عصرنا لمونا و قلنالو ااه

bassem youssef

لو علّقُولي مشْنَقَه
أو حتى مليون مشنقه
حوالين رقبتي ح افُكَّها
واخُدْ حِبالْها ألِفَّها ..
واصْنَع قَلَمْ ..
يِكْتِبْ حروف مِتْشَوَّقَه ..
لِساعِةْ خَلاَص 
********
لو يِزْرَعولي ف سِكِّتي ..
سكاكين تِمَزَّع خطْـوِتي
ألْغام تِفَرْتِكْ قِـلوتى ؛
مشْ راح يفوزوا بْسَكْتِتي ،
مش راح يفوزوا بْسَكْتِتي .. !!
***
ولا يوم ح اتُوب ..
حتّى ان خادوني ، وِكَفِّـنوني .. بألْف تُوب
أو حتى هِدْمَه ممزَّقَه
ح اكتب بِدَمِّي على الكَفَـنْ ..
أشعار بِتِحْكِي عن العَفَـنْ ..
وعن الأمان اللي انْدَفَـنْ .. !
***
ولا مُوت ح اموت ..
حتى ان رَمُونِي في التّابُوت ،
وِدَفِّنوني في التراب ؛
ح اكْتِبْ بِعَضْمِي على التراب ..
أشعار بتِحْكي للولاد ..
قِصِّة كِفاح كُلّ البلاد ..
وح اعيش حياتي ف دُنْيِتي ..
أكتب وأكْتِبْ كِلْمِتي
بحروف أنين مِتْشَوَّقَه .. لِساعِةْ خَلاص
بحروف كَلام ..
صرْخاتُه أقوَى م الرصاص . 

الشيخ إمام - لو علقولى مشنقة

ترنيمة مهابة إيزيس

أصابك عشق أم رميت بأسهم - فما هذه إلا سجيّة مغرمِ
ألا فاسقني كاسات خمر وغني لي - بذكري سليمان والكمان ونغمي
فدع عنك ذكر العامرية إنني ـ أغار عليها من فمي المتكلمِ
أغار عليها من أبيها وأمها ـ إذا حدثاها بالكلام المغمغمِ
أغار عليها من ثيابها ـ إذا لبستها فوق جسم منعّم
فواللّه لولا اللّه فواللّه ـ لولا اللّه والخوف والحياء
لقبلتها، للثمتها، لعضتها - لضممتها بين العقيق وزمزم
وان حرم الله في شرعه الزنا﻿ - فما حرّم التقبيلُ يوماً على الفم
واذا حرمت يوما على دين محمدٍ فع\را يا رسول الله- فخذها على دين المسيح أبن مريم
أعدّ الليالي ليلة بعد ليلة ـ وقد عشت دهرا لا أعد اللياليا
أصلّي فما أدري إذا ما ذكرتها - أإثنين صليت العشاء ام ثمانيا
عشقتك ياليلى و إنت صغيرة ـ وأنا ابن سبع ما بلغت الثمانية
يقولون ليلى في بغداد مريضة ـ فياليتني كنت الطبيب﻿ المداويا
يقولون عنك سوداء حبشية ـ فلولا سواد المسك ما انباع غاليا
بلغـوها إذا أتــيـتم حـمـاهـــا - أنني مت في الــغـرام فــداهــا
وأذكروني لهــا بــكل جـمـيــل - فعسا تحنّ عليا عساهـا
واصحبوهــا لتربـتي فعظـــامي - تشـتهي أن تسحقها قـدماهـا
إن﻿ روحي من الضريح تناديها - وعيني تسير إثر خطاها
لم يشفني يوم القيامة ـ لولا أملي انني هناك اراه

Hani Dahshan, أصابك عشقا

the come back of the Amazing Bassem Youssef show AL barnameg - Halawanymusic


Bassem Youssef - ba3d el thawra galna ra2is - باسم يوسف - بعد الثورة جالنا رئيس (download enabled)

أغنية باسم يوسف الجديدة في أولى حلقات برنامج "البرنامج" على MBC MASR

Bassem Youssef - مبسوطة يا وطنية شمتانة يا شرعية

bassem youssef - 7elfi elmaghol باسم يوسف - حلفي المجهول albernameg البرنامج

الدور من ألحان الشيخ سيد درويش

دور (أنا عشقت) - علوان

بيقولولي توبي [صباح] - محمد سامي & مصطفى الزاهد

لو سألوك [وردة] - محمد سامي & مصطفى الزاهد

6 - 1 من

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

قصيدة العمة يامنة ـ للشاعر عبد الرحمن الابنودي

ما قلتلكش ان الكترة لابد يوم تغلب الشجاعة

واديك رأيت كلام الامرا طلع تمام ولا فيهشى لواعة

غيرشى اللى كان هالك ابداننا ومطلع النجيل على عيننا

ان فهمى يكره حنا وايش دخل دول يا نا بس ف ديننا

دخل بناتنا اللى موقعنا فى بعضنا وراح لك متصدر

فقسنا لعبته واتجمعنا لا يضيع شرفنا الله لا يقدر

عاديك على اللى ادت له الدنيا وش وبقى له تركة ومتاعة

تشوفنا احنا تقول حنفية وتشوفه هوه تقول بلاعة

عايشين فى وادى النيل نشرب من عدادات على مللى وسنتى

من جاز لملح ومن سكر وترموايات لخواجة تريانتى

ربنا ما يوريكشى دوختنا الجيب نضيف اما البيت أنضف

والهدمة دى اللى على جتتنا محجوز عليها دى عيشة تقرف

لحق كله على الاغنيا إحم يا فرحتنا بشطارتهم

ملهيين فى روزا وماريا والسف نازل على امتهم

إمتى بقى نشوف قرش المصرى يفضل فى بلده ولا يطلعشى

انتوا بمالكم واحنا بإيدنا دى الإيد لوحدها ما تسقفشى

فرقة بهية - الكتره حفلة - #سيد درويش  Bahiyya - ElKotra Live - #Sayed Darwich

عيش اخوان - برنامج البرنامج

محمد منير- دنيا يا دنيا

E5trnah - Bassem Youssef

║ الموسيقى تجعلنا تعساء بشكل أفضل ║


E5trnah - Bassem Youssef

Hamada S. ELkhalafy

Recent comments

user865922961

nadine hamed

Related tracks