في فالسنة 365 هزيمة ومفاجأه.'

 مبقتش عايز اتعامل مع حد ، 

في فالسنه 356 هزيمه و مفاجاه❤

واتمني بكره اما اصحي مسألش  كيف السبيل الي الرحيل من غير ما ألوم نفسي..🖤

اااااااااااأااه💔🖤 ده انا تعبانه ع

حققت حلمي لما روحت وراه
ورجعت نادم ع اللي حققته
راكب ف قطر الدنيا بتمرجح 
واشتم السواق ع السرعة ف سواقته 
فيه ١٠٠ محطة عدو منزلتش ..
انا حتي لما وصلت مزعلتش ..
ليه ابقي واقف ف الحياه بنهزم ..
وامشي ف غيابها جري ع المسامير ..
الناس يوماتي قصاد عينيا تموت ..
وانا رجلي لازقة ف الحياة بأمير ..
اديني فايدة وحيدة ف الدنيا ..
او حاجة حصلت تستحق نكون ..
آمنت ناس على سري فضحوني ..
آمنت واحدة وشوفتها بتخون ..
انا مش ذبون ولا حد شكله مريض 
ولا شخص كركب شعر راسه ابيض ..
انا ممكن اقتل واحدة بتحبني ..
بسكوتي عنها او بعنف الرد ..
وان سيبت لحمي بين سنان الزمن
ممكن يسمم كل واحد عض  ..
ايه اللي ممكن ناخده م الدنيا
غير العياط الحر والزعل العجوز ..
الكلمة ممكن تقتلك من شد اجزائها
والبنت لما تبصلك هتعوز ..
اطلب رحيل الامنيات م الحلم ..
اطلب رجوع العمر من قبره 
ليه كل واحد يرمي سنارة 
الدنيا لازم تختبر صبره 
انا مش غبي .. 
لكن بفكر واسال الايام
ازاي تخلي الصبح بيعدي ف سنين
والليل بطوله بيعدي ف دقيقة
ايه اللي يفرق حد بيموت ع الشاشات
عن حد بيموت ف الحقيقة ..
فيه الف خدعو اتعملوا ف السينما 
بس انت ساذج وقت ما صدقت .. 
ان الرصاصه لسه ف جيوبه 
والنمر ممكن يبقي للانثي  
فيه ناس كتيرة قاعدة ف الدنيا 
ومأمنة كدب الفيلم ومصدقه 
بس الحقيقه اللي احنا عارفينها 
احمد ذكي بعد ارض الخوف 
راح خد اجازة شهر ف الغردقة 
انا لو تلف الدنيا من تاني 
هرجع لاول بنت حبيتها .. 
واطلب ايديها بدري ست شهور .. 
هكسر عقارب ساعة الحيطة .. 
اكمني بكبر كل ما بتدور .. 
هلبس تيشرت لخالي كان جايبه 
وان دنيا دارت عمري يوم ما اقلعه .. 
همسك ف مجدي واقنعه يفضل .. 
فيه صدمة شالت قلبي وبتخلعه .. 
وقفو الصحاب ع البحر يتفرجو 
علي موجه جوه البحر وبتبلعه 

انسي اللي فات وبلاش كلام يوجعك .. 
قلل كلامك لا الحيطان تسمعك .. 
انا لما جيت الدنيا كنت غريب .. 
وقعدت فترة ما بين حياه او موت .. 
عيل بيهرب منها من صغره .. 
تعبان وعادي بيمشي ميدقش .. 
قالو ف سبوعي يا رب عمره يطول  
واكتشفو ان الهون مبيدقش  .. 

انا مش جدير بالحكي عن نفسي .. 
انا حر حتي ف رفضي للعيشه .. 
انا من زمان 
زي المكان من غير بشر .. 
زي الشجر من غير خريف .. 
او زي ضيف بيكون خفيف .. 
بحزن كأني الحزن لما الناس بتضحك ..
واسكت ف وقت ما يتطلب مني الكلام .. 
وافهم بكل ما ف الكلمة من معني 
ان السكوت ملهوش مكان ف الرضا.. 
والكلمة شبه انتصار للتجربه الحية 
بص بعينك لما اتسالنا سؤال 
ومفيش ساعتها حد كان عارفه 
انا كنت عارف بس مرفعتش ايديا 

فيه شعرة بين الكدب والانكار 
وعشان كده بختار 
افرح ف سري واكتئب بهدوء 
بركات ف نظرك وقت فرحه اتقتل
بركات ف نظري بيختبر مرزوق .. 

الدنيا .  
اول ما عرفت حجم مشكلتي .. 
مدت ايديها واترميت ف اليم .. 
يعقوب عنيه ماستحملتش الدم 
دايما يكون القتل ب السن البطيء 
والناس يوماتي بتخترع اساليب 
الذئب حتي مش بريء م النبي .. 
ما هو سابه برده للحداشر ديب .. 

وانا بنتهي 
كل اما بحضن حد جوه مطار .. 
كل اما اقبل نعش ف الشارع 
او اشوف علاقي بتنتهي فجأه 
فيه ف السنة ٣٦٥ هزيمة ومفجأه .. 
وانا من هنا  
ف الدنيا شوفت الناس واقفين قصاد الموت .. 
شوفت بعيوني حاجات لو حد يحكيها 
صعب اصدقها وهقول استحالة .. 
شوفت العساكر قدام عنيها الموت 
بتقوله لو راجل تعالي ..

Comments

AnaNolove AnaNolove

EsLam_Sayed

Nour Han

Mohamed Ashraf

Almageko Hesaen

Ahmed ali

Shrouk Atef