افلامنا

حبيت أجرب أغني بس من غير موسيقى أو آلة. يا جارة الوادي من أحب الأغاني الى قلبي وهي من أشعار أمير الشعراء أحمد شوقي وألحان موسيقار الأجيال محمد عبد الوهاب

Ahmad A. El Haggar - Ya Gaaratal Waadi (Cover) | أحمد علي الحجار - يا جارة الوادي (محمد عبد الوهاب)

وايه المشكلة انك حاولت فى حاجة ومانفعتش
_مش هى دى المشكلة ..المشكلة انى اكتشفت ان كل حاجة عملتها فى حياتى بدافع الخوف سمتها حاجة تانية .. رعبى من التمثيل سميته رسالة التدريس المقدسة ... فشلى فى التعامل مع الدنيا اللى بتتغير نظام .. المشاعر المزيفة اللى بينى وبين مراتى سميتها حب
فشلت فى كل حاجة فى حياتى عشان خايف
_احنا لازم نشيل الخوف ده من جواك عشان يبان الوش التانى الوش الجميل اللى انا شفته نفسى الدنيا كلها تشوفه معايا
_ مش عارف هاتفهمينى ولا لا انا بحبك وخايف عليكى

فشلت فى كل حاجة فى حياتى عشان خايف من فيلم ملك وكتابه

- تفرق ايه لو نكمل حياتنا زى ما احنا عايشين؟!! يغير ايه من حبنا لو خليناه فى السر؟ فكرى فى المركز اللى وصلتله يا منى

- المركز اللى وصلتله ده الفضل فيه ليا انا .. دلوقتى بتستكتر عليا اشاركك فيه؟!!

- لا يا منى , انتى اللى بنيتينى , انتى اللى عملتيني , انتى اللى خلقتى منى الإنسان الناجح ده , وعشان خاطر الإنسان اللى خلقتيه حافظى عليه وصونيه 

- وانا .. انا ايه نصيبى؟!

- الخالق بيدى مبياخدش .. يكفيه عبادة خلقه .. وانا بعبدك

- الخالق بيطلب من الناس إنهم يعبدوه فى الجهر .. انت بتعبدنى فى السر

- العبادة فى السر أخلص العبادات

- العبادة مش خطيئة .. انت بتعتبر حبك ليا خطيئة

- مش انا ده المجتمع .. مجتمع من الكافرين محدش فيه مؤمن بيكى الا انا

- خليك نبى و انشر دعوتك

- مقدرش أكون نبى

- ومين قالك ان أنا أقدر أكون إله؟!

- ارجوكى يا منى متحطميش فى لحظة غضب كل اللى بنيناه

- احنا صحيح كنا بنبنى سوا .. لكن دلوقتى انت بتهد لوحدك .

الخيط الرفيع
إحسان عبدالقدوس

مشهد من فيلم الخيط الرفيع - فاتن حمامه ومحمود ياسين

تحية: شوفتي بقى أنا سمعت بنصيحتك إزاي وبطلت أبقى مغفلة، مش ناسية كلامك يادرية.
طارق بتاع حب وبس مش بتاع جواز، أنتي فاكرة أنه هيتجوزك ياتحية !
طارق عايز حد يصرف عليه وبس.
درية: أنا كنت بقول كده عشان مصلحتك.
تحية: ما أنا عارفة أنه عشان مصلحتي، وعلشان كده أنا فاكرة الكلام كله.
حتى لو بتحبيه ياتحية، وفاكرة أن ربنا خالقك على الأرض دي عشان تحبيه، هو مش هيتغير.
الحب بيغير الرجالة في المسلسلات والأفلام والمسرحيات بس، أنما في الحقيقة؛ في الدنيا اللي إحنا عايشينها دي، الحب مابيغيرش حد.
هو مش هيتغير، أنتي بس اللي هتتغيري، هتقبلي وترضي. تقولي يمكن وجايز، هتقولي جايز بكرة يتغير أو يمكن لما أسيبه هوحشه أو يمكن لما أفضل يتعود ويحب بس بكرة دي بتبقى سنة واتنين وستة وسبعة وبعدين لما بتيجي بقى السنة التامنة ربنا بيوعدك بحد يجي كده ينزل عليكي وينصحك، زيك كده ياحبيبتي.
درية: أنا يمكن بيبان عليا أن أنا شريرة.
تحية: شريرة !
كان نفسي أقولك أنك مش كده، وأحضنك وأبوسك ونقعد نعيط مع بعض، بس أنا وأنتي عارفين كويس.
درية: أنا مش شريرة.
تحية: وأنا مش ملاك، بس عباس شايفني كده، هقوله لأ !
بيقول كده.
درية: تحية...
تحية: طارق فعلًا مش بتاع حب وجواز، أنتي كان عندك حق، كتر خيرك.
ولا سرحان بتاع حب وجواز وإذا كنت أنا ضيعت سبع سنين من عمري، فأنتي ضيعتي عمر فوق العمر.

#أفراح_القبة

الحب - تحية و درية - الحلقة 19

دايمًا فيه حاجة ناقصة _ في شقة مصر الجديدة

" يارب ما توجع قلبي أكتر من كده "
ذات - ألحان تامر كروان -2013 

خيبات مُتتالية - مسلسل ذات

فيلم سي عمر - نجيب الريحاني

فيلم حماتي ملاك اسماعيل ياسين

فيلم اشاعة حب

السحر الذي تخلقه نعمه | من مسلسل واحة الغروب

بابقى عاوز كلمة ويطلع مني عكسها، باعمل كل حاجة إلا الحاجة اللي أنا فعلًا عايز أعملها"

الود مش ساهل، ومايخلاش من الآسية" .. (هذا المساء)2017"

فيلم اسماعيل ياسين فى البوليس السرى

اسماعيل ياسين في مستشفى المجانين

لما قالولي في المستشفي ان نجوي ماتت .. مكنتش عارف أعمل ايه .. كنت عايز أروحلها البيت عشان تقولي أتصرف ازاي .. فضلت طول الليل رايح جاي رايح جاي لحد الصبح .. لما حطيت الجرنان من تحت الباب كان متهيألي ان نجوي هتشده زي كل مرة .. لما دخلت ولقيت كل حاجة زي ما هي قلت يمكن سافرت .. راحت مشوار .. مانا برضه كان ممكن مشوفهاش كتير .. صحيح كنت هتضايق .. بس كنت هفهم .. بيقولوا لما حد عزيز عليكي يموت .. لازم تقف علي دفنته عشان تصدق .. وأنا بعد ما دفنت شريف ابني مقدرتش أقف علي دفنة نجوي.

سامي العدل - فيلم أحلي الأوقات
قصة وإخراج: هالة خليل
سيناريو وحوار: وسام سليمان

عايزة ورد يا ابراهيم - أحلى الأوقات

Hadeel Abdullsalam

Recent comments

الـمَلاكْ

شُعاع

Mohamedneo

Adel Orange

Related tracks