مزيج- تتذكر لما كنا اصحاب !؟

Hidden Messages

اول مزيج اعمله 
كنت اتمني لو كنت سعيدا 
لو حبتيني

زعلي طول انا وياك

- Written , Performed : Radwa Emam
- Music Composed , Mixing&Mastring : Carlos 
..
مش هراعي فضولكو و أحكي
مش هيفرق أية اللى حاصل
سيبوا أخطائي ف مكانها 
خلوا في بينا فواصل
اتركولى مساحة ارد 
خرجوا كل اللى جوا 
متسيبوش جوايا حد..
مش هحاول تاني أساعد 
مش بصاحب مش بواعد 
ومشاكلي بسيبها وأروح ف النوم 
بقي أقصي طموحي أعدي اليوم 
بـ أقل خسائر موجودة 
بعد اللى واجهته مع العالم 
"مش هطلع أبدا م الاوضة"

هعيش إزاي وحاليا بشر ظالمة
هكمل لية وأنا لوحدي!
ومحبوسة ف مكان ضلمة 
طويل... ضيق...
جميع أبوابه بتّزيق 
ملوش مخرج، ملوش اول 
وفيه فراشات بتتحول
معايا وحوش بتتحالف 
عشان تقتل وحوش تانية 
جراد عـ الأرض مِترَمي
بيتضايف مع الثانية 
متتخضش..
 مكان عادي ، وبنروحه
"أنا كان قصدي على الدنيا..."

صعبت عليك ؟ وشديتك!! 
هتتخيلني لو جنبك.. 
وتحلم اني حبيتك!!
هتطلب مني نتقابل..
هوافق يومها وهقابلك
وهخدك لفه جوايا 
أذوني ناس كتيير قبلك
وخلوني بخاف مني
مفيش ولا حاجة تعملها
بقت تنفع تطمني
فقدت القدرة ع الاحساس 
وبسكت اه وباخد جنب 
وببعد عن جميع الناس
هتتفاجئ بلعبي معاك على المكشوف 
ف هتقرر تسبني عشان اكيد هتشوف
صعوبه ما وصلت إليه 
هحس أنك بتبعدني 
هتنكر حدسي وتخبيه
وأبطل اجي على بالك
ساعتها هسالك مالك...؟
هتسكت وتسرح 
وتكتب وتمسح 
كلام مش هينفع تقوله بصراحة 
كأنك طبيب كان موافق يعالج
"وقرر وفجاه يوقف جراحة.."

متجيش تاني!!..
مش محتاجة يكون ف حياتي 
شخص أناني 
حد موافق أمسك نفسي
 وأفضل الومها 
وأسهر أعيد فـ كلام متقالش
 وأقلق نومها 
صدقيني...
كل مرة سِكت فيها كانت
 بتتنطق فيها عيني 
خوفي كان باين عليا!
قلقي كان عمال يطوف
انتي بس اللى معاكي 
شخص مش عايز يشوف
حد لعيب بالمشاعر
قولتهالك!  
حِبي أي حد عادي...
بس متحبيش ف شاعر!!
مش هتكمل قصة الحب
الجميلة اللى ف خيالك 
مش هيفرق عنده حزنك 
مش هيتشد لـ جمالك  
ساب بنات قبلك وكمل
انتي زي الناس بعيدة 
دخلك علشان يكسب سطرين 
وهيخرج منك ب قصيدة""""
هتعيشي حياتك مش واثقة
هتشكي ف سطر كتبهولك 
اللي أنتِ كسرتيه دلوقتي 
كان قلبي ياريت ما ادتهولك
هتعْدّي صوابعك ف سلامك 
هتشوفي خيانتك قدامك 
تفركي عينك وتقولي عادي! 
هتعيشي وقلبك مش راضي 
 يتحول اسمك تلقائي 
لـ "إنسان بيحاول ع الفاضي"

كتر خيرك... أقعدي جنبي
كان نفسي اقولك مش ذنبك 
كان نفسي اقولك مش ذنبي 
معرفش ازاي بتهوني عليه!!! 
ابقي قابليني ياحلوة 
وادي قلبي مقدماً 
لو عرفتي تطمنيه 
أو وصلتي لـ أي شيء
هتلاقيني هنااااك ، هنا 
"وانتِ بِتْعِدي الطريق.."

بعدي الخطوة وارجعها 
بحب الناس و أودعها 
بمثل أن انا كويس 
وباخد بالى من نفسي 
وانا بنفسي اللى بوجعها
بعاتب شخص مش مذنب
بخرج حاجة مش جوا 
يشوفو صحابي شكلي
 يقولو لا والله مش هو
بخاف كل أما بتليل
بـ أقضي حياتي بتخيل 
حاجات بليل...
 "ومبتحصلش"

وتسأل عني هيقولك
"هنا يرقد مغفل حب متحبش "
"هنا يركض ومبيوصلش "

قصيدة "هزيمة غير مُعلنة" | رضوىٰ امام 🍂🤍

(1) 
بارفع إيديا لـ الكريم بشويش 
وابدا صلاتي بركعتين لله 
الفجر أذّن بس أكل العيش
بيلم ناسه و شقيانينه معاه 
بابدأ وضوئي بدون ما اطلع صوت ..
يصعب عليا ان قمتي تتخضي
الفضه ممكن تتحفظ لكن 
بيجيلها حتما وقت وتصدّي 
والذكري دايماً كل يوم بالليل
تفتح مجالها لقلبي وتفضي
بادخل عنيكي وقلبي كله ذنوب 
والقاني خارج منها متوضي 
وكإن فيكي براءه م الاخطاء
او ان عينك مش مجرد عين
بتاخدني منك ليكي مش عارف
من فين تاخدني ورايحه بيا لفين
باسند عليكي وباسندك اوقات 
وبرغم ضعفك بس برضه ساعات
بتكوني حيطه وضهر مش مايل 
عايزاني اقولك اني عاشق ليه 
عاشق ولكن برضه مش قايل 
***********

( 2 )
مالك مسهم !! 
لا مفيش حاجه ..
شكلك منمتش من زمان جداً 
او نمت لكن نمت نوم زايف
عارف بقالي كتير بابان تايه
وافتح عنيا وببقي مش شايف
وبخاف اكمل في الطريق لكن 
بمشيه وبعمل نفسي مش خايف
وبسيب وبمسك في البشر اوقات
من غير مناسبه ودون وجود داعي
كان ليا شخص الدنيا طمعت فيه 
مسكت خناقه في وقت حاجتي اليه
ودموعه سابت حفره في دراعي

***********
flash back 

( 3 )

سرحان وعينك رغرغت بهدوء
غمضت نزلت دمعه مكسورة 
اللمة كانت واخده حد غياب
والصورة كانت خاليه م الصوره
ركزت جامد حبه في التفاصيل
فضحكت جداً بس لسه حزين 
غضمت تاني صحيت لقيت انك
قررت ترجع فجأه ست سنين 
" جرسون وشايل بين ايديه مشاريب / فنجان محوج جنبه شاي بحليب / واحد بيكره حد مش موجود / وحبيب بيعمل نفسه لسه حبيب " 

كل اللي فاكرة من المكان يومها
مسكة ايديكي الدافيه .. للحلبه 
من غير ما احس الدبلتين خرجوا
من بين ايدينا وبقيوا في العلبة
ازاي حصل او متي مش عارف
الدنيا وقفت دون سبب واضح
وكأن طوبه اتوجهت نحوي 
من غير ما احدد هي جاتني منين
والدمعه لما بتتحبس جواك 
قلبك بيبعت امدادات للعين
اتنين وعاشوا الدنيا شي واحد
دلوقتي رجعوا يكملوها اتنين
والناس بتدفع للكاشير حكايات
و بياخدوا دايماً وصل بالباقي 
يظهر بانه في وسط كوتشينتي
كان حد كاشف نص اوراقي 
وبيمشي سايب فيا شئ غامض
بالبعد يوسع والسنين متساعش
كل اللي مشيوا في سكتك رجعوا
وفضلت وحدك بس مبترجعش ..
والسكه لازم يبقي فيها فراق
عشان يكمل في الطريق تانيين
قضينا وقت كبير نودع ناس
ونسينا نفتح بابنا للجايين 
والدنيا تبدأ تسرد الاحداث 
وترد دايماً ع الوفاء بالغدر
اول ما تخرج ضحكتك للنور
تلقي المصور سابها بره الكادر
والدنيا تقلب فجاه ذكر وزار 
وروايه فيها ان البطل ممكن 
ينضم تاني لكفة الاشرار
والموت يوزع ورد ع العايشين
والجنه ترحم ذعر اهل النار
ونعيش جميعا دور محبه وسلم
وتفوق فتلقي ان اللي فات تخاريف
وان اللي شوفته يادوب مجرد حلم
خلوك تمثل دور بطل لكن ..
حتي البطل بيموت في اخر الفيلم
*****
( 4 ) ه
معظم مشاهد قصتك كانت .. 
تبدأ بـ هي و هي مش حاضره
درويش بيمسك سبحته وعشمان ..
يلقي اللي ضايع منه في الحضره 
عايش تدور عنها وسط الناس 
فازاي هتقدر تبقي ملك الغير 
الطير بيهرب م القفص علشان 
يثبت لنفسه بإنه فعلاً طير 
وانت اللي عاشق سجنها وزعلان
علشان بتسجن جوه منها سواك 
ف ازاي تقولي انك بقيت وحدك 
وفي كل حاجه بتبقي لسه معاك
فيه بنات تسيبك تبقي عادي تمام 
وبنات بتعرف تبقي نقطة ضعف
صرفت حزنك بس تعمل ايه
لو إن حزنك غير متاح للصرف
********

( 5 ) 

كل السكك كانت بتوصلك ليها 
ازاي هتنساها وانت اللي لو حبيت
كل البنات بعدها هيفكروك بيها 
وتلاقي لسه خطوط لايديها جوا ايديك
وريحتها بتغلف كل اللي بتشمه
شكلك سليم انما للحق من جواك
كسرت في قلبك شئ ما زالت بتلمه 
ومازلت مش قادر من يوم فراقها تعيش
هددت نفسك كل يوم بالموت 
وطلعت فالح بس في التهويش
درويش بيهرب م البشر للخوف 
ويخاف فيكره انه كان درويش

مصطفى عبدالرحمن
https://m.facebook.com/mostafaaboelaala?ref=bookmarks&refid=12

قصيدة درويش للشاعر مصطفى عبدالرحمن / إلقاء هاجر عبدالمنعم

Single

Omar Ahmed - في قلبي أنثى عبرية

راحت يا خال - أحمد يعقوب

#معجزة #كارم
 #sofi #originallMusic #Habibi #KARMMUSIC #rock #blues #softrock

Mo3gza

Mo3gza - KAREM | معجزة - كارم ( تعبان يا شيخنا من الحياة )

مزيج ما بعد منتصف الليل 🖤🎶

ولآن دلعك ف هواك آتلفك ولأن طمعك في هواك كلفك ولأن زهدك في النصوص ألفك صعب إنك انت تلقى مين ينصفك.. 

مُسلِم - كانت عيني وجعاني ( قصيدة أحمد الطحان)- انا المدلل من جميع احزاني

كلمات : ميدو زهير 
لحن : دينا الوديدي

تدوّر وترجع وجع واعتكاف
وتطبع عليك السنين العجاف
وأول ما حُبك يقابلك يسيبك !
وأول ما حُبك يسيبك تخاف

صنعت سجنك م الهوا ودخلته بإرادتك 
وإديت حبيبك نفسك، ما سألت فين حطك 
وإكمن كله أذاك قررت تعشق ملاك !
يا اللي عشقت الملاك حتى الملاك صدّك


Dina El Wadidi_Tedawar We Tergaa دنيا الوديدى _ تدور و ترجع

شاعرة
علك تلاقي نفسي هنا .. أو جوا سطر مكمِلش عمره ومات 
هنا ..
عشان بحب هنا وأتمنى تحبوه
وَمُرُورُ يَـوْمِـي يُزِيدُنِي عِـِشْـقَـَـاً... لَكّ إِلَـهـِـِي وَمَنْ غَيـْرُگ أَحَـَق؟!
__________________
- ツ الشاعرة هاجر عبدالمنعم ツ ღ
https://www.facebook.com/hagerabdelmonem.97

قصيدة درويش للشاعر مصطفى عبدالرحمن / إلقاء هاجر عبدالمنعم

hager_abdelmonem

Recent comments

omaar

Di Na

Related tracks