😠

Karim Moka - Gahgahon عقرب - جهجهون

(الكبت القديمة (الجوكر -على الشاعر -نيبو -جينيس

الكلمات
ـــــــــــ

ادي الجرح اللى بستناه و ادي المعاده اسرع من الريح
ادي الي في يوم ما اتمنناه و ادي الجرح اللى شبه صريح
ادي اللى بقلبي حبيتوا و ادي اللى بأيدي ماسك فيه
ادي الشخص اللى ما أزيتوا و كنت في يوم تايه اراضيه
وادي اللى شفتوا في منامي عروسة مجملة الفستان 
و شفت نفسي بالبدلة في الكوشة و هي جمبي مدام
وادي الليل اللى انا سهرتوا و ادي الدمعة اللى قتلاني
وادي عريس جه و خطفها و انا أيدي ف جيبي و في مكاني
ادي الدنيا و ادي الايام  و ادي الزمن اللى ماشي عكس
وادي و رقة في كشكولي و جه عليها علامة اكس
وادي حبي الضاع ببلاش و ادي قلبي الي داير نبض
و ادي شخص غيري عاش و ادي نفسي اللى عايزة الحرق
انا اللى فضلت للاخر و كان نفسوا ف كلمة حب
انا اللى استحمل اوجاعك وانا الميت و انا اللى اتهد
ــــــــــــــــــــــــــــــــــــــــــ
يتغير كادر الكاميرا و اشوف مشهد من المستقبل
واشوف عنيها فرحانة معاه فبطر انى اقبل
ــــــــــــــــــــــــــــــــــــــــــ
أدى عريسك اكيد افضل انا لسة مجرد صفر
مملكش حاجة اقدمها غير و رقة و قلم و كام بيت شعر
انا اتمنالك الاحسن لانى جد حبيتك
رغم كونى بتمنى اكون بدالوا جليس بيتك
رغم حزنى فرحانلك وصدقينى انا مبسوط
اهم حاجة ترتاحى و من قلبى بقول مبروك
متزعليش يوم لجرحى لا انا عادى و بتأقلم
متتشغليش يوم لضعفى عندى أرادة ما استسلم
انا بدونك عادى هاعيش لكن بيكى هاعيش افضل
وادام ربى كاتبلى اعيش هاعيش عادى اكيد هقدر
# و مش هطلب انا منك تسمى ابنك على اسمى
لكن هطلب متنسينيش و تحكى عنى و ابتسمى
قوليلهم (عمو) كان مجنون و كان عاشق تفاصيلى
قوليلهم كان يكون مبسوط وانتى بتنامى على صوتى
و اوعى تقولى اخطائى و اياكى تقولى حبيتوا
و اوعى تقولى ف اول يوم ف سنة جديده بكيتوا
و لو سألوكى عنى فين قوليلهم مات شهيد البحر
قوليلهم يمكن خسرنى لكن كسب قصيدة شعر
ــــــــــــــــــــــــــــــــــــــــــ
وانام فجأه و اشوف حلمى وانتى جمبة ف الكوشة
مجملة الطرحه البيضة و اشوف عنيكى مبسوطة
و اشوفها تروح شمال و يمين تدور عنى واقف فين
وانا مدارى ف الزحمة و عينى باكية على الخدين
ـــــــــــــــــــــــــــــــــــــــــــ
جليس بيتك بقى زوجك بقى اسمك على اسموا
وشفتوا معاكى ف الكوشة و انتوا الاتنين بتبتسموا
و فرحك شفتوا ف منامى و كنت بشوف نفسى الزوج
و فجأه الصورة بتغيم و اشوفوا هو اللى لاعب الدور
بوكية الورد جالك فجأه و ظهر هو على فجأه 
وانا ميت من اللهفة و شفت عنيكى فرحانة
و كنتى جاية تحكيلى وصوتك فرحان عفوياً
وقولتى جابلى ورد كتير و انا اللى عيونى غرقانة
انا اهانة لقصة حب جيت اعيشها معاشتنيش
ورفضت حتى تسمعنى و قالتلى لوحدك عيش
دى حتى لما قالتلى بحبك كانت خلاص بتام
ولما صحيت قلتلها انكرت و قالت دا اى كلام
قالتلى زمان اه حبيتك ف فترة و كنت ديما اغير
و كنت بموت اوى ف صوتك و كنت بتوه من التفكير
قالتلى لو هتتقدم نأجلوا هو و انت انجز 
لكن هقدر انافسوا ازاى وانا عاطل هو مهندس
انا فقرى مكنش عيب و لا ظروفى دى بأيدى
لكنى كبرت و لقتنى محقون بالفقر ف وريدى
فمش هقدر انا اصلا اعيشك نفس عيشتك
فلية اظلم بنات الناس و لية اصلا اشيل وزرك
انا سبتك لية هو احسن عشان بس حبيتك 
و اخر سطر ف الغنوة لو من نصيبى هازور بيتك
ــــــــــــــــــــــــــــــــــــــــــ
انا بادء سنة جديده و كانت باينة من العنوان
جليس بيتك دى حقيقة و مش قصة من الافلام

#تمت

MiGo Rap - جليس بيتك - 2015

Kalam 4
Mastring By : Ahmed Kamel
Prod By : S-Lam Shetoz
عezbet El Hiphop Rec ...

Godzee Ykuza - كلام 4

شوف فيديو التراك الجديد على يوتيوب : https://youtu.be/MYQHCevcIDU
Singer : Tika El-khouly 
Rapper : E. Evil 
Beat. By : RaKan

Rab El Osra Mol7ed

Hip Hop Afandy - Rab El Osra Mol7ed | رب الأسرة ملحد   ( Prod. By Rakan )

أخر تراك من تراكات كلام (كلام 5 ) جودزي 
Prod by : Ahmed Kamel
Mastring by : Ahmed Kamel


Godzee Yakuza - كلام 5

Mix & Mastring By : Mahmoud Afifi 
Beat : Free
Spical thanks to : ( Zara & Iko )

Godzee : قلمي

https://www.facebook.com/el.mrazy.5
FOLLOW & @tomm-as  x  @karimmoka66
Rec & Mix & Master By : Karim Moka
Poster By : Karim Moka

Lyrics " 

32RAP
سبونى لحالى أحلالى أنا تايه بين خيالى
#أسألني مالك غلبي مايعرف يوصف حالي
رجعت بشرب مش دريان متسألنيش أنا مالى 
#أنا كنت ماشي في سكه ضلمه ونفسي مش لقياني
تخودنا الرحله كعوبنا بتحفى إزاااى هنرجع إحنا 
الشمس دى بتحمى يا مغبريين السكه أحبابنا بتخفى
اتوه في حبك والغني يعوضني أشبع وأجيلكو مرضي #
عشت في حلال بن الحرام مش هيسقي أرضي
بتعاير بالجدعنه إكمنها من غلبى
نفسى مش بتحب شكلى قولتى إنك برواااز لصورتى
إزاااى دلينى .. أنا فى متاهه و بختى بينادينى
و نايبى من المحبه حبه كره و ناس مش من نصيبى

و مش مرتاح .. أنا مش خيال بهتان للعشق 
أنا قومت وقعت و فوقت سمعت و عشت لخلق ميتانين ع الرزق
بغازل القدر لأجل النفوس ما تحن إكمن
الليل طويل ع الخلق و النجوم لو كرهتك هتزن

بقرب المخاليق و ألقى الغريب بيقرب 
أنا عن نفسى بستغرب إزاااى ده حالى و يسمونى عقرب 
أحبك و أعشقك و نتوه فى لون السما 
كفى مش هكونلك دفى و مش رااايد فى الليله إلا أنا

مالوااا لزوم أطول مركبك .. أنا مليش فى العوج 
و أحب الجدع لو سلك و أدمع فى ذكر الليل و أرسمك 
معلمش أخرتها بس فين ما تدق هرسى 
لو كنت أخويا هاتلى علاج ينسى و خلق سالكه

----- 

سحاب العشق ميضللش شمس القدر 
مسير البرد يحضر و السحاب يتحول مطر 
#الراااجل فى الزمن ده لو حزن بيضحك 
الفاضل من الزمن ده كام جدع يعرك
----------
ELMRAZY
------- 
يخلق لمو هلال التقوي عنا شويه
 علمت روحي السكر وروحي شبعت مايه
 ذاد الكفيف عمرو مكان تقل العفيف في الشتا
 وأنا أموت غريق أحسن ما اموت علي صدر حيه#
---------------
أحلف بغير لو كنت صابر غاصب عني 
عشقك زفير مش راضي يطلع بره مني 
أنا هستكفي أنا هنساكي وأعلم قلبي القسوه 
أنا لوكنت عشقتك فا أنا حبيت تكونيلي بسمه 
سمعاني بنده وبردوا عامله انك مش سامعه 
كل الظروووف بتقول انك مش راجعه
 أستكفااااااااء 
حبيت الوجع غصب عني أنا مش هشتاق 
حب الحواديت أتردم وأتقفل عليه الكتاب 
وتقوليلهم بس يرجع وتناديني وبعدي يوجع 
والحيطان عليها اسمي وباب حياتنا مش هيفتح 
مش هينفععععع !!!! 
مش هحن ومش هنرجع مش هقول أنك في عشقي هتبني بيتنا 
أنا تعبان يعقرب أنا مخنوق بفكر أهرب 
عايز اسيب كل الي سابوني وأتوه في الدنيا وأرجع اشرب
ماتحطوش في دماغكوا أن أنا مش هنسي 
في كل تراك بحاكيكوا وأسيب في خيالكو رسمه 

----- 

سحاب العشق ميضللش شمس القدر 
مسير البرد يحضر و السحاب يتحول مطر 
#الراااجل فى الزمن ده لو حزن بيضحك 
الفاضل من الزمن ده كام جدع يعرك
----------
يخلق لمو هلال التقوي عنا شويه
 علمت روحي السكر وروحي شبعت مايه
 ذاد الكفيف عمرو مكان تقل العفيف في الشتا
 وأنا أموت غريق أحسن ما اموت علي صدر حيه#
---------------
Much Love & Respect ♥♥
Share & Repost ☻♥

Single

صورتى | My Photo El Mrazy Ft. 3a2rab (Prod by Karim Moka)

Prod by : @shetozmusic
Poster by : Ahmed Mohammadi
Lyrics :
@yousef-62
بنكمل المشوار .. شايليين وجع اسرار 
قلبك يخاف مالليل .. ويتوه في زحمة النهار 
بنكمل المشوار .. شايليين وجع اسرار 
اوعاك تلوم نفسك .. لو قلبك اللي اختار 
-------- 
واداري من الوجع في مكان مكشوف 
في وسط زحمة نااس بموت من الخوف
وابص قد اية قلبي ضعيف مكتوف 
مع اني حد اعمي بقلبي بشوف 
----
@wessam_mohamed_official
بشوف الليل كأنو كابوس واروح علي فين مش عارف 
واتوه في زحمة النهار لاكني بفضل خايف 
اللي اتمنيتة يبقا ليك بعيد ولسا مجاش 
حتي اللي كانو بيشتروك بعوك في يوم ببلاش 
... 
واداري من كل اللي يسبب الخوف.. الوجع بيخلي من قلبك مكتوف 
الدنيا بتزود همومك فاتهرب وعمرك ماترجع تجرب تشوف 
.....هترجع لوحدك ... الدنيا بتزود متاعبك
.. فتلاقي انك انت في الدنيا وحداني محدش بيساعدك 
تبعد وتجيلك من كل اتجاه .. تفكر وترجع تلاقيها سيباك 
فاتحاول تكمل بكل مجهودك تلاقي المحاولة اخرتها بيعاك 
تعافر بروحك فتزود جروح .. الواقع بيقتل فاعمرك ماتبوح 
الحب بيموت وبيكسر ضلوعك وقلبك بيحاول يكمل موجوع 
يكمل موجوع هتفضل موجوع هتفضل عيونك بتنزل دموع 
هتفضل تنادي علي كل اللي سابك وعمرك ما صوتك هيبقي مسموع 
ياريت الليل كان سابني كل يوم احكيلة 
واقولة علي اللي  كاسر قلبي 
بدل ما اموت اشكيلة
----
@ahmed-sniper-4
اعفيني من كدبه الحب وخلي اللي فاضل مالقلب في القلب 
سند انا كل ماجي اتعافا عالدنيا من تاني  لحالي وبحالي بتهد 
من تاني بتهد    مالعدم بيدبل الورد مع اني    سقيه بالدموع 
فانسك رسمت الليالي وفبعدك شهدت الليالي بالخوف
دول سبوني انا  مش هموت كده كداب بندب حظي بالمرض 
مع اني فعيونا وعود ان اننا هنسيب الفراق والبعاد  ده للقدر  والكلام والاغاني للسهر والدموع هنداريها بالمطر 
كان كل اللي همي وقتها ان الحب هيطيب فقلبي اللي اتكسر
واديني تعبت سبت موج  البحر يقسم ذكرياتي 
هنا كل الشواطئ تشهد اني كنت بدوب وشاري
عادي ....... زي كل اللي فاتني .. مش ا خر بطله فورقتي 
ا نا كنت بتزين بالحب ودموعي دي بتعكس بكاكي مش اكتر
 هناالحفله كلهابتتفرج بيتابعو خواطرك وقلبك التمن 
وبنفس نسيج فستانك من بعد زفافك يتفصلي كفن
يتفضلي الم   فايغيب فقلبي لليالي وايام لحد ما تغيبي 
وان قالو ان الحب مليان فرح والم قوليلهم  انا واخد  مالالم نصييبي

https://www.facebook.com/tatardarelsallam

Oza, Wessam, Sniper - و نتقابل(Prod by : S - LaM SheToZ)

Beat By : V-Nom
Rec & Mastring By : V-Nom

Godzee l حدوته 2

أحمد_كامل_-_أحمد_السويسى_-_ببكى____Ahmed_kamel_ft._Ahmed_elswesy_-_babky.mp3

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

Last Rap Seed

علامة استفهام 4

Motatallabat El-Ganna - متطلّبات الجنّة

LINK OFFICIAL VIDEO : https://youtu.be/iWAaZQAm1ZE


INSTAGRAM : https://www.instagram.com/godzeeyakuza/
FACEBOOK : https://www.facebook.com/GodzeeYakuza
YOUTUBE : https://www.youtube.com/channel/UCjnaP9oqIotYo6JoQpOlHDg/videos

Godzee | Wld - جودزى - ولد

يوتيوب
Link : https://www.youtube.com/channel/UCjnaP9oqIotYo6JoQpOlHDg/videos

Godzee Yakuza - كلام 5

Godzee Yakuza Official

Recent comments

Amr Tito

tata

Omar Hossam

Mostafa ShaArawy

Related tracks