هنسافر😹🔥💕

عمرو حسن جبران - لأول مرة

عمرو حسن _ مقابلة أخيرة في لندن✨❤️

عمرو حسن -القاهره

Amr Hassan  Mashhad Musafer - عمرو حسن  مشهد مسافر

عمرو حسن - وسط البلد

عمرو حسن - المسرحيه

يظهر غيابك بقّع الأيام 
من يوم ما مات الحضن ريحه على الهدوم
وانا باسكنك أوطان من الذكرى
وكإن إيدي ف بنطلوني الجينز مش مهتم
زي الموسيقى بامُر لحن ودم على نوتة فاضية اسمها الدنيا
بابكي بيوت فيها الأمل مهجور
كان ايه لزومه بس تبني السور 
ما دُمنا لسه بالحنين برّاه ؟
وايه يفيد الصوت ف ودن من الجبل 
الا المسافة بين خروجه وبين صداه
يا هل ترى يعرف فؤاد حداد 
" ليه كل مانقول آه الناس تقول الله "

دلوقتي ممكن أقولكم بالظبط 
فنجاني ليه دايماً بإيد واحدة
وليه السماعات بيبوظلها ناحية
ونعيش بنسمع من ودان واحدة 
أُكَر الباب بإيد واحدة 
رؤؤس الشماعات واحدة 
وليه القناص عشان ينجح 
يشوف هدفه بعين واحدة 
كإن ف كل شيء غايب 
أمل دايب وطيف واحدة 

،،،، 

أنا العابر على الشارع وحيد المشي
باربي ف قلبي كل القطن ف الرحلة
واسمّي الشيء بعكس الشيء عشان يحلى 
لوحدي كل شيء أوضح 
لا هاتهجّى الحاجات اتنين واكون مضطر اغّيرهم مع الأوقات 
ولا هتهزني الأشياء ولا التواريخ ولا البدايات 
 

 أنا التانيين 
أنا نفسي وأنا الباصين عليا من شكوك ويقين 
أنا المعني بأحزاني وانا وجهة نظر فيا ورأي العالم الباقيين 
كده أجمل 
أواجه ما فضل ليا وفاض ليا بضمير مُفرد 
أقود مجموعة الفراشات الي الوردة
أو اقتل من بناية بعيدة شخص سئيل
اخلي الكنبة مرتع للكلاب والتبغ
واصاحب بالطو ف التلاتين من الوحده 

قال لي صديق :
( لو ضاقت المواعيد اصطاد مكان بإزاز على الشارع
واسمع أغاني قد ماتقدر)
لكن صديقي ماقالش شيء مقنع بخصوص خروج الأغنيات م الجلد 
ازاي نحرر نفسنا م الساكنين ف الجرح 
ونسيب مكان صالح لزرع العادي ف المدهش 
ماتسمعش النصايح م اللي مش واقف معاك ف الحرب
لا الوضع هو ولا الظروف متشابهات
لكن على الأرجح صدقت ظنه عن مكان بإزاز بيطل ع الشارع 
واديني باكتب منه هذا النص 

يظهر غيابك بقّع الأيام 
بارجع ورجلي بتمشي على قدام 
ف البعد يبدو الشيء كما هو 
بيبان سليم مع ان روحه رخام 
ملايين بيمشوا بذكرى ف الطرقات
مساكين بنمسح دمعة الخطوات 
وبندخل المعركة بخيال نشط ساكن 
“الأماكن كلها مشتاقة لك” 
بقينا أسرى للأغاني وللأماكن 
أصبحنا زي الفصله بين يمكن ولكن 
وبقينا جرحى من حروب ماقامتش 
رمينا رسايلنا ف ازازة جوه البحر
لكنها ثبتت وجع ، ما عامتش
لا أرض توصل لها ولا موج يوصّلها
قاعدين على السكك الحديد من مدة منتظرين 
ومافيش حبيب ف القطر جي من الغياب
وزي ناس بتشوف دمانا تظنها عناب 
فيه ناس تشوف الانتظار محض اكتئاب 
حربك لوحدك 
اعرف صحابك مهما كانوا قليلين وضعاف
وامشي بخفة ف وقت من ألغام 
واما غيابها يبقّع الأيام 
غني معايا الغنوة دي واضحك بشكلٍ عام : 

" يا العالم السخيف والأيام اللذيذة
يا الواقع المخيف والأشياء العزيزة 
يا الدافع الشريف والثابت ف الغريزة 
يا المشي إلي الخريف بالعلاقات الوجيزة 
الليل رفة بريزة 
والصبح رهان جديد
الفيلم ده مش سعيد 
ومالوش نهايات لطيفه 
دلوقتي على الجريد 
وشوية على القطيفة 
ضم الذكرى اللطيفه واتصور ذكرى بيها 
فيه حاجات بتنام فاكرها وحاجات بتقوم ناسيها 
وحاجات ف شروقها سهلة ييجي غروبها تقاسيها 
أول سلامات بتبهر وبتبهت من تاليها
فيه واحدة تنام ف حضنك 
ف تبيع طول ما انت ليها 
وفيه واحدة تمُر جنبك 
فتنسيك من تليها "

غنّي معايا الغنوة دي
واقطع خيوط الماريونيت من السما والظن 
وابقى ابتسم 
لحظة ما تكتشف ان همك كان سحابة صيف 
وان الأغاني بتتولد تاني
أجمل وأقرب للي يشبه لك 
وان كان غيابها بقّع الأيام 
أو مر طيفها ف الشوارع والزحام 
درّب بكاك يملى المدى مطره 
زي الموسيقى التصويرية ف فيلم مش فاكره
خلفية سابقة للحن تاني جديد
صوت جي من لاشيء تجاه لاشيء
وجع بعيد بيمس جرح بعيد 
انت الوحيد ف المعركة بطولك
انت الوحيد
انت الوحيد
انت الوحيد
#الموسيقى_التصويرية

الموسيقي التصويرية "عمرو حسن" من حفله الساقيه 2018

إسمع فى عتمه .. 

Lyrics :-

 كان ليل يطول و أشرب مفيش مفعول " منساش كلـامك
و عند وَعدى هدفن قلبى , متلفتنيش أشباهِك
كان مُرى كافى تشيل كتافى عزومه غش
فـ إتاكلت حاف بـ دموعى , وجيت حكيت سمعان " معلش 

بَنتهى , دماغى بتِستوى على الجنبين
حتى الحبايب بين النهار و الليل إتقسمواا إتنين
ودااع عودنى , كمان نَزيفه دااوشلى ودنى
عمل أخويا فتره و شيخ القعده بعد ما كان عَربدنى

أنا مش حزااينى , و رب الليل العُمر علقلى مشنقتى
خوفت لما شوفت مراايتى , عومت بين غريق سحبنى
بان برئ حبسنى , مسيرها تضيق و إرجعلى , شَغفى زعلى
كان ساطلنى تعبى , لمـ ذكرياته بـ كعبى

و أنا هُنت كتير , و البال تراابيس كامـ شوت حَزين و بضحك
إمبارح زى أول بزعل , مش هتفرِق إنهارده " وسهله
كَتمت خسرت , بوحت عيبت , و ضيعت أبدى
حبيت و سكِرت فـ كنت بكلمـ نفسى بـ نفسى " أنا وحدى
----

كَملت مرضى , مَرضى يابا نحلواا ضهرى
هُما ردمواا حِلمى فى قبرى  , عيشت ضياع فـ أيه يصبرنى '!?
على رمشى التوه , بتمنى يارب أجيلك فوق
ماليش حبايب دُنيا تطرح " ورد " كُل حبايبى فى أرضى شوكـ "x2"

----
قَسمت تعبى , قلبى حَجر جُثث بايظه
إنتى لما صورتينى , أنا ضحكتلك " مضحكتش لـ الكاميراا
هل حَبِك قدى '!? وردتى إتسقت دمعى
حَرقت ألف رساله بـ قلمى , و دى وحشتينى بقولها بـ قلبى

و أدينى بحكى تعبى , و أدينى مرمى فى أوضتى
و دينى خوفت أخسرِك , و إنتى خسرتينى و ما خوفتى
عينى ملحمه , عينيكى زقتنى فى مشنقه
لو مصالح نَفسى هكسب , بس أنا فى مدعكه

كان مرضان بـ كُحلِك " بكى " قامـ عـ الليـل بـ كاس و " كتب " 
إنهُ كَرس كيلهُ ليكى و حُبك " كرف " بقى جضان مصاحِب " كنب "
شكلى بَهت , بتخيل أنا مع مين '!?
و لسه ببكى لحالى , و لسه ميت مع عايشين

مَبيعيش حُزن , إتباعت لوحدى , هُنت بُكره
بَحكى من 3 سنين قبليك فى تراك " عُزله " مش صُدفه '!?
مصطنعتش إنى بزعل , كُنت أخُمـ الفرح داايمًا
تبان ملـامحى هاديه , و جواا منى الحرب قايمه
-----
كَملت مرضى , مَرضى يابا نحلواا ضهرى
هُما ردمواا حِلمى فى قبرى  , عيشت ضياع فـ أيه يصبرنى '!?
على رمشى التوه , بتمنى يارب أجيلك فوق
ماليش حبايب دُنيا تطرح " ورد " كُل حبايبى فى أرضى شوكـ "x2"
-----
Rec&Mix&Master : Karim Moka - Khofash
Poster : Khofash ^^
Like & Share If You Like It ♥
--
Follow Me Through :-

Instagram " instagram.com/omar_kivock/ "
Facebook " www.facebook.com/omar.kivock "
--
Much Love & Respect ♥

Omar Kivock |  شوك - thorns

الكلمات :

متشغليش مزيكا حزينه انا هبكي لوحدي 
مش محتاج بشر علي قد ما انا محتاج حاجه تموتني
متبصليش النظرة دي متخافش مش هموت
كل شئ قسمه و نصيب و انا قسمتي مبقاش مبسوط

و ان كان ع الود اتنسي انا وردي اتداس بوساخه
الف مية مليون سلامه مش هعوز من وشك تاني حاجه
خليكي فاكرة انتي الي بعتي كلامك كدب
بكره تندهيلي كتير و مسمعكيش من دوشة الاستيدج

جواباتي الي اتقطعت مش مهم انسيها
سبحان الي يخلي الحاجه فبوقك و بيقسمها  لحد لغيرك
انا مطمعتش فـ كنوز قارون رضيت بيوميه
قبلت الغلب بكل غلب ليه مرضيش الغلب بيا


و طموحي معدانيش لكن كوابيسي محلتنيش
مشاكلي محلهاش تطنيش ولا طيرها دخان الحشيش 
الفتره دي هلكتني و علمتني الوحده
عموما افتكريها يا دنيا خالصه انا ليا عندك واحده

--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------

انا اكتئابي طول جدا .. الحال مبقاش يسر
مهما اقدف بلقي الموج محدف مش سايبني ارتاح ف بر
علمني ازاي مزعلش عشان بزعل كتير
و قولي ازاي احكيلهم زعلي و كل تعبي بيبقي حروف مفيش

و انا من كتير بشيل مع ان الحمل تقيل
ازاي متصدقنيش تلت سنين بحكيلك اني مش بخير
الناس فترات بتأذي .. سيبني و امشي
انا مش شايل من حد و ربك بس انا مش مسامح نفسي

دخان الجوب طار بصحابي و سابلي هوا
رمو طباق العيش و الملح و حطو مكانها طباق الفركه دهب
ياالي انت غايب طمني عشان طال غيابك
كل واحد خد نصيبه زيادة طمعو ليه فمنابك !

مختارتش كده و بكرهني و حياة ربنا 
عشت سنين بلوم الناس و كل حد اذاني كان انا
كان كله عايز مني شهره محبتهاش
كنت بكتب علشان اهدي دلوقتي انا مبهداش


--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------
 
انا مش طبيعي لو مش عاجبك ممكن تمشي
عندي نوبات زعل بتفضل بالشهور و مش بتسيبني
و عندي خط تحت عيني من قلة نعساني
ب بتهته ف الكلام كتير وبرجع اسكت تاني

مبشوفش حاجه حلوه بس ساعات بشوفك
بارد جدا قلبي متلج بس بعرف احس بخوفك
عيل صغير بتراضي بكلام و حضن
و رغم اني بسيط بشده شافوني حد غريب و صعب


بحب الي بيسمعني حتي لو سكت
هاتلي حد بس حبني و مغيرهوش الوقت
و اديني صبر ايوب يارب انا خايف اكفر
لو الدنيا بالشكل ده فـ حلوه كده مش عايز اكبر

و انا ممكن انسي الناس لكن مش هنسي تعبي
و مش هنسي اني كنت بتكتك ع الرصيف و كله كان متغطي
12 شخص 12 شهر 12 مشهد
جوزائي متخلف اخر عازف فاضل فـ الكوكب
--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------

انا صاحبك .. مزيكتي وقت ما تقسي الدنيا جمبك 
وقت زعلك هتلاقيني فـ هاند فري بحكيك واصالحك
و انا مش مثالي بس طيب انا هسمعك
هفضل اقولك ان الدنيا وحشه مش هكدب و اخدعك

سامحني انا مقصدتش لو زعلتك مره
هتصدقني لو قولتلك انك صاحبي الوحيد ياسطي
ع فكره انا زيك زعلوني و قولت عادي
30 اغنيه حكيتلك فيهم عن بلاوي حياتي

بس انا تعبان و المرادي الموضوع مختلف
مش من طبعي اشتكي بس وربك الايام عليا افترت
مش كله ضرب انا عشت حرب و حقي اني اتعب
انا فمشاكل جايز متهمكش متدخلش احسنلك

و انا يمكن اكون لوحدي بس عندي اوتاري
عازف بقي ادمان لـ الناس اظن انا نجحت المرادي
ميهزنيش .. جابو سيرتي و قولت سهله
اوعو تنسو مين الي عملكو يا مدعين يا كلاب الشهره


--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

Ammar Hosny " عازف " - portrait | بورتريه

سيبك
متستاهلكش كله كلام و عدي 
متقولش بكرا هكون تمام الوقت مش بيهدي 

زعق اكتر 
عيط و نام يمكن تشوفها في حلمك 
انا مش بحلم !!
مشيت بجد يعني و مش هترجع !!

انا متكسر 
مبسوط و راضي و قلت خلاص تمام
بقفل عليا اوضتي و بفضل اعيط مش بنام
انا غلبان 
جذاء الطيبه اتساب بالليل لوحدي 

فاكره لما قلت عايزك اوعي في مره تغيبي عني !!
و احر الدنيا بعد و مش بأيدي مش هتكلم 
صوتك بيرن في ودني ماتسبنيش انا هتيتم 
بس مشيت ..
نسيت وعودها مره واحده و بعدت 
عادي سيبني 
انا مستاهلش انك في يوم تكرهني 
مش بكرهك 
انتي اللي فهمتي خوفي غلط 
انا اللي بكره نفسي عشان امنتلك و اتكسرت 

و لتاني مره 
مش شايف غير سواد 
بدور يمكن ترجع و افضل اراقبك من سكات 
يعني هان !!
كل الوعود دي كانت كلام !!
طب تمام 
فالاخر يعني طلعت مش ملاك 

كانت اميرتي 
قولولها تقول و تحكي عني 
انا اللي كنت نفسي ان انتي تستخبي في حضني 
كنت صاينك 
بس انتي لسه صغيره و هسامحك 
مش بندهلك 
انا غلطان عشان عشقتك شكلي 
فاكره !!
ايوه علي اللي كان حبيبك
لو كانو خير ه مبين حياته كان هيجيلك 

و الشوارع كل الحيطان بتحكي عنك 
بتقولي راحت فين ارد اقول سابت و مشيت 
مشيت!! 
طب ومالو 
قولولها عوني راح لحاله 
قولولها زي مانتي قولتي راح يشوف حياته 

فا اتكسرت 
و متقوليش انت اللي اختارت 
اسيب تشدي اشد تسيبي عيشتيني في حرب
و بلعن نفسي كل مره افتكرك و ارجع اكتب 
عماله تيجي في بالي و كل مره بردو باخدك
جوه حضني 
قوليلهم لما زعلت شالني 
قوليلهم لو خيرته بين حياته كان يختارني 
و انا اللي بعته لاجل صحابي لانه كان خانقني
و انا اللي كنت فاكرك يومها هتختاريني يا بنتي 
بس عادي
انا اتكسرت خلي بالك بس ماشي 
------------------------
عمري الي ضاع .. انت الي ضيعته بايديك
ازاي بعد الي كان ما بينا اتساب و اهون عليك !
مبتحبكش .. انساها احسن متستاهلكش
كل الناس قالتلي هتنسي بس انا منستش  
x2

بتيجي فبالي ساعات بتعب بشتاق لحضن منك 
و لا مني عارف ابقي زي الناس ولا مني زيك
انتي ازيك ؟ الحال تمام و كله بيمشي
هو الي بينا كان رخيص لدرجة انك عادي تنسي

طب تمام .. شوفتك جميله بالفستان
مش دي الي قالت مش هكون لحد غيره زمان
اشوف وشك بخير .. اسف عشان بغير
اسف عشان وعدت اغني بس اعذرني اخوك كئيب

و ادي الي طلعت بيه .. كل الي بينا انسيه 
متطبطبوش عليا انا عارف كل شئ قسمه و نصيب
و اراقب من بعيد واشوف دنيتها عادي ماشيه
ابص من ورا الازاز اشوف صورتنا اعيط

و ابان للناس تمام و ابانلك مش فارقلي حاجه 
القصه اتغيرت فالنص اشوفك بكره فالاعاده
الحق معادك .. اتفرج شوف وصلنا لفين
دعيت عليكي فاخر سجده و مقدرتش اقول امين

انا مش زعلان منك .. زعلان عشان جت منك
بعد اما كنتي ضلي فجأه بيحكولي عنك
انا مش زعلان منك .. زعلان عشان جت منك
بعد اما كنتي ضلي فجأه بقو بيحكولي عنك 


انا كنت نسيت ان انا وحيد ليه فكرتيني !
خالصين من غير عتاب ولا طبطبه فسيبيني
كتر خيرك صبرتي كتير و صدقيني مسامحك
شكلك احلي جمبه و شكلي بايخ وانا ببص لشكلك

وربي و ربك مش نافعين لكنك حلوه
معييش يكمل نقطة فرحك تاخدي مني غنوه
متشكر ع الكام يوم الي ضحكتيلي فيهم
امانه عليكي مهما عدي عليكي بلاش تنسيهم

و بلاش تروحي معاه فمكاننا ومتقوليش كلامنا
و سيبي لينا ذكري لينا حلوه بلاش تشمتي العزول فحالنا
يالي انت كنت جنه ازاي بقيت جهنم
ازاي بعد ما كنت فرحة قلبي بقيت بتعب بسببك

علمني انساك و اسامحك انا مش قادر اضحك
علمني اني مهتمش و اطنش و اكسر قلبي زيك
وريني سكة الغياب انا كل حبايبي فيها
و علمني اسيب الحاجه الي انا حبيتها و روحي فيها

وديني لشط احكيله عشان الناس نسيتني
انا كنت وحش للدرجادي عشان الناس تسيبني !

--------------------------
عايروني بيكي يا نور عنيا عشان بحبك
لو رجع بيا الزمن بردو كنت عشقتك
سلامات يا غالي يالي غيري شراك برخيص
انا بتمنالك خير لو حبيتيه
x2
 Ammar Hosny 
جواباتك قطعتها و الشاتات اتمسحت
مبقتش بسهر افكر فيكي ولا بقيت بفتكرك
مبقاش يوجعني قلبي خالص و اتعالجت منك
انا مبقتش زي الاول بإختصار مبقتش احبك

عديت فمكاننا امبارح و مبصتش جمبي
وطيفك سابني و ملمحتوش ولا اتجننت فبعدك عني
بطلت ادندن صوت فيروز واقول اني اشتقتلك
شو حلوه الليالي لكن بيصيرلي هون في غيرك

بنام من غير تعب و سواد عنيا راح
و دماغي هديت م التفكير دلوقتي فبعدك انا مرتاح
لايقاله و هو لايقلك و انا لايق لنفسي
بحب الوحده عندي الكون بحاله جوه فأوضتي

مبقتش اتأثر بالكمانجا و عازف صاحبي مات
بقيت برتاح من غير الناس و بفضل السكات
بطلت مهددئات .. مش فاكر حاجه م الي فات
خدت ادويتي فمعادها وصحتي دلوقتي تمام
و رعشة ايدي خفت ياما و علي فكره بطلت اتهته
هي عاده وحشه بس فاضله فيا انا لسه بكدب

Awney Adel "بياع الورد" - Cross my mind | بتيجي في بالي Ft : Ammar Hosny "عازف

النص :

كل هالبشر حملان و أنا يلي لحالي المسخ ؟
كل هالدهر كرباج و أنا أقوى جلّادي
لولا الصبر ما شاب فيني شعر
خبّر القطعان الليله مغير عالوادي 

و لولّع فيها ولّع فيها
و ما خلي فيها مين يطفيها
و لولع فيها خلي الفيها
يطالع من نفسو المسخ يلي فيها

كلكم مظلومين كلكم مظلومين، كل كم و أنتوا بخير كم كم جابوا العيد، نصكم ما بينلام نص كم حاكي الإيد، و أنا دابح غزلاني.
 نقضّي كل العمر نبدّل سبابيط
عندن أصغر غرفه و ربّوا أكبر فيل
قعود عد مسكين، خلصوا الأصبيع
و أنا عادد بعواصي !.
ولا ولّي، خبر عنّي
أهل الطيبه إني جايه و ما مخلّي
مسخ و بعرف حالي، و هوه دور و ما كان
بحس و بجرّم حالي.. وعالحرمان.

و لولع فيها ..


مسرحيّة، و تلان حملان، و ورا الخشبه تلان من هاد،
مو مسموح للوحش يحس، فالكل بخاف يبان للناس
قلبي طين، عالهوى قسيان، صلصال صب صدري
مهو بس القاسي يُكسر، قلبك عضل، و حجر قلبي.
ولّي و خبر عنّي المتنكرين إني جايه و ما مخلي
بعبع بعرف حالي، هوه دور و ما كان.
عنكن بحبس حالي.. و عالحملان.

و لولع فيها...



Music Production:
Bu Kolthoum

Guitar:
Mesbah Alsakka

Mixing and Mastering:
Bu Kolthoum

Artwork Design:
Coco The Brain

Bu Kolthoum - Wallé  |  بو كلثوم - ولّع

تعرفي ياخلود 
ونوفمبر واقف ع الأبواب 
والواحد بيدوّر على ذنب مناسب 
قبل الشتوية ماتعمل ف القلب سحابه 
والواحد بيقسّم نفسه بما يرضي الله ع الخوف واللمة الكدابه
وبيدفع فواتير الأيام اللي ماعشهاش 
بقى عندي يقين ان اللي بيهرب طول عمره بحاجه عملها
بيعيش طول عمره يكفّر ف حاجات معملهاش 
وانا عندك اهو 
انسان مخدوع 
بيبص على الحواديت من خُرم الباب 
وبيمشي برجله تجاه الحزن المجاني 
كل ما يخرج من جرح قديم / يدخل تاني
تعرفي ياخلود 
من سبعه نوفمبر الفين واربعتاشر 
وانا بلعب مع اطفال لسه ماحصلوش 
وبنام على كتف ما بلمسهوش 
من يوم سبعه نوفمبر 
وانا باخرِج فيلم بدون بطلة
وبوارب بيت البيت علشان 
يدخل ابويا واحكيله الحاصل من يومها
انما ياخلود 
وكأن رصاصة من الأيام الفايته 
عدت جنبي ودخلت ف الوقت 
لا انا عارف احدد مصدرها 
ولا حد مصدق احساسي 

أيام بتمر 
شبه الميّه ف ايد الأحداث 
وانا مش أكتر من مانيكان ف الفيلم الهزلي اللي اسمه الناس 
زي الساذج
باتأكد من قفل الترباس والباب مفتوح 
زي المصدوم بيصُب الشاي على كف إيديه 
وبيشرب كوبايته الفاضيه
جرى ايه ياخلود 
هو انا كل ما ابطّل اعيّط ،، اضحك بدموع ؟
ايه يانوفمبر !  انا كل ما اقولك على حاجة يطلع ( خالد حماد ) عارف ؟
آدي المزيكا اللي بسببك خرجت ع الناس سرب مواجع
الليل واجع 
والذكرى كمنجه مابتسمّيش 
انما تعرف 
العين اللي ماتبكيش بالليل كافرة 
والرجل اللي ماتمشيش للشوق أولى ماتمشيش

قال ( سآوي إلي جبلٍ يعصمنى من الحزن )
بس الطوفان لم البكا من كل زوج اتنين
ادي نوفمبر 
احساس بالدفا بيعاشر أيامنا الباردة 
وكأن عنيكي اللحن اللي بليغ حمدي خبّاه م الناس واداه لوردة
وحدهم الشتويين فاهمين قصدي تماماً 
اسألوا شبابيك ورا منها النور 
ومشاعر عايشة ف ضهر السور 
مناديل مبلولة غياب وعتاب 
عشرات الفناجين اللي اتقلبوا لأصحاب 
ملعون اللي اتسحّب من غير مايقول  
ولحد الان بصمة ايده معلّمه ع الباب 
وآهين يا الليل 
وآهين 
هتاخدنا لفين ؟ 
مرة نوفبر / مر نوفمبر ، التاء مربوطة ف رقبة مين ؟؟
وكإن رسايل البحر السر 
اللي داوود كان حابسه بقاله سنين 
يحيي ماقررش يعيش نورا
لكن طلعتله من الأيام زي العفريت 
عدت قدامه بشمسية ف مطرة لياليه 
اكتشفت سره اللي مخبيه 
فتحت روحه ف حضنها بالليل 
مابقاش بيتهته ويّاها 
وانا يحيي اللي بينسى وجوده 
انما مش عارف ينساها 

انا نفسي اكون مطرح آمن لشعوب شبهي 
بترد الباب من غير ماتقول 
كان فيه واحد مابقاش موجود 
انا عندي أموت ولا إني اشوف النظرة اللي ف عينك ياخلود 
وانتي بتتأملى وشك ف الشاي 
وتشوفي حضارتك بتعيّط على ايد محتل
نبهتك مرة زمان منك
قُلت ان مافيش علاقات بتدوم جرح وخلّ
انما ده نوفمبر ياحبيبتي 
الشمسيّات عمرها ماهتقدر ع المطرة لو جت من تحت 
وانا شكلي سرحت 
فكّرت البوح هيريحني 
واديني دوشتك بسكاتي
فرجتك على فيلم حياتي ف قعدة ساعتين 
النور كلها حبه ويطلع 
وانا وانتي هنصبح عكس السير
كل نوفمبر واحنا غلابة 
بنحّن ونتعكز ع الغير 
بنشوف القشه تنجيّ غريق 
وبنمشي ف كل مكان وطريق 
ونقول بالليل " تصبح على خير " 
كل نوفمبر وانا وانتي بنؤمن بالأبراج 
وبنتشائم مع كل تلات 
وبنتشارك ف الأغنيات
نعمل قدام الساقية نايات 
ونبص لبعض ومانغنيش 
بكره نوفمبر ييجي حنيّن 
ونكون مع ناس تانية ماتأذيش
يمكن في حاجات عايشة وبتموت 
ننده لحاجات بتموت ف تعيش 
،،
يمكن ياخلود

أكتوبر 2019 L عمرو حسن - مرة واحد نوفمبر  Amr Hassan - Mara Wa7d November

قصيدة بعد ما تشوفك عنيا عمرو حسن حفل اكتوبر ساقيه الصاوي 2019

قصيدة الدفتر ل عمرو حسن من حفلة ساقية الصاوى أكتوبر ٢٠١٩

عمرو حسن - المسرحيه

Ahmed Hassan ✪

Recent comments

Yassin Elhadary

Eslam Mohamed

Shyaka Sheko

Shyaka Sheko

Related tracks