عاش يا جمعه ولله نجم يا عم ♥.. عاش اقسم بالله التراك جاحد استمر يسطا ♥..

Written by : Gom3a
Music : Free Beat
Vocals : Gom3a
Master and Mix by : Dar4

U.G.V Home Studio

Verse 1
مشكلتي مبتتلخصش في حبي لواحدة
مشكلتي إني إتولدت في وسط عيلة جاحدة 
من صغري مليش حرية القرار 
الناس فكراني عايش في جنة وأنا عايش في قاع النار 
بيقولوا مش عارف أودي فلوسي فين 
لو مشكلتي كانت مادية مكانتش هتدمع ليا عين  
جايب مجموع كليتي وغصب بردة مدخلتهاش 
فـ إدرس زي ما أبويا عاوز ، موضوع غير قابل للنقاش 
لقيتني وقعت علي صحبة علي كل حاجة فتحت عيني 
بعد ما كنت خايف ربي ، خاتم قرآني وعارف ديني 
أسلوبي في البيت إتغير،  برجع وش الفجر وعيني 
باين فيها السكر ، طب ليه مفكرتيش تسأليني ؟ 
عن حالي ليه إتبدل بعد ما كان الكبت سايد 
ألاقيكوا بترخوا الحبل لكن الرخي كان بالزايد 
مأخدتش قرار في حياتي ، من صغري شخصيتي معدومة 
فـ طبيعي عياري يفلت ، ليه من النتيجة مصدومة ؟

Chorus
إعذروني أنا مطلعتش الإبن المثالي 
بس قبل ما تزعلوا مني فكروا لو كنتوا مكاني 
أبويا بيتحداني ودايماً واقف ضدد أحلامي 
ولما إحتجت لحضن أمي لقيتها حتي مش شيفاني

Verse 2
-عيلة ؟- عيلة إيه ؟ مبنتجمعش غير عـ السفرة 
إحساس أصعب من إنك يطلع من لحمك ضفرك 
نهايتي مش في الحبس وممكن أموت أوفر دوس 
مهما كانت صعوبة الموقف تتحل بالفلوس 
بس أنا كنت فين وبقيت فين ، كأني شخص تاني
سواد تحت العين وإصفرت سناني 
وحيد مصاحبني كاس وسيجارة وسهران مع ألحاني 
وياريت كانت مشكلتي تتحل بالأغاني
بيدوروا علي الفلوس فـ حواليا ناس كتير 
مع آخر نفس لآخر سيجارة مع الدخان الصحبة تطير 
مفيش أمل إني أرجع ، ده تحت باند المستحيل 
ما هو لو عشت أنا فايق ، مين عني الهم يشيل ؟ 
من السجادة والسبحة لقيت نفسي إتغيرت 
نهاية عكس البداية وبسببكوا إتدمرت 
فكرت إني بهرب من الواقع لقيتني بقرب 
لنهاية سودة أكتر فـ إوعي تحاول تجرب 

Chorus
إعذروني أنا مطلعتش الإبن المثالي 
بس قبل ما تزعلوا مني فكروا لو كنتوا مكاني 
أبويا بيتحداني ودايماً واقف ضدد أحلامي 
ولما إحتجت لحضن أمي لقيتها حتي مش شيفاني

Comments

karim Mohamed

Youssef Amr

A Z R A 2 E E L

Shadow Sphinx

Mahhmuud Ahhmedd