Mafeesh Fel A3'any Keda We Msh Keda-مفيش في الاغاني كدا و مش كدا

يمامة بيضا
فلكلور مصري
معالجة شعرية: فيروز كراوية
توزيع موسيقى: رمز صبرى

يمامة بيضا ومنين اجيبها
طارت يا نينا عند صاحبها
وخطفها البلبل وطار وياها
أصله يا نينا يعرف لغاها

يمامة طارت سلّمت أمرى
طاير وراها ييجى نص عمرى
بلبل خطفها وسابنى لشقايا
ومين يا نينا يفهم لغايا

(فيروز كراوية- يمامة بيضا (حفلة          Fayrouz Karawya- Yamama Beida (Live)

مفيش في الأغاني كده ومش كده

تفرقنا عن بعض بالشكل ده

يا مصر اللي جايبة الشجر من زمان

وشايلة الضفاير على البرتقان

وقبل الأوان اللي قبل الأوان

بتحييني أنفاسك المسعده

مفيش في الأغاني كده ومش كده

تفرقنا عن بعض بالشكل ده

يا حلوة كلامك تحبه الودان

يشمسني في الدروه زي الميدان

يمشيني بين الحيطان الغيطان

عروسه وحصان في القمر والعدا

مفيش في الأغاني كده ومش كده

تفرقنا عن بعض بالشكل ده

عنيكي تغمض وتفتح يبان

سطوح الليالي عليه الأمان

وبحر الدره من ورق لامتحان

وبتغني موّالي يا مولّده

مفيش في الأغاني كده ومش كده

تفرقنا عن بعض بالشكل ده

بحبك كأني طليق العنان

و زى العجوز اللي دق البيبان

وزي الكتاب اللي كان ياما كان

وزي الرصيف اللي في السيده

مفيش في الأغاني كده ومش كده

تفرقنا عن بعض بالشكل ده

Mafish Fil Aghany- أحمد إسماعيل -مفيش في الاغاني كدة ومش كدة

Rima Khcheich - Ana Hina Yabnil Halal | ريما خشيش - أنا هنا يا ابن الحلال

تيكي تريكي حد شريكي 
أنا حُرّة في رقصي ومزازيكي 

يا أنا يا امك - فرقة حبايبنا

بيبه 
عمى حماده
بيبه 
جابلى طبق
بيبه 
مليان نبق
بيبه 
قالى كلى
بيبه 
قلتله ماكولشى
بيبه 
وديه لامك
بيبه 
امى بعيد
بيبه 
اخر الصعيد
بيبه 
و الصعيد مات
بيبه 
خلف بنات
بيبه 
خلف بنيه
بيبه 
اد القطية
بيبه 
خدها علي
بيبا 
خدها بدبايح
بيبه 
و السمن سايح
بيبه 
سايح لفوق
بيبه 
و عمل له طوق
يالي يالي يالي يالي يالي يالى يالي
يا احمد على يا احمد على يا بوكميمة راسى
بيع البلح يا احمد على و هات لى دهان راسى
هات لى يالى يالى يالى هات لى دهان راسى
يا احمد على يا احمد على بيع نخلنا العالى 
بيع النخل يا احمد على و لبسنى خلخالى
لبس يالى يالى يالى يالى لبسنى خلخالى
يا احمد على يا احمد على النخل راح ضله
بيع النخل يا احمد على بيع نخلنا كله
بيع يالى يالى يالى بيع نخلنا كله
يا احمد على اسمك على لسانى
بيع النخل يا احمد على و لبسنى كردانى
لبس يالى يالى يالى يالى لبسنى كردانى
يالى يالى يالى يالى يالى يالى يالى

Babah-Sharihan

يا زايد فى الحلاوه عن اهل حينا
ماتبطل الشقاوه وتعالى عندنا

اشوف حسنك اسمى عليك من الحسد
لامره بتيجى يمى ولامره بالحقك

والاغى فيك وادادى واقربها الليلادى
ناديتلك والقساوه معاك متمكنه
ماتبطل الشقاوه وتعالى عندنا

بتمشى فى العصارى بتسحر من رااك
واقول من كتر نارى ماتعطف يوم بقى
امانه تكون حنين وخلى الصعب هين

تعالى دى الطراوه فى العصر حنينه

ياجارنا فى المساكن وغايب عننا 
تزيد فى التقل لاكن مسيرنا لبعضنا

ياقاسى وانت جارنا تعالى يوم وزرنا
ياغالى والغلاوى عشان جار الهنا
ماتبطل الشقاوه وتعالى عندنا

يازايد فى الحلاوه عن اهل حينا 
ماتبطل الشقاوى وتعالى عندنا
ابقى تعالى
تعالى عندنا


Ya Zayed Donia Massoud يا زايد ف الحلاوة دنيا مسعود

استمرارا مع جلسة الشيخ سيّد مكاوي الخاصّة عام 1986 تقريبا   - الأغنية غنّاها محمود عبد العزيز أيضا في فيلم الكيت كات
هذه التسجيلات ترفع لأول مرة من خلال هذه القناة
باقي تسجيلات الجلسة هنا: https://soundcloud.com/aesamk/sets/sayyed-makkawy

يا صهبجيّة (عُود) | سيّد مكّاوي - جلسة خاصّة 1986

من الفلكلور السكندري .. عن الفنانه بدرية السيد  
غناء: دنيا مسعود

شواشي الدرة

من فيلم : عين شمس 

تتر فيلم عين شمس، علي خلفية أغنية "يا عزيز عيني"
فيلم مصري روائي طويل، إخراج/ إبراهيم البطوط
أداء: مريم صالح سعد، أحمد مصطفي، دودو، وعود كريم سامي، كلمات ولحن أيمن حلمي (عن تيمة فولكلورية ولحن لسيد درويش)

للأغنية قصة طويلة، تنتهي بإنك تشعر حين تسمعها في نهاية الفيلم أنها كتبت خصيصاً له بإحكام يثير الإعجاب، بينما في الحقيقة أنها لم تكتب للفيلم، بل قبله بعامين، أوائل 2006

هناك أغاني كثيرة تحمل نفس الاسم "يا عزيز عيني"، أذكر منها أغنيات لمحمد رشدي وهدي سلطان والثلاثي المرح، ولكن في أغلب الظن يعود أصلها إلي غناء المجندين المصريين في الجيش الإنجليزي في الحرب العالمية الأولي (1914/1918)، في حرب ليست لهم يخوضونها بالإكراه "يا عزيز عيني وأنا بدي أروح بلدي وأشوف عزيزة بنتي ومحمد أفندي ولدي"
وعلمت أن سيد درويش لحن أغنية بنفس الاسم -- وربما هي التي تحولت إلي تيمة فولكلورية بعد ذلك -- ولكني لم استطع الحصول عليها
وكان فشلي في العثور عليها هو الدافع وراء كتابة كلمات جديدة، جاءت من وحي تجربة صعبة، هي فشل آخر أصعب في محاولات تحقيق عدالة رأيناها ولم نستطيعها، في أعقاب حريق مسرح بني سويف 5 سبتمبر 2005
وكانت الأغنية والتي غنيناها لأول مرة في عرض كستور لفرقة حالة 2006، وفي مناسبات ذكري الحريق
هذا عما حدث
أما عن اللحن، فرغم أنه مبني علي تيمة فولكلورية أو لأستاذي الأول سيد درويش، وأن الكوبليهات مبنية علي لحن لبليغ حمدي نسبه أحد الأصدقاء للفولكلور أيضاً "مهما الليل هيطول" دون تأكيد، فمفهومي الخاص لمعني التلحين يجعلني أظل أقول أنها لحني كما هي كلماتي
وأظنها ستستمر، فزمنها هو زمن تلك المسافة بين المكان الذي نعيش فيه، وبينها...بلدي
أيمن حلمي

يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي
بلدي يا بلدي ويا عيني على بلدي
بين أهلي وناسي وبقيت غريب يا بلدي

عم يالي ماشي ظلمي ما ترضاشي
سافر قلبي وما جاشي يدوّر على بلدي
يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي

ده مش لون عينيكي ولا دية إيديكي
بدال ماخاف عليكي باخاف منك يا بلدي

يا عزيز عيني وأنا بدي أروح بلدي
ليلة نمت فيها وصحيت مالقيتشي بلدي


يا أنا يا امك - فرقة حبايبنا

Hadeel Abdullsalam

Recent comments

Abyss

Abyss

Abyss

Abyss

Related tracks