كانو كل يوم بيمثلو رميو وجوليت والقدر وتفرقوا سفرت في رحلتها الطويل ،..

ي اجمل حاجة ف الدنيا ابتليت بيهاا واطيب ركن ف الاوضه اللي جوايا ف قلبي فيه كذا حكايه و حبب احكى ساعدينى وحشتينى

نفسي اقعد احكيلك كتير اوووي هنتكلم ف اي كلام

بس وحشتيني اووووي وحشاني كل حاجه مينفعش تبقي غير لينا احنا تقباليني عشان محتاجك اوي

محتاج اقبلك اوي ولله لو تديني فرصه🥹

عمرو حسن _ بدون ذكر أسماء💙

THE SECRETS TO YOUR HEART

قصيدة مكتبهاش نزار - عمرو حسن

عمرو حسن -القاهره

خمس مشاهد - عمرو حسن

عمرو حسن - مشهد مسافر

عمرو حسن - تقابليني عشان محتاج اقابلك موت

عمرو حسن البونتو Amro Hassan Elponto

( ميم )
،
المرة دي بالذات 
حاسس كإني بتولد تاني 
بلمس بإيدي أول الآشياء 
باتعلم الأسماء 
بانسى اللي شوفته ف الزمان الصعب 
ضيعت عمري قبل ما اقابلك 
بصي ف عنيا وانتي هتحسي أنا شفت ايه ف الدنيا دي قبلك 
أنا كنت مش بلاقيكي
أنا كنت بهربلك
تلاتين سنة عطشان وماليش سبيل للميّ
شباك قديم مقفول ماصاحبش خيط الضيّ
أنا كنت رايح فين بدون كفك 
وكنت من غيرك مستني إيه م الجيّ
عجزت بدري يا حلوة وقابلتك 
لو ليكي رغبة تحبي شاب عجوز 
محجوز ف عمره اللي انسرق منه
مخنوق بحبل العالم السُري 
ومخبي وحده العالم السري
 ومسمّي قلقه المنطقة الدافية 
كان ماشي يضحك بس بالعافيه 
أول ما بنتي يابنتي فتشتيه 
خرجتى منه ضحكته الصافيه
وكإنه نايم زي مصري قديم ف مقابلة السياح 
طائر بقاله كام سنة ع الأرض وعنيه بتدمع عند كل جناح 
قوليلي انك جاية مش ماشيه 
أو ماشية جنبي عشان اكون مرتاح 
 أنا كل أملي ف الحياة انتي 
اتنين ف واحد يعملوا المشهد 
أشهد بإني كنت من غيرك 
مفتاح يتيم الباب 
بيتمسك ساعة دخول الوقت وبعدها يتساب 
واحد حضوره غياب 
ودنيته تكرار 
عابر مابين الماء وبين النار 
طيب كإنه أول الأسرار 
وحزين كإنه آله بلا نوتة 
أمله يشوفك بس مبسوطة 
وعنيكي ضحكة شباكين للنور 
أمله ف كمان يعرف يقول جملة لناي مكسور 
أنا بين هروبي وبين علّو السور 
أملى ف انك تبقي علشاني 
الله 
حاسس كإني
باتولد تاني

كل الل جالك من كلام الناس 
اني بلا احساس 
واني جناين من بنات سابقه 
واني سرقت الأمنيات سرقه 
أو اني مجرم حرب أو هارب
ضميري منزوع الظهور ووقتي محفوف بالتجارب 
كانت حقيقة وصدقي قولهم 
والتمسي عذر لطفل بيحارب 
واحد نزف جرحه وماحدش حس بيه 
من غير ما حد يحط نفسه مكاني ويجرّب
وانا كلي متباع ايه اللي ممكن اشتريه 
لا هسوق مبرر عن جرايم حزن 
ولا اقول ملخص ع اللي عايش فيه 
نفسه اللي شافك وابتسم عيل 
كان شخص تاني قبل ماتقابليه 
سامحيني حتى ع اللي كان قبلك 
اسف لإني مشيت مادورتش
اخترت وجعي لما ما اختارتش
واديني جيتلك ايدي ممدوده
وحياة مشيئة ربنا فيكي
ماترجعيش الايد دي مردوده 
ده انا كل صبري ف الحياة دلوقت
ان انتي موجودة 
وكل طلبي ف الحياه تراضيني ع الدنيا 
أنا الصايع عديم الاهتمام بالحب
خرجتي مني حد ماعرفهوش 
وصحابي مش فاهمين ايه اللي غيرني
انا كنت عادي لا شاري ولا بايع 
واهو يعني لا اكسر حد ولا حد يكسرني
لولا شعاع الأم ف عيونك 
هو اللي فكرني
بصيت بعيني بصه على قدام 
شفتك ف بيتي بتفرشي الأحلام وترتبي التفاصيل 
بتسندي لو اميل وبتحضني لو امِّل
عواجيز معاً بيمروا تحت الشمس 
وبيمشوا ضله وضل
بيشاركوا بعض السينما والشارع
والأكل والحواديت
طلعت عيونك توأمين عفاريت 
خلوا المحارب يتقلب عصفور 
طلع الكلام ع الحب مش كدبة 
وطلعت ضلمة بتحتمي بالنور
أنا اهو باحبك باعترف وباقول 
وانا اهو باريدك واجي ف بريدك 
ادفع حياتي مهر وانا مبسوط 
يكفيني نظرة ولمسه من ايدك 
والشعر كله لا يكفي ولا يوصف 
وغنايا كله لا يوفي ولا ينصف
من حب يعمل فعل مش يحلف 
وانا أصلي راجل وانتي عارفاني
أنا مُت قبل ألف مرة بجد 
واديني جايلك اتولد تاني
#ميم

عمرو حسن - تقابليني عشان محتاج اقابلك موت

Ël_gø_ha_rÿ

Recent comments

mohamed

Nada Ammar 💕

Osama Maher Eltlawe

mohamed

Related tracks