سوداني

مصطفى سيد أحمد والخالدي وسيف الجامعة - قلبي مالو اليوم - عود وإيقاع

عاطف السماني - طريق حبك

بين اليقظة والاحلام .محمود عبدالعزيز

محمد الامين اشوفك بكره في الموعد

معتز صباحى - صورة وصوت

Did you know
Did you know
That I love you
I love you so
Through the fire
Through the rain
Through the joy and through the pain
Did you know
Did you know....

Did You Know

مختارات من أجمل ما غنى فنان افريقيا الأول الموسيقار محمد وردي



محمد وردي - صدفة

الحان من التراث السودانى وعلى وجه الخصوص الحان شعبية من قبيلة الحمر التى تقطن غرب السودان 


نانسى عجاج - اندريه

ألقاك وين وتكوني لي 
والنيل يدفق أأف نهر علي ايدي 
ينتشى ويجمع ضفافو 
المويه تفتح الف منفذ للنخيل.. ما عرقو حي 
المستديم .. طعمك سديم .. 
حسيت خطاك..  ..الكان قديم مالسه حي 
وأنا يا نضوج وجد الثمر 
خليك ودود .. زي الورود.. 
ما الريد صبي 
والشوق مقاديف... سوق 
تهجس شواطيك... روق 
مدد مرافيك لي 
قمم الجبال قندول 
فك المريق الريق .. 
النيل طمح ضهرو 
أدي الصحاري الري 
رجعن طيور غايبات 
فوق الجناحات غيم 
بيناتا شايله خطاب 
موال غُنا وترنيم 
مظروف وكلو ظروف 
مفتوح علي الشارع 
وبوابة امدرمان... 
مركب مراكبيه.. محبوبه روحك فيْ 
ي ألأف نهر ونيلَ 
يا ضل مقيلنا قبيل.. المويه ماليه الصي 
لا ضفه لا شطآن 
مطره وخريف ونزيف 
وعلي امتداد الروح 
يالون سما الوجدان 
مركب حبيب وحبيبه 
سوُّوا العشق مقداف 
قدفوا الوصول للريح 
كشفوا الغروب بالضو 
طلع الشروق مشروق 
لكنو مازال حي. 


الف نهر ونيل -قاسم أبوزيد - الهادي حامد - نانسي عجاج

يا زمن وقف شويه اهدى لى لحظات هنيه
وبعدها شيل باقى عمرى شيل شبابي وشيل عينيّ

يا زمن رفقاً بحالى بي حبيب عمرى المثالى
بي سعادتو وبي هناهو بي شرودى وانشغالى
بي احاسيسو ومشاعرو وكل خاطر في خيالو

يا زمن ارحم حبايب لسه فى عمر الزهور
يا زمن جود عليهم بي دقايق قبل ما تعدى وتمر
ينهلوا فيها الدنيا فرحه نشوة من خمر السرور

يا زمن انت جاى فى النهايه جاى ما عارف البدايه
يا زمن جاى تجرى انت ما عارف الحكايه
بين حبايب عاشو فتره ومن لقاهم اسمو آيه 

نانسى عجاج  يا زمن

حسين الصادق- سَلِمِي عشان ارد السلام

طواقي الخوف 
 للشاعر : محمد طه القدال


ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
……
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.

وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب

الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.

والأرض موقوت القنابل
في الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم في المنصات
والشراكة الفي
المكايد
والخناجرفي الحناجر
والمنابر ..
آه من تلك المنابر،
إنداية كرتلة وبنابر
والجرايد
داقة طارات المدايد
الصَدَق في الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب؟
واللي بنى الأرض كان في الفرض سوداني
عيني عليها
اتمزعت
حتة في قلبي
وحتة ف غصتي .. تاني
آدي اسرائيل في النيل
بكِّيني ولعبطني
والنيل أدنداني
إحنا حبايب في الطيّبة والآه؟
آ.
غنيلي ورقصني ؟
طيب.
بسِّ سمعني آه الآه في وداني.
***
أنقد السُقا وما بينصلح وكَّايو
وانكشح اللبن ما بينفعِن بكَّايو
بعدن بى الدروب مابقصِّرِن تكَّايو
والشاكي النقاص ناقص قمح شكَّايو
***
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض ..

***
يدر الله يابسلوكة
سلوكة الجزيرة
كل يوم فينا بتنتش
سكك الحديد بي كم؟
بي كم بيت المفتش؟
والبيع بيعة عدوكا
بعت الأرض بترابا؟؟
باكر تبيع أبوكا
وان مُتْ من تُخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا.
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
حمدتكم بالجاية
والجاية فوق الجاية
وعسكري الجباية
قلبو الحجر اللداية
***
بشرتكم بالسادة
والسادة بعد السادة
وجرادة فوق جرادة
من دوكة لام كدلدة
***
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***
بشرتكم بالتوية
والصبنة لي الدامبوية
في الحلة دي ام كدوية
ما تقعدوا شدرة موية
***
والأرض لا حليوة
ولاها دي الجزيرة
الأرض أمات الحنين
لو نقط الضحوي البريق،
في الحين تبتق شهوتِن.
تحبل
كما الأمات
وتشرق بالوحم
لو تسعة الميلاد بتمرق بالسنين،
أو دي الشوارع بالبنات متحينة،
ترسل تراتيل الخروج في يوم
وتقطع سرتِن.
الأرض تعريف الهديل
هدل الحمام بشري
وشوق السلام انسان
بالحيل بيعرف أنَّتِن
والأرض شافت
إلا خافت
من عيون الليل
تناجي حبيب
غريب في الليل
وتفرز غنوتِنْ.
زي بذرة في جوف الأرض
أو ضحكة عند طرف القلب
بتغني لو جات في العيون
والضحكة لاقت مرقتِن
الأرض منصوص الضمان
حضن أمك الدافي وأمين
ريحة حبيب
جاياني من شمة حبيبتي وكرفتِن
لو جاتا في يوم الهموم،
في الحين تزغرد فرحتِن.
أو حرقصت فوقها السموم،
باكر تهبهب نسمتِن.
والأرض ما بتعرف تنوم
ترتاح
وغابت جمتِن
بس تدِّي مدين للعديم
بالمدة تحفظ ذمتِن
***
هن مارقات خلاهِن
ما مارقات بَراهِن

لي بصاص حِداهِن
إو قصاص بِراهِن

هن مارقات تراهِن
تريانات تراهِن

الخوف ما حَماهِن
من شوفة حِماهِن

طمانات جناهِن
بي لبنا معاهِن

يوم الشينة جَاهِن..
مرقن ليهو جَاهِن

بالعز المبطَّر
والزوق الشَفاهِن

لا حايدات مداهِن
لا قايدات عماهِن

وما كشحن بلاهِن
فوق زولاً أباهِن

لو الضيم رماهِن
هِنْ ياهِنْ
وما هِنْ.
***

وانا لا بجيب سيرة الجنوب
لاني زول بالمرة خايف
إلا شايف
إلا شايف
إلا شايف
***

أنا شايف المطر
يتحاشى الضهاري الراجية قولة خيرا
وانا شايف المطر
يمشي على الصحاري تلمو في بشكيرا
وانا شايف العشم
يتناسى العشامى ونيما ياكل نيرا
وانا شايف النفس
تتذكر نفسها وتنسى يوم حديرا
وانا شايف البلد
الطيب جناها وقمنا في شدِّيرا
…
…
شاحدك يا كريم
لا تحصل خراب لا أرجى يوم وديرا.

طواقي الخوف

شقى ومجنون    نانسي عجاج

مصطفى السني**يازاهية

رفقـــه 
الشاعر يحي فضل الله
 الحان ضياء ميرغنى 
غناء نانسى عجاج
----------------------
يا رفيق الهجعه
والليالي النجعه
في شروق النجمه
والقمر الصديقك
مين رفيقك ... مين رفيقك
التقتني يا صديقي 
في الدروب الما بتجيبك 
دفئ حضنك بالأغاني 
كلما يضهب طريقك 
وامسك الجمرة البتبرق
بين رمادك 
وبين حريقك 
رافق الدمعة البتعرف 
شاسع الحزن البعيقك 
لو فضل في العمر خطوة 
وسع الأحلام 
واهرب منو ضيقك
لي براح في الشوق بيتاوق 
من شبابيك غربة حبيبك 
ياخي سيبك 
من متاهات في الخواطر 
والمشاوير التشاتر 
ياخي سيبك 
هي ضلمة وانت عارف 
ضي بريقك 
برضو عارف 
قبل ما تختار طريقك 
ابقي واثق من رفيقك 
وامسك الجمرة البتبرق
بين رمادك 
وبين حريقك 
مين رفيقك
مين رفيقك 
غير شجن 
واشواق 
ولوعة 
وشحنة الحزن البصيبك
مين رفيقك 
انت عارف سر عشيقك 
كلما اتخمر عتيقك
مين رفيقك
ياخي سيبك 
من سليبك 
ومن سريقك
ياخي سيبك 
وابقي فتش عن طريقك 
يمكن الاحزان تسيبك

معتز صباحى - صورة وصوت

السنهوري🇸🇩

Recent comments

Sayed Attia

خالد سيد

ابازر والعمده

Tahir King

Related tracks