المشي كان صاحبي الوفي
بتعب ولايسيبنيش
كان مستعد يقضي باقي العمر ويايا 
ونزور شوارع وناس
مابتزورناش
ونغني روحنا 
ف عز الدنيا مابتشتي لمض حمرا 
وتملى الأرض بكلاكسات
ولأني فاقد شيء
ماقدرتش ادي لاي كائن اي حاجة
م الصبح كل الحواري تبصلي 
بيشبهوا عليا 
وانا مش أنا 
بيدققوا وكأنهم عارفينني 
وكأنهم
وانا بتجاهلهم 
وكأني حر
بخطي ع الرصفان كأني بحجل
وبهلفط بكلام كأني بغني
وبفتكرك
كأني بنساكي
وكأني لوحدي 
وكأني بهرب
وكأني
..
بلم باقي الأكل ف الشنطة
واشيل بواقي الوقت ف جيوبي
واخاف من ان الفلوس الباقية ماتكفيش
بحاول اعيش وابان للناس كأني بعيش
..
القطة اللي حنت عليا وحنت لي
من كام دقيقة اتمطعت على كرسي تاني 
لنفس ريحة الجبنة 
والشفقة 
والقهوجي اللي عاملني أحسن من صحاب البيت 
طلع لسوء حظي ونباهته 
معاه مفاتيح الزباين
والشاحن اللي ربطني جنبه ف حتة ماعرفهاش
كفاني بس لحد ما اوصل قهوة تانية
والليل معاه تصريح وباقي لفيلم سيما
وانا
 مش باقي مني الا فورة خوف
حر لكن مت وحدي انا والظروف
ومش معروف
لحد من اللي ف الشارع
ضلي اكتر ألفة مني على الحيطان
وبردان
لابس ف جلدي كوم هدوم حران
وعيان
 ماحنش عليه الميكروباص غير  بالمكان والباقى 
..
بيني وبين ضحكك زمن
وكأني بقدر حتى على نفسي 
..
اتنين بس 
بعرف ارمي نفسي ف حضنهم
لكن انتي مش منهم 
وانا برضو مش منهم 
وعشان كده خايف
الوحدة زي ما هي حرية وخيال
وحكاوي مش مع حد
سجن
بتمشى واشحت حد يعرفني 
    يسألني مالك
- حبة مشاكل
شغل
وسنين بتتسرسب
ورصيد ف بنك كأنه كيس مخروم
بهدى وبزوم
بهدى وبزوم
وارجع كأني مفيش
قفل البيبان مش حل غير ع الخل
كسر الكلام مش حل غير ع الخل
قطع الطريق مش حل غير ع الخل
اسف يا خل
اسف يا خل
والله اسف كنت فاكره الحل 
وان الحلول مواعيد
وفيه باقي
..
" الاجرة كام "
" الرمل ياسطى "
" شكرا "
" فيه فيلم (اسم لفيلم مش مشهور)"؟
" واحد "
كان نص فاشل وسط كون جاحد
وكأني بشلب دم ع المسرح
وكأني بضحك زي لمعة كاس
او زي ليل ف الزحمة وسط الناس
اعرفها تعرفني
تسألني مالك
اكمل الديالوج 
" مافيش "
يديني باقي فلوس ومابعدوش
ايه اللي عندي هيبقى له باقي ؟!
 ..
هسكت هنا 
مش راحة مني وحابب القفلة
لكن عشان خايف يفوتني الفيلم !

حفلة اتناشر-شعر أحمد السعيد-القاء صفاء أبوصبيحة

جفنه علم الغزل - محمد عبد الوهاب

اشعار صلاح جاهين 

الحان : سيد مكاوي 

غناء : ساميه جاهين 

البيانولا _فرقه اسكندريلا

يا قبضتي، دُقِّي على الجدار، لحد ليلنا ما يتولد له نهار.. 
يا قبضتي، دُقّي على الحجر، لحد ما تصحّي جميع البشر..
لحد ما تتفسر الأسرار.. 
مش فاهم اللي حاصل، لكن بقلبي واصل.. 
واللي مش فاهمه عقلي، بتشرحه السلاسل.. 
يا قلوب بتنزف دم في العتمة،يا قلوب بتنزف دم وتغني..
سجنونكى و الكلمة،والكلمة غصب عنها وعني،طلعت من القضبان و مالأسوار

الأبنودي

يا قبضتي دقي على الجدار -من فيلم البريء

ممنوع من السفر - سعيد صالح - أحمد فؤاد نجم

باستنظرك
كلمات: احمد فؤاد نجم 
ألحان: الشيخ امام 
_______________________

باستنظرك رغم القساوة في منظرك
لحظة هروبك يا رباب م الحب لما استنصرك
باستنظرك

باستنظرك 
رغم الشـــــتا والبرد والرعد المخيف
باستنظرك
ف الشارع المشغول باوحال الرصيف
أنا اصلي حاســــب موعدك  وعارف اللي بيبعدك
وأنا اللي خابر تبقي مين وأنا اللي صابر من سنين
وباعدّ لك مطرح ف بســــتان الامل 
وبامدّ لك وف كل خطوة 
أمدّ لك ايدي اللي شققها العمل

مدي الخطاوي يا حبيبتي وقــدّمي
وان كنتي خايفه م الطريق اتبسمي
يا شــــمس ياللي ضحكتك قمر ينور ســـكتك
أنا اللي عشقك عزّني وانتي اللي عشقي ستتك

باستنظرك يا جرحي يا حلمي العنيد
باستنظرك   يا مصر يا حبي الوحيد
وحتيجي يوم وتصدّقي 
عشقي الأصيل وتحققي 
حلمي الجميل  وتزوقي 
عمري اللي ضاع مستنظرك 
باستنظرك



باستنظرك- الشيخ إمام

من أحسن النسخ التي يؤدي فيها مولانا اغنية دولا مين (رغم رداءة التسجيل) الاّ أن تجلّي الشيخ واضح

دولا مين

صندوق نحاس - فرقة بساطة ، غناء : إيهاب عبد الواحد - ماريز لحود 

Basata Band - Sandu2 Nahas صندوق نحاس - فرقة بساطة

اسكندريلا - أغنية لشهداء محمد محمود.mp3

إلى متى سنقاوم

سامع صوت الجماهير-فابريكا باند

ben turkiye seviyorum 
ve  muzik dinlemek
ve film izlemek
ve kitap okumak  :)))

البيانولا _فرقه اسكندريلا

Haidy.Emara

Related tracks