يحبيب خلص خلكي واكول اليوم

عتبها هواي مايخلص عتب روحي

شيوكف العمر يفلان؟وهجرك دوم يمعود

"يا مفتاح فضة ولا رهم غيرك عليّ مفتاح" :(

عودان العمر كلهن گضن وياك

كل ليلة اشوفك بالحلم عريس

تيجي بالحلم كثير.. وأصحى ما ألقاك! بس يلّا.. أحسبها الك جيّة وأقولن جيت.

روحي ولا تكَلها: شبيج -
وإنت الماي
مكَطوعة مثل خيط السمج روحي
حلاوة ليل محروكَة حرك روحي
حمرية كَصب مهزومة بالفالة ولك روحي
وعتبها هواي .
لا مرّيت .. لانشديت .. لا حنيت
وكَالولي عليك هواي
وعودان العمر كلهن كَضن ويّاك
يا ثلج الي ماوجيت
تعال بحلم ... أحسبها إلك جيّه واكَولن جيت
يلي شوفتك شبّاج للقاسم ... ودخول السنة من ألكَاك
يا فيّ النبع وأطعم .... عطش صبّير ولا فركاك
يلرهميت ... يا مفتاح فضة ولا رهم غيرك عليّ مفتاح
أجرت لك مخدتي وأنطر الشبّاج إليجيبك
وإنت عرس الليل والقدّاح
يا هلبت تجي وترتاح ؟
طركَ المسج والنوم .. طركَ المسج والنوم
عمر وإتعده التلاثين ... لا يفلان
عمر واتعدّه واتعديت
ولا نوبة عذر ودّيت
وانه والمسج والنوم ... وأغمّض عود اجيسك يا ترف تاخذني زخة لوم
وأكَلك: ليش وازيت العمر يفلان
يفلان العمر .. يشكَر ولك يفلان
وهجرك دم .. كل ليلة أشوفك بالحلم عريس
اكَول اليوم يجيبه .. خلص كَلبي وأكُول اليوم
ولا إلتفتيت ... ولا وعديت ... ولا استخطيت
ولا طارش جذب ودّيت
ولا مرّة شلت عينك تعرف البيت
وكَالولي عليك هواي .. ورحت ابراي وجيت ابراي
حسبالي سنة وسنتين وتلاثة
واشوفك ذاك البكبلي .. واضوكَ الماي .. وأضوكَك ماي
حسبالي أشوفك إبن أوادم ... يا شكَلك ... موش أشوفك هاي
ولا حسّيت .. ولا استخطيت
ولا جيت اعله ماي
تبيع بيّه وتشتري بالسوكَ
لا ما جيت
وكَالولي عليك هواي .. كَالولي .
كَالولي ..
كَالولي ..
_________________
من أشعار مظفر النواب، ألحان طالب القرغولي، غناء ياس خضر.

مظفر النواب/ روحي

- الموُسيقى: هي وله التذوق، لا عادية الاستماع.

Comments

سَليم

فـاطـمة

فـاطـمة

فـاطـمة

فـاطـمة

rahaflight

طير الصاف

طير الصاف

حَيدر

🤍