ابن الشهيد

قصيدة تصبح على خير
كلمات و اداء : تونى خليل
هندسة صوتية م : عماد فوزى

تصبح على خير كدة انتهى يومك معاية
تصبح على خير خلاص وصلنا كدة للنهاية
تصبح على خير كدة يابن الناس
ما كفاية بقى حب و اخلاص
و كفاية الحزن اللى جواية أرجوك كفاية

جاى دلوقتى تقولى بحبك ؟
مطلوب منى أصدق قلبك ؟
لا بجد صعبت عليا
لما لاقيت بينزل دمعك

جاى بتقولى سامحنى أرجوك ؟
لا أرجوك أبعد و أنسانى
أهون عندى أعيش مجروح
ولا أنك ترجع من تانى

أبعد بقى مش عايزك جنبى
ولا عايز من تانى أشوفك
مانت جرحت و بعت و خونت
لية دلوقتى بتحكى ظروفك

جاى تتكلم لية عالماضى ؟
جاى ضعيف و بتبكى قصادى
أمسح دمعك من على عينك
أمسح و أنسى ياريت تنسانى

خلاص مش عايز أشوفك
مش عايز أحضن تانى هواك
دانا بندم على كل لحظة
عشتها من عمرى وانا وياك 

رد و قولى بتبكى لية ؟
و انا كان بأيديا اعمل اية ؟
مانت اللى جيت و قولتها
الحب خلاص راحت علية

البعاد دة كان اختيارك
و الفراق دة كان هو قرارك
جاى لية دلوقتى تبكى ؟
و عايزنى انا اللى اطفى نارك ؟

دانا لو عليا شمتان فيك
و فرحان اوى بدموع عنيك
و من زمان مستنى اللحظة
اللى بنفسى أقسى عليك

متفكرشى انى هداوى جرحك
ولا يجى اليوم و هقول مسامحك
مــــــانت لــــــو قدمت السبت
كنت لاقيت الحـــــد فى صفك

و انا دلوقتى متطر أسيبك
أصلى خلاص مبقتش نصيبك
أوعى تقول انا كنت حبيبك
و بتحس بيا
دى العيشة معاك حاجة صعبة
و حياتى فأيديك بقيت لعبة
و الحب خلاص أصبح كدبة
بتكدبها عليا
تصبح على خير أصل أنت خلاص مبقتش ليا

قصيدة تصبح على خير تونى خليل

ℋ ابن الشهيد -- سيف مجدي ℋ

نازل وانا ماشي

اغنيه كده ياقلبي غناء فاطمه ناصر .لايف

حاجة صعبة    محمد فؤاد

اغنية  حزينة  جداً  عن  الفراق  
بكيت لما  سمعتها  

بعد قلبك - علاء  غازى

Writting By : Amr Mansour 
Beat by : free beat 
Rec & master : Amr Mansour  
Vocal : mohamed khaled
Postar By : ibrahim masoud

Lyrics

Veras 1

عاش ايام حياته كلها مليانه سعاده 
دايما ضحكته مرسومه وطيبته موجوده بذياده 
عاش بحب الناس صافى النيه فى الاساس
 عمره ما بص لغيره ماشى مرفوع الراس 

واقف فى ضهر صاحبه حاميه وقت شدته
 مفاروقوش ولا حتى لحظه لجل يعديه من محنته
 وجود صاحبه فى حياته شىء مهم فى حد ذاته
 والى عنده ليه كتير  ولسره الف بير 

عايش فى الدنيا دي على اى حد ما بيعادي
 كل محنه بيواجهها بالنسباله كانت عادي 
مفيش  حاجه بتقف قدامه على الارض صامد ثابت
 ميهزوش الريح والدمعه فى عيونه عمرها ما سالت

 لو صاحبه طعنه بكسينه ودمه على الارض سايح
 تانى يوم يبص فى وشه ويقوله يا صاحبى مسامح
 دايما صافى النيه ولا يعرف معنى الازيه
 راجل من ضهر راجل مفيش منه فى الدنيا ديه

Coras
عاش بحب الناس صافى النيه فى الاساس X2

Vares 2

وفى يوم من الايام قلبه دق من نظرة عين 
حب واحده شالها جوه عينه الاتنين 
فجأه حياته اتحولت والدنيا ضحكتلوا اكتر 
شالها جوه  قلبه وعمره فى يوم ما قصر 

كانت حلم بالنسباله بيسعه وراه تحيقيقه 
بيعافر بكل جداره لكن ما فى شىء بأيده 
مكدبش عليها وحكالها ظروف حياته 
وبدل ما تقف جنبه للاسف وقفت قصاده 

 خلاص اللعبه اتكشفت والكل على اصله بان 
اتقفلت البابان وماتت روح الانسان 
ههههه انسان . اهو الانسان معدش ليه مكان 
طيبته الزياده لمت عليه  كل لغربان 

عاش شاف عمره في يوم ما خاف 
دايس على كل شىء  لجل تحقيق الاهداف 
اتحولت الشخصيه لشخصيه مختلفه تمام 
رؤيته لكل الناس انعكست انعكاس تام

كان جدع ( Amr Mansour  Ft Mohamed Khaled )

Poem "First kiss" By : Ramez Younan /قصيدة" اول بوسه" : رامز يونان
if you like it pls Share w like w follow 

اعذرينى لو اول بوسه
مكانتش من نصيبك 
ولو مكنتش انا  الشخص المثالى
اللي اتمنيتى إن هو يكون حبيبك 
انا واحد لا حافظ الحان 
و لا حتى ملم بالطقوس 
تقدرى تقولى شكلى حلو
لكنى مر زى الطاووس
مليش ف القبطى
ولا اعرف امتي ارد فلقداس 
واكيد ابقي كداب
لو قلت إن محسوبك  شماس
ف متستغربيش لو لقتينى 
قاعد زى طفل نايم فسهرة كيهك
وبرغم انى مش صايم 
بس مستنى العيد يجى عشان اكول الكحك
انا اشبه تمام لصورة شيطان
عايش يجول  بين البشر 
لما شافك فجأه النور بان
وكانه شئ بفعل القدر 
بقى كل همى اشبه
لصورة بني جنسك
واعمل اي حاجه
تخلينى بس أقرب منك
حبيتك حب المراهق
معرفش مشاعرى  لفين موديانى
وفكرت جديآ ف البعاد 
وقلت لنفسى بلاش يا واد تكون انانى 
يعني هو يجوز
ملاك من السما يبص ليك 
وانت اصلا غرقان ف كأس الزنب
استحاله تكون ليك 
حتي بص حواليها هتلاقى 
بدل الواحد ميت قلب
بس انتى كان ليكى رد تاني
فوسط شرود فكرى و ف طريقى المسدود
جيتى وهمستى  فى ودنى 
و طلبتي منى  السكوت 
كأنى  غريق  اترمى له الامل ف طوق  و
طوق كان عنوانه كلمة حباك 
وطالما مشيت عشانى خطوه 
هكمل اللي باقى من عمرى معاك
و بدون مقدمات سبتى بوسه 
علي خدي الخجلان
كانت تشبه لبوسة امى
ليا لما بكون قلقان
ساعتها بس اتبدل الحال
واكتملت الالحان 
واختفت ملامح الشيطان 
وابدت ملامح الملاك تبان
شوفت الدنيا ورد 
و شوفت رصيف الشوارع
كانها  نوت بيانو
و بقيت ليكي جندي
وانتى  وطني
 اللي انا مستعد اموت عشانه
بس للاسف صحيت على واقع 
مكنتيش انتى موجوده فيه 
سبتينى فنص السكه 
من غير حتى متقوليلى هعمل ايه 
لكن كل اللى قولتيه ساعتها 
احنا اساسا مش لبعض 
ف متعملش نفسك مصدوم 
احنا اصلا قصه منتهيه 
عنوانها هو البعد 
فجاه دابت كل الوعود !
وهانت عليكي دموعي !
طب قوليلي هاعمل ايه فقلبك 
اللي لسا عمال ينبض بين ضلوعى
ردى عليا سكته ليه ؟
م انتى اكيد مش هاتردى عليا 
عارفه ليه؟
عشان ضهرك هو اللي شايف عينيا
عادى م انا اصلا اللى كنت غلطان
لما افتكرت من الاول إنى انا اللى شيطان
دلوقتى بس عرفت مين
اللى استخبه فصورة الملاك
و مين اللى كدب
لما قال انا هفضل معاك 
انا فعلا بشكرك عشان
علمتينى درس كبير 
علمتينى اكون اقوي
ايوه بقيت اقوي بكتير
و لو ندمان  ف انا ندمان
إنى افتكرت إن انا كنت حبيبك
وندمان إنى ملحقتش 
أقولك قبل ماتمشى
إن  اول بوسه
كانت للأسف من نصيبك

First Kiss / قصيدة - اول بوسه

في بنات خسارة فيها الوجع

في بنات خسارة فيها الوجع 
والزعل أكبر من قيمتها 
ما هو أنتي ما كنتيش بنت السلطان 
أو حور عين ع الأرض ربنا باعتها
كل الحكاية كنتي فكرة 
وخدت أكبر قرار غلط في حياتي وحبتها

أنا مش جاي أسمع منك أي رد 
في أوقات لا ينفع  فيها لوم أو عتاب 
فبلاش تحكي عني كلام مش ولابد 
قاتلتني كلمة حبيت واحد كداب

بس أنا عمري ماكنت كداب  
وكلامي معاكي كان متصدق 
أصل الحكاية مش انتي 
الحكاية حكاية مبدأ

 انا عمري أكدب على قلوب الناس 
أو قول حاجات مش فيا
عرفتك الحقيقة من أول يوم بس مش ذنبي 
انك كنتي معمية 
 
فبلاش سيرة اني كنت كداب 
انا يدوب خبط 
وأنتي اللي فتحتي الباب 

أنا عمري ما قلتلك كلام مش صح
 وده مخليني في حكايتك مستغرب 
معرفش ليه محساسني بجرح
و اني وعدت 
و دلوقت بهرب 

عرفتك دورك في الفيلم من أول يوم
قولتك مشاهدك في القصة محدودة 
وكل الطرق اللي بتحلمي بيها معايا 
مسدودة

أنا ساعة لما جتلك كنت مستني منك تصديني 
أو تبعديني عنك بأي شكل 
ماكنتش عايزك تحبيبني 
وياريتك  حكمتي بينا العقل 

أنا كنت مستني منك ساعتها مليون رفض 
او حتى الوضع ده مش هيكمل 
 هيئت نفسي أسمع منك اي كلام 
و كنت وقتها هتحمل ..

 
بس انتي قولتي أنا كنت مستنياك 
وكان نفسي أبدا حكايتي معاك 
و حملت منك بواد وبيت 
وعمري لغيرك ما حنيت 

كنتي عايزني أقولك أية وقتها 
وانا شايفك بتبني حياة وبكلمة مني ممكن أهدها
غلطت وقولت بحبها 
بس هو ماكنش حب او فراقنا النصيب 
أنا كنت من غير أي حاجة لازم هسيب  
 
وكنت عارف انه هيكون فيه فراق
انه هيفوت شهرين تلات ويقل الاشتياق 
ما هي الواحدة لما تقرر ما تبقاش 
 كل حاجة غالية عندها ببلاش 

انا سايبك في أكتر وقت كنتي فيه عايزني 
بعدت .. وماجاش في بالي أنك تعرفي حد تاني 
بصراحة .. ما بقتش عليكي بغير 
وشفت حكايتك عادية.. وملتها 
وفيه منها كتير 


عارفك لما تسمعي الكلام ده 
هتقولي نبرته بقيت حادة كدة ليه ومافيهاش مشاعر
ما هو الذنب ذنبك يوم ما زعلتي زعلتي شاعر

فمن هنا ورايح استحملي قسوة الكلام 
أصل وجع القلب بيعيش عمرين قدام 
انا كنت شايفك حلم 
بس طلعتي مش قد المقام 

فبلاش تحكي عني حكايات مش ولابد 
وعادي أعتبرني دخلت حياتك ومشيت زي أي حد 
بس أوعي تقولي أنه كان كداب 
أنا يدوب خبط 
وانتي اللي فتحي الباب

في بنات خسارة فيها الوجع - أحمد صابر

المرايا -ادهم سليمان -بصوت شريف المصرى-

أنا مش ناسى ولا عمرى هكون ابدا ناسى 💔

بطعم القهوة لـ محمود الفقى

                       ↝ ♈ ♔ ℋ ♔ ♈ ↜
   

 ㄨ لـ تعرفَ من اكون ، اسمع مني ، لا عنّي ㄨ
 
        
 ταĸє τнє яɪsĸ τнєяє ɪs иστнɪиɢ τσ ℓσsє !!!

ℋ ابن الشهيد -- سيف مجدي ℋ

Hadeer Elsayed

Recent comments

user691875235

gamal60

Kero Ayoub

Nehal Ȝmer

Related tracks