قصيدة من التلميذه الي الاستاذ:
تاليف:احمد عزت السعودي 
القاء:احمد عزت السعودي (برضه)

تعلمت علي يديك يامعلمي حل الالغاز...ولكني شاهدت يوما علي التلفاز..ان محصولنا العربي يوشك علي النفاد..فتسألت هل عروبتنا كانت ام مازالت تكون !...ام ان التحدث عنها الان درب من الجنون...وتذكرتك يامعلمي حين قلت لي : ان العرب اخوه..تجمعنا النخوه...واننا اصحاب الشيم الاصيله...والاخلاق الجميله...ولكني اري اليوم العرب يسرقون..ويظلمون..ويتخلون عن دينهم الذي كانو به يتمسكون...بل يسخرون من حقوق اخوانهم وبها يتلاعبون...ورايتهم ايضا يتحالفون مع كل الاعداء حتي الصهيون...هل هذه يامعلمي العروبة حقا..ام انكم كنتم تكذبون...اعلم يامعلمي ان الخير فينا اصيل..وان الشر علينا دخيل..ولكني اري العرب يقطعون بينهم كل سبيل...حتي ظننت ان العروبة كقصص الحب الفاشله...التي يتداولها المراهقون....تلك التي كنت تحذرنا منها وتقول..عندما تكبرون ستعلمون انها تفاهات وتلعنون...يامعلمي انا اجهل هويتي...تقولون اني عربيه وانا لااري حولي غير ملامح غربيه...فاين هويتي؟؟...ارجوك يامعلمي اجبني هل العروبه كانت..ام مازالت تكون

من التلميذة الي الاستاذ

قصيدة:انا ايه..انا معرفش 
تاليف والقاء:احمد عزت السعودي 
انا..ان كان كلامي صح فيمكن يكون غلط...انا عقلي احيانا ميزان وساعات حجر او زلط...انا زاهد جداا في الدنيا..انا تايه جداا دلوقتي..بفكر في حاجات دايما تشغلي في عقلي وف وقتي...انا ايه حقيقي انا معرفش...ساعات جبان جداا..وساعات مابخفش..ساعات احب الحياه جداا وساعات مابعش..انا اسف علي حاجه لسا معملتهاش...وفخور جداا ببكره مع انه لسا مجاش...وفي يوم صادفت نفسي وسالتها انا مين؟؟..قالت:انا مين مايعرفنيش..انا ليل ونهار..انا صبح ومسا..انا حبة حنان وشوية قسا ...وكلمه جارحه وكام كلمه كويسه..انا مين ميعرفنيش..انا الكل انا مفيش..انا الفوقان في قلب منه الحشيش..مين مايعرفنيش ...وسالتها ايه احلي حاجه حصلتلي؟ ردت وقالت:احلي حاجه حصلتلي...لسا ماحصلتش..اكدب واقول انا عيشتها..وهي لسا ماجتش...احب الناس كلها...واتعلق بحاجات مش وقتها...وازعل من حياتي اكمنها...الفرح فيها مسالة وقت وانتهي..وحزني انا اتعودت عليه ..انا ايه..انا معرفش !!

انا ايه انا معرفش

قصيدة وحداني
تاليف والقاء: احمد عزت السعودي 

غمض عنيك..سد ودنك..واسمع بس صوتك...اتخيل ان كل لحظة موت هي موتك...فتح تاني ..اسمع تاني..عرفت بقي كام حاجه وخداك لدور تاني مش دورك...تعالي معايا نحلم قبل مايحرمو الاحلام...تعالي ندردش نغني ونقول اي كلام...وماتنساش وانت ماشي تقولي سلام...وامانه عليك لو لقيتهم بيبعو حريه اسالي بكام؟...وابقي اسال عليا لو قالولك حتي جالو زكام...انت عارف اني لوحدي ع طول.ماتسبنيش بقي للايام...ماانت عرفني ضيعت العمر انا في الاوهام...انا سفرت بعيد وقلت انسي..فتحت عنيا لقيت نفسي هنا لسا..انا ماشي في سكه ورا سكه..بعدي باب ورا باب..انا وانت لينا كتير صحاب..ولينا قليل احباب..اوعاك تهجرني وتفتني..وتقولي الدنيا وخداني..وتقولي هجيلك والله بس في يوم تاني...اوعاك تبقي ذيهم اناني..ماانت عرفني ياصحبي وحداني....انا وانت مع بعض عشره..متشابكين ذي صوابعي العشره...ده اللي بنا بير حفرناه سوا مش قشره...وان جيت في يوم مالقتنيش.استناني ..وان طالت غبتي وحياة ابوك ماتنساني..وان دلوك يوم ع قبري..اكتب عليه قبر صاحبي الوحداني !!

وحداني

تاليف والقاء:احمد عزت السعودي 
اهداء الي:الورده التي لم اذق منها غير شوكها

انا وانت ماشيين في السكه جنب بعض...انت ماشيه براحتك ع اخر..وانا من يوم مابدات بشب نفسي اجيب السكه من الاخر.. طول عمرنا بنتشارك في حاجات ماينفعش فيها المشاركه !.... ورغم بعدنا الكبير عمرنا ماافترقنا...طول عمرك تحبي النوم..وانا ع طول بنام صاحي !...طول عمري بنام مهموم..وانت بتنامي عشان ترتاحي!....انا وانت حكايه غريبه..بيجمعنا دايما سراب...كل واحد عارف التاني كويس..بس بنتقابل اغراب...انا وانت اتقاسمنا الحب والحزن بس القسمه مكنتش بالعدل...طول عمري معاكي ذي الطفل..متعلق ببلونه طايره بعيد..وبعدها طول..وف الاخر بيكتشف ان البلونه مكنتش ليه من الاول!...ع طول فاكرك في ساعة الفجر..وبحبك جداا وقت الهجر...قالو زمان..عيش في الدنيا..كانك دخلت من باب ..خرجت من اللي وراه..ويابخت من كان له حبيب بين البابين يلقاه...وانا رغم اني قابلتك لسا بستناه !...جربت عشانك ميت شخصيه..جربت اكون حكيم..ساعات لئيم..ساعات ذكي جداا..ساعات غشيم...ورغم اعتزازي بنفسي الا اني حاولت اتغير..حتي لو هرجع بعد الشنب عيل صغير..ورغم ده كله لسا بعافر..وماسك في خيط الحب بميت حافر..انا خايف عليكي بس بعد الحب من الندم..وان القصه اللي متكتبش اصلا تصبح عدم..ولو كتبت عنك كلمه غير بحبك..فتاكدي اني بعدها كسرت القلم..!!

انا ...وانت

"من خواطري :"رسالة الي لا شئ
تاليف والقاء:احمد عزت السعودي

رسالة الي لاشئ

دعونا:
تاليف والقاء:احمد عزت السعودي 

dr. az

Popular tracks