Inga Björk Margrétar Bjarnadóttir les hér texta sinn, „Mekanískt illgresi“, sem birtist í samnefndri sýningarskrá sem gefin var út í tengslum við Villiblómið, haustsýningu Hafnarborgar 2020. Þar fer hún í eins konar tímaferðalag með verki Jóns Gunnars Árnasonar (1931-1989), Blóminu, sem stendur í miðju sýningarrýminu, á eiginlegu blómaengi. Þá heldur þessi vélræni hreyfiskúlptúr áfram að teygja anga sína inn í nýjar víddir, líkt og hann hefur gert allt frá því að verkið skaut fyrst rótum á vinnustofu Jóns Gunnars árið 1967.

Inga Björk er listfræðingur og aðgerðasinni, fædd 1993. Hún hefur vakið athygli fyrir mannréttindabaráttu sína, pistlaskrif og fyrirlestra, þar sem hún tvinnar saman umfjöllun um fötlun, menningarlega fjölbreytni, vald og jaðarsetningu innan listheimsins. Inga Björk lauk MA gráðu í listfræði frá Háskóla Íslands árið 2019 en hefur á undanförnum árum starfað sem sjálfstætt starfandi listfræðingur.  Hún er meðal stofnenda Plan-B Art Festival, sem fer fram í Borgarnesi ár hvert. Hún hefur einnig starfað sem sýninga- og verkefnastjóri hjá List án landamæra en hún starfar nú fyrir Landssamtökin Þroskahjálp, hagsmunasamtök fatlaðs fólks.

Inga Björk Margrétar Bjarnadóttir – Mekanískt illgresi (Villiblómið)

D’Arcy Wilson les hér texta sinn „Engið tætt í sundur“ (e. „Dismantling the Meadow“), sem hefst á hugmyndum 19. aldar um mál blómanna (e. The Language of Flowers) og birtist í samnefndri sýningarskrá sem gefin var út í tengslum við Villiblómið, haustsýningu Hafnarborgar 2020. Þar veltir hún fyrir sér þeirri merkingu, tilfinningum og menningu sem vestræn hugmyndafræði tengir við plöntur og jurtaríkið, er hún leggur leið sína um Villiblómið, staldrar við, hyggur að og reynir að ráða úr einstökum verkum listamannanna. Þá leiða athuganir, minningar og reynsla hennar hana inn á slóðir úthverfanna, þar sem finna má blómabeð og flókalundi ólíkra plantna, líkt og rhododendron-runnana og kanadarósina, sem vaxa við heimili hennar á austurströnd Kanada.

D’Arcy Wilson vinnur þvert á miðla en í starfi sínu hugar hún að birtingarmyndum náttúrunnar í vestrænu samhengi, þar sem hún harmar afleiðingar nýlendustefnunnar á umhverfið. Verk hennar hafa verið sýnd víða í Kanada, nú síðast í Dalhousie University Art Gallery í Halifax, The Rooms Art Gallery í St. John’s og Owens Art Gallery í Sackville, auk þess sem hún tók þátt í M:ST í Flotilla og Bonavista-tvíæringnum. Hún hefur hlotið ýmsar viðurkenningar fyrir verk sín, þar á meðal Sobey Art Award nú í ár. Wilson útskrifaðist með MFA-gráðu frá University of Calgary árið 2008. Hún gegnir nú stöðu aðstoðarprófessors við myndlistardeild Grenfell Campus, Memorial University of Newfoundland.

---

D’Arcy Wilson reads her creative text “Dismantling the Meadow” that opens with 19th century history of The Language of Flowers, the text being published in the accompanying catalogue to The Wildflower, Hafnarborg's 2020 autumn exhibition. Questioning the meaning, sentiment and culture that Western thought assigns to plants and flora, she wanders through The Wildflower, stopping to notice and attempt translation of each individual work and artist. Her research, memories and personal experiences lead her to plots of suburban landscaping and tangles of wilderness where the rhododendron and its wild cousin, the rhodora, grow in her home on the east coast of Canada.

D’Arcy Wilson is an interdisciplinary artist whose work considers the representation of nature in a Western context, lamenting colonial interactions with the wilderness. Her work has been presented across Canada, most recently at Dalhousie University Art Gallery, Halifax, The Rooms Art Gallery, St. John’s, and the Owens Art Gallery, Sackville, as well as a part of M:ST, Flotilla, and the Bonavista Biennale. She is the recipient of several awards, including a Sobey Art Award earlier this year. Wilson graduated with an MFA from the University of Calgary in 2008. She is currently Assistant Professor in the Visual Arts Program on the Grenfell Campus, Memorial University of Newfoundland.

D’Arcy Wilson – Dismantling the Meadow (The Wildflower)

Asinnajaq er listamaður frá Inukjuak, Nunavik. Nýjasta kvikmynd hennar, Three Thousand (2017), blandar saman gömlu myndefni og teiknimyndagerð, þar sem hún dregur upp mynd af heimabæ sínum Inukjuak í framtíðinni. Myndin hlaut verðlaun sem besta tilraunakennda myndin á imagineNATIVE Film + Media Arts Festival 2017 og var tilnefnd til Canadian Screen Awards 2018 sem besta stutta heimildarmyndin. Hún hefur sýnt verk sín í Kanada og víðar og hlotið fjölda viðurkenninga, svo sem Technicolour Clyde Gilmour Award frá Toronto Film Critics Association. Hún er meðstofnandi Tillitarniit-hátíðarinnar, sem er tileinkuð menningu Inúíta í Montréal. Asinnajaq er ein fjögurra sýningarstjóra sem starfa nú að vígslusýningu nýrrar stofnunar um myndlist Inúíta, Inuit Art Center, í Winnipeg, Kanada, sem opnar nú í ár.

---

Asinnajaq an Inuk artist from Inukjuak, Nunavik. Her most recent film, Three Thousand (2017), blends archival footage with animation to imagine her home community of Inukjuak in the future. It won Best Experimental Film at the 2017 imagineNATIVE Film + Media Arts Festival and was nominated for Best Short Documentary at the 2018 Canadian Screen Awards. Exhibiting work in Canada and abroad, she is the recipient of numerous awards, including Toronto Film Critics Association’s Technicolour Clyde Gilmour Award. She is co-creator of Tillitarniit, a festival celebrating Inuit culture in Montréal. Asinnajaq is one of four curators working on the inaugural exhibition of the new Inuit Art Center in Winnipeg, Canada, opening this year.

Asinnajaq – Three Thousand (The Wildflower)

Hafnarborg – menningar- og listamiðstöð Hafnarfjarðar er staðsett mitt í hjarta Hafnarfjarðarbæjar, þar sem finna má líflega dagskrá sýninga, tónleika og annarra menningartengdra viðburða. Safnið er opið alla daga, nema þriðjudaga, kl. 12–17 og aðgangur er ókeypis.

---

Hafnarborg – The Hafnarfjörður Centre of Culture and Fine Art is located in the heart of the town of Hafnarfjörður, Iceland, where you can find a lively programme of exhibitions, concerts and other cultural events. The museum is open all days, except Tuesdays, from 12–5 p.m. and entry is free.