രചന: ജമീല്‍ അഹ്മദ്
ആലാപനം: അമീന്‍ മുഹമ്മദ്‌

സ്വര്‍ഗത്തില്‍ഒരു ദിവസം

ഫിര്‍ദൗസില്‍അന്നൊരാളും ഉറങ്ങിയില്ല
ചപ്രമഞ്ചക്കട്ടിലേറാന്‍ധിറുതി വച്ചില്ല
വിരുന്നെത്തുംസോദരര്‍ക്ക് സ്വാഗതം നല്‍കാന്‍
താരകള്‍തന്‍തോരണങ്ങള്‍ തൂക്കുകയല്ലേ

ആദ്യമായ്വന്നയാള്‍ ചുറ്റിയ പുതുവസ്ത്രത്തെ
സുബര്‍ക്കത്തിന്‍ഇളം തെന്നല്‍ പുണര്‍ന്ന നേരം
ആദ്യരാത്രിയില്‍അവള്‍ അന്ന് പ്രിയത്തില്‍തേച്ച
അത്തറിന്റെസുഗന്ധം തെല്ലുണര്‍ന്നുപോയി

ചെറുപെരുന്നാളിനിട്ടകടും മൈലാഞ്ചി
വെളുത്തതാടിയില്‍ ചെങ്ങിക്കലര്‍ന്നിട്ടാകാം
ചുവപ്പായിക്കിടക്കുന്നവയസ്സന്‍, തന്റെ
മിഴികളിപ്പോഴുംപൂട്ടാന്‍ അനുവദിക്കാതെ

കളര്‍ബുക്കില്‍ വസന്തത്തെ വരയ്‌ക്കുംനേരം
ചെഞ്ചായംമെയ്യിലാകെ മറിഞ്ഞ മട്ടില്‍
ചോരയൊട്ടുംതുടയ്‌ക്കാതെ ഉറക്കം തന്നെ
കളിപ്രായംവിടാത്തൊരു മിടുക്കന്‍ കുട്ടി

ഇടംകൈയില്‍ കുഞ്ഞുമോളുടെ ചിരിക്കുംഫോട്ടോ
വലംകൈയില്‍ ചുരുട്ടിയ സമരവാക്യം
കഴുത്തറ്റുകിടക്കുന്നാ പിതാവിന്‍ ശീര്‍ഷം
മലക്കുകള്‍ചേര്‍ത്തുവച്ചു ഉടലിന്‍ ചാരെ

വെടിയേറ്റുചിതറിയ വലത്തെ കണ്ണില്‍
ചുടുചോരനിറച്ചൊരു ചെറുപ്പക്കാരന്‍
അവന്റെചുണ്ടിലിപ്പോഴും ജ്വലിക്കുന്നുണ്ട്
പകുതിയില്‍ഉടഞ്ഞൊരു പടപ്പാട്ടീണം

തടുത്തചെമ്പനീര്‍പോലുള്ളൊരുപെണ്‍കുട്ടി
പുതുപെണ്ണായ്കളിക്കുമ്പോള്‍ ഉടുത്ത തട്ടം
ഇളംമെയ്യാകെയുംമൂടിപ്പുതച്ച മട്ടില്‍
നടുക്കുപിഞ്ഞിയ വെള്ള പതാക ചുറ്റി

പഠിക്കുംപുസ്തകം ബെല്‍റ്റില്‍തിരുകിവച്ച്
പിടക്കുംകവിത ഷര്‍ട്ടില്‍ കുറിച്ചുവെച്ച്
പാന്റ്സ്കീശയില്‍ കരിങ്കല്ലുകള്‍കുത്തിനിറച്ച്
ചോരതുപ്പിച്ചോന്നപല്ലുള്ളൊരു വിദ്യാര്‍ഥി

ഒരുത്തിതന്‍ മുഖത്തിന്റെ വശ്യസൗന്ദര്യം
ഇതേവരെഒരുത്തന്നും തുറന്നിട്ടില്ല
കരിഞ്ഞൊരാകവിളാരോ തുറന്നു വച്ചു
റസൂലുല്ലാഹിക്കതൊന്ന്കാണുവാന്‍ മാത്രം

സുബര്‍ക്കത്തില്‍അന്നൊരാളും ഉറങ്ങുകില്ല
വിരുന്നുകാരുറക്കമാണുണര്‍ത്തീടേണ്ടേ
തിരുഹൗദര്‍ കൗസറിനാലുപചരിക്കേണ്ടേ
പടച്ചോനെനേരില്‍ കാണാനൊരുക്കീടേണ്ടേ

ജമീല്‍അഹ്മദ്

Habeel Fee Zilal