انتاج :2001 
 مُقتبسة من اغنية تركية للمطرب HAKAN PEKER عنوانها KARAM 
----------------------------------
مابعيب الشكل الحلو ..
شايف أكتر من حلو 
لابالي أحبك إنتي ..
بسرعة بالقلب سكنتي 

ياما ياما اللون الأسمر ..
جنني اللون الأشقر ..
ما بسهر لولا عيونك ؛ هن اللي خلوني إسهر ...

ياسلام ياسلام ..
ياسلام حبك بدو أكون ..
مجنون مجنون ..
 .. مجنون هالعيون 

إمكن وداكِ القدر ؛
تردي على قلبي الضجر ..
و إمكن على بالك خطر ..
 !إتكوني لعيوني النظر 

ماكنت بغني لحدا ..
لو أعرف صوتك صدا ...
و مابلحن ياحياتي ..
! لو مابتصيري كلماتي 

آياعمري شو بتمني !
بتهنى لو بتكوني ..
معي ومن الحب نغنى 


ياسلام ياسلام ..
ياسلام حبك بدو أكون ..
مجنون مجنون ..
 .. مجنون هالعيون 
 
إمكن وداكِ القدر ؛
تردي على قلبي الضجر ..
و إمكن على بالك خطر ..
 !إتكوني لعيوني النظر

الشكل الحلو : علاء زلزلي

فى الغيب انا شفتك و عرفتك ..
قلبي انكشف عنه الحجاب و لقاك ..
فى الغيب انا شفتك انا شفتك ..
قلبي شاور عليك و عرفتك ..

انت اسمراني جميل ..
لك غيّة فى المووايل ..
و القلب لك بيميل ..
من قبل ما يكون له النصيب وياك ..

قلبي انكشف عنه الحجاب و لقاك ..

من فيلم : عين شمس 

تتر فيلم عين شمس، علي خلفية أغنية "يا عزيز عيني"
فيلم مصري روائي طويل، إخراج/ إبراهيم البطوط
أداء: مريم صالح سعد، أحمد مصطفي، دودو، وعود كريم سامي، كلمات ولحن أيمن حلمي (عن تيمة فولكلورية ولحن لسيد درويش)

للأغنية قصة طويلة، تنتهي بإنك تشعر حين تسمعها في نهاية الفيلم أنها كتبت خصيصاً له بإحكام يثير الإعجاب، بينما في الحقيقة أنها لم تكتب للفيلم، بل قبله بعامين، أوائل 2006

هناك أغاني كثيرة تحمل نفس الاسم "يا عزيز عيني"، أذكر منها أغنيات لمحمد رشدي وهدي سلطان والثلاثي المرح، ولكن في أغلب الظن يعود أصلها إلي غناء المجندين المصريين في الجيش الإنجليزي في الحرب العالمية الأولي (1914/1918)، في حرب ليست لهم يخوضونها بالإكراه "يا عزيز عيني وأنا بدي أروح بلدي وأشوف عزيزة بنتي ومحمد أفندي ولدي"
وعلمت أن سيد درويش لحن أغنية بنفس الاسم -- وربما هي التي تحولت إلي تيمة فولكلورية بعد ذلك -- ولكني لم استطع الحصول عليها
وكان فشلي في العثور عليها هو الدافع وراء كتابة كلمات جديدة، جاءت من وحي تجربة صعبة، هي فشل آخر أصعب في محاولات تحقيق عدالة رأيناها ولم نستطيعها، في أعقاب حريق مسرح بني سويف 5 سبتمبر 2005
وكانت الأغنية والتي غنيناها لأول مرة في عرض كستور لفرقة حالة 2006، وفي مناسبات ذكري الحريق
هذا عما حدث
أما عن اللحن، فرغم أنه مبني علي تيمة فولكلورية أو لأستاذي الأول سيد درويش، وأن الكوبليهات مبنية علي لحن لبليغ حمدي نسبه أحد الأصدقاء للفولكلور أيضاً "مهما الليل هيطول" دون تأكيد، فمفهومي الخاص لمعني التلحين يجعلني أظل أقول أنها لحني كما هي كلماتي
وأظنها ستستمر، فزمنها هو زمن تلك المسافة بين المكان الذي نعيش فيه، وبينها...بلدي
أيمن حلمي

يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي
بلدي يا بلدي ويا عيني على بلدي
بين أهلي وناسي وبقيت غريب يا بلدي

عم يالي ماشي ظلمي ما ترضاشي
سافر قلبي وما جاشي يدوّر على بلدي
يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي

ده مش لون عينيكي ولا دية إيديكي
بدال ماخاف عليكي باخاف منك يا بلدي

يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي


يا عزيز عيني : من فيلم عين شمس

امانة يا ليل : من فيلم في شقة مصر الجديدة

I tried my best to fix it & extract the song from the scene :)
one of ma fav. Arabic movie tracks

امانة يا ليل: من فيلم في شقة مصر الجديدة _ باسم وديع

نجيب سرور
من مسرحية : ياسين و بهيه 
التسجيل من حفلة كذا مدي _ جزويت الأسكندرية 
from the original play : http://soundcloud.com/che-the-archive/xvkurkcn4q8p 
 
أما يا أمّه شوفت حلم ... 
حلم غريب يخوف !!
شوفتني قال راكبه مركب ،
ماشيه يا اما ف بحر واسع !

زي غيط غله و موجه هادي .. 
بحر مش شايفه له بر !!

قال و ايه .. 
عماله اقدّف ؛
و المراكبي ابن عمي ..
ماسك الدفه و متعصب بشال ..

شاله أحمر يا اما خالص ،
لونه من لون الطماطم ..
جت حمامه بيضا بيضا !!
زي كبشة قطن فوق راسه و حطّت !

ويا دوب البر لاح الا ..
و الريح جايه قولي زي غول مسعور بينفخ  ...
تقلب المركب والاقي ، نفسي بين الموج بصرّخ  !!
يا بن عمي ..
يا بن عمي ...
يا بن عمي ...

قال و هو ماشي فوق الموج بيضحك !
راح بعيد يا اما خالص ..
وفوق راسه الحمامه برضه واقفه !!

دنيا مسعود _ حـلم

صفاء ابو السعود _ اللون الأخضر قدم الخير

من كلمات وألحان : زياد برجي

ما بيستحوا بعدن
عم يجرحوا بعضن
عم يدبحوا بعضن
لأ الدني مش هيك

حلوي الدني وهني
قلبن على بعضن
خوفن على بعضن
هيك الحقيقة هيك

ليش البشر
صاير قلبن حجر
يعني بالمختصر
يا دمعة عيوني إرجعي

بأي تمن بيبيعوا
وبيشتروا بعضن
بيكفي حزن
يا عيني لا لا تدمعي


يلي بيزرع حقد..قلي كيف بيحصد ورد
قلي وكيف بيقدر على مخدة يغمض عيونو

ويلي بيسرق بلد قلي كيف بيحمي أرض
قلي ويلي أمنوا ع الحق كيف قادر يخونوا

زياد برجي وسارة الهاني _ ما بيستحوا

90's children will relate ^_^
من فيلم قشر البندق : حميد الشاعري 

حميد الشاعري _ الكحة

طاحت أوراق التوت 	
أعرف منين إن كان خريف أو موت

أعرف منين إن الربيع له رجوع 	
و إني اترسمت علي الجذوع
و إن  الحنين العاشقين ؛ حد 	
لو زاد ينقلب.. للضد

أعرف منين إن الغرب غرب 
و إن الشرق شرق 
أعرف منين الفرق
 	
و انا الغريب في البداية 	
و انا الغريب في النهاية

لو عرفوني عرفت 	
لو فهموني فهمت 	
لو علموني علمت

لكنهم عن دربهم مالوا فملت

طاحت أوراق التوت _ حميد الشاعري

اميره ياشمس غيبي

توزيع : حميد الشاعري
الحان : مصطفى قمر
كلمات : سامح العجمي
...........................
ياشمس غيبى فى بحور الغروب
روحى لحبيبى فى زحام الدروب
قوليله ليلاتى بستنى الرجوع
وتنهد أهاتى تطفى الشموع
وتصبر ياعينى . . بدموعى وحنينى
لو قلبه ناسينى . .أنا عنه ما أتوب

ياشمس غيبى فى بحور الغروب
روحى لحبيبى فى زحام الدروب

وسهرت بالامانى . .استنى اللى رمانى
صحيتلى الشمس تانى مالبحر الغريق
وقالتلى روحى نامى
ماخلاص ضاعت أسامى من شجر الطريق

ردت منى عينى بدموعى وحنينى
لو قلبه ناسينى . . أنا عنه ماأتوب

ياشمس غيبى فى بحور الغروب
روحى لحبيبى فى زحام الدروب

ومشيت ويا الشوارع . . فى الليل أبو المواجع
أسأل عنه اللى راجع من نفس المكان
والناس قابلونى ياما سألونى بالملامه
فين راح اللى كان

ردت منى عينى بدموعى وحنينى
لو قلبه ناسينى . . أنا عنه ما أتوب

ياشمس غيبى فى بحور الغروب
روحى لحبيبى فى زحام الدروب
قوليله ليلاتى بستنى الرجوع
وأتنهد أهاتى تطفى الشموع
وأتصبر ياعينى . . بدوعى وحنينى
لو قلبه ناسينى . . أنا عنه ماأتوب

اميرة_ يا شمس غيبي

حبيبي يا رقه _ من فيلم ماعترافت زوج 
غناء : تيتا صالح

مونولوجست مصرية .
كانت والدتها ووالدها من مطربين السيرك فى الموالد
شاركت بصوتها فى العديد من الأفلام كصوت بديل للمثلات
من أشهر أعمالها أغنية حبيبي يا رقة التي مثلتها الراحلة هند رستم فى فيلم مذكرات زوج

حبيبي يا رقه _ هند رستم / original voice for : تيتا صالح

كلمات \ عادل عمر
ألحان وتوزيع \ حميد الشاعرى
انتاج : سنة 1994 
.....................................
قالوا الجمال سمار ..احتارو السُمر فيك
و البيض قالوا النهار .. اجمل ما فيه عنيك

حبيتك اخر الامر و هحبك طول العمر
بحبك باستمرار بحبك طول العمر
يا اجمل ما فى البيض يا احلى ما في السمر

بحب بكل براءة وجراءة و خوف
بحب بكل معانى الهوى و انا قلبى عليك ملهوف
وبحبك اخر الامر ..
 و بحبك طول العمر ..

بحبك من زمان بحبك من سنين
يا بحر من الحنان انا دوبنى الحنين
وبحبك اخر الامر وبحبك طول العمر

بحبك ليل نهار بحبك لو بعيد
ولو زمانى دار هحبك من جديد
بحبك اخر الامر وبحبك طول العمر 

علاء عبدالخالق وأميرة : بحبك باستمرار ‎

تسجيل من مسرحية : البرنسيسة 

لو كنت أعرف بأن الوعد متداري
ما كنت أطلع ولا اخرج أصلي  من داري
ياريت ما حبيت ...  ولا كان العذاب جاني 
وداري على بلوتك ياللي ابتليت .. داري

إسمع حكاية عجب جرت في مقتبل شعبان ..
سنة خمسة وتلاتين شهر ستة .. أربعة شعبان ..
عن واد مغني إسمه حسن ،
صيته في البلد شعبان ..
 خانوه  العدا وخبره في البلد شاع بان ...

الولد كان مغني و يحكي الخبر ليا
ولجل المكتوب اللي عليه عمل فرح فى بلد اسمها المنشية
تبع بني مزار وانت يا غرام لياااا
حبته بنت اسمها نعيمة ،
قالت له انت جيت البلد فتنه بالعجل ليا ..
و علشان غرامك رويت الأرض بعنيا ...

الموال بصوت  دنيا مسعود :
http://soundcloud.com/greenoha/7asan-w-na3ema-donia-mas3oud

موال - محمود الجندي : لو كنت اعرف ان الوعد متداري / حسن و نعيمة

موسيقي : عمر خيرت 
---------------------------------
و الله ما طلعت شمس و لا غربت
إلا و حبك مقرون بأنفاسي

و لا جلست إلى قوم أحدثهم
إلا و أنت حديثي بين جلاسي

و لا ذكرتك محزونا ولا فرحا
إلا و أنت بقلبي بين وسواسي

و لا هممت بشرب الماء من عطش
إلا رأيت خيالا منك في الكاسِ

و لو قدرت على الإتيان جئتكم
سعيا على الوجه أو مشيا على الراسِ

و يا فتى الحي إن غنيت لي طربا
فغنني واسفا من قلبك القاسي

ما لي و للناس كم يلحونني سفها
ديني لنفسي و دين الناس للناسِ


والله ما طلعت شمس ولا غربت : من مسلسل الخواجة عبد القادر / ادب الحلاج

أدين بـ دين الجدعنة وبـ دين رفاق الدرب ..
وبقوله احنا مش انا ف المعمعة والحرب ..

وبـ دين ما كنت مصدّقـه؛ ف المعركة الاولي ..
وبـ دين جثث ف المشرحة اساميها مجهوله ..

وادين من ساب اخواته ع الاسفلت مقتوله ..
واقول التوبة مقبولة الا في وقت الحرب !..
__ مصطفي ابراهيم 

* التسجيل من حلقة وسط البلد مع خالد تليمه 
** الموسيقي مّضافه / عود : نصير شمّه : موسيقي "روح"ـ

دين الجدعنه : مصطفي ابراهيم / شعر

"يسرا : السعاده / من فيلم "حرب الفراوله

كنت سأنجب منك قبيلة : أحلام مستغانمى / جاهدة وهبه

يا ولدي و والدي وأبا أولادي
يا كبدي وكيدي ومكابدتي
يا سندي و سندياني وسيدي

قل يا بُنيتي
...كي تكونَ لي قرابة ٌ بقدميك
عندما تقفان طويلا ً للصلاة
فأدلكهما مساءً بشفتي
كما كنتُ بالقبل ِ أغسلُ قدمي أبي

يا ولدي ووالدي وأبا أولادي
يا كبدي وكيدي ومكابدتي
يا سندي و سندياني وسيدي

يازهو عمري .. كُن ابني
كي أُباهي بك
واختبر الأنوثة بوسامتك
عسى تطاردك رائحتي
ويحتجزك حضني
وتخذلك النساء جميعهن
 ... فتعود مُنكسراً إلي

أنجبني ..
كي تُنادي بين الرجال باسمي
كي أحمل جيناتك في دمي
واسمك على جواز سفري..
 . وأنتسب إلى مسقط قلبك

يا ولدي ووالدي وأبا أولادي
يا كبدي وكيدي ومكابدتي
يا سندي و سندياني وسيدي

ما كان لي قبلك من أحد !

يا ولدى .. أنجبنى : جاهدة وهبه / كلمات :أحلام مستغماني

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.

شعر : مصطفى إبراهيم : الصورة قصادك

  " جوابات حراجي القط العامل في السد العالي و زوجته فاطنه عبد الغفار في جبلاية الفار"
الجواب 6    
----------------------------------------------------

أسوان
زوجي الغالي
لاوسطى حراجي القط
العامل في
السد العالي

جبلاية الفا ر
الرساله 6

أما بعد ..
فنعرفكم .. إحنا بخير ..
ولا يلزمنا إلا رؤية وجه الغايبين ..
(( مرزوق البسطاوي )) .. مرته وضعت .. حدفت ولدين
وجوابك وصل الجبلايةإمبارح ..
لكن مرزوق .. ما سرحشي غير اليوم ..
وما دنتو في صحه وعال ..
إحنا ما يلزمناش .. أكتر من ورقه في ظرف ..
ناس الجبلايه كبيراً وصغيراً عاوزين رؤياك .
قوللي يا حراجي بحق ..
عامل كيف بس ف ليل الفرقه .. ؟
واللهي ما خش دماغي حاجه من اللي كاتبه في الورقه ..
ويا خوفي عليك ..
بيقولوا فيه ناس .. ماتوا في اللي إسمه السد ..
طمنا عليك يا حراجي .
.........................................
قسمنا مع بيت العطار .. بلح النخله الشرك ..
إذا كان لازمك منه يا حراجي .. إبعت قول ..
مش راح تاجي .. ؟
طالقالك في البيت فروج ..
علشان لما تعود م الأسوان دي .. تلاقي لك حتة لحم ..
وإم (( علي أب عباس )) مشغوله عليه ..
بدري ما راسلهاش ليه ؟
أهي طول اليوم .. قاعده على العتبيه إيد على خد ..
وماسمكه عود قش بتبكي وتخطط في تراب الدرب ..
طمنا عليه يا حراجي يرضيك المولى ..
وإذا كان عال وف خير ..
الضحك مع الجدعان .. ولا رساله لامه المشغوله أولى .. ؟
قلب الأم أصابه الشوق يا بوعيد ..
يبقى أسخن من رمال القياله لما يقيد
يبقى عش خراب بيسرخ على طيره ..
وعلى أب عباس عارف أمه ..
مالهاش في الدنيا غيره ..
وإمبارح كانت وسط الحريمات ..
قاعده تمسح دمعتها .. ف طرحتها وتقول :
اللي مانعني من الموت ..
اليوم اللي أشوف (( علي )) فيه متهني وفاتح بيت ..
يومها أقول للدنيا ضحكت عليكي
خلاص غوري ..
........................................
قولله يشيع يا حراجي .. الناس زعلانه ..
كل الجبلاي واخده في خاطرها منه ..
وإمه عنيها كستها الدخانه ..
أختك (( نظله ))
رجعت بيت الحاج ركابي إمبارح من (( درجا ))
قالت جايه تريح عند خالاتها وحتولد في اللي يهل ..
يا حراجي .. جوابك بيرد الميه للزور الناشف ويبل .
ده إحنا عايشين هنا ع السيره ..
وزادنا الأخبار ..

زوجتك
فاطنه أحمد عبد الغفار
جبلاية الفار

جوابات الأسطي حراجي وزوجته فاطنه : الجواب السادس

  " جوابات حراجي القط العامل في السد العالي و زوجته فاطنه عبد الغفار في جبلاية الفار"
الجواب 5 
-----------------------------------------------------------------------------------

الجوهرة المصونة
والدرة المكنونة
زوجتنا فاطنة احمد عبدالغفار
يوصل ويسلم ليها
في منزلنا الكاين في جبلاية الفار
مشتاق ليكي شوق الارض لبل الريق ..
شوق الزعلان .. للنسمة ... لما الصدر يضيق
مشتاق .. وامبارح..
قاعد .. قدامي عرق حديد .. وف بدي الفحار..
غابت عن عيني الحتة اللي انا فيها ..
وغابوا الانفار
تحت النفق
الضلمة يافاطنة
بتساعد علي سحب الفكر
تلاقيكي ولا عارفة الانفاق
ولقيت نفسي يافاطنة طيرة مهاجرة
والطيرة جناحها محتار
ولقيت نفسي علي بوابة جبلاية الفار..
باخد الاحباب بالحضن
كانس كل دروب الجبلاية بديل توبي
طاوي كفوفي وباخبط بيهم علي صدر الدار
قلتلي لي مين ؟
مسيت الدمعة ف حزنك بايدي ..
مسيت الدمعة اللي ف حزنك..
ماعرف خدتك في حضاني ولا انتي خدتني ف حضنك
وعزيزة وعيد حواليا بيشدوا الجلابية
ويشموا ف غيبتي وفي ايديا..
وقعدت بيناتكم .. وبكيت .. وضحكت
لما لمحت عصايتي وتوبي .. وفاسي .. ومداسي
يمكن ساعة .. وقف المهندس علي راسي ..
ولمس كتفاتي بصابعة .. قمت لفوق ..
طبطب علي كتفي ..
وخدني من يدي برة النفقات في النور ..
ضيعنا نص نهار
وسالني .. قولت الشوق
قاللي اسمع ياحراجي اقولك ..
ويافاطنة قعد يحكي ويتكلم ..
القط كلمة ومية تروح ..
وكلام .. م اللي يرد الروح ..
وحكي لي عن اسوان والسد..
وحكي لي عن اللفرنج وعن حرب المينا
في الجوابات الجاية يافاطنة عاقولك واحكي لك ..


جوابات الأسطي حراجي وزوجته فاطنه : الجواب الخامس

  " جوابات حراجي القط العامل في السد العالي و زوجته فاطنه عبد الغفار في جبلاية الفار"
الجواب 4
-------------------------------------------------------------------------------------

الجواب الرابع
اسوان
جوزي الغالي
لاوسطي حراجي القط
العامل في السد العالي
جبلاية الفار
وصلنا الطرد وجانا المبلغ ياحراجي ..
احياك الرب وابقاك الفين عام ..
ولا عاد يقطعلك عادة ولا حس
ولا يقفل لك كف ..
ولا يطوي من قدامك سجادة الخير والسعادة..
اما بعد..
فاحنا وزعنا المبلغ زي ما قلت ..
ولعلك ما تشغلشي بالك فينا وتبقي في راحة بال
احنا ياحراجي - بعيد الشر - ان ضاقت بينا الحال يكفينا ريال
كفاية علينا البسطاوي الظهر يخطي عتبة ا لدار
عمبارح .. جانا (( الشيخ قرشي )) .. وخبط علي الباب..
جة ساعة المغرب
قاللي لا بدن ما نبص لعيد ..
قاللي : يابت المرحوم الواد لازمة
الكتاب ..
يوم السوق..
اتدلي هاتي لة قلمين يوص .. ودواية .. ولوح
وضحك .. بعدين قاللي : لاحسن يطلع لوح
وانا بيني وبينك ياحراجي عاوزاة يكبر
ويعوضنا علي الاهل ويعمل لنا قيمة
عاوزاة قيمتة في جبلاية الفار قيمة القيمة ..
اللي بتقولة علي اسوان يابوعيد..
حكاية ولا حكايات ابوزيد..
هيا يعني .. مش زي بلدنا.. ؟
امال ناسها بيسووا اية .. ؟
ما بيشتغلوش لية ؟
وانت .. طول عمرك راجل صاحب فاس
فهمهاني دي
لاحسن عاملة في راسي زي الخبطة..
كيف صاحب الفاس يصبح اسطي .. ؟
صاحبك (( تكروني )) لما اتي بالطرد
شيعنا معاة الوجود..
في الليل ياحراجي تقف عليا ما عرف كيف
هففان القهوة .. علي صاحب الكيف ..
وبامد ايديا في الظلمة القاك جنبي ..
طب والنبي صح ومش بكدب ياحراجي
وباحس معاك ان الدنيا لذيذه
كيف حال (( عبدالعال التابة )) و (( علي اب عباس ))
وقوللي ياحراجي ..
بتاكل كيف ؟ وبتلبس اية ؟ وبتقلع اية ؟
بتنام فين ؟
قاعد في المطرح مع مين ؟
مين اللي بيغسلك توبك
وبتتسبح فين
وفي نهاية القول ..
انا رح اشبع عيد ع الكتاب ..
فا ابعت لة ووصية علي
شد الحيل ..
وجميع الناس في الجبلاية
عايزين لك كل سعادة وخير ..
وبيتمنولك تاني ترجع في السلامة..
تعمر مصطبتك ..
وتقيد اللنضة في الدار..

زوجتك
فاطنة احمد عبدالغفار
جبلاية الفار


جوابات الأسطي حراجي وزوجته فاطنه : الجواب الرابع

" جوابات حراجي القط العامل في السد العالي و زوجته فاطنه عبد الغفار في جبلاية الفار"
الجواب 3 
---------------------------------------------------------------------------------

الجوهره المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلاية الفار

أما بعد ..

فهذا تاني خطاب ..
باعتين طيه ما قدرنا المولى عليه ..
وعنبعتلك في ظرف الجمعه .. طرد
الطرحه والجزمه بتوعك ..
وكساوي عزيزه وعيد .
دورت الحسبه ف راسي وقلت يا واد يا حراجي ..
هو يعني قانون العيل ما يدوقشي الكسوه ..
غير في العيد ؟
أمال كيف العيل حيحس أبوه جنبه
إذا كان الأب .. بعيد .. ؟
بقى أول ما دلقنا يا فاطنه بابور السد على محطة إسوان
أنا والجدعان
حسيت بالدوخه
مش أول مره باسيب جبلاية الفار .. ؟
رحنا المكتب
طبعنا البطاقات ..
ومضينا على الورقات
أه يا (( فطاني )) لو شوفتي الرجاله هْنِهْ
قولي .. ميات .. أولوفات ..
بحر من ولاد الناس ..
إللي من (( درجا )) واللي م (( البتانون ))
واللي من (( أصفون)) و (( التل))
جدعان .. زي عيدان الزان .. سايبن الأهل .
وتطلي في عين الواحد يا ولداه ع الغربه ..
عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..
حسيت بالخوف ناشع في عروقي زي البرد .
قضينا الليله الأولانيه في أي مكان .
العين مشقوقه..
والبال ..
زي الغله اللي بتسرسب من يد الكيال
وندهت عليكي قلت : انا بنده
امعاني ؟
سامعيني يا عيال ؟
النبي لولا الخوف واللومه من الرجاله ..
لاركبت القطر وعدت
قبل ما أروح لموظف
قبل ما أرد سؤال.
وقعدت أعقل نفسي وأقول : يا حراجي يا بوي
أمال جيت ليه ؟
الخايف من الغربهة ما يجيش
اتحمل علشان كسوة عيد .. ورغيف العيش
لكإنك ياخي رحت (( الديش ))
من خوفي يا مرتي
قعدت أهدي الرجاله .
فاطنه ..
أول ما تفكي الخمسه جنيه
اطلعي ع الفور ..
وإدي حساب (( عمران )) وجنيه (( بمبة الصباغ ))
والباقي زيحوا بيه القارب
لما يعدلها الرحمن
سلمى ع الوِلد .. وع (( الحاج التايب ))
بلا كتر كلام ..
سلمي على كل اللي لينا فيهم نايب ..
وإوعي يا فطنه لما ارجع وأبص ف وش اللولاد ..
أعرف إن أبوهم كان غايب .
وإحنا هنا بنستنى الجوابات بفروغ صبر
طول ما الجوابات رايحه وجايه .
اعتبري كإني باجي أشوفك..
واجى .

زوجك الاوسطى حراجي
 

جوابات الأسطي حراجي وزوجته فاطنه : الجواب الثالث

" جوابات حراجي القط العامل في السد العالي و زوجته فاطنه عبد الغفار في جبلاية الفار"
الجواب 2
--------------------------------------------------------------------------------
    أسوان
    زوجي الغالي
    لاوسطى حراجي القط
    العامل في السد العالي

    جبلاية الفار

    زوجي حراجي ..
    فوصلنا خطابك ..
    شمينا فيه ريحة الأحباب .. ربنا ما يوري حد غياب ..
    مش أول مره البسطاوي يخطي عتبة الدار ؟؟
    عمرنا يا حراجي .. ما جلنا جواب .
    النبي ساعة مرزوق البسطاوي .. ما نده ..
    كده زي ما كون .. دقت في حشايا النار .
    وكإن العمر بيصدق .. بعد ما كان كداب ..
    اتأخرت مسافه كبيرة كبيرة علي
    عارف فاطنه يا حراجي لاليها عايل .. ولا خي .
    ليه تتأخر كده يا حراجي .. ؟
    طب والنبي كأن ورقتك دي
    أول قنديل بتهز ف جوف الدار .
    أول ندعة ضو.
    الدار من غيرك يا أيو عزيزه .. هو .
    وعزيزه وعيد ..
    من غيرك يا حراجي زي اليُتما في العيد .
    الواد على صغره حاسس بالغربه والبعد .
    ولا عاد حتى بيطلع يلعب في القمَارى مع الولِد .
    اطلع وأخش .. أطلع وأخش القاه .. غيمان
    وكأنه محروق له دكان .
    ويقوللي : (( فين يامه أسوان .. ؟
    وأبا سابنا ليه يا مه ؟ ما يمكن زعلان .. ؟ ))
    شهرين يا بخيل ؟
    ستين شمس وستين ليل ؟
    النبي يا حراجيما أطول قلبك
    لاقطع بسناني الحته القاسيه فيه
    ..........................
    كل الجبلايه تسلم فرداً فرد ..
    م الحاج ((( طِلب حامد )) لعيلة بيت (( علي سعيد ))
    وانشالله يا حراجي ما يوريني فيك يوم
    وانشالله تكون تعلمت ترد قوام .
    ومادام احنا راسيين ع العنوان
    والله ما حنبطل بعتان..
    مفهوم..أسوان
    زوجي الغالي
    لاوسطى حراجي القط ..
    العامل في السد العالي

    زوجتك
    فاطنه أحمد عبد الغقار
    جبلايه الفار


جوابات الأسطي حراجي وزوجته فاطنه : الجواب الثاني

" جوابات حراجي القط العامل في السد العالي و زوجته فاطنه عبد الغفار في جبلاية الفار"

    الرساله الاولى

    الجوهرة المصونه
    والدره المكنونه
    زوجتنا فاطنه أحمد عبد الغفار
    يوصل ويسلم ليها
    في منزلنا الكاين في جبلايه الفار

    أما بعد ..
 لذا كنت هاودت كسوفي ع التأخير
    سامحيني يا فطنه في طول الغيبه عليكم
    وأنا خجلان .. خجلان .. وأقولك يا زوجتنا أنا خجلان منكم ..
    من هنا للصبح ..
    شهرين دلوقت ..
    من يوم ما عنيكي يا فاطنه .. بلت شباك القطر ..
    لسوعتي بدمعك ضهر يديَ
    لحضتها قلت لك :
    (( قبل ما عوصل عتلاقي جوابي جي ... ))
    نهنهتي .. وقلتي لي بعتاب:
    (( النبي عارفاك كداب .. نساي
    وعتنسى أول ما عتنزل في أسوان .. ))
    حسيت واليد بتخطفها يد الجدعان
    بالقلب ف جوفي ما عارف ان كان بردان .. دفيان
    والبت عزيزه والواد عيد
    قناديل في الجوف .. زي ما بتضوي .. بيقيد ..
    .......... والقطر إتحرك ..
    وقليبي بينتقل من يد لإيد .
    والقطر بيصرخ ويدَودِو
    اتدلدلت بوسطي من الشباك ..
    ( خذي بالك م الولد .. راعي عزيزه وعيد )
    والقطر صرخ ورمح لكإنه داس على بصة نار ..
    ولقطت الحس قريب .. قد ما كنتي بعيد :
    (قلبي معاك يا حراجي هناك في أسوان ..)
    ...........................
    ورميت نفسي وسط الجدعان .. وبكيت ..
    وبلدنا اللي كنا بنمشيها ف نص نهار
    كان القطر في لحضه .. فاتها بمشوار .
    سامحيني يا فطنه على التأخير ..
    ولو الورقه يا بت الخال تكفي
    لأعبي لك بحر النيل والله بكفيِ
    وختاماً ليس ختام ..
    بابعت لك ِ
    ليكي ولناس الجبلايه ولبتي عزيزه والواد عيد

    ألف سلام
    زوجك ... الأوسطى حراجي

جوابات الأسطي حراجي وزوجته فاطنه : الجواب الأول

من وحي الأنبياء الجثدد (الثلاثية كاملة) : http://vimeo.com/52792066

إنى رأيت اليوم ... الصورة من بره
قلت الحسين لسة ....حيموت كمان مره 

إنى رأيت اليوم ... فيما يرى الثائر
ان الحسين ملموم .. فوق جثته عساكر
بيدغدغوه بالشوم ؛
كل أما ييجى يقوم !
و ان البشر واقفة ؛
تبكى بدال ما تحوش !
و ان العلم مصفه ؛
م السونكى و الخرطوش !
و ان الطريق مفروش... بالدم للآخر ...

إنى رأيت اليوم...
الدم ع الآيش....
و إن الحسين إحنا....
و مهما اتقتل عايش !!

فيما يري الثائر : من وحي الأنبياء الجُدد - مصطفى إبراهيم

‏غناء:محمد عباس ، كلمات:جمال بخيت ، ألحان:صهيب شكري ، توزيع ومكساج:أمير جادو‏

أهاجر واسيبك لمين
ولسة صبية ونيلك حزين
ولسة لبكرة مليكي الحنين
أسيبك لمين ؟

ومين راح يرد لتاريخك صباه
ويمشي طريقك لآخر مداه
ومين من حياته يجيبلك حياة
ومن راح يكبر في وقت الصلاة

ومين يبقى مغرم بحب الصباح
ومين يحمي طيبتك يا أم الطيابة
ومين يبقى ظلك يا شمس الغلابة
ومين يبقى شوكة في حلق الديابة

أسيبك لمين
أسيبك لمين

أهاجر وأسيبِك لمين؟ : محمد عباس

لحن : مصطفي قمر 
توزيع : حميد الشاعري 
 انتاج عام 1992


انوشكا : ابيّن زين | انتاج 1992

إخشوشنوا علشان ...
المعركة خشنة !

سدوا الفٌرَج بينكوا....
حاذوا القدم و الكتف ..
ضموا عشان نعمل..
من وسطنا جيشنا...

تار الشهيد ناخده....
قبل أما دمه يجف

ما تدّخلوش بينّا 
 خاين عشان نكتر

اللى هرب منّا
من غيره نبقى اكتر

ماتسلّموش ضهركوا
غير للى كان جنبكوا
مش للى باع عرضكوا
بالكرسى للعسكر

يا شهدا ماعرفهمش
لاكن بقوا إصحابى
من كتر ما بشوفهم
ف النشرة و الجرانين

يا وشوش ما بقابلهمش
غير بس ف الميادين

مين فيكوا يعرف مين؟


معرفش أساميكوا
ياللى على الجبهة

 ولا مين رمى القنبلة
ولا مين جرى وسابها

ولا نمرة أم الواد
اللى انضرب بالنار

ولا إسم شيخنا عماد
إلا أما بقى له تار

ولا كشف معتقلين
إتاخدوا من بينّا

ولا مين رسم ع الحيط
غير إنه واد منّا

معرفش غير دربكم
و المشى فى رَكبُكُم
و أعيش و اموت وسطكم

يا دولة الثوار

مصطفى إبراهيم - دولة الثوار

لو كنت أعرف بأن الوعد متداري
ما كنت أطلع ولا اخرج أصلي  من داري
ياريت ما حبيت ...  ولا كان العذاب جاني
وداري على بلوتك ياللي ابتليت .. 
 ... داري
 
إسمع حكاية عجب جرت في مقتبل شعبان ..
سنة خمسة وتلاتين شهر ستة .. أربعة شعبان ..
عن واد مغني إسمه حسن ،
صيته في البلد شعبان ..
 خانوه العدا وخبره في البلد شاع بان ...

الولد كان مغني و يحكي الخبر ليا
ولجل المكتوب اللي عليه عمل فرح فى بلد اسمها المنشية
تبع بني مزار وانت يا غرام لياااا
حبته بنت اسمها نعيمة ،
قالت له انت جيت البلد فتنه بالعجل ليا ..
و علشان غرامك رويت الأرض بعنيا ...

الموال بصوت  محمود الجندي  :
http://soundcloud.com/greenoha/7asan-w-na3ema-el-gendy

موال - دنيا مسعود : لو كنت اعرف ان الوعد متداري / حسن و نعيمة

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر

i'm not a music maker ..
i'll only share some tracks every once and a while :)
My other SoundCloud account for : Arabic Radio classics : 
https://soundcloud.com/greenoha-radio-classics

Popular tracks by Greenoha Sobhi