sofy

كلمات : نجيب سرور


حلـّوا المراكب مع المغرب و فاتوني
عالشطّ واقف بلا مركب و فاتوني
ساعتها قلبي شهق
يشهد عليه الشفق
ساعتها أنا قلبي شهق
يشهد عليه الشفق
بيني و بينك بحور الغربة يا داري
يا ناري يا ناري ما تطفي البحور ناري
الطير ده مين هشّو
عالريح بنى عشو
يا عود ريحان أخضر
و الغربة بتحشّو

صعبان عليّ يا قلب الورد يا صغيّر
و الله ده كان بدري تتلوّع و تتحيّر
لفـّيت أنا لفـّيت
في الغربة ما خلـّيت
بلد تشيلني و بلد ترميني تاني البلد
عواف عليكي يا نخلة مظلـّلة عالباب
راخية الضفاير و حاضنة الأهل و الأحباب
مسا التماسي يا ناسي
ما تصدقوش اني ناسي

يا سهرانين في القمر
ليل الغريب ظلمة
يا عيني يا ليلي
لا قنديل و لا نجمة

مناديل دي والاّ قلوع
و ده بحر والاّ دموع
خدوني يا راجعين
فايتينّي ليه و لمين

حلـّوا المراكب مع المغرب و فاتوني
عالشطّ واقف بلا مركب و فاتوني

حلو المراكب - الشيخ امام

كلمات : احمد فؤاد نجم
    الحان : الشيخ امام



مصر ياما يا بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

الشيخ امام - مصر ياما يابهيه (جوده عاليه | Sheikh Emam - Masr Yama Ya Bahya (HD)

اللي يخبي القول ما يبقاش ولد - محمد حمام

المونولوج لسيد درويش , كلمات امين صدقي بصوت سيد مكاوي 

والله و تستاهل يا قلبي - سيد مكاوي

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام


ابعتلي جواب .. وطمني
ولو انه عتاب .. لا تحرمني
ابعتلي جواب ..
ابعتلي جواب .. وطمني ..

غيابك طال .. وبستنا
وقلبك مال .. تتهنى
ان كنت هويت ونسيتني
وعلي جنيت ما رعيتني
ابعتلي جواب ..
ابعتلي جواب .. وطمني ..

صبرت عليك .. وذقت مرار
وبعتٌ إليك .. اخبار واخبار
اتاريك نسيتني مع الايام
ورضيت تفوتني على الألام
ابعتلي جواب ..
ابعتلي جواب .. وطمني ..

انا ليا إله يعرفني
من حر الآه ينصفني
موش قادر اقول انت الجاني
حـ اصبر على طول على احزاني
ابعتلي جواب ..
ابعتلي جواب .. وطمني ..


Envoie-Moi Un Message - Hassan Haffar (ابعتلي جواب)

ليالي - الشيخ أحمد برين

live, from The Truffaz Quartet Paris Tour
L'europeen with Mounir
December 10th 2007

يا نسيم الورد خبر للرشا .. يا نسيم الورد خبر للرشا ﻿ 
لم يزدنى الورد إلا عطشا

أنا من أهوى .. و من أهوى أنا ..
نحن روحان حللنا بدنا .. 

نحن مذ كنا على عهد الهوى .. تضرب الأمثال في الناس بنا
أيها السائل عن قصتنا .. لو ترانا لن تفرق بيننا 

أنا من أهوى .. و من أهوى أنا ..
نحن روحان حللنا بدنا .. 
روحه روحي .. و روحي روحه
إن يشأ شئت .. و إن شئت يشأ 

شعر الحلاج

Erik Truffaz & Mounir Troudi - Flamingos - الحلاج - منير ترودي


أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه

شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية


اجمل مربعات ابن عروس - فرقه الورشه

الشيخ إمام - أنا في انتظارك

هو صحيح الهوى غلاب - من حفلة تونس
بيرم التونسي - زكريا أحمد

الشيخ إمام - هو صحيح الهوى غلاب

قد ايه الروح تميل
و النغم يطلع جميل

غنوة سلام - الشيخ امام (تسجيل نادر)

قَدْ حلَّ حُبُّكَ في قلْبِي بمنزلةٍ
يا ربُّ فاقتْ ما قد جاءَ في الكُتبِ
كم   لي بفضلكَ من أُنْسٍ  يعمِّرُني
والنَّفسُ يملؤُها شيءٌ من الطَّرَبِ
دين الهِداية والإيمان أعشَقهُ
والنورُ في قلبي قد شعَّ  كالشُهبِ
ربِّ لبابك قد وجهت مُنطَلقِي
كي أستظلَ ببيتٍ واسعٍ رحِبِ
أسعى أطوفُ وحُبُّ اللهِ يملَؤُني
والشوقُ يدفع بي للمُصطفى العربي
خير البَرَايا رسولُ الله مُنذرنا
ومُذهِبِ الهم  والأحزان والتعب
وهو الشفيع الذي  يزهو  بأُمته
مَن سار في ركبِه مُتيقنا يُطب

Download Link:
http://www.4shared.com/mp3/Jsy_64Hz/___online.html?

قَد حَلَّ حُبُّكَ في قلبي بمَنزلةٍ

موسيقى فيلم المصير 
بطولة نور الشريف 
اخراج يوسف شاهين

موسيقى الفيلم من الحان كمال الطويل و يحيى الموجى



ابن رشد

البحر بيضحك ليه

وانا نازل ادلع املا القلل

  البحر غضبان ما بيضحكش

أصل الحكاية ما تضحكش

البحر جرحه ما بيدبلش

وجرحنا ولا عمره دبل

  مساكين بنضحك من البلوة

زي الديوك و الروح حلوة

سارقاها من السكين حموة

و لسة جوا القلب أمل

قللنا فخارها إناوي

بتقول حكاوي و غناوي

يا قلة الذل أنا ناوي

ما شرب و لو في المية عسل

والبحر بيضحك ليه … ليه

وانا نازل ادلع املا القلل

  ياما ملينا وملينا

لغيرنا وعطشنا ساقينا

صابرين وبحر ما يروينا

شايلين بدال العلة علل

  والبحر بيضحك ليه … ليه

وانا نازل ادلع املا القلل

في بالي ياما وعلى بالي

واللي بيعشق ما يبالي

ما يهمنيش من عزالي

يا حلوة لو مرسالي وصل

والبحر بيضحك ليه ليه

وانا نازل ادلع املا القلل

بيني وبينك سور ورا سور

وانا لا مارد ولا عصفور

في إيدي عود قوال وجسور

وصبحت انا في العشق مثل

والبحر بيضحك ليه

وانا نازل  ادلع املا القلل

كلمات : نجيب سرور  

ليالي - الشيخ أحمد برين

HagrasBeeh

Recent comments

العَلَم🏴

Rodina

Nada

sameh lashin

Related tracks