جميل جدا حضرتك انا ممكن اسعدك   وهطور في  شغلك وهنزل كل التراكات انشاء الله على مواقع انا يفندم موزع عازف اورج لو في اذن من حضرتك اني اسعدك ودا شئ يشرفني

وانآ اللے فے یوم وهبتگ حیآاتے ❤

بحبك لحد مموت...😭😭😭💔

قصايد

كلمات وإلقاء : هناء صبري
https://www.facebook.com/HA.SabRy

ومين اللي قالِّك
معدتش بحبك 
ومين اللي قالك
إني مش بسأل عليكي
ده انا كل حلم حلمته
لسا شايفه فيكي
وكل ركن جوا قلبي
نفسه يدفى من عنيكي
ولكن ظروفنا كانت خطر
وفرق ما بيننا كلام البشر
وانا يا حبيبتي رضيت بالقدر
وهفضل أحبك 
..........
ولاموا عليا وعادوا كتير
وقالوا إني ضايع في وهمي الكبير
وقالوا راح أكبر وأبقي لوحدي
وقالوا عليا بإني ضرير 
ضرير يا حبيبتي عشان مش بشوفك
وخايف عشان بس حاسس بخوفك
وحاسس آهاتك في كل آهاتي
وعمري ما احطك ما بين ذكرياتي
وانا اللي في يوم وهبتك حياتي
وهفضل واهبها
وهفضل أحبك 
.........
وهفضل أغني في بحر عيونك
في بحر التمني اللي بوصل لـ شطه
أوام لما اشوفك
واول ما تمشي
بحس إني تايه ما بين الخلايق
وتفضل تعض في قلبي الدقايق
وقلبي يسيبني يدور عليكي
ويرجع يقولي خلاص مش لاقيكي
واقوله تعالي خلاص مش بتاعتي 
وابص في ساعتي ألاقيها واقفه
والاقيني واقف ما بين الضلوع
بدور عليكي ما بين الدموع
هنا كنت راسمك علي طرف قلبي
بتضحك عيونك وبتحبني
وحبك في قلبي بقا كل ذنبي
وصورتك بتبكي وبتهزني
هنا كنت واشمك في كل نفس
بيخرج يقولك بحبك وبس
ونفسي اتمنع وقلبي اتوجع
وهفضل أعيش وأموت فيكي حس
ده حسي اللي ياما عليكي اتنبح
وحسي اللي بيكي وفيكي اتدبح
بينده بإسمك وعايش بحسك
ولسا بحبك وهفضل أحبك
حبيبتي اللي دايما صورتها في عنيا
ولسا كياني بيشتاقلها
وعارف بإنها مبقتش ليا
عنيد برضه قلبي وبيحبها
فمين اللي قالك معدتش بحبك ؟!!


ومين اللي قالك معدتش بحبك / هناء صبري

تعرَف ..

بقـلم | سـاندرآ

تعرَف ..

رساله إلى الظلم والخيانة والقيادات الجبانة نداغة الإهانة، كريهة الريحة، كريهة الصوت، أنتم إلى زوال..


عبدالرحمن الأبنودي ورسالة إلى القيادات الجبانه .

تعرف _ آية خطاب

كلمات : وليد ديدا
https://www.facebook.com/waled.dida2020?fref=ts
صوت : مروة الجبالي
https://www.facebook.com/maroua.maramiro
توزيع موسيقي : مايو
https://www.facebook.com/max.mayo.14
ــــــــــــ
تعرفي ..
محتاجالك قوي ... وفي عز احتياجي ليكي خايف تبعدي 
خايف تبعدي وبدون اسباب .. حتي لو فـ اسباب ماهو انا مش بايدي
وانتي عارفة كده . عارفة لو هقدر اجبلك نجوم السماء مش هأخرهم عليكي 
خايف جدا انك تبعدي بدون ما تمهدي انك هتبعدي
انا هتعب اووي ممكن زي ماقولتي هتبقي مسألة وقت 
بس الوقت ده انا هموت فـ مية مرة عشانك 

تعرفي 
محتاجلك تطمنيني للايام ... وتصالحيني عليها اايوة انا بطمن بيكي 
محتاجك تصالحيني على نفسي وترجعيها ليا
... عشان راحت معاكي . حتي ضحكتي راحت 
محتاجك تقوليلي انا هنا ... متشيليش هم اي حاجة
انا مش هسيبك . انا بحاول ع اد مقدر عشان نكون لبعض 
وانتي مش هنا كل حاجة مخوفاني .. كل حاجة ملهاش طعم
محتاجلك قوي تحسسيني كل حاجة نفسي احسها
زي ماكنت بحسها معاكي . فـ اي وقت واي مكان 

تعرفي ..
محتاجلك تخبيني من الدنيا كلها جواكي
محتاج احس انك موجوده مش خيال او امنيه
او اني ارجع ادور عليكي فـ وشوش الناس 
او الاقي صورتك ف كل مكان حواليااا 
محتاج احس ان كل حاجة خايف منها وهم وبس 
وانتي الشيء والحاجة الوحيدة الحقيقة 
نفسي احس انك موجودة ومش هتبعدي 
https://www.facebook.com/profile.php?id=317462175003409





تعرفي..!!

افيون العلاقات !

بلاش احكى عن الأسباب
عشان مبقتش فكراها ..
بدايه لطيفه كٌنا اصحاب ..
لحد ما قالِّى هنساها ..
و قرّب منّى و فضِلنا ..
لـ فتره كبيره زى الأهل ..
حبيبى و بنتٌه واصحابى
حقيقى فراقنا كان مش سهل
بلاش احكى عن التفاصيل ..
وعن أحزانى و ردودٌه ..
وعن إنى بقيت غايبه ..
بتحلم بس بوجودٌه ..
بلاش احكى واقول كارهاه
عشان ماتقولْش كدّابه ..
ولو تسألنى : بتحبّيه ؟؟
هايبقىَ الرد .. متسابه
فى شخص تحبٌه فـ يسيبك
بشنطةْ حٌزن واستفهامـ ..
لا قادِر تبقىَ مش كارهٌه ..
ولا بتنساه مع الأيّام ..
تحس ان انت قدامٌه ..
بتبقىَ اتنين بيتخانقو ..
فى واحد عينٌه على حٌضنٌه
و واحد تانى مش طايقٌه !
بتبقى خلاص هاتتجنن ..
تسيبٌه ولّا ماتسيبهوش 
دموعك واقفه مش عارفه
تعيّط ولّا ماتروحلوش ..
كلامك يبقى ما معناه ..
خلاص امشى و مش عايزك
و صوتك وانت بتقولٌه ..
بيبقىَ حقيقى مش طالِع ..
بتبقىَ مريض فـ عِز عيّاه
وهو بيبقى مش فاهمَك ..
هايمشى ولا هايكمِّل ..
ولو هايحِن هتمانع !!!
بتبقوا اتنين خلاص تايهين
أخرهٌمـ فـ البٌكا : أحسن
وجع و دموع و رفض رجوع
و وقت كفيل عشان تحزن
بلاش حكايات خلاص تانى
بلاش تتعبنى من فضلك ..
ولو هحتاج كلامـ هاجى ..
بدون ماتقول وافضفضلك :)

#نوره_واصف ..

بلاش آحكى .. نوره واصف

لما اموت .. رؤى الدمرداش

 شهريار
تاليف وتوزيع 
سيف عريبي


Saif Oraibi Shahrayar - سيف عريبي شهريار

أغنية : فاكرَه ؟! - ميدو راشد  
"  الرومانسيه الشتويه  "

- لِنك تحميل الأغنيه من موقع ميديا فاير :
http://www.mediafire.com/listen/rcq7w4cxb7tyz47/Fakra_%D8%9F%21_-_Mido_Rashed.mp3

- كلمات و ألحان و توزيع : ميدو راشد

- Special thanks to my dear friends & Great Musicans :-
( Bro - JaZz  ) <3
https://www.facebook.com/bro.jazzsna
- كلارينت : مصطفى عبدالله
- عود : عبده عبدالله

- الكلمات :
-----------------------------

فاكرَه لمّا ف يوم قررنا نعيش أدوار روميو و جولييت ؟! ,
 و يوم ما نِزِلت ف عِز البَرد و جيت اغنيلِك تحت البيت , 
و شوفت فيكى حاجه مِنّى .. و دنيا بحلم بيها فيكى ,
فـ لقيتنى فجأه غصب عنى حلمت اعيش ال عمر ليكى , 
أيامها عرفت معنى الفرحه فـ صورة ضِحكه منِّك انتى , 
ف اتمنيت تكونى ليّا حبيبتى .. و صاحبتى .. و بنتى ,
كان فعلاً صعب ساعتها اتخيَل ييجى اليوم مشاعِرنا تموت , 
و يبقى الحُب كلام أغنيه .. و حُزن فـ لَحن .. و جرَح فـ صوت ,
و رَغم ان انتى مش ليّا , أنا لِسَّه بحسِب فـ الأيام , 
جايز يوم هتحِسّى بيا , يا إما هَفوق من الأوهام , 
يالّى توهت فـ بَحر عينيكى وعلّمونى مَعنى المشاعِر , 
علّمونى أقول أشعار مع إن عُمرى ما كُنت شاعِر <3 

-----------------------------


إنتاج :

Music Revolution for art productions >>> Mido Rashed

- For Contact :
------------------
www.facebook.com/Mido.Rashed.Page
www.soundcloud.com/Mido-Rashed
Mob : +2 01007051818

اتمنى الموضوع دا يكون نال شرف إعجابكم و لَمَس قلوبكم ... و ماتنسوش الدعم بـ لايك و ريبوست لو عجبتكم ,, واستنوا دايماً الجديد ان شاء الله <3

... Thanks ;) ,
Music Revolution is coming >>> Mido Rashed

فاكره ؟! - ميدو راشد

الله يرحمه 

كلمات و القاء : شيماء عبدالله
mix : karim taiko
recorded At Proxi Events


الله يرحمه||شيماء عبدالله

Lyrics & Performance : محمود الفقي
Mix & Master : أحمد بدوي
Social Media : رانيا محمد & محمد محمود
Digital Distribution : محمد عبدالمنعم
Photographer : عمرو محمد
Video Design : محمد عواد

نفس المنظر كل يوم نفس الوقت
مستني بس لو أسمع صوتها وتقول اشتقت
يا عيني عليا في بعادك بكون مجنون
دي راحت فين دي شافت مين ومين شافها
دماغي يلف بيا الكون
يا قلبي خفف اللهفة
دي لو كانت ليك مش راجعة
والبعد خلاص مكتوب
ساعتها يدخلوا أوضتي يلاقوا الدم نازل من أيدي
وحشتنيني .. وحشني كلامنا
وحشني الوقت اللي بيعدي وأيدك لامسة أيديا
والعين مش شايفة غير صورتك
وضحكة حب في شفايفك
مش ناسي ضحكتك وعينك ساعة لما بقول بحبك
أنساكي أزاي؟
أنساكي أزاي وأنتي في كل حتة فيا
والقلب عمره ما يشوف غيرك
لو كان هيموت من العشق جوع
يا أعيش وأموت جمبك
يا تموتي عشان ماحدش يحبك غيري
ومين في الدنيا يعشق قدي
عارفة لما سيرتك بتيجي وسط الكلام
بقول بكرهها ومابحنلهاش
وببان قدامهم أني تمام وعادي
وحب وراح
بس قلبي ولساني بينطق بكرهها
يكون عايز يخرج يديني ألمين ويقولي
كداب !! بتكرهها أزاي
وهي من يوم ما غابت ماشفتش فرحة
ياه لما تشوفها بعيد وعنيك تلمحها
تفضل تطنطط من جوا وعينيك بتدمع
وتطبطب على نفسك وتهون وتقول بكرهها
عارف لما تصحى وتكون خايف
عارف لما تبقى مختل وحواليك 100 عاقل
ذنبك تفضل منبوذ في الدنيا
ولا عارف تنساها
ولا عايزة العين تشوف غيرها
أدخل أوضتك وأكتم آخر نفس ليك في الدنيا
أنتحر .. أهرب منها
أهرب من عروسة البحر اللي غرقتها في شبر ميه
ما هي لو هتموت من البرد مش هتسيبك تاني تحضنها
مالقتش فيك الأمان اللي يحميها من غدر الدنيا
لسالك محتار .. لساك مش مصدق
لساك عايز تعيش
لساك فاكرها في يوم هترجع
330 ساعة من غير ما أسمع صوتك
20 يوم من غير ما عيني تشوف عينيكي
الوحدة وحشة صدقيني وأنا خايف أبقى لوحدي
مشتاق لأيد تطمني
مشتاق لعيون تلمس قلبي وترجع فيه الروح
مشتاق لكلمة حبيبي
اللي بنسى أنا فيها روحي
بنسى هم وخوف من الدنيا
بنسى أسمي .. بنسى حلمي
بس عمري ما أنساكي أنتي
أنتي السلام في عز الحرب
أنتي الملاك 
أنتي كل البنات
أنتي حبيبتي وأنتي أمي
وأنتي بنتي
وأنتي روحي
روحي اللي لما تسيبني ثانية أوام تسيبني
أنتي بس اللي تستاهلي كلمة حبيبتي
يا حبيبتي
أنسى .. فوق
لساك مش عايز تفهم
لساك عمال بتحلم
خلاص يا قلبي فاتتك 
خلاص كفاية تعب
لأ .. هترجع
البعد عنها مستحيل
ما هو مش ليا يعني تكون لمين
اللي بينا أكتر من حب وشوق
اللي بينا أكتر من حبيب وحبيبة
اللي بينا أكتر من قصص عشاق في فيلم أو كتاب
اللي بينا أكتر من كلام يسمعه الناس في تراك
لمشاهدة الفيديو
https://www.youtube.com/watch?v=2otF1RtIuCA

Moshta2 | مشتاق

وجع الفراق قاتل

Written By : Dr. Jupa 
vocal by : Rana Yasser 
Master& Mix By : Alfi / editing by : Raystone
Lyrics ; 
بعدت ليه عنها من يومها 
مكنت واقف مستنى ف خيالها

صوتها من جديد رجع ورن ف ودنى تانى
يوم فرحها انا كنت بعيد ليه بنادى ومش سمعانى
انا سامع جوا قلبك حزن على اللى كان ماضى وراح 
وسامع نابضه تانيه لفستانك اللى كله افراح
عروسه جميله انتى زى ما اتخيلتك جمبى
عريسها راجل ملو هدومه زى ما اتخيلت نفسى
على وشك سعاده جميله بابتسامه اكيد وحشانى
شفتها انا اخر مره قبل ما تبقى لحد تانى
الناس بتهنى وانا لسه بعيد واقف لوحدى 
وقلبى يغنى ابقى افتكرينى لو سمحتى
مش طالب منك ابنك اسمه يبقى اسمى 
انا طالب تفتكرى لحظه لو ف يوم جبتى سيرتى
عرفتى ؟ اد ايه انا كنت بحبك 
قدرتى تبعدى وانا مقدرتش اسيبك لوحدك

بعدت ليه عنها من يومها 
مكنت واقف مستنى ف خيالها

كبرتى حبيبتى ملامحك كبرت عجزتى ؟
انتى ورده ف قلبى عمرك ما ف عينى دبلتى
فرحانه بالولاد خلاص قالو على وش جواز !
كبرنا انا وانتى بحبك وانتى حتى على العكاز
جميله سعيده يا بخت جوزها بيها 
معاه احلى ورده ف الدنيا ممكن يسند عليها
غريبه انا لسه كل ده بحبك 
شالو العقل من القلب لاقو الاجابه اسمك
افتكرتى ليه مبحبش اشوفك كده
يا حلمى ليه حزينه شايله الذنب كل ده
فاكرك نستينى او نسيتى الالم 
صدقينى مش ذنبك انتى ارجوكى تنسى الندم
يا غاليه امسحى دموعك انتى منها اغلى
من دمعه تنزل واحده لو حتى كانت عليا 
انا هفضل احبك حب جنون لو بينا فرقنا كان الحكم
اتبسطى انا لما تكونى سعيده مبحسش غير الامل

بعدت ليه عنها من يومها 
مكنت واقف مستنى ف خيالها

طولت عليكى معلش بقى من حبى فيكى
ارجعى لولادك لسه الموت مش طمعان فيكى
انا اسف من كتر منا بموت ف حبك
عرفتى مكانى لما لاقيتى على قبرى اسمك 

بعدت ليه عنها من يومها 
مكنت واقف مستنى ف خيالها

ومين اللي قالك معدتش بحبك / هناء صبري

Hanaa sabry

Recent comments

Adham Khalied Bsesa

Hassan radwan

ᗰᗩᒪᗩK ఌ♥️👑

Iman Hisham

Related tracks