Teggscht

S isch Nacht, faat a chuele nim ' mer Zyt für chlei Zyt z ha
ga näbus für Nachezschpuele wott d Seu zum Lärm us ha.
Hie ischs schtuier - wi immer d Häng id Seck - luege z düruf.
Über der Schtadt sone Schimmer dr Himu klar - nimmt mer dr Schnuuf.

Usem Rum ohni Ändi blitze Schtärne ohni Zau.
Dert uss bruchts ke Wändi di schöni Grössi tschuderet ufzmau.


Üsi Sunne, heiss u so witt es munzigs Pünktli, i weiss.
Di fischtri Ärde zeut gar nid oni z lüchte, viu zweni heiss.
Schtuune gredi ufe i Abe es gäbi no viu me duss im Au.
Riisehüüfe – Milliarde Sunne - Schtärne, überau.
Mir wird schturm, ghei i um? Z Nütt so unändlech witt.
Gar kes Ändi vom Rum jedem Schtärn si eigni Zyt.

Usem Rum ohni Ändi blitze Schtärne ohni Zau.
Dert uss bruchts ke Wändi di chauti Grössi tschuderet ufzmau.


Bim Schtuune u Sinne merki mi Wäut isch chli - i ha se gärn.
Wes se morn nümm gäbti fäuti nid emau e Schtärn.

Aber mi, mi würd si röie das darf wäg üs nid si
Wei üs aui no lang fröie das mir nid di Letschte si.

Usem Rum ohni Ändi blitze Schtärne ohni Zau.
Dert uss bruchts ke Wändi di schieri Grössi tschuderet ufzmau.

Usem Rum ohni Ändi blitze Schtärne ohni Zau.
Dert uss bruchts ke Wändi di schieri Grössi tschuderet ufzmau.

Schtärnelied

Teggscht

Heisse Summer, schliichsch verbi
bisch so badig u zümftig wachsig gsi.
Hesch gfägt mit viu Fiire u haub blutt si.
Nar Hitz u Tröchni chunnt e schwäri Müedi.

Grosse Summer, chöi dir dankbar si
dis Schtrahle u d Wermi si wunderbar gsi.
S faat a chuele, dr Abe ma tschudrig si
o der schönscht Tag, di wermschti Nacht, gö verbi.

Wi riich isch z warme Läbe im Summerluft desume fäge.
E fiini Ahnig s gitt nüt zum Häbe nachem Wachse chunnt de z Schtärbe.
No blüets schön u isch so riich nadisna wird aus riif.


U iz du, Herbscht, wosch überau lutt si
trücksch füre, öb mer s wei oder nid.
Z Wachse isch fertig, di grossi Ärnt verbi.
Schtürmische Herbscht - hüusch aus i Farbe i.


Wiude Herbscht, o du geisch de verbi.
wüu aus wo läbt mues ändlech si.
D Natur gwinnt geng, umarm se gliich
vorem erschte Schnee e zümftige Riif.

Wi riich isch z warme Läbe im Summerluft desume fäge.
E fiini Ahnig s gitt nüt zum Häbe nachem Wachse chunnt de z Schtärbe.
No blüets schön u isch so riich nadisna wird aues riif.

O wi riich isch z warme Läbe im Summerluft desume fäge.
Iz e fiini Ahnig s gitt nüt zum Häbe nachem Wachse chunnt de z Schtärbe.
No blüets schön u isch so riich nadisna wird aus riif.

Riif

E Wuuche

Irgendeinisch

Sürmu	


S1	Gse di umesürmle, ghöre di umeraue,
Rüefsch gäg Aus us, eifach so iz Blaue.
S' schiist di a, chasch a Nütem es guets Haar la.
Seisch, Aus wird geng schlechter u türer, wuala.

S2	Truurisch dim bessere Früecher nache,
schtatt hütt säuber öppis häufe z mache.
Au Morge jage di d Bräschte zum Bett us zitig,
Läbsch säubschtgrächt, gnietig u gittig.

R1	Sürmu, säg der fadegrad wi n di gseh,
Egozäntrischi Plagörine bruchts niene me.
Hock i di Riisebütti, träi z Klima vou uf,
faar i dim Chlapf grad iz Paradis, düruf.

S3	D Schtüre fingsch z höch, trotz dim Bschiisse, mou.
Gsesch d Wäut grad ungerga u üs aui ou.
Wüu dir niemer me zuelost geisch toube hei.
Werum wosch aus vergifte mit dir Schwarzmalerei?

R2		Sürmu, säg der fadegrad wi n di gseh,
	Egozäntrischi Plagörine bruchts niene me.
	Hock i di Riisebütti, träi z Klima vou uf,
	faar i dim Chlapf grad iz Paradis, düruf.

B1	Schtuune, wi du i dr Misere no chasch witerläbe.
We für di aus sinnlos isch u vergäbe.
Scho nume we d Mau würdsch amTuume sugge
würds hie häuer u zünftig lugge.

B2	Wenn wosch dini Flügu saube
ga luege, wi guet du bisch gsi, aube?
Mir chasch d Fröid nid verderbe - u
we s mir ganz verschisse gieng würd i wi du.
I wott nid wärde wi du, wott nid wärde wi du - nei!

Outro		Ke chaute aute Ma.
	Ke böse aute Ma.

Suermu

Schport-Willy	

S1	Är hett geng wider probiert	wes nid passt hett sech nid schiniert
muetig, schpontan, nid schtudiert	Buechschtabe umenang schangschiert.
Är macht so gärn Wortschpili	Buechschtabe tuusche, Schport-Willy.
Brucht Schimpfwort aus Therapie	Läbeswiisheite schickt är drüberi.

R1	Grüter Charte - Chrüter Garte
lang zücke - Zahnglücke
schtiulos Hagle - hiuflos Schtagle
Schport-Willy -  Wortschpili.

R2		Chümipüntu - Chräzipuggu,
	Querpfau Biisser - Schliimschiisser,
	Laggaff-Schwager – Chnuppesaager
	Suppechaschper - Süesshouzraschpler.

S2	Ouagadougu - Tenereh	Lerici - Amrun no meh
	Monterosso vo z viune gse	Zienhüschunu oba ar Wisse
	Rüpplisried - Auelüfte	Chäs u Brot - ke Anke me
	Gäbubach u Schtürlere	Äbische am Wohlesee.

S3	Blutti Hutt macht füra z luega	Sunnabrüua ma o häufa
	Nassa Näbu dussa tschudrig ina	u lutt biischta früech ufschta Morga.
	Motor Sagi hert zie zäi ala	lutt u heiku kena dri la na-na.
	Velofaare Hung füra Gring aschla	Mit chlei Gfeu di Seu küss, oh ja.

R3	Wurm schtind - Schturmwind	güre flusse - füre glusse
	Mau Schleier - Schlaumeier	linger hischtig - hinger lischtig
	Base nutze - Nase putze	Schand-Bibe - Bandschibe
	Hugo Schtrabu - schtrube Hagu	Schport-Willy – Wortschpili.

R4	Glögglifrösch – Göggemöff	Tschupperluri - Chuderhuuri
	Schnäggetänz - Häxebänz	so ne quatsch - Traliwatsch
	Gränni Süchu – Pfyffetechu	schtinkfuus Gnagi - lutte Gaaggi
	Birewixer - Schnäbi-Chätscher	Türeschletzer - Schnaubuwetzer.
	
	Wäge däm, wäge däm, wäge däm
	muesch du nid truurig si	es chönnt verreckter si.

Schport-Willy

NeNei-MoMou	

V1	Ne, ne, ne, ne, nei. 
Viu säge so gärn nei - wüu si nüt Nöis wei.
D Nei-Säger si nie alei - so gäbig, nei macht frei.

V2	Ne, ne, ne, ne, nei.
Überau Schmiererei - au mache ja was si wei
s isch doch gliich, ei ei ei - nei zu me Polizei.

S1	Verbote, ungsung viu wo mer gärn wei.
Dörft u sött mer nid - gitt Schiiserei.
Tuusig Regle änge i, si fasch nümm frei.
drum geng zu auem lutt u dütlech NEI.

V3	Ne, ne, ne, ne, ne, nei.
Eifach geng lutt nei - bis mer üs säuber igschplosse hei
säge o nei zum nei - was gitt de zwöi mau nei?

V4	Mo, mo, mo, mo, mo, mou.
Zwöi Mau nei gitt äbe MOU - logisch isch das ou
z augebraische Gägeteu - verschta cha das Gschtürm ke Sou.

S2	Nei zum nei gitt mou, tönt chlei hou.
Hiuft bi däm Gliir ächt chlei Aukohou?
Mou tät uf, miech müglech, tät o wou.
U zwöi mau mou gitt momou - isch das es Eigegou?

V5	Mo, mo, mo, mo, mo, mou.
	Zwöi Mau mou gitt wider nei
	Mo, mo, mo, mo, ne, nei.
	äbe o grad z Gägeteu
	Mo, mo, mo, mo, ne, nei.
	Eis Puff wo mer agrichtet hei.
	Mo, mo, mo, mo, ne, nei.
	Verdräit dr Gring, macht schturm feiechlei.

Outro	Mo, mo, mo, mo, ne, nei.
	Giut iz mou? Giut iz nei?
	Ne, ne, ne, ne, mo, mou.
	U giut das iz für Ma u Frou?
	Mo, mo, mo, mo, ne, nei.
	Schtatt düre z schtiere grinse chlei.
	Mo, mo, mo, mo, mo, mou.
	Mou riimt sech vou uf wou.

NeNei-MoMou

Dampfwauzi

Wunderbar	
		
		

Wunderbar, wunderbar

Fertig Beschtöibigs / Bienli / Gschichte - wi s geit weis jede Goof scho.
Fertig am Läbe ume gluschte - geng grad Aus ha u sofort o.
Fertig mit grediuse schnure - Influencendi säge wie u wo
wunderbar, Media-Star.

Auti Miismachendi wo vou i Giz itouche
ufem Gäut hocke, aus grau gse, rauig ume loufe.
Chönnt dä modern lüchtig Plastig us China choufe
wunderbar, Plunder Waar.

Anger läbe säubschtzfride - bi dene isch nume Gniesse agseit.
Schtatt z Vergnüege mau Problem gse - luege was aus abverheit.
Armuet, Hunger nümm verdränge - bis s i Weize schneit.
Wunderbar, hie isch Hunger rar.

Dä wo ire Liebi gschwore hett isch mit em Chare ab über au Bärge 
si hett ihm gloubt, schteit mit em Bébé alei da im Räge.
Dörft derzue no si gmietet gross Chare abzahle.
Schissdräck gar, truurig wahr.

Di paar Kritische wo s nid passt da - söu doch furt ga.
Chöi Visione u Gmegger mitnä - de gäbs me Rue da.
U dert heigs viu schöni Froue - grad e nöii Liebi afa
wunderbar, mit länge Haar.

Wunderbar - Media-Star - Plunder Waar - Hunger rar
truurig wahr - längi Haar - Bumser-Bar - wunderbar.

Z Auter bringt auderlei - Runzle, Ranze, viu Zytt.
S wott nümm geng aus - es wird äng schtatt witt.
Bim Schätzele nume no Gluet - s brucht es nöis Schitt.
wunderbar, Sex ir Bumser-Bar.

Wunderbar - Media-Star -  Plunder Waar - Hunger rar
truurig wahr -  längi Haar - Bumser-Bar - wunderbar.

Wunderbar

Sörfisch	


Sörfisch - dörfisch - wüschisch - trückisch 
güggslisch - tröimisch - zeigisch  - plagierisch.

Di ganzi Wäut im Händi - wi geng Friti, nie me Mändi.
Gluschte u schoppe - nütt isch verbotte.
Aus us der Cloud - nümm verloufe im Waud.
Geng vorem Gring - aus geit so ring.

Ume sörfe - aues dörfe - ume müpfe - ume trücke
ume höie - ume tröime - nid schiniere - viu plagiere.

Smartfoun verlore - im Seich wine More
ohni louft gar nüt - isoliert vo aune Lütt.
Nid deite nid tschätte - tschille bim jätte.
S geit gar nümm ring - s fäut z Brätt vorem Gring.

Scho fääle mer d Fründe - furt si o d Sünde
äSsäMäSs u tschäts - u äbe o d Schätz.
Me aus schinierlech - fingts öpper: Piinlech.
Tag u Nacht hoffi - wett sicher si.

Lamentiere - umeschtiere - reklamiere - alarmiere
proteschtiere - düreschtiere - annuliere - geit a d Niere.

Gfunge nach bange Schtunge - hing im Chäuer unge.
Abgleit bi de Chole - vergässe s wider z hole.
Cha haut passiere - bim geng pressiere.
Ufem letschte Zagge - gheit mängs zwüschabe.

So geil, Vougas - d Wäut wider hinger Glas.
Entschpere u sörfe - mäude wägem dörfe:
D Wäut darf witer träie.

Soerfisch

Cha	

Cha lutt plääre, cha blöd chääre
cha uf z Dach gä, cha mi zrügg nä
cha fräch gaagge, cha ewig zaagge
cha liisli tüüssele, cha lieb büssele.

Cha witt schpöie, cha wiud ume höie
cha umeglusse, cha schtrubusse
cha düre bisse, cha quer bschisse
cha bling vertroue, cha vou gloube.

Cha so viu, i bi ne prächtige Gieu
we n i plagiere was i cha tönt s wi ne Ma wo aues cha.
Derbi isch aus gloge, nid wahr, aus gschpunne sogar
das ganze cha-cha-cha isch nume Tschatschatscha.

Cha ume husiere, cha zämeramisiere
cha o serviere, cha fantasiere
cha vou inegheie, cha töif gheie
cha wider ufschta, cha no witer ga.

Cha ne Watsche. cha leid chratze
cha hüsele, cha gramüsele
cha süess süsele, cha de schmüsele
cha zart schtriichle, cha bling liebe.

Cha so viu, i bi ne prächtige Gieu
we n i plagiere was i cha tönt s wi ne Ma wo aues cha.
Derbi isch aus gloge, nid wahr, aus gschpunne sogar
das ganze cha-cha-cha isch nume Tschatschatscha.

Heudinne	


S gitt Heude wo aus hingenache rennt.
di richtige Heude si die wo niemer kennt.
Für üsi Problem z löse hei mer die
wo mer im Autagsnäbu vergässe hie.

Heude wei mer, gäu - Heude wi dr Täu
zum bruche schnäu - aus Dänkmau häu. 
Scho lang nümm  läbig - Toti si gäbig.
Schteinig, nid chläbrig - mule nümm, chlei schäbig.

Di würkleche Heude hütt wei mir gar nid gse
Mache üs d Dräckbüez im Haubdunku ganz witt hinge.
Niemer wott würklech wüsse was u wie si schaffe
chäm o kem i Sinn se iz lade zum ne Café.
 
D Froue vergässe hie, das cha doch nid si, wie?
Derbi sis si wo dr Chare zie, es Mersi gitts säute bis nie.
Si  schtungelang uf de Chnöi, putze Füdle dene wo nümm chöi,
när dr Hushaut u d Familie düreschleipfe, chöme si hei.

Heudinne si haut liisli, gäu - grad wi früecher scho d Frou Täu.
Heudinne vergässe mer schnäu - si nid vorne, nid dert wos häu.
Heudinne mache eifach geng - chline Lohn geng hü, renn.
Heudinne säubschtlos wenn - mues ufgruumt si, geng denn.

Heudinne s si viu, schwafle nid über Ziu
Heudinne wett i umarme, iu
Heudinne mache mi schtiu
Heudinne merci viu.

Heudinne

Heimatland	

Heimatland, säg, wo schteisch? 
U weisch o wohäre d' geisch?
Meinsch eifach witer so wi gäng?
D Bärge blibe mit schtotzige Wäng.

Üsi Pure mit schtarche Traktore
chrampfe uf irem Land wi ne Moore
müesse rächne das s längt bi Gott
u z Wätter macht was äs wott.

Saftig Matte, läbig Wäuder
verschwinde hinger Hüserfäuder
geng meh Schtrasse u ga schoppe
bruche e Chare, e grosse, flotte.

I de Schtedt äng zäme läbe
es isch bau schwirig sech z bewege
chaute Beton u zringsum Zwäng
weni Freiheit, überau isch s äng.

Chöi di Hüsli witer wachse?
Das tünkt mi scho zimlech chrank
lö üsi Ching da la ufwachse
i der Ängi u däm Gschtank.

Wei aus wüsse, si online so viu
mir si süchtig uf z nöischte Schpiu
moderni Chäschtli i schigge Ghüs
hei mir d Technik oder hett si üs?

Du bisch mis Heimatland da
hie ma n i d Lütt u kenn mi us
i singe das i di gärn ha
mini Ängscht chöme z düruf.

Heimatland, ir Abesunne guudig
d Nacht chunnt weich u warm
gäg nöii Flüger hei mer gschtumme
no giftegeri lö si umebrumme.

Heimatland, ir Abesunne guudig
d Nacht chunnt weich u warm
mi plagets, bi ungeduudig
mir aui schpile ufem Vuukan.

Heimatland

Donnafugata	


Donnafugata mües i eifach bsueche
zum Schloss göngs haut dr Hoger ueche
vornähmi Lütt heig dert residiert
s heig wäutberüemti Literatur inschpiriert
d Gägend isch würklech schön
hütt Schturmluft schtarch wi dr Föhn
schtosse z Velo e Schtung lang ufe
heiku, passe uf was chunnt um d Kurve.

Dr Park hütt zue wäg däm Schturm
aues gwautig für z plagiere drum
d Kostümsammlig i hani schnäu mau gse 
di auti Hudle blände, prunkig, müffele
z Schloss hett Zimmer, Säu, chuum zum zeue
aus tüür, säute, IKEA würd meh gfaue
e riichi Bibliothek ghört zum plagiere
dä ganz Chotz-Protz fingi i zum schiniere.

Donnafugata, am Bischoff sis breite Bett
niemer seit für was är das brucht hett
wie u vo wäm dä Richtum isch cho u werum
nid säuber schaffe, Angri hei dr Rügge chrumm
gloub jedes Schloss wo hütt häu bländ
isch ufboue mit Tonne Lide u Eländ
au ohni nütt hei müesse chrampfe
das es paar im Park hei chönne gigampfe.

Donnafugata, Versailles, Schönbrunn
wunder Märlischlösser zringsetum
geng no meh Märli-Prinzässine gö mer a d Niere
dä ganz Chotz-Protz fingi zum schiniere.

Das d Touris müesse zahle für z luege isch normau
äs de chline Ching z zeige fing i fatau
gschtoune Prunk aus Vorbiud tünkt mi e Skandau
ergouneret u zäme bschisse, au überau.

Donnafugata

Herbscht	


D Tage churze - au no meh am umefurze 
d Necht chüele - abgruumti Fäuder d Müüs am wüele
dr füecht Näbu bringt dr Verleider u macht z Früüre
d Sunne gitt chuum no warm chunnt si mau füre.

Chöi ganz zfride si, s gitt e guete Wi
s isch e prächtige grosse Summer gsi
hei gnue vo auem übercho u no chli meh
dankbar das hie nüt schlimms isch gscheh.

Dr Herbscht wott cho.

We d Tage churze - dr Luft pfift u ma chutte 
es rüchers Lied - dr Summer gorpset müed 
fau u bleich huscht no z schwache Liecht
ei Morge erchlüpft scho dr erscht Biecht.

Säute no duss fasch nume geng ar Hiubi inne
ar Wermi no chlei am Summer nachesinne
nümm guudig Tage, schtrub Schtürm si am cho
Summer furt, dr Herbscht schmöckt tötelig o.

Chönnt witt i Süde am Summer nache loufe
wi Zugvögu ar Wermi nacheflüge u se choufe.
Näbu verschteck was aus Gruusigs isch gsche
derbi hei mer gschwore sicher nie meh.

Herbscht

Schtägehuus	


E zfridne härzlech noche Abe bi Fründe
verwöhnt, verzeue, witzle u zünde
lös ufem Baukon weich inachte
mau ärnscht müesse geng o wider lache.

Liire chlei über üsi Bräschte
trinke schön, es blibe gueti Räschte
viu z glii chunnt d Zyt für hei z ga
gö z dürab ar Schtäge na.

Grossi Foto hange im Schtägehuus
vor e frömde Wäut - chöme nid drus
gheimnisvou, frömd, bitter arm
Mönsche im Autag druf vo noch u warm.

Di Foto zeige wi leid s würklech isch
herte Kampf ums z Brot, ume täglech Fisch
i fischtre Löcher flicke u sorge
für z Überläbe bis morn am Morge.

Grossi Foto im Schtägehuus
wit wägg, bitter arm wi ne Muus
d Armuet u z Eländ hei gredi preicht
üsi Bräschte wärde gschämig u seicht.

I uraute Isebettli zwöi chliini Ching
chöi chuum schta, heis gar nid ring
ganz alei, luege ärnscht, si no so jung
mir wärde au schtiu u schtumm.

Grossi Foto im Schtägehuus
frömd, bitter arm, im Weisehus
di verlane Ching unschuudig da
luege üs us de Foto vou a.

Himutruurig schliicht e Bluus
i mi ung im Schtägehuus
cha nume gränne derzue
si hei zwöi chönne mitnä hei zue.

Schtaegehuus

drPesche	


Au si ganz grad - sött s emu si
eine haut schreg - eine mues dernäbe si
au wüsse geng aus - si voredüre brav
eine weis nie nütt - schpiut z schwarze Schaf.

Dr Pesche ligt viu quer
tüssele  täsele faue ihm schwär
schön zmitts isch ihm z faad
Kurve nä nid geng grad
är brucht haut o si eiget Gring
für di angre isch är nid geng ring.

Schön brav mitluege chas für ihn nid si
öppis tribt ne zu sich säuber hi
z innerscht ine zu sich wott är cho
angers z si lidet mängisch scho o.

We au lutt chlatsche zringsetum
isch Pesche furt, grad nid chrumm
säuber dänke macht haut quer
passiv gniesse faut ihm schwär.

Inefrässe isch o nid gsung
isch z schwarze Schaf, isch dr rot Hung
dr Pesche, z schwarze Schaf, dr rot Hung....

drPesche

Himu	

Itz schteuts ganz bös a - plaget vou Sorge ligi da
sött viu zahle u ha ke Gäud - es schtinkt bös i mir Wäut
wiso preichts mi, wiso - am liebschte gieng i uf u dervo
mi Lohn pfändet, i armi More - Schuude bis über beidi Ohre
betribe vo mir Chrankekasse - vo überau här chöme Bajasse
müesst enorm viu gwinne bim Kollege-Jasse.

Himu lue wi n i lide da unge
verzwiflet rüef i us schwacher Lunge
Himu nume du, du muesch mer häufe
mis Glück chasch aleini du mer choufe.

I probieres aus, gibe Dampf - s isch e grosse Chrampf
d Ex wott o mis Gäut - hett mer grad no gfäut
u d Schtüre chlopfe a - de no die vo letscht Jahr
vor u hinge s längt niene hi - bi kes Finanzgenie
mi Porsche söu i verchoufe - derbi chani chuum no loufe
nümm rouke, trinke, ume tribe - u d Froue ganz la blibe.

Himu la mi nid wäg zweni Gäud la schtärbe
wott witer gniesse u schön witerläbe
Himu zoubere chasch, i wette
di schön gross Chor da söu mi rette.

Himu bruche Hiuf no hütt am Abe
schick mer usem Chor e n Ängu abe
Himu i würd se schtriichle u weich bette
verschpriche aus we si mi chunnt cho rette.

Himu

Träm-träm	

Träm-träm träderidi - ischtah isch scho geng blöd gsi
Träm-träm träderidi - aus louft ar Musig hingedri
schiins mües wider zangget si
eine wöu der Schtercher si
mit dene chönn doch ke Fride si
z Umewüete müess drum si.

Träm-träm träderidi - lang isch s äbe eso gsi
träm-träm träderidi - hei tötet was isch ume gsi
so brutau isch z Plage gsi
u au das Eländ hingedri
Gäut u Macht tribe cheibe witt
chriege bis aus verlore - tot u quit.

Träm-träm träderidi - so isch es geng scho gsi
träm-träm träderidi - weeni hei viu viu hei weeni 
wei üs nümm für di Riiche verbiege
nümm ischtah nümm für se chriege
einisch si mer de witer aus d Affe
chöi gschpüre u dänke ohni Waffe.

Träm-träm, träderidi - weeni hei viu - viu hei weeni 
träm-träm träderidi - so söu s, söu s nid si.

Traem-traem

Wuala	


We n e Chatz uf e Schoss wott cho
wott si das u z Schtriichle de o
büschelet d Bei u schnuret scho glii
seelig rangget si no chli.
Grad eso ma mängs Schöns afa
dene wo z Härz chöi la uf ga
s süferli la loufe la
fröidig schtuune was so ma entschta - wuala.

Gset e Chatz e Brei da schta
ma si nid lang drum ume ga
drum faat si glii mit Schläcke a
grad eso dass si Fröid drann cha ha.
Wüu für richtig Fröid dranne z ha
längt z Gluschte äbe nid, abba
s säuber z mache tuet so guet, oh ja
grad aui wüsse was se fröie ma - wuala.

De längts dr Chatz si schtreckt sech schteit uf
jedes Glück verlüürt emau dr Schnuuf
s tuet fasch weh das z verschta
das mer nid geng nume Fröid chöi ha.
Teu schtö sech säuber im Wäg aha
hei Schiss öppis a sech häre z la
Mitleid cha me mit de suure Möcke ha
das ires Läbe ohni Liebi mues ga - wuala.

E Chatz hett mängisch vier Bei
isch nid wou geng nume alei
viu lieber isch d Chatz e Schatz
de gitt ire dr Schatz e Schmatz.

Wuala

Mani	


ma-n-i di vergässe? Nei, geit nid.
Bi no nid parat di ganz los z la
dini bsungre Liedli blibe für geng schta.
Mani so tumm hesch früech müesse ga
was hättsch mit dir Orgele wöue afa?
Ha gmerkt du bisch aune witt vorus
sueche töif chume gliich nid drus.

Mani italiänisch - üsi Häng
zu Gring u Härz bruchts die äbe gäng.
Nid nume ume schnure o chlei mache
wi du denn - so viu schpannendi Sache.
Mani träie der Schpiess o mau um
dim Sidi wirds unger aune Schtärne schturm
z Zündhöuzli ufem Teppich macht d Versicherig z gaagge
z Babettli chönnt ufe Hansjakobli graagge.

Money änglisch isch vou fatau
schiins z Wichtigschte im Wäutau
chönnt me emu meine we me gset
wi um z guudige Chaub tanzet wird.
Mani ha di gseh schwäbe uf re Wuuche
hesch abe grinset bisch grad gsi am rouche.

Mani

Morn	


Morn fa n i a läbe, morn darf i se häbe
schön u schtarch u gross, morn da lö mer los
d Uhr närvös a glusse, s isch so schwär i z pfuse
scho lang wart i uf morn, wenn chunnt ändlech morn?

I cha chuum me warte, d Zytt blibt gloub i schta
wäri hütt itz geschter, de wär hütt scho morn.
Itz isch aber hütt, s isch geng nume hütt
geschter - morn si witt, morn chunnt vilech nid.

Ha s chönne ifädle, s sött o nid cho rägne
morn faats mit ire a, ändlech äng zäme ga
i gloube fescht dra, das i se gärn cha ha
de chuttet s vou um d Ohre, sie fägt wine More. 

Zersch chlei leere kenne, so schön u sie fägt henne
fiin afa mit Gschpüre, weis sie ächt wo düre?
Mach se sinnlech z brumme, zäme ab a d Sunne.
si i paarne Schtunge, witt im Süde unge.

I cha chuum me warte, d Zytt wott nid verga
wäri hütt itz geschter, de wär hütt scho morn.
Itz isch aber hütt, s isch geng nume hütt
geschter - morn si witt, morn chunnt vilech nid.

Morn isch hütt scho geschter, gseh nume schtockfiischter
ligi im Schpitau, wäri gschtorbe bau.
Mi Nöii bring Unglück, heig fasch broche z Gnick
ufe Abbruch sig sie grad, d Maschine mit zwöi Rad.

Mues itz leere warte, bis i wider ma graagge
wäri hütt itz geschter, de wär hütt scho morn.
Itz isch aber hütt, s isch geng nume hütt
geschter u morn si witt, morn gitts vilech nid.

Hafemusig

Popular tracks