசம்பந்தர் - திருநீற்றுப்பதிகம்

மந்திர மாவது நீறு வானவர் மேலது நீறு 
சுந்தர மாவது நீறு துதிக்கப் படுவது நீறு 
தந்திர மாவது நீறு சமயத்தி லுள்ளது நீறு 
செந்துவர் வாயுமை பங்கன் திருஆல வாயான் திருநீறே

மந்திரம் போல நினைப்பவரைக் காப்பது திருநீறு. வானவர் தம் மேனிமேல் பூசிக்கொள்ளப்படுவது திருநீறு. அழகு தருவது திருநீறு. எல்லா நூல்களாலும் புகழப்படுவது திருநீறு. ஆகமங்களில் புகழ்ந்து சொல்லப்படுவது திருநீறு. 
சிவமயத்தில் நிலைத்துள்ளது திருநீறு சிவந்த பவளம் போன்ற வாயினை உடைய உமைபங்கன் ஆகிய திருவாலவாயில் எழுந்தருளியிருக்கும் சிவபிரானது திருநீறு

வேதத்தில் உள்ளது நீறு வெந்துயர் தீர்ப்பது நீறு 
போதந் தருவது நீறு புன்மை தவிர்ப்பது நீறு 
ஓதத் தகுவது நீறு உண்மையில் உள்ளது நீறு 
சீதப் புனல்வயல் சூழ்ந்த திருஆல வாயான் திருநீறே.

வேதங்களில் புகழ்ந்து ஓதப்பெறுவது திருநீறு. கொடிய துயர்களைப் போக்குவது திருநீறு. சிவஞானத்தைத் தருவது திருநீறு. அறியாமை முதலியவற்றைப் போக்குவது திருநீறு. புகழ்ந்து போற்றத் தக்கது திருநீறு. உண்மையாக நிலைபெற்றிருப்பது திருநீறு. குளிர்ந்த நீர் நிரம்பிய வயல்கள் சூழ்ந்த திருஆலவாயிலில் விளங்கும் சிவபிரானது திருநீறு

அருத்தம தாவது நீறு அவலம் அறுப்பது நீறு 
வருத்தந் தணிப்பது நீறு வானம் அளிப்பது நீறு 
பொருத்தம தாவது நீறு புண்ணியர் பூசும்வெண் ணீறு 
திருத்தகு மாளிகை சூழ்ந்த திருஆல வாயான் திருநீறே

செல்வமாக இருப்பது திருநீறு. துன்பம் போக்குவது திருநீறு. மனவருத்தத்தைத் தணிப்பது திருநீறு. சுவர்க்கத்தை அளிப்பது திருநீறு. எல்லோருக்கும் பொருத்தமாக இருப்பது திருநீறு. புண்ணியரால் பூசப்பெறுவது திருநீறு. அழகிய மாளிகைகள் சூழ்ந்த திருஆலவாயான் திருநீறு

சுந்தரர் - தேவாரம்

மன்னே மறவாதே நினைக்கின்றேன் மனத்துன்னைப் 
பொன்னே மணிதானே வயிரமே பொருதுந்தி 
மின்னார் பெண்ணைத் தென்பால் வெண்ணெய் நல்லூர் உறையுள் 
அன்னே உனக்காளாய் இனி அல்லேன் எனலாமே.

நிலையான பொருளே! உன்னை மறவாது மனத்தில் நினைக்கின்றேன்!
பொன்னும், மணியும், வயிரமும் சேர்ந்தாலும் உந்திக்கொண்டு வரும்
மின் போல் ஒளிரும் பெண்ணை நதியின் தென்பால் திருவெண்ணெய்
நல்லூர் அருட்துறையுள் உள்ள தாயானவனே! 
உனக்கு அடிமையாக இருந்துகொண்டு, "(அடிமை) இல்லை" என்று சொல்ல முடியுமா?

மாணிக்கவாசகர் - திருவாசகம்

வேண்டத் தக்கது அறிவோய் நீ
வேண்ட முழுதுந் தருவோய் நீ
வேண்டும் அயன்மாற்கு அரியோய் நீ
வேண்டி என்னைப் பணிகொண்டாய்
வேண்டி நீ யாதுஅருள் செய்தாய்
யானும் அதுவே வேண்டினல்லால்
வேண்டும் பரிசொன்று உண்டென்னில்
அதுவும் உன்றன் விருப்பு அன்றே.

உயிர்களுக்குத் தேவையானது இது என்று அறிவோன் நீயே! 
மேலும் அவ்வுயிர்கள் எவற்றை வேண்டினாலும், 
அவை எல்லாவற்றையும் அருளுபவனும் நீயே! 
உன்னைக் காண விரும்பிய பிரம்மனுக்கும், 
திருமாலுக்கும் அரிதாய் நின்றவன் நீ 
நீயாகவே விரும்பி, என்னை அடியவனாகக் கொண்டவன் 
என் பொருட்டு நீ விரும்பி எதனை அருள் செய்தனை; 
அதனையே யானும் விரும்புவதை விட்டு, 
நானாக விரும்புகின்ற பொருள் ஒன்று இருக்கும் எனில் 
அந்தப் பொருளும் உன்னிடத்தில் நான் வைக்கின்ற அன்பே யன்றோ?


viNNUra, illaga, sotrunai

a track from bodhendral: preluded by the dialogue between Purshothaman and Gnana Saagaran.

Kalam Dialogue

the track for Bhaja govindham - a tamil stage play by MLDG

Bhaja Govindham

Ilayaraja sir Classic! With the vera level talented thambhi keshav :)

Rathiriyil Poothirukkum- Keshav & Indu

A unique song.. composed jointly with rajkumar... lyrics and sung by me - recorded 15 years ago...

Siragugal

Guitar Swag

This poem by Subramania Bharathi describes the glory of the Tamil language.  Aditi Devarajan plays the violin.

Tamil_Poetry

Yaamarindhu_Bharatiyar

Dasavatharam - Pralayapayojithale

Arunachalam ena: selected verses from aksharamanamalai - for Stage play "Ramanar" - Performed by MLDG, Sung by Shravan - Composed by R Giridharan

viNNUra, illaga, sotrunai

giridharan

Related tracks