1:00 🖤

To: O.
----------------------
سمعت نقطة ميه جوه المحيط
بتقول لنقطة ماتنزليش في الغويط
أخاف عليكى من الغرق .. قولت أنا
ده اللى يخاف من الوعد يبقى عبيط

نقطة مايه - صلاح جاهين

مزيج ما بَعد البُعد - فات المعاد

مد و جزر -الابنودي -- فنان الثورة

بالليل الناس تخاوي
حبايب من خيالهم
حتى اللي قلبه خاوي 
يمشي يجُرّ في شكَلهُم 
يمكن بالصدفة ليلة 
يلقاله حبيب هناك

رامي وفا | حبايب من خيالهُم

من يوم ما وعيت ع الدنيا 
وحاسس 
إن مافيش في العالم حاجة اتكتبت ليّا ..
واني قريب جدًا هبقى لوحدي
وان إيديا 
لا يمكن تمسك قطرة مَية ..

وان بقالي سنين في الشارع بجري ..
جايب أخري 
لكنّي فـ أي حديدة بفُوت ..

وان لقلبي عينين .. بتشوف من بدري ..

واني هموت في الآخر خالص
بعد ما كله يموت ..

واني خلاص 
مش عارف اكون مبسوط ..
مهما عملت ...
.
مهما شربت ومهما أكلت ..
مهما الدنيا تجاوب ليّا على اللي سألت ...

مهما الحظ يقوللي يا حظك !
مهما شيطاني يقوللي ماعدتش تاني هوزَّك .. 

هفضل هذا الشخص الخايف ..
خايف أضحك .. 
خايف انام ..
خايف احب .. ويطلع حُبي من اللي بكام ..

خايف م الأحلام البايتة ..
وم الأيام الفايتة ..
وم الأيام الجاية ..

حاسس إني هودع حد قريب مني .. قريب ..
شامم ريحة حزن الناس اللي ماحزنتش ..
سامع حِس بكاهُم ع اللي ماماتش ..
سامع ناس بتقول كان راجل طيب ..

شايف نفسي بعيّط ..
شايف نفسي بخيّط بَفتَة قماش .. 

لسه اليوم ده ماجاش ..
لكن برضه بعيشُه لوحدي في أوضتي يوماتي .. 
آخر يوم هتبسِّم فيه في حياتي ..
وهتنشف آخر دمعة في نن عينيا ..

من يوم ما وعيت ع الدنيا 
وعارف 
إن الطلقة انطلقت م القناصة وجايّة عليا .. 

ومافيش في إيديا غير اني استنى ..
واحاول اعيش .. 

واتمنى ان مُت .. أموت بشويش .. 
من غير ولا أنَّة .. 

وكويس جدًا 
إن مافيش 
جنازات في الجنة ..

..

شعر  / أغسطس ٢٠٢٤
"مونوفوبيا"
-حسام إبراهيم

مونوفوبيا - حسام إبراهيم

تمانية - أحمد الطحان - إلقاء يوسف مراد منير

محمود درويش .. هذا البحر لي

أغنية  شاى الثوره من ألبوم منشورات
https://www.facebook.com/RamyEssamOfficial
Download http://www.ramyessam.com/

مزيج ما بَعد البُعد - فات المعاد

Hamsa mohsen